رسالة الي مجلس المشرفيين ومجلس الإدارة لمدني دوت كوم

[عاطف عولي]

الأخ الحبيب / أحمد علقم

لك التحية

مكرر الأخوة الأعزاء عضوية مجلس المشرفيين
مكرر الأخوة الأعزاء عضوية مجلس إدارة مدني دوت كوم

لقد قمت بعمل بوست فنجان شاي في حضرة صاحبة السمو

في المنتدي العام ولم أكن قد رايت بوست الاخ بوتشي وأذا كان رايته لما أنزلت البوست ولكان عملت مشاركاتي من خلاله

وشي طبيعي أن يدمج البوستين لوحدة المضوع رغم وصول رسالة من الأخ الشفيف محمد الجزولي بالأعتذار والدمج لاحرج منه وشي طبيعي

ثم أنك قمت بعمل المشاركة الاولي في بوست فنجان شاي!!!!!!!!!!!!!

واليوم ينقل الي الإقتراحات والمناسبات

ودعني أقول

هذا البوست ليس إقتراح وليس مناسبة

البوست يحمل هم كبير لأبناء مدني

وفتح كنافذة لربط كافة العضوية للمشاركة من خلاله وتقديم الأفكار والمقترحات في ما يشغل بال أبناء مدني وأنسان مدني ومنابر ومنتديات مدني

البوست بمثابة برلمان نتحاور ونتناقش وصولآ لأهدافنا جميعآ

الأخ أحمد علقم

نري أمام أعيننا بالمنتدي العام بوستات مناسبات واخري سياسية موجودة هنا

الأخ العزيز

أذا كانت الرؤية لمجلس مشرفي ودمدني دوت كوم كما حدث لهذا البوست فوداعآ مدني دوت كوم

نتركه لفهم الشللية والفئة واللون.

اذا لم يكن المنتدي العام هو الموقع الطبيعي الذي يتناقش فيه أبناء المدينة وعضوية المنبر حول قضايا وهموم المدينة وأنسانها فأين يكون؟

أذا لم يحتمل المنتدي في منتداه العام بوستات عن قضايا المدينة وتطلعات أهلها وأحلامهم فكيف له أن يحمل أسم المدينة.

أخي أحمد علقم

في هذا البوست نطرح حوارات عميقة مع مجلس إدارة منتديات مدني دوت كوم في كافة القضايا

ونريد أشراك العضوية

فهل الحوار مع مجلس أدارة المنتدي غير هام ومكانه ليس المنتدي العام؟

هل حوارات الوحدة ورص الصفوف والكيان الجامع في المنتديات والجمعيات الخيرية والخدمية والثقافية والأجتماعية والرياضية ليس مكانها المنتدي العام؟

الا يشكل ما قمت به أهانة حتي لمجلس إدارة المنتدي؟

الأخ أحمد علقم

أكن لك كل الأحترام ولكن أختلف معك في ما قمت به من نقل وأسمح لي من غير تطاول أن أقول لك لم يحالفك الصواب في ما ذهبت اليه.

وكان قرارك وفق رؤية ليست عميقة كما عهدناك في مواقف ومواقع أخري.

الحبيب علقم

أن ضاقت مساحات المكان في المنتدي العام بمثل ما طرحنا

فدعنا نقول ضاق بنا المنتدي برمته ونستودعكم الله والسلام ختام.

صورة موجهة الي مجلس المشرفييين
صورة موجهة الي مجلس إدارة منتديات ودمدني

وسؤال للجميع هل ما نقوم به هنا في رياض الخير من حوارات هي من فصيلة حوار الطرشان؟

أم سياسة ذر الرماد في العيون؟

[بوتشى]

ارفع لك القبعة اخي عاطف عولي سلمت يداك

[عاطف عولي]

ارفع لك القبعة اخي عاطف عولي سلمت يداك

تسلم بوتشي وهسع يسمونا تجمع المعارضة!!!!!!!!!!!!!!!!!!!!!!!!!!

[هيثم عبدالعال]

أتفق معك في كل ما ذكرت يا عولي ، ومثل هذا الإجراء يؤكد على ما ذهبنا إليه من غياب المعايير الدقيقة التي تحكم العمل التنفيذي في المنتدى وأكيد ممكن يثور جدل كبير بين المؤيد للإجراء والمعارض له ولكل حجته وده نتيجة غياب النص القاطع . إحترامي للأخ علقم وثقتي بحسن نيته ولكن ما قام به لا مجال إلا بتصنيفه كازدواجية في تطبيق القانون إن كان هناك قانون يسند ما قام به والأمثلة كثيرة لا داعي لذكرها .


ويا سيدي معارضة معارضة

[بوتشى]

أتفق معك في كل ما ذكرت يا عولي ، ومثل هذا الإجراء يؤكد على ما ذهبنا إليه من غياب المعايير الدقيقة التي تحكم العمل التنفيذي في المنتدى وأكيد ممكن يثور جدل كبير بين المؤيد للإجراء والمعارض له ولكل حجته وده نتيجة غياب النص القاطع . إحترامي للأخ علقم وثقتي بحسن نيته ولكن ما قام به لا مجال إلا بتصنيفه كازدواجية في تطبيق القانون إن كان هناك قانون يسند ما قام به والأمثلة كثيرة لا داعي لذكرها .


ويا سيدي معارضة معارضة

سلمت اخي هيثم على كلمة الحق

[عاطف عولي]

أتفق معك في كل ما ذكرت يا عولي ، ومثل هذا الإجراء يؤكد على ما ذهبنا إليه من غياب المعايير الدقيقة التي تحكم العمل التنفيذي في المنتدى وأكيد ممكن يثور جدل كبير بين المؤيد للإجراء والمعارض له ولكل حجته وده نتيجة غياب النص القاطع . إحترامي للأخ علقم وثقتي بحسن نيته ولكن ما قام به لا مجال إلا بتصنيفه كازدواجية في تطبيق القانون إن كان هناك قانون يسند ما قام به والأمثلة كثيرة لا داعي لذكرها .


ويا سيدي معارضة معارضة

الأخ هيثم
لك التحية والتجلة وأنت الذي توجت ب فخر المنتديات قريبآ قد لا يتوقع البعض منك هذا الرد لجزيل عطاء الإدارة معك
ولكنك خالفتهم الرأي والتوقع وقلت ما يرضي ضميرك.
وكمان يا مستشارنا الجميل هناك سياسة تتبع هنا بتمويت البوستات التي تطرح قضايا بيخلوها للمشاهدة فقط ولا تجد ردود ( يقول ليك ماترد يموت الموضوع) الموضوع لا يموت ولكن ممكن البوست يهجر.
النتيجة تراكمات تنفجر تؤدي الي ما هو أكبر والنار من مستصغر الشرر
أقول ليك حاجة شوف المشاهدات وقارن مع المشاركات.

[عنكوليب]

عولي ، بوتشي ، هيثم ،

لا بد من وجود المعارضة ،،، لكي تتجود الصورة والصوت ،
ولكي يتحسسوا مواضع الألم ، لكي يعالجوا الجراح ويصلح
المكسور ،،، وتستقيم الرؤيا ،،،

تحية لكم الثلاثي المعارض ،،

[هيثم عبدالعال]

الأخ هيثم
لك التحية والتجلة وأنت الذي توجت ب فخر المنتديات قريبآ قد لا يتوقع البعض منك هذا الرد لجزيل عطاء الإدارة معك
ولكنك خالفتهم الرأي والتوقع وقلت ما يرضي ضميرك.
وكمان يا مستشارنا الجميل هناك سياسة تتبع هنا بتمويت البوستات التي تطرح قضايا بيخلوها للمشاهدة فقط ولا تجد ردود ( يقول ليك ماترد يموت الموضوع) الموضوع لا يموت ولكن ممكن البوست يهجر.
النتيجة تراكمات تنفجر تؤدي الي ما هو أكبر والنار من مستصغر الشرر
أقول ليك حاجة شوف المشاهدات وقارن مع المشاركات.

تعرف يا عولي منحي فخر المنتديات مسألة أول ما إنتابني تجاهها أنها ورطة وأول تعليق تبادر إلى ذهني أنها لن تجلب لي سوى مشاعر سالبة من الآخرين وبما أني لا أرى فيها أي إضافة أو ميزة عن الآخرين بل إن كانت ميزة فهناك من هم أولى بها مني ، فكرت كثيراً إثارة الموضوع أو حتى الإعتذار وبعد تفكير وتدبير آثرت تفادي الأمر بتجاهله وتجاهل الشعور السلبي تجاه الإجراء حتى لا أكون كمن يسئ الظن بمن أراد أن يكرمه حسب فهمه ، ولكن ذلك بالقطع لن يجعلني مرتهناً لأي إحساس بضرورة رد الجميل ضد قناعاتي .

موضوع عدم الرد أو (الطناش كما أسميتها في بوست قديم ) لا أجزم أنها يمكن تسميتها بالسياسة بفهم أنها نهج متفق عليه فقد تختلف الأسباب ما بين تعمد التجاهل مظنة أن الرد يزيد الإستفحال وما بين خوف من المجاهرة برأي مخالف وبين تفضيل تجنب النقاط الساخنة مخافة التصنيف ، ياخ نحن ذاتنا ما بعجبنا العجب ففي بوست الربيع العربي داهمتني الإدارة أو بعض منها حتى ظننت أنهم ينتظرون من يبادر وأن لا قضية ... فتساءلت أين المعارضة .

[أم سماح]

إخوتى الأعزاء
إختلفوا لتأتلفوا .. والتقوا لترتقوا
لا تتفرقوا كونوا كالبنيان يشد بعضه بعضا

[عباس الدسيس]

منتديات وادمدني بنقرأ اكثر من نشارك ... ليه؟؟؟؟
من جنس ده ..... الحصل لي بوتشي وعاطف
المستشار هيثم عبدالعال عندو بوست لخص مشكلة المنبر (( القوانيين – الحريات – الاشراف الواعي)) وبدون تكرير كلام اتذكر طرفة حصلت لي اشبها بي شغل الاشراف هنا:
كنا في الدويم منتدبين من البنك مع منظمة قلوبال شغل بتاع small- farmers نجي للموضوع كان في واحد من اولاد النيل الابيض زراعي ماشالله عليهو جسمو ضخم عندو مشكله في الكلام ((بتمتم)) انسان جادي شويه في الحياة العامة وفي الشغل .... طلعته لي علبة سجاير فتشت الولاعه الظاهر وقعت من الجيب إتلفت لي صاحبنا الزراعي قلت ليهو ما عندك ولاعه !!!!!!!!!
سألني بي صرة وش ونفخت جضوم وبطريقة التمتمه (( ليييييييييييييه إإإإإإإإإنت شششششششششايف علي شنو)) .
بقصد هو ما بتاع سجاير وكلام فاضي ومن المفترض ما أسألو سؤال ذي ده.
رحت قايل ليهو...
والله ما شايف عليك حاجة وعارفك ما بدخن ومن البيت للشغل والجامع بس يا اخوي من المفترض تشيل معاك ولاعه امكن يوم تفكر تنتحر .
والله العظيم الزول ده كان ما حجزوني منو كان لي حسي إشلت فيني.
قبل فترة زارنا دكتور بابكر عباس فجأة زاغ
العقاد اليومين دي غائب
اللسته طويله
مسئولين من الخير الوجيه رضا حسن وين؟؟؟
يا الاخوه المشرفين انتو بتتعاملو مع منتدي ثقافي فكري مشكلة المشرفين هنا زي بوليس السينما إخبتو يمين شمال لا بعرفو صف لوج لا صف شعبي الناس كلها تقيف في صف واحد ... الكلام ده غلط.
من الصعب تحديد ان هذا او ذاك من المفترعات بالمنبر تخص قسم معين ومن الصعب في بعض الكتابات تحديد هوية البوست ومضمون نقاشه من مداخلاته في البداية سياسة النقل خطأ غير كده من المفترض المشرف يرقي لمستوي فهم الكتاب المنبر فيهو ناس ماشاءالله عليهو حملة درجات علمية ما معناهو انت مشرف اعلي من الكل ..... ده هنا الفهم الخطأ.
يكون جميل لو مشرف يعالج المشاكل اللغويه أو التنظيميه في المنبر وهذا مفقود وممكن اطلع ليك مليون غلطة في كلامي ده زول اجيب ليها خبر مافي او يتم التعديل.
ياخ احمدو الله زي مرتضي النقلتو ليهو كلامو قاعد هنا الناس تفتش ليهو تفتش اعلم الله وانا عارف مقدم ليهو مليون دعوه لمنابر اخري الراجل بحب مدني زي بقية الاعضاء.
المنتديات والمنابر عامة اختلفت علي السابق اصبحت هادفه والتعامل معها صعب ولكي تحافظ علي العضويه يجب ان تتعامل معهم بنوع من الرقي الادبي الاسافير اصبحت ليها ملاين المنافذ شيء فيس بوك وتويتر تكتب العايزو بدون نقل ومسح اي مشرف إخت في راسو جاي اتعلم من كتاب محترفين وهواه والتعامل ككمساري البص يا تدفع يا تنزل هنا ما بتجي.
الكلام كثير في تجربة منتديات ودمدني عموما بس والله الشغل ماسكنا.
المنابر اصبحت الان هي سلاح خطير يا الناس ترتقي الي المستوي الثقافي للاعضاء او بعد فترة الواحد بلقي نفسو اتحرق اسفيريا زي ما بقول العقاد ده علي الصعيد الشخصي اما علي صعيد المنبر زيادة علي شغل هيثم عايز الكثير.
مع خالص التقدير

[عاطف عولي]

عولي ، بوتشي ، هيثم ،

لا بد من وجود المعارضة ،،، لكي تتجود الصورة والصوت ،
ولكي يتحسسوا مواضع الألم ، لكي يعالجوا الجراح ويصلح
المكسور ،،، وتستقيم الرؤيا ،،،

تحية لكم الثلاثي المعارض ،،

وانتي مع منو الحكومة ولا المعارضة؟

ضحكة خارج النص

نحنا المنتدي

نحن اهلوا وأسيادوا
كلنا ما بعضنا
أولاد منتدي نقعد نقيف علي كيفنا
بث من مدني والمنتدي منتدانا
ولا مش كدي يا خرباش بتاع البطاقات؟

يسلم العنكوليب وقصب السكر ذاتو

[عاطف عولي]

فتساءلت أين المعارضة .

مستشارنا الجميل

عجبني كلامك لمن غلبني الرد

قلت امرق بره الشبكة واقول ليك المعارضة اخدت أجازة

[ود المطامير]

الحبيب
أول شئ يعلم الله مشتااااقين

تعرف ؟ أنا ومنذ عودتى ، أكتر من سنتين ما كتبت ولا موضوع فى العام
وحتى مشاركاتى شبه معدومه ولا تجدها إلا فى موضوع شدانى إليه شد
ولكنى متواجد فى العام كقارئ على مدار وجودى أون لاين
ويا الحبيب ..
بعد فراق دام طويلاً هلّ فى سماء المنتدى ذات صبح جميل الزول السمح فى كل شئ
( أبورجاء ) وعند رؤية إسمه يتلألأ بهاءاً ونورا شهقنا من شدة الفرح
وهرعنا إليه نرتمى فى حضنه لكى نُطفى لظى الفراق
وكان كعادته هاشاً باشاً وسمح فى كل شئ
ولكن لم تدم فرحتنا طويلاً وإختفى بذات السرعه التى ظهر بها
كالشهاب يتلاشى فى الفضاء
وذلك .. وبينما الحبيب ( أبورجاء ) يحط رحاله وبوضعه أول متاعه فى العام
إصطدم سريعا بناس النظام العام وتسارعت التداعيات قكان الرحيل مره أخرى

نقل المواضيع إلى الأقسام المناسبه ليست مشكله ، المشكله فى المعيار للدرجه التى كتير من الأحبّه
تلقى الواحد كتب موضوع فى العام بدايته الآتى
الساده مشرفى المنتدى العام
قد تكون صبغة موضوعى كذا وكذا ولكننى وضعتها كمدخل وعليه أرجو ألا يتم نقله للقسم الفلانى

أنحنا فى النفاج .. والنفاج مؤخراً أصبح ملطشة المنتدى فى كتير من الأحيان .. جد والله
المهم .. فى فترة من الفترات النفاج أصبح مخزن للعام فى حين إنو نجد المواضيع المتحركه فى العام
لا تتعدى أصابع اليد وباقى المواضيع آخر رد قبل كم يوم والمواضيع التى فى آخر القائمه نجد آخر رد قبل شهر
فبماذا يضر المنتدى العام وجود موضوع كاتبه بقامة ( مرتضى العركى ) ؟

قال الحبيب / رئيس مجلس الإداره مره .. البوستات التى تنتقد الإداره تكثر بها المشاركات
ولكن الصحيح فى نظرى هو تكثر بها المشاهدات والكثيرون فى نفسهم شئ من حتى

ويا جماعة الخير .. بصراحه أنا زول بكر البيت وقالوا البكر عوير
كلنا بنلف وبندور حول السبب الحقيقى والسبب الحقيقى واااااضح

وهوالتصنيف والتصنيف الحقيقى لم يتم ذكره بعد

التصنيف الحقيقى ليس مع أو معارضه بل أعمق وأخطر من كدا

التصنيف الحقيقى هو
( منتديات مدنى . كوم ،، منتديات مدنى . نت أها إنتا مع ياتو ؟ دا هو التصنيف الحاصل)

[عاطف عولي]

منتديات وادمدني بنقرأ اكثر من نشارك ... ليه؟؟؟؟
من جنس ده ..... الحصل لي بوتشي وعاطف
المستشار هيثم عبدالعال عندو بوست لخص مشكلة المنبر (( القوانيين – الحريات – الاشراف الواعي)) وبدون تكرير كلام اتذكر طرفة حصلت لي اشبها بي شغل الاشراف هنا:
كنا في الدويم منتدبين من البنك مع منظمة قلوبال شغل بتاع small- farmers نجي للموضوع كان في واحد من اولاد النيل الابيض زراعي ماشالله عليهو جسمو ضخم عندو مشكله في الكلام ((بتمتم)) انسان جادي شويه في الحياة العامة وفي الشغل .... طلعته لي علبة سجاير فتشت الولاعه الظاهر وقعت من الجيب إتلفت لي صاحبنا الزراعي قلت ليهو ما عندك ولاعه !!!!!!!!!
سألني بي صرة وش ونفخت جضوم وبطريقة التمتمه (( ليييييييييييييه إإإإإإإإإنت شششششششششايف علي شنو)) .
بقصد هو ما بتاع سجاير وكلام فاضي ومن المفترض ما أسألو سؤال ذي ده.
رحت قايل ليهو...
والله ما شايف عليك حاجة وعارفك ما بدخن ومن البيت للشغل والجامع بس يا اخوي من المفترض تشيل معاك ولاعه امكن يوم تفكر تنتحر .
والله العظيم الزول ده كان ما حجزوني منو كان لي حسي إشلت فيني.
قبل فترة زارنا دكتور بابكر عباس فجأة زاغ
العقاد اليومين دي غائب
اللسته طويله
مسئولين من الخير الوجيه رضا حسن وين؟؟؟
يا الاخوه المشرفين انتو بتتعاملو مع منتدي ثقافي فكري مشكلة المشرفين هنا زي بوليس السينما إخبتو يمين شمال لا بعرفو صف لوج لا صف شعبي الناس كلها تقيف في صف واحد ... الكلام ده غلط.
من الصعب تحديد ان هذا او ذاك من المفترعات بالمنبر تخص قسم معين ومن الصعب في بعض الكتابات تحديد هوية البوست ومضمون نقاشه من مداخلاته في البداية سياسة النقل خطأ غير كده من المفترض المشرف يرقي لمستوي فهم الكتاب المنبر فيهو ناس ماشاءالله عليهو حملة درجات علمية ما معناهو انت مشرف اعلي من الكل ..... ده هنا الفهم الخطأ.
يكون جميل لو مشرف يعالج المشاكل اللغويه أو التنظيميه في المنبر وهذا مفقود وممكن اطلع ليك مليون غلطة في كلامي ده زول اجيب ليها خبر مافي او يتم التعديل.
ياخ احمدو الله زي مرتضي النقلتو ليهو كلامو قاعد هنا الناس تفتش ليهو تفتش اعلم الله وانا عارف مقدم ليهو مليون دعوه لمنابر اخري الراجل بحب مدني زي بقية الاعضاء.
المنتديات والمنابر عامة اختلفت علي السابق اصبحت هادفه والتعامل معها صعب ولكي تحافظ علي العضويه يجب ان تتعامل معهم بنوع من الرقي الادبي الاسافير اصبحت ليها ملاين المنافذ شيء فيس بوك وتويتر تكتب العايزو بدون نقل ومسح اي مشرف إخت في راسو جاي اتعلم من كتاب محترفين وهواه والتعامل ككمساري البص يا تدفع يا تنزل هنا ما بتجي.
الكلام كثير في تجربة منتديات ودمدني عموما بس والله الشغل ماسكنا.
المنابر اصبحت الان هي سلاح خطير يا الناس ترتقي الي المستوي الثقافي للاعضاء او بعد فترة الواحد بلقي نفسو اتحرق اسفيريا زي ما بقول العقاد ده علي الصعيد الشخصي اما علي صعيد المنبر زيادة علي شغل هيثم عايز الكثير.
مع خالص التقدير

تعرف يا عبس أحسن حاجة الواحد ينقرش ويغني

ما داير اقول ما داير أصرح
أيمكن قولي بوح أمكن يجرح
( يمكن بوستي يروح يمكن يتنقل)

[ايمن عبد الله]

اها لسة كلامي حبرو ماجف في بوست الاخ هيثم عبد العال .. وشاركنا النقاش الاخ بوتشي عن النقل والشف و الحذف لسة الكلام ده امس بس وانا عارف المواضيع دي البتكلم فيها بقولو مجنون .. وعندك بوست اسمو (ماهو المنتدى العام) اتحذف مع بوستات الراكوبة وانا احتجيت علي ذلك لكن لاحياة لمن تنادي لان الذي حذف ما فرز رغم ان البوست ما كان فيه شي ولا اعتقد انه قصده احذفو لكن اتحذف بالخطا المهم كان بوست حلو جدا وبه تعريف بسيط لماهو المنتدى العام وكيفية المشاركة وقد ذكرت فيه ان تعريف المنتدى العام بمنتديات ودمدني هو (اكتب ما تود ان تشاركنا به) وقلت اننا لو اعتبرنا الكلام ده بمثابة قانون للكتابة في المنتدى العام معناها يا جماعة ان المنتدى العام وعاء شامل يستوعب اي شي بداخله حتى لو جيت نزلت ليكم فيهو اغنية لفنان هابط .. اي مالو مش هو زي ما مكتوب اكتب هنا ما تود ان تشاركنا به خلاص ياخي انا داير اشارك بي غنية ولا دوبيت .. ولا اي شي ولو دايرين تحددو المواضيع بتاعت العام حددوها وفكونا .. لكن تحويل وحذف وتعديل ..
كذلك كان للاخ بحيري بوست (اقتراح بهدم المنتدى العام) كان مثبت في النفاج لانه البوست رغم انه يتحدث عن المنتدى العام حول الى النفاج .. وكان يتحدث عن نفس الموضوع الذي كللنا ومللنا الحديث فيه ..
ارجو من مجلس الادارة وضع حل نهائي للامر لانه صراحة الامر استفحل وكثر ومسخ ..
ارجو الا يربط احد بين ردي هذا ومسألة الصيد المعروف في الموية العكرانة .. يعني ما اجي واحد يقول لي عشان الكرت الاصفر انا بقول كده ..
ده رأيي ومعروف من قبل الكرت الاصفر وحتى من قبل ما تبدأ الكورة ذاتا ..

تحياتي للجميع وكل المشاركين في البوست ..
تحياتي عولي ..

[نزار حسن محمد]

ارجو من مجلس الادارة وضع حل نهائي للامر

سنضع الحل النهائي للامر اليوم وليس غداً

[ايمن عبد الله]

سنضع الحل النهائي للامر اليوم وليس غداً

أتمنى والله يا نيزو .. لان الحكاية كترت شديد وبقت مملة ..






غتاتة : اليوم اليوم يا نيزو ولا فيها امكن بكرة .. ؟

[عاطف عولي]

اها لسة كلامي حبرو ماجف في بوست الاخ هيثم عبد العال .. وشاركنا النقاش الاخ بوتشي عن النقل والشف و الحذف لسة الكلام ده امس بس وانا عارف المواضيع دي البتكلم فيها بقولو مجنون .. وعندك بوست اسمو (ماهو المنتدى العام) اتحذف مع بوستات الراكوبة وانا احتجيت علي ذلك لكن لاحياة لمن تنادي لان الذي حذف ما فرز رغم ان البوست ما كان فيه شي ولا اعتقد انه قصده احذفو لكن اتحذف بالخطا المهم كان بوست حلو جدا وبه تعريف بسيط لماهو المنتدى العام وكيفية المشاركة وقد ذكرت فيه ان تعريف المنتدى العام بمنتديات ودمدني هو (اكتب ما تود ان تشاركنا به) وقلت اننا لو اعتبرنا الكلام ده بمثابة قانون للكتابة في المنتدى العام معناها يا جماعة ان المنتدى العام وعاء شامل يستوعب اي شي بداخله حتى لو جيت نزلت ليكم فيهو اغنية لفنان هابط .. اي مالو مش هو زي ما مكتوب اكتب هنا ما تود ان تشاركنا به خلاص ياخي انا داير اشارك بي غنية ولا دوبيت .. ولا اي شي ولو دايرين تحددو المواضيع بتاعت العام حددوها وفكونا .. لكن تحويل وحذف وتعديل ..
كذلك كان للاخ بحيري بوست (اقتراح بهدم المنتدى العام) كان مثبت في النفاج لانه البوست رغم انه يتحدث عن المنتدى العام حول الى النفاج .. وكان يتحدث عن نفس الموضوع الذي كللنا ومللنا الحديث فيه ..
ارجو من مجلس الادارة وضع حل نهائي للامر لانه صراحة الامر استفحل وكثر ومسخ ..
ارجو الا يربط احد بين ردي هذا ومسألة الصيد المعروف في الموية العكرانة .. يعني ما اجي واحد يقول لي عشان الكرت الاصفر انا بقول كده ..
ده رأيي ومعروف من قبل الكرت الاصفر وحتى من قبل ما تبدأ الكورة ذاتا ..

تحياتي للجميع وكل المشاركين في البوست ..
تحياتي عولي ..

الأخ أيمن لك التحية

التواصل المعرفي نتاج طبيعي لتراكم الخبرات والتلاقح بين الأجيال يجمع الماضي والحاضر ليستشرق فجر المستقبل

أن عملية تواصل الأجيال هي المدرسة الحقيقية لتفريخ الكوادر القادرة علي قيادة دفة السفينة

لكن عشان نخت اللعب وااطة

اشبه ليك المشرفيين بالتيم داخل الملعب

لكن في مدربين يقودوا التوجيه من علي الخط

وديل الببوظوا اللعبة

المسالة ظاهرة جدآ وما تفوت علي اي كائن مهما كان بسيط

لكن كمان المدربين ديل ما يعدونا كمان من فصيلو الزوزج

نائب المشرف العام له المشاركة الأولي في بوست فنجان شاي في حضرة صاحبة السمو مدني

دمج البوست مع بوست أخونا بوتشي لوحدة الموضوع وهذا شي طبيعي جدآ ولو انا شفتا بوست بوتشي ما كان عملت بوست
ولو عرفت تاني يوم كان اقترحت الدمج.

لكن سبحان الله عاد الاخ العزيز نائب المشرف العام وقام بالنقل!!!!!
هل كان في غفوة عند المشاركة ولم ينتبه الي طبيعة البوست الذي شارك فيه؟
أم ان احد المدربين اشار اليه بتحويل الكرة الي الونق الشمال؟
أتمني أن أكون مخطي وأملك شجاعة الأعتذار الي من أخطاءت في حقه
وحتي الأن هي مجرد تحليلات وأرهاصات.
طيب نرجع لمسالة المدربييين ودي قصة قدييييييييييييييييييييمة جدآ
بث التفاصيل لم يحن وقت ذكرها.
والي أصحاب الأرادة الخيرة
نهدي
كيف يبلغ بناءك تمام كماله
أذا كنت تبني
وغيرك يهدم
ونتقبل التحية العزيز أيمن ونرد بأحسن منها

[عاطف عولي]

ارجو من مجلس الادارة وضع حل نهائي للامر

سنضع الحل النهائي للامر اليوم وليس غداً

البتجيب أب سفروووووووووق دي طب ما هينا!!!!!!!!!!!!!!!

أبا سفروق دمت بالف خير

ياربي في بيان

[نزار حسن محمد]

ياعاطف ياود عولى والله العظيم انا زعلان اكتر منك بس كدى ادنى دقائق وبرجع لكم
وتاكد تماما لن ولن يهدى لى بال الا بعوده الحق لاهله

[عاطف عولي]

ا

التصنيف الحقيقى ليس مع أو معارضه بل أعمق وأخطر من كدا

التصنيف الحقيقى هو
( منتديات مدنى . كوم ،، منتديات مدنى . نت أها إنتا مع ياتو ؟ دا هو التصنيف الحاصل)

أها عاوزتغش منو يا مطاميرو؟

هسع دا كلام بكر؟

دا كلام بابكر راسو عديييييييييييييييييييييييييييييييييييل

واصل في التحليل بعمق عشان نطرح مواطن الجرح النازف ويكون العلاج

نحن ولاد الحيشان التلاتة
مدني دوت كوم
مدني نت
مدني العامة
وعندنا تلاته بطايق يا ود مدثر الخرباش
الا تكفي للإنتماء؟
مطاميروا وانا كمان بكر وديك عدة كمان شفت كيف؟
المسالة هناك مجموعة عاوزة تجر الناس وتخلي المنتدي دا ناطق بأسم جهة سياسية بعينها
تعاكس المشرفيين وتورط مجلس الإدارة
وعندنا الدليل علي ذلك
لكن الكلام والنضمي مخلوق وقته!!!

[عاطف عولي]

ياعاطف ياود عولى والله العظيم انا زعلان اكتر منك بس كدى ادنى دقائق وبرجع لكم
وتاكد تماما لن ولن يهدى لى بال الا بعوده الحق لاهله

نحن الفينا مشهوده

عارفنا القبائل الحارة بنخوضا

سلمت أبا سفرووووووووووووووق

[بدر الدين احمد الطائف]

[QUOTE=عاطف عولي;674146][FONT=Comic Sans MS][SIZE=5][COLOR="#008000"]ا



اذا لم يكن المنتدي العام هو الموقع الطبيعي الذي يتناقش فيه أبناء المدينة وعضوية المنبر حول قضايا وهموم المدينة وأنسانها فأين يكون؟

[U][COLOR="#0000FF"]

ومثل هذا الإجراء يؤكد على ما ذهبنا إليه من غياب المعايير الدقيقة التي تحكم العمل التنفيذي في المنتدى

يا الاخوه المشرفين انتو بتتعاملو مع منتدي ثقافي فكري مشكلة المشرفين هنا زي بوليس السينما إخبتو يمين شمال لا بعرفو صف لوج لا صف شعبي الناس كلها تقيف في صف واحد ... الكلام ده غلط.
مع خالص التقدير

الحبيب

إصطدم سريعا بناس النظام العام وتسارعت التداعيات قكان الرحيل مره أخرى


تلقى الواحد كتب موضوع فى العام بدايته الآتى
الساده مشرفى المنتدى العام
قد تكون صبغة موضوعى كذا وكذا ولكننى وضعتها كمدخل وعليه أرجو ألا يتم نقله للقسم الفلانى


المهم .. فى فترة من الفترات النفاج أصبح مخزن للعام فى حين إنو نجد المواضيع المتحركه فى العام


التصنيف الحقيقى ليس مع أو معارضه بل أعمق وأخطر من كدا

التصنيف الحقيقى هو
( منتديات مدنى . كوم ،، منتديات مدنى . نت أها إنتا مع ياتو ؟ دا هو التصنيف الحاصل)

ا..
كذلك كان للاخ بحيري بوست (اقتراح بهدم المنتدى العام) كان مثبت في النفاج لانه البوست رغم انه يتحدث عن المنتدى العام حول الى النفاج .. وكان يتحدث عن نفس الموضوع الذي كللنا ومللنا الحديث فيه ..
ارجو من مجلس الادارة وضع حل نهائي للامر لانه صراحة الامر استفحل وكثر ومسخ ..

..

سنضع الحل النهائي للامر اليوم وليس غداً

لكن كمان المدربين ديل ما يعدونا كمان من فصيلو الزوزج

عاطف عولى يا وريف
وبعد كل ماذكر عاليه رجاء ثم رجاء تشرح لى كلمة الزوزج دى يعنى شنو.
طبعا بعد التحية لكل المتداخلين وانت اولهم.

[عاطف عولي]

[quote=بدر الدين احمد الطائف;674294]

[font=comic sans ms][size=5][color="#008000"]ا



اذا لم يكن المنتدي العام هو الموقع الطبيعي الذي يتناقش فيه أبناء المدينة وعضوية المنبر حول قضايا وهموم المدينة وأنسانها فأين يكون؟

[u][color="#0000ff"]















عاطف عولى يا وريف
وبعد كل ماذكر عاليه رجاء ثم رجاء تشرح لى كلمة الزوزج دى يعنى شنو.
طبعا بعد التحية لكل المتداخلين وانت اولهم.

الحبيب الغالي ود الطائف ناسف للخطاء المطبعي غير المقصود واشكرك للتصحيح والتصويب ولفت النظر الي الخطاء بشكل أكثر من حضاري

الكلمة المعنية ساذج

أعتذر لك وللجميع
ودمت بالف خير

[ايمن عبد الله]

[size=5]

=

عاطف عولى يا وريف
وبعد كل ماذكر عاليه رجاء ثم رجاء تشرح لى كلمة الزوزج دى يعنى شنو.
طبعا بعد التحية لكل المتداخلين وانت اولهم.

والله يا بدر الدين لكن ابو الدقيق بس .. هع هع هع