مبروووووووووووك برشلووونة

[الجندي المجهول]

بعد مبارة راقية المستوي حذرة من الطرفين نامت اسبانيا وهي تحلم بالكأس بعد تأهل فريقها برشلونة امس الاول بعد تعادله السلبي مع ضيفه ميلان وكانت المبارة الاولي بايطاليا قد انتهت 1 / صفر لصالح برشلونة الاسباني . هذا وسيلتقي في مبارة النهائي الارسنال وبرشلونة

[madaniboy]

يسلموو اخوي الجندي وانا بشلوني صميم والله يبارك فيك
فاقد

[الجندي المجهول]

والله يا فاقد حنان انا متأكد انك كلك حنان وانا عازمك نشاهد المبارة النهائية مع بعض والعشاء علي انا رايك شنو

[zoolfrda]

ما لقيتوها باااارده
بعد ما لغى لينا الحكم القوووول الجابو شافشينكو

[الجندي المجهول]

يا فردة شافشينكو بتاعكم دا كان اوف سايد كبير خلاص ومع ذلك انا بحترم ميلان شديد والجايات كتيرة وربنا يديكم غيرها بس ياريت تقيف معانا ضد الارسنال لانو عندهم مدافعين ويكة بس لكن صدقني طال ما انو الفتي الساحر رونالدينو في باذن الله مشكلة مافي والفتي الابنوسي الرهيف ايتو في اقوان باذن الله في والشعلة المتحركة ديكو والزئبق الارجنتيني ميسي وكل الحلوين موجودين باذن الله فايزين بس ياريت قلبك يكون معانا --- شكراً علي النسمة التي تركها مرورك الاروع --

[nasirib]

اخي الجندي المجتهد اهنئك وكل عشاق الفن الطروب ولغة الجميع كرة القدم ( تسعة لغات والعاشرة ابتسامة) امس كانت سهرة ممتعة كل الجمل التكتيكية والله امس احترت اذا كان هذا حال الدوري الاوربي وكل نجوم الاندية من البرازيل اصحاب الحلول الفردية ( رونالدينو - كاكا) كان الله في عون المنتخبات الاخري اذا تجمع المنتخب البرازيلي وبالامس فقط - ديدا - كاكا- ادمليسون- كافو- رونادينو والمتعة تماما يوم 17 /5 المباراة النهائية
ولاتنسي القاطرة البشرية تيري هنري لاعب المهمات الصعبة الانطلاقات القوية لعل محبي ريال مدريد يعرفونه تماما
كل الامنيات لبرشلونة كانون اوربا ( النهضة) ههههههههههههههههههههه

[زيكو منيب]

و الله المبارة من احلى المباريات و انا شفتها امس وقوية من الدرجة الاولى حتى المبارة كانت 50 % للفريقين
وانا معاك يا فاقد "برشلونة وبس"

[مكتول مدنى]

والله يا جماعة برشلونة كان بستحق التاهل والنتيجة كانت متوقعة من بدرى ان برشلونة يكون فى النهائي لكن ما اظن فى واحد اتوقع ارسنال
انا كنت متوقع البرشا واليوفى لكن الجماعة خذلونا ناس اليوفى حذلونى
على العموم هارد لك لى ميلان فى المرة الجاية والجايات اكتر من الرايحات لكن مااظن ان برشلونة يفكها للخمسة سنوات الجاية

[الجندي المجهول]

زيكو منيب و مكتول مدني احيكم من علي البعد علي هنستكم الرائعة وحقيقي برشلونة مية مية وكذلك النهضة بس ايام " فيصل بوكش وحسن السد ومختار مختار وكيلو وحاكم وتلك الكوكبة الفريدة لك كل الود انت والجميع وسلامي بلا حدود