ما هو ارقي واجمل حي في مدينة ود مدني واكثرها نظاماً

[الجندي المجهول]

يا شباب اولاً وقبل كل شي اي شبر في مدني بيعني الكتير وانا حابي اعرف راي الجميع بس ياريت من غير حساسية او عنصرية وانا عاوز رايكم علي حسب الاتي

1/ النظافة ( تصريف المياه - الانارة في الشوارع - القمامة )
2/ النظام والتنظيم ( التعامل مع المجلس او اللجنة بالحي في حالة التطعيم الجماعي للسحائي او تطعيم الاطفال بصفة عامةالاعمال الجماعية الغير اجتماعية )
3/ المواصلات

ولكم الشكر

عاوز رايكم في هذه النقاط فقط ( عشان الناس ما تخش لي في الحاجات التانية ) ولكم شكري

اي شبر في مدني بيعني حته مني واي حته مني بتعني مدني

[امل حياتى]

كدى خلينا من ود مدنى شوية والاحياء الراقية سمعنا عنك يا جندى يا مجهول انك ولا بتأكل ولا تشرب بس حارس المنتدى

والايام دى خاصة قالوا انك ضعفت ده كله عشان الترقية ههههههههههههههههههه

براحة خد بالك من نفسك شوية هههههههههههههههههه

ما تخذ فيها حاجة بس انا حبيت اضحكك شوية
هههههههههههههههههههههههههههههههه

تحياتى ياجندى يا مجهول
واشواقى لك بلا حدود

[ابراهيم]

موضوع جميل يا الجندي المجهول

في احياء كتيرة جملة ومنظمة في مدني
بالنسبة لي اجمل حي بالمعطيات الذكرتها انت
(حي ناصر) دة حي نموذجي ..

لكن اجمل حي بدون المعطيات الذكرتها انت ..
جزيرة الفيل (بدون عنصرية)

تحياتي

[الجندي المجهول]

تسلم يا امل حياتي وكل شي منك مقبول يا راقي

[الجندي المجهول]

تسلم يا ابراهومة والله يديك العافية وشكرا علي المرور الرائع يا رائع ( لكن ما بالغته شوية في حي ناصر دي )

[امل حياتى]

انت عسل ياجندى ودمك شربات وعارفك مابتزعل انا لو مابحبك ماكنت بشاغلك كدة ربنا مايحرمنا منك ولا من قلمك المميز
تحياتى واشواقى دائما"

[بابكر]

[COLOR=SandyBrown]بصراحه مدنى كانت 00رائعه 0رائعه زمان00مش الان 00والله زمان 0كنا بنشم عبير الياسمين 00فى معظم الاحياء 00عندما كانت 00مدنى 00المدينه الحالمه00واعتقد انو شباباليومين ديل لايعرفون كيف كانت مدنى ومسرح الجزيره 00عندما كان بيجى يمثلوا فيهو0كبارالفنانين المصرين 00امثال حسن يوسف ولبلبه00وعندما كانت تغسل شوارعها يوميا بعربات الرش وعندما عانت مدرسة البوليس يغنى فيها محمد الامين مع فرقة موسيقى مدنى 00وعندما كان يأتى السيرك الهندى0بكشافاته الرهيبه00وافياله العجيبه00وعندما كانت ساعة الكنيسه 00تدق فى سكون الليل00وعندما كان عمك حسين رزق يضرب مدفع رمضان00آه يامدنى00وآه من ذكرياتك الجميله
الان صارت مدنى 0ليست 00مدنى التى كنا نعرفها 00بشوارعها الجميله واشجارها الوريفه00واسواقها الممتعه00وناسها الذين يعرفون بعضهم جيدا00ولو جاء واحد جديد بنعرفوا على طوا00
وللحديث بقيه[/COLOR]

[sambaaa]

يا جندي ..

ازيك ..

انا والله عندي مدني كان لابسة شوال برضو بعتبرها ملكة جمال الكون
وبحب احياءها طوبة طوبة وشبر شبر .. وكل حته فيها بكون هبشتها
لكن ده ما بيمنع انو يكون فيها احياء حنكوشة شوية يعني ..

غايتو زماااااااان كنا بنقول حي الدرجة ده حي بتاع حناكيش .. لأنو كان حي نضيف جداً .. لكن هسه .. ضاعت الملامح
طبعا الان في حي الزمالك وحي الواحة ..
ممكن نقول دي احياء على مستوى عالي جداً من الحنكشة والعولمة على حسب راي الجمهور ..

لكن انا بشوف إنو الحي السوداني .. ( البريطاني سابقاً ) .. من اجمل احياء مدني على الاطلاق .. لو ما على مستوى السودان

اها رايكم شنو ؟؟؟؟؟؟؟؟

[نزار حسن محمد]

الجندى المجهول ... عندى ليك سؤال هل مازلته بالدرجه ..... انا بتفق مع سامبا بان الحى البريطانى
مازال اجمل الاحياء رغما عند الاحياء الحناكشيه الجديده....

[مرتضى ساتى]

كدى خلينا من ود مدنى شوية والاحياء الراقية سمعنا عنك يا جندى يا مجهول انك ولا بتأكل ولا تشرب بس حارس المنتدى

والايام دى خاصة قالوا انك ضعفت ده كله عشان الترقية ههههههههههههههههههه

براحة خد بالك من نفسك شوية ههههههههههههههههه تعقيب على كلام امل حياتى
صراحه بعد كلام ياسر يبيلك جلسه علشان ترجع زي اول وصراحه كلام امل حياتى
ضحكنى من الصباح وانا عارف انك قلبك كبير ما بتزعل

[sambaaa]

كدى خلينا من ود مدنى شوية والاحياء الراقية سمعنا عنك يا جندى يا مجهول انك ولا بتأكل ولا تشرب بس حارس المنتدى
والايام دى خاصة قالوا انك ضعفت ده كله عشان الترقية ههههههههههههههههههه

هههههههههههههههههههههههه
يا جماعة مالكم على الجندي .. دايرين تسحروه لينا ولا شنو ؟؟
يا جندي ارمي قدام والنجمة الخامسة جاياك في الدرب

[الجندي المجهول]

شكرا للجميع شكرا لكل الاخوان الرائعيين بابكر * امل حياتي * ابراهومة * نزار (اكيد غسان اتصل بيك ) * مرتضي ساتي وحبيبنا الغالي دما سامبا ( الله يديك العافية يا فردة ) وكل شبر في مدني حته مننا وانتو برضو حته مننا لكن برضو ما تزغوا وادونا اجابة واضحة يا اهلنا

[امل حياتى]

يا جماعة الجندى المجهول وين والله وحشتنا ومشتاقين لك وان شاء الله خير ( طبعا" بابكر خوفنا) دى مفهومه لاعضاء المنتدى فقط
قصدى الكلمتين بين القوسين واسفين جدا" للضيوف الزوار مايكون شماركم حار ههههههههههه
تحياتى واشواق دائما" لك يا جندى يا مجهول