كيف نجعل المنتدي يسير نحو الافضل؟؟؟؟
زي ماعارفين ياجماعه المنتدى هو بيتنا التاني وفيه اصدقائنا واخوانا واخواتنا يشاركونا في المعرفه بزعلوا لزعلنا وبفرحوا لفرحنا...وفي الوقت الحال كترت المنتديات وبقا هناك سباق للمنتديات وكل عضو بتمنى ان منتداه هو الافضل وبتفاخر بيهو بين اصدقائه بهذا الشئ..
فكيف نجعل منتدى ود مدني هو الافضل؟؟؟؟؟؟؟؟؟؟؟؟؟؟؟؟
اولا: تشجيع الأعضاء الجدد: ودي البدايه واكيد اي زول فينا هنا بتذكر اول يوم جا المنتدى وكتب موضوع وكم اتمنى انو الناس كلها ترد عليو ....وبتشجيعنا للاعضاء الجدد فنحثهم على الابداع فمنهم سيخرج كتاي رائعين في الادب والشعر اي مجالات اخر
*ثانيا: انا من وجهة نظري انو قبل مايكتب اي زول موضوعوا يجب ان يرد على موضوعين او اكتر: ودي حاجه مهمه جدا وتواصل بين الاعضاء وتشجيع ايضا لاي عضو يفرح بكل رد على موضوعه ويحثه على الابداع اكثر وانت اذا رديت على مواضيعهم الكل بيرد على موضوعك اذا يستحق
*ثالثا:تشجيع المواضيع التى يكتبها اصحابها
*رابعا: الكلمه الطيبه:...وهي انو الزول يكتب شكرا على الموضوع ..كلمات قليله للتتعبك او تنقص من قدرك كتير مابنشوف مواضيع عدد الاشخاص القرئوا الموضوع فوق السبعين والثمانين ومن ديل كلهم بنلاقي واحد او اتنين فقط واكثر الاحيان الموضوع بكون خالي من الردود
*خامسا: التواصل بين الاعضاء: في الافراح نهنيهم وفي الاحزان نواسيهم
سادسا:التقليل من المشاكل
يعني ياجماعه اتنين حصلة بيناتم مشكله وانقسم المنتدى الى حزبين ..دا صاح ودا خطاء ....يعني ياجماعه اذا اي اتنين بيناتم اي مشكله او رده ماعجبو ولا ليو اي ملاحظه على الاخر ...يرسل ليهو على الخاص ويتفاهموا مع بعض بدون مايحسوا و ياخدوا بالهم وبعدين كدا بتاثر على جو المنتدى
سابعا:خليك راقي
مثلا يجي عضو يتعب ويكتب موضوع جاد ومهم ويتوقع انو الكل يرد عليو ويناقشوا الكل وبعدين يجي عضو يرد ري سيء ..الموضوع في جهه والرد في جهه تانيه
كلمه اخيره
المنتدي مابكترت الاعضاء,,بل بترابط اعضائه كاالاسره الواحده ..كما قال رسول الله صلى الله عليه وسلم(مثل المومنين في توادهم وتعاطفهم مثل الجسد الواحد اذا اشتكى منه عضو تداعى له سائر الجسد بالسهر والحمى))
واتمنى ان تكون واحده
وكلامي الكتبتوا دا كلو علشان نرتقي بالمنتدى وانا بالعكس شايفوا من افضل المنتديات السودانيه لكن برضوا طمعان انو المنتدى يتطور الى الافضل ان شاء الله
مع تمنياتي لكم بالتوفيق والنجاح ان شاء الله
ولكم خالص الشكر والتقدير
واسف على الاطاله
حسوووووووووووووووون
رد مع اقتباس
المفضلات