بنات الزاندى يرقصن فى المطرة

[محمد أحمد الشيخ]

يا كبيرنا الذى علمنا الفن
اتذكرك كثيرا
انت تشارك بالغناء فى الدورة المدرسية
نبدا الشكلة مع اولاد الفريق
وتقوم انت بضربهم جميعا
كنت قويا جدا رغم وجاهتك وزكاوك والجكس المكسر فيك
اتذكرك وانت تساعد النساء الفقيرات نسوان النوبة وتجمع معهم الشوك
اتذكر فى زواج سوسو اخبرتنى هالة ان هناك شماشة ياخذون كميات ممن الاكل من المطبخ ويخرجون به
جئت انا وزجرتهم ولسوء لحظى جئت انت واديتنى الهرشة الما خمج
قلت لى خليهم يشولو يا رضا واطرى الموت
شغلك نضيف يا ابو الننيز
يلا ادفع لى قروش عشان اخلى اولادى يعرسو بناتك ويغطو قدحم
سلامين

يا حبيبنا رضا أظرف زول في المنتدي
والله موضوع الذاندي موضوع جميل جدا ورجع ليك أيام زمان لكين ناس نزار وهبار ما بخلوك في حالك .

يلا ادفع لى قروش عشان اخلى اولادى يعرسو بناتك ويغطو قدحم

دي بالغتا فيها لكين

[moh_alnour]

هههههههههها
هوووي يا رضا أبو القدح ما معانا
إنت من زمن أبو القدح
طبعاً أنا حجزت واحدة من بنات نزار السمحات ديل
عشان أدبل بيها وأحت فيها شيبي
والله يا رضا إنت باين عليك كبيرهم الذي علمهم اللبط

[ياسر عمر الامين]

مطر الفرح عاود هطل جدد براحات الازمنة...والرقص على انغام حرفك يجعلنا نتحرق شوقا لبهاء حضورك الحبيب رضاء ود حسن...

[رضا حسن محمد]

نجنا ناس الليل واخرو
والليل سهى وملت نجومو الانتظار
انا بطط فى المواضيع تقول بعرض
وووب علينا من ناس فلانة
العيونا بس الكهارب
امسكى عيك عيونك ديل
امسكيهن

[رضا حسن محمد]

يا سر ود امى
انا بين حروف كتابتك اشوف خيالك
ياخ بنات الزاندى فى المطرة
ينططنن زى كورة التنس
بنات الزاندى ياخ
البريدو مالو
بنات الزاندى يشبهو انستا
والمحلى داخل عطبرة

[ود الجعلي]

الاخ رضا
جميلة جدا هذا الاسترسال المتناغم. موسيقي المطر وايقاعاته وبنات الزاندي الراقصات كانما تستدعي طقوسا حميمة ازلية بين الله سبحانه وتعالي ومخلوقاته وطريقة جديدة قديمة للفرح بمطر السماء
احببت هذا الخيال. كثيرا تمنيت ان اكون احد ابطاله راقصا مع بنات الزاندي
عموما اسعد بالمتابعة ان كانت هنالك بقية
ودمت يا سيدي بالف خير

[مرتضى يوسف العركي]

رائعنا رضا ود حسن
السمح لله سيدو كميات من القبول والاستسلام بل والاعجاب بحرفك السلس المفرهد بالعفوية
تعرف يا ابو الرضا اينما وجدت حروفك استكانت دواخلي واعتمدت وصرفت لنفسي بريك
علني اجد لديك استرخاء احتاجه وشخصكم الكريم لا يخيب الظن
اسال الله لكم ولاسرتكم الكريمة كل الصحة والعافية والتوفيق

[رضا حسن محمد]

الاخ رضا
جميلة جدا هذا الاسترسال المتناغم. موسيقي المطر وايقاعاته وبنات الزاندي الراقصات كانما تستدعي طقوسا حميمة ازلية بين الله سبحانه وتعالي ومخلوقاته وطريقة جديدة قديمة للفرح بمطر السماء
احببت هذا الخيال. كثيرا تمنيت ان اكون احد ابطاله راقصا مع بنات الزاندي
عموما اسعد بالمتابعة ان كانت هنالك بقية
ودمت يا سيدي بالف خير

ود الجعلى ازيك
للمطر اشياء غريبة وطقوس
وبنات الزاندى جميلات الاجسام
الواحدة تتفرتن زى ورتابة الخريف
مقسمة زى نص ريال مدريد
لونن ابيض تقول مولودات فى اليونان
وانا بتكسر فى اللون الخمرى
وفلانة ديك السكنوها جنوب الفونج
فى اسامى جميلة زى قلع النحل
وناس القسم الاول سلام
كتمو نفسو الهوى وييييين

[رضا حسن محمد]

رائعنا رضا ود حسن
السمح لله سيدو كميات من القبول والاستسلام بل والاعجاب بحرفك السلس المفرهد بالعفوية
تعرف يا ابو الرضا اينما وجدت حروفك استكانت دواخلي واعتمدت وصرفت لنفسي بريك
علني اجد لديك استرخاء احتاجه وشخصكم الكريم لا يخيب الظن
اسال الله لكم ولاسرتكم الكريمة كل الصحة والعافية والتوفيق

الكمندان ود العركى مرة واحدة
الزول السمح خلقة واخلاق
كل ما تكبر الجكس يتكسر فيك
تقول بتتمسج بى اكسير الجب عينى عليك باردة
قلبك ابيض والناس كلها تحبك تقول انت كاس العالم
يا زول حلاوة
حلاوة مولد
اجبك فى الله سيدى
ما براى
مدنى كلها تحبك
والرياض
كلهم يحبوووووووك
ياح انت منقة عديل

[moh_alnour]

أبو الروض يا حبيب
حليلك يا ود حسن و حليل أيامك
و حليل أيام تاخد الإذن من بت دبلوك عشان تجي القهوة
و حليلك وكت تشيل العود و تدندن مع ود الريح في بحر جدة
تغني لبنات الزاندي و لي فلانة الشديدة بتاعت القسم الأول