اجاركم الله ميوية اصابتها انفلونزا الطيور حمانا الله وإياكم
ما تستغربوا الانفلونزا جاتا من وين وهي لا بتاكل جداد ولا شبه البياكلو جداد ولا خشمها دا خشم جداد الا الله قادر وجازاها على البتسويهو في الناس بي المرض الكعب دا
ما تنطروا عيونكم وتقولو لي جاها من وين هسي بوريكم وببرد بطنكم
طبعا ميوية بخيلة بخل السنين أبخل من اركويت من المكتب لي السكن تقول لي الكمساري نشلوني ولا نسيت قروشي في البيت اها الكمساري يقوم يركبها مجان لمن كترتو الكمساري قام دقاها دقة السواد واللواد وكسر ليها ضرس وسنين اها من يوم داك فارقت المواصلات فراق الطريفي لي جملو
اها الانفلونزا جاتا من وين ؟؟؟
هي طبعا أهل العوض ويوم الخميس بتاسفر لي الحلة نهاية اليوم بتمشي السوق المركزي تتسنى البرنسات حقات الطماطم البجن يبيعن في الخرتوم وتركب ليها فوق راس صفيحة طماطم تمش الحلة
ويوم السبت تقوم مع النباه الأول مشمعة في اللوري البجيب الجداد لي الخرتوم أها وبي كترت التلصق مع الجداد جاها المرض
ادعو معاي ربنا يشفيها ويعافيها ولا يكلتها قبال ما تنشر المرض والتسويهو كريت في القرض تلقاهو في جلدها والسوتا في الراكوبة تلقاهو في جسمها
رد مع اقتباس
المفضلات