غسان ارجوووك قول الحقيقة

[الجندي المجهول]

عريسنا القادم باذن الله ربنا يتم ليهو علي خير الايام دي قالو انت في سوق الكورنيش في جدة نازل مشتروات ساكت وكمان قالوا عملت ليها مدير لانها كتيرة شي ارياح وقمصان وحاجات مبالغة طبعا الكلام دا فاتني لاني لازم كان اكون معاك لانو زوقك رفيع كان اتعلمت منك حاجات حلوة ؟؟؟؟ خليني من الكلام دا عاوزنك توصف لينا شعورك وانت نازل عريس وخلاص حا تفارق العزوبية وناس منير وناس فلان وفلان شعورك شنو بالله احكي لينا لاني حاسي اني حا اخوض التجربة دي قريب ........................

[غسان]

حبيبنا الجندي المجهول

اول حاجة مبروك الصورة الجديدة وبالمناسبة انا من اشد المعجبين برنالدينو (الككو), ثانيا اخوك امبارح اشترا ليهو بدلة العرس لونها احمر مع رمادي فاتح وزيق اصفر والزيق التاني اخضر رهيييييييييييييييييبة

ثالثا عارف ياجندي كمية من الاحسايس , الاحساس الغالب طبعا احساس بالسعادة مع حبة احساس بالقلق يمكن لأنو الواحد مقبل علي حياة جديدة وحايكون معاك باك شمال طالع نازل معاك لكن صدقني شعور جميل كالص كالص يستاهل انك تخوض التجربة عشانو بس دعواتكم معانا وربنا يسهل ليك

ومشكوووووووووووووووور ستة شهور

[rasheed]

ههاهههاهاها والله حكاية يا غسان 00 عريس الله يستر عليها ،، يا لذيذ البدلة دي أشتراها ليك ود عم فاروق ولا شنو ؟؟؟؟ حاجة غريبة زيك أصفر ورمادي !!! والله دي لونها في عربات الحكومة مافي جبتو من وين ؟؟ ما كنتو بتسفيدوا مننا في شراء الشيلة والقمصان وكده ،، لكن عمنا خاف أنكم تخربونا وجابنا الرياض ،، وبعدين يا الجندي المجهول وأسمك على مسمى ،، غسان شنو ده اللي أتعلمت منو حاجات ،، والله ده ألا يعلمك رقصة القرد هاهاهاهاهاهاه ،، أنا جهزت لعرسك يا غسان بدلة ( جكت أصفر مع بنطلون اسود (( تلت وار شارع الزلط يا بعيد )) وعبد العزيز جبنا ليه لبسة رونالدينهو 0 وهسع منير ده الجاب سيرتو منو عشان تقولوا ناس منير وفلان وفلان يعني شنو قصدكم عزابي وكده 00 بس عندو ماجستير أو قرب 0 ما أخير من الباكات الشمال ،، وبعدين الباك الشمال ده ما أخير من ناس صابوركا (الرهيب الفريد في أخلاقه ، الله يطراه بالخير )، ولا منتصر شلبي وراكوبة الجنهم غلاط 0 جاينك يا عريس أبششششششششششششششر أبششششششششششر يا عريس ويوويويو يويووويووووو يووووووو وعقبال الجندي المجهول يلقى ليه فردة باك 0

[الجندي المجهول]

والله يا راشد بس ساكت ظلمتني وبالناسبة صابر والله مهذب لكن مع تهذيبو دا انا كنت هو منتصر شلبي ومعاهم ناس كدا بجيبهم شمال ومرات يمين واسال دوريات جدة والشرطة ووحدات الامن شوية والبلوي كان حا يجي ياخدني لكن لقي العمر اخدني
وبالنسبة للبدلة بتاعت غسان قال لازم يغير شوية طوالي الناس لابسة بيج او اسود او كحلي وطبعا هو ملك الموضة وابشرك رقصة القرد خلاها لي منير طبعا منير في الحفلات ما بيرقص كتير لكن رقصة القرد دي بيعذبها في بيت العذابة والماجستير بتاعو مية المية ما فيهو كلام وغسان والله اتطور الرقصة الايام دي اسمها القسم ومعاها واحدة اسمها السلام وتاني واحدة اسمها دارفور وبالنسبة لي انا كان ربنا سهل وجيت العرس جلابية بيضاء مكوية وعمة عشان مافي زول يعرفني ولما اقابلك حا تعرف السبب ( اخووك مطلوب من الشرطة الهندية ) ونتلاقي ياراشد لازم لازم وياريت ترسل رقم موبايلك في رسالة ( بالمناسبة غسان كان عاوز ندي القلعة لكن لقاها محجوزة وانا عارفو من بدري كان خاتيها في حسابتو لي درجة انو قروش ندي دي خشه ليها صندوق (4000000) يا فردة قريب السبعة الف ريال خشه صندوق هو ومنير واحمد السر ومصطفي البكر واستاذ رضا وشخصي الضعيف وانا اديتي صرفتي عشان يقدر يجهز حالو عليك الله انا ما وفي وغسان عيونا ليهو دا حبيبنا والباك اللفت بتاعنا ياخ

[غسان]

الرشيد عمر انت
بتعرف Mr Detlef Witte (ديتلف ويتي) ده مصمم ازياء الماني
بتعرف Patricia Ficher دي مصممة أزياء فرنسية
وبتعرف شنو عن بيوت الازياء الاوربية ... عارف البدلة دي لو شافوها انا متأكد انهم حايرسلو لي دعوة خاصة لالمانيا
عشان احضر مباراة هولندا وساحل العاج .......................... وبتقتنع لما تجي وتشوفها كان ماجريت تضحك علي

والجندي المجهول راجل راقي وراجل ذوق جدا وبعرف اهل الرقي
قبلاتي لتنة وعزو........

وابشروووووووووووو بالخير

[الجندي المجهول]

يا الرشيد يا هداف يا مرعب والله كنت الهداف وصاحب اللمسات الجميلة في الدافوري وفاقدنك بشدة ويا بختهم ناس الرياض بيك
وحا نقدم ليك دعوة تجينا في امستردام ودبي رايك شنو -- بغض النظر عن اي حاجة انت حريف ولمساتك حلوة بس غسان زوقو راقي شديد جدا جدا جدا وزي ما قال ليك بوسة لي تنة وعزو وقول ليهم عمو الجندي المجهول بيسلم عليكم بالجد يا لرشيدعمر مشتاااق ليك موووت
ولازم نتلاقي عند غسان في السودان وبااااااااي

[شبندر]

انت انسان راقي يا غسان وربنا يتمم على خير لكن عندي بدله لونها اصفر عاوزك تشيلها معاك لماهر يوسف صالح
اما عباس عواض عاوز أرسل ليه جلابية لونها ذي لون (الواطه ) زمان كان عنده واحده بتكون في خبر كانا

[الجندي المجهول]

يا غسان كنت مرعب امس في الدافوري الله يديك العافية ( قونك التاني مبالغة ) والله دا الرشيد عمر لو شافو حا يخلي الرياض ويجي بكرة دي المهم متنسي موضوع الريحة ويا شبندر الجلابية اللونها زي الواطة دي كانت بيضاء لكن شكلها اخدت ليها دردقة في الواطة وشالت معاها تراب ولا رايك شنو .....

[rasheed]

يا حليلكم وحليل الدافوري العجيب والله بقى من ذكريات أتنحتت في الدواخل وبس أدونا عين شوف الفرتقة الحصلت بالله ربنا يلمنا تاني لكن راكوبة خلاص بقى نقيب وما عندو قدرة ،، لكن أمستردام ودبي دي الجابا لحي البان وبركات شنو يا جماعة نحن جينا الرياض أنصدمنا من الحضارة تقول لي داندرمة في أمستردام ولا باسطة في دبي خلونا في ندى القلعة ومحمود عبد العزيز غسان نساه ولا شنو ،، والله مشتاق لي لقون في أحمد السر ولا منتصر لكن نلم فيهم وين تاني يا جندي يا مجهول ،،

[الجندي المجهول]

يا الرشيد انا عازمك اقاشي في الدباغة وعازمك عشاء في عمدة بجوار سلا اها رايك شنو " وعازمك دافوري في زقاق الاهلية بي هناك اها بتقدر عليهو دا ولا لا " وغسان شال معاهو صبغة حمراء " لي شنو والله ما عارف " ويالرشيد بالله عليك لانك راجل خبرة العدسات البركبوها الجكس في عيونهم مرة اخضر ومرة احمر عاوز اعرف سعرها ومن وين ممكن اشتريها انا غير المغربي ما بعرف حاجة وريني عليك الله يا لعاااااااااااااااب