عوير امو

[رضا حسن محمد]

هكذا لقبه اولاد الفريق ، كان مدلع يجيك يقول ليك ادينى شلن ، تديهو ريال يقول ليك ادينى شلن ، كبر وما كان ذا حظ فى التعليم ، اغترب بقدرة قادر فى دولة الكويت ، كان فاشلا مثل والده حكم كرة القدم ، كانت عبارة التحكيم فاشل تباريهو محل ما يقبل ، عوير امو فى الكويت تعلم ان يكون وصوليا ، والهبل ديل مرات كتيرة بتمشى معاهم
نواصل

[رضا حسن محمد]

القصة دى بالمناسبة خيالية بحتة
نعام عوير امو كيف تصل ويتسلق لكن فى حاجات فارغة ساكت
فى عينة كدة جنها القيل والقال
يموا رايح شمار فى مرقة فلان قال وفلان سوا
خسارة الزمن والله
عوير امو تقعد تحللو
شخصية غريبة
خلانى ارجع للقلم
خلانى اكتب
زمان كنت شايفو احسن زول
لكن غلطة واحدة بالله تكشف ليك الزول على حقيقتو
عوير امو وين اا ناس
حلونى احللو

[رضا حسن محمد]

عوير امو برغم هبلو دة بحب الظهور
بشارك فى المناسبات الاجتماعىة
وعندو لقب تانى
لقبو التانى حنبرة
شدة ما الله اداهو فى الكويت اشتغل فى وزارة الدفاع
اها هى عايرة واهو صوت
يعنى يموت عوير امو دة
اقصد حنبرة دة
فشخار
يحب الاكل السمح والعربات السمحو والجكس النضيف
راكب همر
بت الكلب الدنيا

[هيثم عبدالعال]

يا زول خليك واضح

خيالية بتاعت شنو ... زول من المطر والدعاش و جكس الزاندي وفلانة والفرنسية يجي يقول لي عوير أمو وكمان خيالية


غايتو المهم منتظرين
والأهم عودتك

[رضا حسن محمد]

يا زول خليك واضح

خيالية بتاعت شنو ... زول من المطر والدعاش و جكس الزاندي وفلانة والفرنسية يجي يقول لي عوير أمو وكمان خيالية


غايتو المهم منتظرين
والأهم عودتك

يا حبيبنا كيفك
انت الكلام اخدتو لى منو
يا ناس مدنى الواحد تشككوهو فى خيالاتو
يعنى حكاية مشتاقين ما مصدقة
ياخ يا هيثومى مما باريت التيتشر صجى اتغيرت انت خلاص

[هيثم عبدالعال]

تصدقني ولا تجيب ليها حليفة كمان


مالك متحسس خليتني أنا ذاتي أتحسس .. هو الزول لما يغيب بجي راجع لياقتو تعبانه كده

خلاص واصل ما نقطع عليك خيالاتك

[رضا حسن محمد]

تصدقني ولا تجيب ليها حليفة كمان


مالك متحسس خليتني أنا ذاتي أتحسس .. هو الزول لما يغيب بجي راجع لياقتو تعبانه كده

خلاص واصل ما نقطع عليك خيالاتك

يا زول لياقتى فل
انت ساكت ماخد عنى باد انبرشن
انا جاى قطر قريب وبرشكم جنس رش
عنى بغلبكم فى الكورة
التوضيح باقى انت بقيت بتقلب الكلام
والبامية بقت ما ياها

[Amreky]

احب القصص الخيالية المستمده من الواقع..
نعم هي من الخيال انا أصدقك صديقي،،
لكنها تحكي عن أشياء واقعية في جميع المجتمعات وهي أن هناك أشخاص قد يكونوا كما ذكرت أو قد يكونوا غير متعلمين أو غير مثقفين او غير واعيين لكنهم محظوظون بل محظوظون جدا، قد يصلون إلي درجات عالميه من الشهرة وقد يحالفهم الحظ في كثير مما يقومون به في حياتهم.
أرجو أن لا أكون قد فهمت محتوي قصتك خطاء.
يا ريت لو تكمل لنا القصة أخي فهي تشير إلي أنها سوف تكون رائعة.
شكراً

[رضا حسن محمد]

احب القصص الخيالية المستمده من الواقع..
نعم هي من الخيال انا أصدقك صديقي،،
لكنها تحكي عن أشياء واقعية في جميع المجتمعات وهي أن هناك أشخاص قد يكونوا كما ذكرت أو قد يكونوا غير متعلمين أو غير مثقفين او غير واعيين لكنهم محظوظون بل محظوظون جدا، قد يصلون إلي درجات عالميه من الشهرة وقد يحالفهم الحظ في كثير مما يقومون به في حياتهم.
أرجو أن لا أكون قد فهمت محتوي قصتك خطاء.
يا ريت لو تكمل لنا القصة أخي فهي تشير إلي أنها سوف تكون رائعة.
شكراً

شكرا يا صديقى الجميل امريكى على تحليلك الرايع
هذا الحنبرة موجود بالفعل
فى مجتمعاتنا لا تملك الا ان تعطف عليه
ولو اتشبك فيك الا يحلك الحلا بله
نباااااذ
بعدين يموت فى الجكس النضيف
ولمن يقوم على الموامرات يا ساتر
شكرا يا حبيبنا

[ايمن عبد الله]

غايتو الايام دي ..

رضا ود حسن وهيثم عبد العال .. بقيتو بتاعين قصص ..

[مايسة]

فشخار
يحب الاكل السمح والعربات السمحو والجكس النضيف
راكب همر
بت الكلب الدنيا

رضا يا الجدك كتل الاسد
كيفنك

وصفك دا عجيييييب
والغريبة بينطبق على ناس كتارات ياخ
هههههههه

اها تابع وحي خيالك دا النشوف نهايتو

[رضا حسن محمد]

غايتو الايام دي ..

رضا ود حسن وهيثم عبد العال .. بقيتو بتاعين قصص ..

ايمن عبد الله جزيرة فيل
انت ياخ مريخابى جميل رغم انو المريخاب مافيهم جميل
ما اديتنى رايك فى عوير امو دة

[رضا حسن محمد]

رضا يا الجدك كتل الاسد
كيفنك

وصفك دا عجيييييب
والغريبة بينطبق على ناس كتارات ياخ
هههههههه

اها تابع وحي خيالك دا النشوف نهايتو

مايسة يا الزوق والفهم
كيف حالك
فعلا والله ينطبق على ناس كتار
تلقيهو يشبه روحو وراكب همر ومرتو جمبو شديدة شدة الحرامى
انشا الله ما تنفعو
وتلقى ريالتو سايلة
دة ما تنظير حسادة
دة ياهو حنبرة ديك العدة الانا قاصدو
سلامى لاختك الجميلة البتشبه الداسنو فى بطن المطامير
الله يستر ما يعرسا نوع ديك العدة دة

[ايمن عبد الله]

ايمن عبد الله جزيرة فيل
انت ياخ مريخابى جميل رغم انو المريخاب مافيهم جميل
ما اديتنى رايك فى عوير امو دة

تسلم يا رضا والمريخاب كلهم جميلين ياخ .. ماشايف ودالامين الجندي !!
عوير امو ده ما مستني الحكاية تصل النص هاهاهاا ..

مواصلين ومتابعين ..

[ايمن عبد الله]

لكن يا رضا زي حنبرة قباض الطير ده او عوير امو او عوير الفلم او الخنيتة او الدعول او عوير السوق دائماً تلقاها ماشة معاو ساكوبيس ولا قشة ما تعتر ليهو التقول زي اصحاب السريرة الصافية كان اشترى ليهو قطعة ارض ساااي بكرة يجوهو ناس سوداتيل واقولو ليهو ياخ ادينا متر نخت فيها سلوكنا دي وبنديك في السنة كم وطاشر مليون وكان اشترى ليهو عربية همراية ساي بكرة الحكومة تفقل الاستيراد وتطلع بسعرها السماء الاحمر تعسكر مع المريخ يعني ناس غريبين خلاص التقول بفهموها طايرة وهم بالمناسبة اعور من عوراء لكن بتديهم لانو الحرفاء ما بتديهم الواحد تلقى عامل فيها مقددا لكن حظو زي حظ وارغو قون واحد ما بجيبو وكان جابو يكون الفريق غالب خمسة صفر ..

نواصل ::

[مدنيّة]

رغم انو المريخاب مافيهم جميل

قلت شنو ياود حسن!!

------
هسي في ذمتك يارضا
منو الفيكم مابيموت في الجكس!!! ):


--------
متابعين معك

[ايمن عبد الله]

رغم انو المريخاب مافيهم جميل

عمتي راس السوط وصلك ..
رشي يامدنية هسة ده كلام يقولو
نحن رئيسنا اسمو جمال كيف يقول كده بس

[رضا حسن محمد]

لكن يا رضا زي حنبرة قباض الطير ده او عوير امو او عوير الفلم او الخنيتة او الدعول او عوير السوق دائماً تلقاها ماشة معاو ساكوبيس ولا قشة ما تعتر ليهو التقول زي اصحاب السريرة الصافية كان اشترى ليهو قطعة ارض ساااي بكرة يجوهو ناس سوداتيل واقولو ليهو ياخ ادينا متر نخت فيها سلوكنا دي وبنديك في السنة كم وطاشر مليون وكان اشترى ليهو عربية همراية ساي بكرة الحكومة تفقل الاستيراد وتطلع بسعرها السماء الاحمر تعسكر مع المريخ يعني ناس غريبين خلاص التقول بفهموها طايرة وهم بالمناسبة اعور من عوراء لكن بتديهم لانو الحرفاء ما بتديهم الواحد تلقى عامل فيها مقددا لكن حظو زي حظ وارغو قون واحد ما بجيبو وكان جابو يكون الفريق غالب خمسة صفر ..

نواصل ::

يا ابو اسيل
حاجة واحدة ما عاجبانى فى ناس الجزيرة بفتحو لى ناس المريخ وانا ما عارف السر شنو
يمكن عشان عندهم نسابة مع جمال الوالى
لكن صراحة ناس الجزيرة حلوين حلا ، حتى الجكس بتاعكم يسر العين
وانت وود النور ال2 جميلين مخبر ومظهر وال2 مريخاب
احى كل ناس الجزيرة صديقى معاوية مصطفى الدفعة القدام القدامى وهو زول جميل موشح بالجمال
تعال اعمل ليك عمرة وسلم علينا خلى قاعد فى الشرقية تلم فى القروش

[رضا حسن محمد]

قلت شنو ياود حسن!!

------
هسي في ذمتك يارضا
منو الفيكم مابيموت في الجكس!!! ):


--------
متابعين معك

هسى يا مدون انتى فى ذمتك اللماك مع المريخ شنو
هسى انتى بتشبهى ناس بلة ؟
انتى تشبهى مصطفى النقر
تشبهى الناقة المرقت من البحر
الجابك لى ناس كلتشى وسكواها شنو

[رضا حسن محمد]

تصدقني ولا تجيب ليها حليفة كمان


مالك متحسس خليتني أنا ذاتي أتحسس .. هو الزول لما يغيب بجي راجع لياقتو تعبانه كده

خلاص واصل ما نقطع عليك خيالاتك

يا ابو الهياثم
ناس مدنى عجيبين خلاص
يسدوها ويقدوها ويجيبو القطر فى مواعيدو
سمحين خلقة واخلاق
رجالتم زايدة
وهم يشرفو على كل الاصعدة
انت وودالريح ونزار وابو بكر الادمن مثال لهذا لا حصر
ومدنى الفاضل سانتو وحمورى وحمد والديبة
وابو اللمين وممحود عبد العزيز
وبت اهلك التى تقيم مع زوجها فى اروبا انها صورة مشرفة لكل بنات السودان تساعد الناس لا تعلم شمالها ما انفقت يمينها
ومدنى مدنية مكلمة وكاملة الدسم لولا حكاية المريخ
امراة بالف رجل
هى جميلة وكذلك الهوندا بتاعتا ومدنى الجمال
اواصل فى خيالاتى ولا اكبحها

[ايمن عبد الله]

يا ابو اسيل
حاجة واحدة ما عاجبانى فى ناس الجزيرة بفتحو لى ناس المريخ وانا ما عارف السر شنو
يمكن عشان عندهم نسابة مع جمال الوالى
لكن صراحة ناس الجزيرة حلوين حلا ، حتى الجكس بتاعكم يسر العين
وانت وود النور ال2 جميلين مخبر ومظهر وال2 مريخاب
احى كل ناس الجزيرة صديقى معاوية مصطفى الدفعة القدام القدامى وهو زول جميل موشح بالجمال
تعال اعمل ليك عمرة وسلم علينا خلى قاعد فى الشرقية تلم فى القروش

القال ليك منو ناس الجزيرة بفتحو لي المريخ ؟
مافي اي كباري عندنا يا ود حسن .. وجمال الوالي مافي شي بلمنا معاو غير حب المريخ مافي اي نسب ولا شي هسة عليك الله كان عندنا نسب معاو كان انا جيت اشتغلت هنا انت يا رضا راسك ده مو حلو ولا شنو ؟ هع هع هع

وبالله انت معاوية العجوز دفعتك .. لا كان كده ليك الف حق ...
العمرة بجيها بس خلي تجي كورة حااارة للمريخ ..

[ايمن عبد الله]

يا ابو اسيل
حاجة واحدة ما عاجبانى فى ناس الجزيرة بفتحو لى ناس المريخ وانا ما عارف السر شنو

نحن كبرينا معروف وين .. في شندي السنة دي ...!

[رضا حسن محمد]

القال ليك منو ناس الجزيرة بفتحو لي المريخ ؟
مافي اي كباري عندنا يا ود حسن .. وجمال الوالي مافي شي بلمنا معاو غير حب المريخ مافي اي نسب ولا شي هسة عليك الله كان عندنا نسب معاو كان انا جيت اشتغلت هنا انت يا رضا راسك ده مو حلو ولا شنو ؟ هع هع هع

وبالله انت معاوية العجوز دفعتك .. لا كان كده ليك الف حق ...
العمرة بجيها بس خلي تجي كورة حااارة للمريخ ..

يا ابو اسيل
انتو بتفتحو للمريخ دى ما دايرا ليها درس عصر
معاوية كتبتا ليك الدفعا القدام القدامى وهو محااافظ تقول مقرش فى قراش تويوتا
جمال الوالى نسيبكم طارق ود اختو صديقى متزوج من جزيرة الفيل
وكل سنة جمال هادى ليكم لاعب ولا اتنين
ارقدو عوافى

[ايمن عبد الله]

يا ابو اسيل
انتو بتفتحو للمريخ دى ما دايرا ليها درس عصر
معاوية كتبتا ليك الدفعا القدام القدامى وهو محااافظ تقول مقرش فى قراش تويوتا
جمال الوالى نسيبكم طارق ود اختو صديقى متزوج من جزيرة الفيل
وكل سنة جمال هادى ليكم لاعب ولا اتنين
ارقدو عوافى

ده نسب ميت ساي .. نحن النسب عندنا يا هو متزوج مننا يا متزوجين منو لكن تقول لي ود اختو ود جدو ده حنك سااي هاهاهاها بمناسبة بوست مدنية ..

[رضا حسن محمد]

ده نسب ميت ساي .. نحن النسب عندنا يا هو متزوج مننا يا متزوجين منو لكن تقول لي ود اختو ود جدو ده حنك سااي هاهاهاها بمناسبة بوست مدنية ..

كان هو زاتو كان انتو هسى فى دورى ابطال افريقيا