مقهى الحزن (بدون تعليق)

[بابكر]

مقهى الحزن: للراغبين في البكاء من الصينيين

ذكرت تقارير صحفية أن مقهى "للحزن" افتتح في شرق الصين يتيح لرواده التعبير عن حزنهم بالبكاء.
وتبلغ تكلفة ارتياد المقهى 50 يوان (ستة دولارات) لكل ساعة مع تقديم أفضل المشروبات للزبائن الذين يذهبون للبكاء.
وذكرت صحيفة (تشاينا ديلي) في طبعتها الصادرة في هونج كونج إن المقهى يوفر أيضا لزبائنه المناديل وزيت النعناع لتخفيف آلامهم كما يقدم البصل والفلفل الاحمر لمساعدة الذين يرغبون في ذرف الدموع.
وتعزف الموسيقى الحزينة داخل المقهى الذي يوفر لاصحاب العلاقات العاطفية المحطمة دمى على شكل نساء ليدفعونها جانبا أو يضربونها للتنفيس عن غضبهم.
وقالت الصحيفة إن المقهى حقق نجاحا كبيرا ويجتذب أعدادا كبيرة من الرواد المكتئبين يوميا

[امل حياتى]

مشكور يا باببكر انت بتجيب الحاجات الغريبة دى منوين هههههههههه يعطيك الف عافية

[HaSsOoN]

غريب يابابكر شكلك كدا من رواد المقهى هههههههههههههههههه يديك العافيه يارايع

[زيكو منيب]

و الله ده كلام غريب يا بابكر

[nasirib]

اخي بابكر لك الود
فارشين طول العام

[Jamal Elmahi]

العزيز بابكر ...ما دام الصين عملوا فيها واحد للجعير...مطاعم السودان حقو كلها يقلبوها ذي كدا ...حتلقي الاعمي شايل المكسر والبلد كلها تجعر...وكل يجعر علي ليلاه....والعجب الحريم حي وووب تكون راقده هبطرش....

ود الماحي

[نور العيون]

والله د كلام غريب يعني لو دايرين نحزن يعني نمشي المقهى د ولا شنو

[بابكر]

امل حياتى
حسون
زيكو
ناصر
جمال
نور العيون
]خلاص سجلناكم اعضاء فى نادى الجعارين00والبكايين
ايه رأيكم ؟؟؟؟؟؟؟[/ :

[نور العيون]

ما عندك مشكله بس المهم انت تكون اول الجعارين
يعني تسجل نفسك و احنا من و راك
رايك شنو
هاههاهاهاهاهاهاهاهاهاهاهاهاهاهاهاهاهاهاهاهاهاهاهاه اهاهاهاهاهاهاهاهاهاهاهاهاهاهاهاهاهاها

[ابراهيم]

العزيز بابكر ...ما دام الصين عملوا فيها واحد للجعير...مطاعم السودان حقو كلها يقلبوها ذي كدا ...حتلقي الاعمي شايل المكسر والبلد كلها تجعر...وكل يجعر علي ليلاه....والعجب الحريم حي وووب تكون راقده هبطرش....

ود الماحي

كل يجعر على ليلاه ......
هههههههههههههه ود الماحي تعليقاتك مبالغة والله
لكن فكرة الواحد يعمل ليهو مقهى زي في السودان
يكسب دهب .. ود الماحي رايك شنو تعمل المحل وانا اجيب ليك الزباين
ومبدئياً اعتبرني زبون معتمد ...
والله يا بابكر انت بتجيب ليك اخبار عجيبة خلاص
على فكرة يا عم بابكر استاذ الفاتح الصول يبلغك التحايا
راجع رسايلك الخاصة

[ابراهيم]

رايكم شنو يتعمل قسم للجعير في المنتدى؟

[mohammed ahmed]

كفاكم الله شر الجعير
لكن بأمانه حالنا النحنا فوقو ده مش يخلي الواحد يجعر وبس يلطم كمان
يعني ما محتاجين لي بصل ولا لي فلفل 00 بس فكر في الحال وشوف ليك زول يسكتك
عالم بتاع محن هههههه
حمام

[DANY]

العزيز بابكر ...ما دام الصين عملوا فيها واحد للجعير...مطاعم السودان حقو كلها يقلبوها ذي كدا ...حتلقي الاعمي شايل المكسر والبلد كلها تجعر...وكل يجعر علي ليلاه....والعجب الحريم حي وووب تكون راقده هبطرش....

[سوار الياسمين]

بالجد رزق الهبل على المجانين

ويديك العافية اخي بابكر على موضوعك ده

[elfatih61]

عايزين نعمل قائمة بالاخوة والاخوات الراغبيــن في الجعيــــر
بس كلوا واحد بسجل أسمو ، يورينا السبب العايز يجعر عشانو
إمكن نلقى ليــه حل قبل أن يزرف الدموع هدراً
والعايز يتفشا ساكت كدا بطريقتو خلوه يجعر ذي ما عايز 00

وده كلوا من محنك يا بابكــر 00 خليت الناس تفكر في الجعير

[سواااح]

العم بابكر ..

يعني تفريغ شحنات علي الطريقة الصينية

برضو علاج ما بطال ..

دمـــــــــــــت ،،