نكتة إبراهيم ومشرف والفريق القومي

[rasheed]

النكتة قديمة وحلوة لكن هاك برضو إثنين زيها واحد صيني ماشي عتّر ليه حجر وقع أتكسر ،، هاهاهاهاهاهه ..
أتنين جارات بعض وأضنيهم تقيله واحدة مارقة من بيتها ماشه على السوق لاقتها جارتها التانية قالت ليها : يا سعاد هووي ماشه السوق ؟؟
سعاد قالت ليها لالا لالا ماشه السوق ،،
قالت ليها جارتها أنا قايلاك ماشه السوق ،،
سعاد قالت ليها لالا لا لا ماشه السوق ،،،
بس تعرف ما تاعبني إلا الزول القاعد أنطط في البوست بتاع زيكو منيب ده أصلو ما تعب طوالي بنططط التقول زقله وياحليل زمنو ،،
زقله بتعرفوه ياناس ،، زقله ده كان لما تكون في مباراة في أستاد مدني تلقاه جاري حول الميدان على مدار الشوطين ما بقيف ولا دقيقه ،،
والله كان لقينا خمستاشر (15) من ناس زقله ديل كان غلبنا الأرغواي وجزر القمر
وياخي حقوا يعملوا فريق قومي حكومي يعني يعينوا ليهم لاعبين ويصرفوا ليهم مرتبات ،، ويعملوا ليهم مكاتب في الأستاد تكون المركز الرئيسي ،، كلو واحد يدوهو كورة وتربيزة وسبورة ،، طبعاً الكورة عشان يتمرن بيها ،، والطربيزة عشان يقعد عليها ما هو موظف حكومي وبعدين يفطر فيها ،، والسبورة عشان يمحو أمية اللاعبين عشان يفهموا الخطط البدرسوهم ليها ،، أنا عارف كل مدرب يقول ليك اللاعبين ما بنفذوا الخطة الموضوعة للمبارة ،، هسع تجيب ليك شافع ما بعرف يقراء ولا يكتب وتديه إملاء ويجيب صفر من 15 وتقول ليه أنت بليد ،، عشان كده لا بد من السبورة ياناس ،، ده النكته الجد جد ولا كيف ،،

[114]

عشان التطور، خليها سبورة بيضاء، وبدل الطباشير خليها اقلام ملونه، عشان السبوره السوداء بقت دقه قديمة لا تليق بعصر سودان البترول والسلام

[زيكو منيب]

ما عجباك ولا شنو يا رشيد ؟؟؟

[admin]

حلوة وملعوبة يا رشيد .. وكلامك صاح ولازم الناس تطور وبالاسلوب الصحيح

[rasheed]

بسم الله الرحمن الرحيم
أولاً شكراً ليكم على التعقيب ((إدارة ، مشرف ، زيكو منيب)) وتحياتي لكم من على القرب 00
أنا شايف المشرف وزيكو منيب زي الزعلو مني ،، لكن المكاجرة حلوة ، بس لازم تكون للناس اللي بتحبهم ولا كيف يا عمر عشان بكونوا عارفين قصدك شنو ،، وياخي عشان خاطرك نخليها دائرة تلفزيونية مفتوحة ،، لكن نحنا قلنا الناس ديل إمكانياتهم ضعيفة ((ما عارف ضعيفة دي كيف تكون زي القشه يعني والغريب الأكثر الجماعة أمكانياتهم ضعيفة وهم سمان تخان أي فجقوبات أو قل جثتهم ضخمة )) ،، عشان كدة قلنا أضعف الإيمان سبورة ،، والأحلى من كده إنت عارف إمكانياتهم عشان كده قلت سبورة سوداء وطبشيرة والحمد لله اللقو ليهم طبشيرة ،، لكن البشرح ليهم منو ،،،هههااهاههاهاهاه 00
الأخ زيكو والله عاجبني الراجل ده وزي ما قلت للمشرف المكاجرة ،، لكن تعبت ليه الزول ده ،، تعرف يكون بروسلي زاتو ما أشتغل جنس الشغل ده وليك التحية والشوق إلى لقياك 00
وختامه مسك شكراً جزيلاً يا إدارة على هذه ((الدفرة)) الدفعة التي نسعد بها كثيراً وتجعلنا دائماً نتطلع لإبراز مواهبنا المدفونة التي لم تجد طريقها إلا في ودمدني المنتديات وأي أم حنون هي المنتديات 00
ألفين سلام يايمة يا أم قلب حنين 00 ألفين سلام يامطر الخريف دفقاتو في الوادي بتذوب ،، ألفين سلام يايمه يا شتل المحنة الشب في وسط الجروف

[زيكو منيب]

لا والله يا رشيد ما زعلت وانا على شنو ازعل على توقيع ..