مساء ، صباح الجمال

[مايسة]

الشاغلين فؤادى وتايهين فائتين
يكفى البى زارف دمع المايقين
من القبله لاح لى برقاً لمح
والصيد فى الخمائل ياناس اجتمع
قوموا يا احبة نسترق السمع
مابطيق القعدة والما اجتمع
قول احبابى لى يامولاى قدروا
انسلبت لحومى واعضاى خدروا
لامونى العوازل بحالى ازدروا
هم شايفين دلالو تايهين مادروا
النسيم عاودنى اقوم من نومى صاح
مشغول فكرى حاير مشطوب إنشطاب
يانسيم بالله تجيب رد الخطاب
اوعى الجاهلة نية وما بتحمل عتاب
سامرت الكواكب لما الفجر لاح
نادى الفجر نادى وقال يا اهل الصلاح
صلوا الوقت حاضر قاموا اهل الصلاح
انا والليل قايمو لى خيال لى لاح
البلابل ناحت بالليل الهجيع
سهرانات عيونهم مابيات الضجيع
من الحاله ديك اخير لي النجيع
وآ حسرة شبابي مالقيت لي وجيع

[مايسة]

بطلب أغنية ( يا عقد الجواهر ) وبهديها لإدارة منتديات ود مدني
للأخوان والأخوات في النفاج وللمشرفين بمنتدى المشرفين

للاسف ما لقيت الكلمات - مع انها شكلها غنوة جميلة جدا

[الجندي المجهول]

صاح الخير يا اهلنا

الجديد شنو ؟

[ود المطامير]

صاح الخير يا اهلنا

الجديد شنو ؟

الجديد
قالوا أى زول جا هنى هو قاعد يكسر تلج

[ابوالنور]

انتا يا دوب مرت عليك ؟

دا حبيب قلبى ابو النور مره قال لى إنتا بيتكم ناصيه ؟

شايف الجندي رحل جمبكم الايام دي
قامو جابو بسط لامن الشامل

[ابوالنور]

صاح الخير يا اهلنا

الجديد شنو ؟

صاح الديك ولا شنو

اهو ود المطامير كلمك

[الجندي المجهول]

الجديد
قالوا أى زول جا هنى هو قاعد يكسر تلج

يا اخوي دي ناس حاقدة ساكت ولا تشتغل بيهم الشغلة

ادينا اغنية ولا اتنين

تخريمة : هل تعلم ان في اخر احصائية قامت بها منظمة تتبع لجامعة الاحفاد وتعنى بـ (المريض النفسي) ان عددهم في ازدياد ...
اها انحنا نقد نباري الناس العيانة دي ولا شنو !!!
والله غير كدا البوست فارض نفسو ونحن نعشق الجمال اينما كان
وعكسه تماماً نكره الخبث اينما كان واينما حل
ولو دخلونا هنا كسير تلج
انا عندي (4 مصانع) بس ياريت ناس الضرائب ما ياخدوا خبر

واعرش على كدا
باللفة : ممكن اغنية قالوا علي (شقي ومجنون) وبهديها (للجميع) بدون فرز

[الجندي المجهول]

شايف الجندي رحل جمبكم الايام دي
قامو جابو بسط لامن الشامل

معقولة يا ود النور (تحياتي) يا لذيذ

[ود المطامير]

شايف الجندي رحل جمبكم الايام دي
قامو جابو بسط لامن الشامل

هع هع هع هع هع هع

والله يا حبيبنا دى حقو الواحد يوديها
النفاج ( أضحك شويه )

[ود المطامير]

يا اخوي دي ناس حاقدة ساكت ولا تشتغل بيهم الشغلة

ادينا اغنية ولا اتنين

تخريمة : هل تعلم ان في اخر احصائية قامت بها منظمة تتبع لجامعة الاحفاد وتعنى بـ (المريض النفسي) ان عددهم في ازدياد ...
اها انحنا نقد نباري الناس العيانة دي ولا شنو !!!
والله غير كدا البوست فارض نفسو ونحن نعشق الجمال اينما كان
وعكسه تماماً نكره الخبث اينما كان واينما حل
ولو دخلونا هنا كسير تلج
انا عندي (4 مصانع) بس ياريت ناس الضرائب ما ياخدوا خبر

واعرش على كدا
باللفة : ممكن اغنية قالوا علي (شقي ومجنون) وبهديها (للجميع) بدون فرز

إنتا يا حبيبنا
الله يخليك لينا وما يحرمنا منك
آمييين يا رب العالمين

[بدر الدين محمد]

عن راديو ادرمان في سبعينات القرن الماضي .. حكي الرواي ان محبا متيما قالت له حبيبته اذا اردت حبي هات لي قلب امك .. فانطلق المجنون وقتل امه واخذ قلبها لحبيبته وفي الطريق تعثر ووقع ووقع القلب الى جواره فاذا به يسمع قلب امه تقول له ارجو ان لا تكون انجرحت....
كانت هذه مقدمة لاغنية احمد المصطفى التي لم انساها منذ ذلك الحين:

طار قلبي مني و قال ماهو عايد
ما دام مفارق اللي أرواحنا سايد
طار قلبي ....
يا قلبي تعذيبك ماهو فايد
و أصبر عسى المحبوب يبقى جايد طار قلبي
قال لي كيف أصبر و أنا جمري زايد
و كيف أنسى الغصن المن طبعو مايل
طار قلبي...
إذاً الوداع يا قلبي و حبيبي
و أهلاً ضناي الحير طبيبي
طار قلبي
فارقني حبي إرتاح يا رقيبي
و يا نجوم سعودي إتلاشي غيبي
طار قلبي....
دي المن دلالا دايماً وجولة
قاسية و طموحة نافرة و خجلوة
طار قلبي
شكت الألم من لمسات حجولا
و ليه لي بعاد الأيام عجولة
طار قلبي...
ضاعت قلوبنا الخلان نعوها
و أسباب حزنا ليه ما وعوها
طار قلبي
و قلوبنا بالصد لا تدعوها
و مو تقول وداع
و هيا ودعوها

[الجندي المجهول]

ليه بتسأل

ليه بتسأل عني تاني بعد ما شلت الأماني
رحت خليتني لزماني انت عارفه علىّ جاني
لو بتفتكر الليالي تداوي غلبي
ولا تاني ترجع الافراح لقلبي
انت واهم يا حبيبي
دي اللـــيالي أمــرَّ ليه من دموعي الفي عينيه
وكل لحظـــة تمـر عليه تنقص الايام شويه
وتطفي شمعاتي القليله وافضل ابكي واقول حليله
في الدمـوع أنا كل ليله أدفن اشواقي وحناني
من حياتك ســرّ حياتي كنــت أجمــل أمنياتي
عهــدي راح ما اظنه آتي وما فضل غير اغنياتي
مرة اضحـك ومرة ابكي مــرَّة اتحـمّل اســاي
مرّة أهــرب منُّه واشكي واعتبـــر حبّك حكـاية
وعشــت فيها بكل روحي وارتضيت سهديّ وجروحي
كنت داري وكنت دوحي وانطفيت يا نــور زمــاني

[المسافر]

شعارنا العالي بيرفع
والعالم كلو بيسمع
فلنأكل مما نزرع
ولنلبس مما نصنع
حنشيد نحن بلادنا ونقود العالم أجمع

وهدفنا الواضح إنو أبداً في يوم ما بنرجع
ولو داير زول يتجرأ ويهدد سيرنا ويمنع
حندلي الغصن الأخضر ونعبي في لحظة المدفع

هذه الكلمات بهديها للأخوان الجندي المجهول ونهرو بمناسبة عيد الأضحى المبارك

[آلاء عبد الرحمن]

صباح الخير عليكم

من خارج الحدود

وميوزك

[آلاء عبد الرحمن]

[الجندي المجهول]

شعارنا العالي بيرفع
والعالم كلو بيسمع
فلنأكل مما نزرع
ولنلبس مما نصنع
حنشيد نحن بلادنا ونقود العالم أجمع

وهدفنا الواضح إنو أبداً في يوم ما بنرجع
ولو داير زول يتجرأ ويهدد سيرنا ويمنع
حندلي الغصن الأخضر ونعبي في لحظة المدفع

هذه الكلمات بهديها للأخوان الجندي المجهول ونهرو بمناسبة عيد الأضحى المبارك

الحبيب المسافر تحياتي واشواقي

هديتك ما (بنرفضها) لكن الفيك اتعرفت

ما بالغت معانا لكن ،،،

[الجندي المجهول]

بتنا آلاء عبد الرحمن .. صباحك خير

(اختيارك لي -ياني-) يدل على ذوق رفيع والحقينا بي [جيمس لاست] طالما جابت ليها (خوارج)

وتسلمي ،،

[مصطفى هاتريك]

شعارنا العالي بيرفع
والعالم كلو بيسمع
فلنأكل مما نزرع
ولنلبس مما نصنع
حنشيد نحن بلادنا ونقود العالم أجمع

وهدفنا الواضح إنو أبداً في يوم ما بنرجع
ولو داير زول يتجرأ ويهدد سيرنا ويمنع
حندلي الغصن الأخضر ونعبي في لحظة المدفع

هذه الكلمات بهديها للأخوان الجندي المجهول ونهرو بمناسبة عيد الأضحى المبارك

المسافر ..... عليك الله علي صوتك شوية

أنا قاعد في أخر صف ياااااااااااخ

[عمرسنهوري]

غلبني و الله
تداعت الي ذاكرتي اعداد مهوله من الاغاني
الود - الحزن القديم - الطير المهاجر - طيبه-الشجن الاليم - في الاسى ضاعت سنيني- كلمه - المصير - شجن - قصتنا
الست - امل حياتي - الاطلال- الحب كلو - بعيد عنك - كلظم - ليلى - الحب المستحيل - قصة حبيبين
لكن بصراحه الاغنيه تاثيرها حسب النفسيات و الايام دي الذاكره رجعت بي لي ذكريات جميله - عشان كده بغني
زماااااااااااااان كنا بنشيل الود
ووندي الود
و في عينينا كان يكبر حنانا زاد
وفات الحد
زمان ما عشنا في غربه
ولا قاسينا نتوحد
وهسع
رحنا نتوجع
نعيش بالحسره نتأسف
على الماضي اللي ما برجع
صحيح انو الزمن غلاب
لكن نحنا عشناهو
ومشينا على عزاب وعزاب
دروبنا تتوه ونحن نتوه
ونفتح للامل ابواب


يعني ممكن بعد فتره اغني
انتي و انا من حقنا
او
The new day has come
موش قلنا الحكايه حسب النفسيات؟؟؟

[مايسة]

[مايسة]

غفلة رقيبي

منقول من منتدى آخر



الشاعر كان متيم بحب فتاة ما كتب فيها القصيدة
وغابت عنه فى يوم من الايام بسبب المرض

فقصد هنا بغفلة رقيبي

( أي انها غابت عن ناظره لفترة لم يتعودها وقرر ان يعرف سبب غيابها)
فعرف انها مريضة ولهذا السبب لم يراها
منذ يوم او يومين وهذه هى (الغفله) التى قصدها شاعرنا محمد بشير عتيق حيث قال:



في غفلة رقيبي
رُحت أزور حبيبي
لقيتهُ شوية حاسي..

ووصف القاء حين قال:

ضاجع في سريره متوسد وثيره
بين طيات حريرهُ
حَييتُه وجلسْتَ
من حُسنُه إختلستَ
في سِحرُه أنغمستَ
بحديث دبلوماسي قالى نوري ماسي
وأحذر إلتماسي..

وبدأ في سؤالها عن ما اصابها وما تحس به واجابته حيث قال:

قلت ليهو في جمالك سحروك وله مالك ؟
صار ياحبيب لونك
فاتر زي عيونك
قال لي عندي حُمه وبىَّ صداع آلمَّ
من أثر إنتكاسي أتعذر نعاسي ولي يومين أقاسي..

ودعى الله لها الشفاء حين قال:

قلت ليهو في وسامتك وحلاوة إبتسامتك
كفارة وسلامتك
والف عزيز كرامتك يالحافظ كرامتك
مهما كُنتَ قاسي
او لى عهدي ناسي ليك يذداد حماسي..

الى ان اعترف لها بحبه العميق وقابلته هى بخجل ووصف ذلك قائلا فى الختام:

قال لي انت عاقل ومافي لزوم تشاغل
وانت لروحي شاغل
قلت ليهو انت روحي
وانت سبب جروحي
وانت لشعري مُوحي
ياروعة جناسي ياحُبي الأساسي
يالنسيتني ناسي ..

[تغريدا]

مساء الجمال

[تغريدا]

تامر يا الجندي
والاغنية بالجد مافي اي كلام
اغاني ود اللمين
لا يعلي عليها

-------
بيقولوا الغائب عذره معه
وفي غيابك ياما نشيل اللوم

---------
نورتني والله يا الجندي
وإن شاء الله تكون لسة ما طلعت
عشان تسمعها فيديو

ياريت ياريــــــــــــــــــــــــــــــــــــــــــــــ ـــــــت من أول كلمتينا أنك حتتأخرى
بالجد فقدناك فى الأحتفال وأن شاء الله مانفقدك بشينة

[بت أم درمان]

إهداء لمدنية بث


الفـــــراق
======
شال هم فرقتك قلبي
معاك أريتو كان يرحل
و جنبك ومشتهيك يا عيون
وكيف لما الفراق يحصل
إن شاء الله ما يحصل

بريدك يا شقا الأيام
كان بيك الحبيب يسعد
وأسهر نجمي عز الليل
بعد روح صباحك جد
وابكي معاي عيون احباب
عشان اسف الدموع يشهد
ماكان الفراق منيه
ولافرقة عيونك وعد
وكيف لما الفراق يحصل
إن شاء الله ما يحصل

مجبور قلبي يتعلم
بعد ولف عليك يقسى
عشان لو لحظه تنساك
عيون ماتعلمت تنسى
انا الفارقت مرساك
قبل اشواقي ماترسى
وأصابح بكره كيف العيد
وعايش فرقتك هسى
معقول قلبي بس يقسى
وكيف لما الفراق يحصل
إن شاء الله ما يحصل

[بت أم درمان]

نسيت اقول ليكم

مساء الجمال