ليه كده؟؟؟؟؟؟؟؟؟؟؟؟؟؟؟؟؟؟؟

[الشمشار]

سلام من الله عليكم
امس الاول الاثنين كنت في احدي القنوات الفضائيه التي ستفتتح قريبا بغرض تدريب منسوبيها علي الاعداد البرامجي ((المذيعين )) والكاميرا وزوايا التصوير للمصورين اضافه لتدريب بعض الشباب من الجنسين علي كيفيه عمل المكياج التلفزيوني
دلفت الي مبني القناه الجميل جدا
التقاني احد الاداريين واصطحبني الي حيث قاعه تدريب المذيعين
عرفني عليهم وعرفهم علي ومن ثم جلس بالقرب من مكان جلوسي بدئت المحاضره وعندما انتهت المحاضره التي كانت عن الفكره البرامجيه ((فكره البرنامج )) ختمت محاضرتي بجمله اعتاد عليها كل المحاضرين والاساتذه(( في اي سؤال )) رفعت احدي الدارسات يدها باستحياء وسالتني
استاذ سؤال خارج المحاضره ممكن ؟
قلت ليها اتفضلي
قالت لي انت مخرج ؟
قلت ليها
نعم
قالت لي
غريبه
قلت ليها
الغريب شنو يابتنا ؟؟؟
قالت لي
الغريب انو
في اتهام ليكم انتو المخرجين انكم ما كويسين يعني سلوككم ما كويس
احسست لحظتها اني اسمع دقات قلوب الموجودين فقد فجرت القنبله وانتظرت رد الفعل مني
انتظرو انتو معاها شويه واوريكم رد الفعل كان شنو

[الشمشار]

قلتي شنو يابتنا ؟؟؟
كنت قد سمعت حديثها الا انني سالتها لاتأكد من شجاعتها
كررت سؤالها بدون ان تتلعثم او يجد الخوف والتهيب من الموقف سبيلا اليها
قلت ليها في كل وسط يوجد انسان كويس ويوجد ايضا الا نسان الماكويس
ده ما معناه انو نحن نحكم علي الوسط بانه غير محترم لانو برضو الوسط ده فيهو ناس محترمين وبرضو ما نحكم علي الوسط انو مثالي لانو المثاليه دي غير موجوده
اتمني اجابتي تكون ارضت فضولك وضحكت
خرجت من المحاضره وانا اسأل نفسي
ليه الاوساط الفنيه والرياضيه دائما متهمه بسوء السلوك ؟ هل لانهم دائما تحت الاضواء ؟ ام انهم فعلا سيئين ؟ انا لا انكر ان هناك من يسيئون لاي مهنه فقد تجد نجارا كذاب وسئ السمعه وقد تجد حدادا سئ السيره لكن عندما يتعلق الامر بالمذيعه او المذيع المخرج او المخرجه الصحفي او الصحفيه لاعب الكره او الاداري تجد المجتمع يوصمهم بما ليس فيهم
يا مجتمعنا ليه كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خالد أحمد الصول]

الحمد لله البت قالت النصيحة
ماسمعت بي شمار أخينا يوم وآحد رمضان لقوهو مع مذيعة

[الشمشار]

الحمد لله البت قالت النصيحة
ماسمعت بي شمار أخينا يوم وآحد رمضان لقوهو مع مذيعة

وبرضو سمعت بشمار شيخ الجامع الاغتصب طفل ذكر
اخوي خالد انا لم انف فقط قلت ان كل وسط فيه السئ وفيه غير ذلك ممنون لك ومشكور للمشاركه

[بت أم درمان]

عادة الناس بيتكلمو بينهم وبين بعض عن المواضيع دي
بس البت دي كانت واضحة وسألتك بصراحة
بما انك من الوسط
يعني كان ممكن تكون ونسة ساي بينها وبين زملائها وزميلاتها
بس المحيرني في الموضوع
انها في طريقها لهذا الوسط اللي هي سألتك عن مساؤه
يعني ممكن اجي يوم وتنسأل هي كمان نفس السؤال
والايام دول

[الشمشار]

عادة الناس بيتكلمو بينهم وبين بعض عن المواضيع دي
بس البت دي كانت واضحة وسألتك بصراحة
بما انك من الوسط
يعني كان ممكن تكون ونسة ساي بينها وبين زملائها وزميلاتها
بس المحيرني في الموضوع
انها في طريقها لهذا الوسط اللي هي سألتك عن مساؤه
يعني ممكن اجي يوم وتنسأل هي كمان نفس السؤال
والايام دول

والغريبه انها اختارتو عن قناعه لانو ده الشئ الوحيد المابيتفرض عليك اما عندك الموهبه او لا
الله يستر غايتو ماتلقي ليها زول ولا زوله مكملين الفصاحه ويسألوها نفس السؤال
تري كيف ستجيب؟؟؟؟؟
بت ام درمان لك الشكر اجزله

[mahagoub]

لكل حادث حديث
ولكل موقع مشاكله
نرجع ذلك لضعف الوازع الدينى
البيت فيه خمسه مثلاً البصلوا واحد او اتنين
اصاب الناس هلع حب الماده والشهوات
فلازم نكون كده

[الشمشار]

لكل حادث حديث
ولكل موقع مشاكله
نرجع ذلك لضعف الوازع الدينى
البيت فيه خمسه مثلاً البصلوا واحد او اتنين
اصاب الناس هلع حب الماده والشهوات
فلازم نكون كده

اخي محجوب هذا كله لايبيح تعميم الاتهام
لكن
اؤكد للمره الثانيه او الثالثه ان كل وسط فيه من القذاره مايزكم الانوف
شكرا لبصمتك الرائعه في كل ما كتبت

[mahagoub]

ولسه البعيش ياما يشوف
بس حضروا الدفاتر للتسجيل

[خالد علونى]

والله يا الشمشار اخوي موضوعك دا فيهو كلام كتير
لكين المشكلة في الوسط الفني عموما انتو هو المتهم الاول من ناحية سوء السلوك
المصيبة انو الناس بقي عندها الفهم دا ثابت وراسخ لي ابعد حد

ودا بحتم عليكم انتو تعكسوا الوجه السوي والصالح في الجانب الفني
وزي ما قلت انت في النهاية كل مجمتع فيهو الصالح والطالح


واقعد عافية

[محب مدني]

في اتهام ليكم انتو المخرجين انكم ما كويسين يعني سلوككم ما كويس
احسست لحظتها اني اسمع دقات قلوب الموجودين فقد فجرت القنبله وانتظرت رد الفعل مني
انتظرو انتو معاها شويه واوريكم رد الفعل كان شنو

الاخ الكريم لك التحية والتقدير
لاتستغرب لما تفاجا به في هذا الزمن
فنحن في زمن الاسلام السياسي

[الشمشار]

ولسه البعيش ياما يشوف
بس حضروا الدفاتر للتسجيل

اووك جدا بس كده الحنسجلو كتيييير

[الشمشار]

الاخ الكريم لك التحية والتقدير
لاتستغرب لما تفاجا به في هذا الزمن
فنحن في زمن الاسلام السياسي

هههههههه ماله شكلها داير تحدف علي سياسه ههه
منور اخوي محب مدني