مشكوررين يا ناس جده مدني بتقول ليكم طعمتو خشمنا بالكبده

[صالح ابوشوارب]

في رحلة سرية و قصيرة الى جدة لم يدرى بها احد الا بالصدفة بالهاتف ولدنا ( ابو روان ) وانا موجود بمطار جدة وطلب منى ان احمل السلام لكل الاخوان في جدة
قلت ليهو انشاء الله بعد ما اشوف ظروف العمل او يوم الجمعة سوف اتصل بيهم واوريهم مكانى حتى ازور الجميع
لكن بعد ساعة رن جرس التلفون وكان ابو هاشم .. وطبعا ابو هاشم الفتق .. قاعد يدردق فينى .. وين يا ابو منار.. مطنشنه .. طبعا عرفت الفلم .. قلت ليه .. يا حبيبى انا عارف عندك شمار .. المهم ضحك .. وونسة .. وربط لسان .. الجمعة عندى على الغدا .. طبعا قلت ليه .. ابشر ابو هاشم .. وختيت التلفون .. شوية الادمن .. ووووب علينا جات الحكومة .. وكيف المخارجة .. المهم ابوهاشم كان ظبط الشغل .. ووزع المواعيد
وفي يوم الجمعة بعد الصلاة مر علينا خالد هاشم ومعه اخونا عماد الصادق واحد اقرباء خالد هاشم .. المهم ابوهاشم قال نمشى بنى مالك لشراء الكسرة .. وكانت المفاجأة صفوف من ستات الكسرة وهم ينادون ( وين يا خالد .. طولت ياخالد .. عندى كسرة حمرا ياخالد .. شيل منى البيضاء وشيل من فطومة الحمراء ) يخرب عقلك انت مشرف ودمدنيات ولا مشرف ستات الكسرة هههههه .. وكانت عزومة ابوهاشم وام هاشم من ابدع العزومات .. اولا ماشاء الله اولاد هاشم والاخ العزيز عماد الصادق ولحقنا في الاخر الادمن باولاده الحلوين
كانت اللمة حلوة 00 اما الاكل يا سلالالالام كبدة ابل بالفول والشطة الحمرا والبصل ومرة .. مرة غموس بالكسرة ياسلام يا شباب صوت الكبدة مع الكسرة .. كرم .. كرم .. وخاصة البصل .. اما السيد السمك..... يا لطيف قزقزه اما الست ام رقيقه يا حلالالاوة والله بتنزل زحليقه
اما صينية المكرونة بالبشمل والمصقعة وفي حاجات بعيدة والله ما مشيت عليها بس ركزته على الثلاثى المرح
اما التحلية طبقات طبقات .. طبقة كستر وطبقة فراولة وطبقة كريم كراميل وطبقة فواكه وطبقة جلى وطبقة فوق زوزو الله من زوزو
اما العصير قعدت اعاين بعيونى ..
يا سلالالالام يا ام هاشم انشاء الله في السماية والله خالد محظوظ وربنا يحفظكم
واخيرا اخونا العمدة حلف لازم نغشى بيته وكانت زيارة جميلة وكانت فناجيل الجبنة الاصيلة تتطاقش .. البكرى .. وتنينا .. وشغل لينا شريط عرس جاى من مدنى وكانت رحلة لا تنسي .. شكرا لخالد هاشم وحرمه وشكرا لعماد الصادق وشكرا بكرى الادمن .. ونقول ليه ما تزعل .. الجايات كتيرة .. هذا هو مجتمع منتدى مدني

[خالد عبدالماجد]

نبحث دائما عن طريق لمعرفة المزيد من ابناء مدني هذه الارض الطيبة وكانت هذه فرصة طيبة لمعرفة المزيد من ابنائها ولقائهم لكن معليش دي عدت وعشمنا في اللقاء القادم بإذن الله ....
وخالد هاشم طبعاً راجل صاحب واجب ومابقصر ربنا يديه العافية ..........
وياأبو الخلد الحاجات الدسمة دي فاتتنا لكن الأمل في الجايات....
وعمدة ستات الكسرة في ( بني مالك ) دي قوية .....

[صالح ابوشوارب]

نبحث دائما عن طريق لمعرفة المزيد من ابناء مدني هذه الارض الطيبة وكانت هذه فرصة طيبة لمعرفة المزيد من ابنائها ولقائهم لكن معليش دي عدت وعشمنا في اللقاء القادم بإذن الله ....
وخالد هاشم طبعاً راجل صاحب واجب ومابقصر ربنا يديه العافية ..........
وياأبو الخلد الحاجات الدسمة دي فاتتنا لكن الأمل في الجايات....
وعمدة ستات الكسرة في ( بني مالك ) دي قوية .....

الاخ ود كسلا

تحية ليك ولى ناس كسلا
كتبت هذا البوست لكى يعرف الناس بان هذا المنتدى ليس ككل المنتديات بل هو الحوش الكبير او بيت العائلة ... نجلس فيه ونزور .. ونتحاور .. ونفرح .. ونعزى .. ونشرب القهوة في صالون العمدة .. وناكل في صالون ابو هاشم .. اما معرفة ستات الكسرة بخالد هاشم .. طبعا دا دليل كرم ابو هاشم وام هاشم .. وكثرة الضيفان وشراء الكسرة بكميات .. وابو هاشم دائما ما بكسف ستات الكسرة .. ولذلك بيشترى كل مرة من واحدة او اتنين .. صلوا على النبي وادعوا معاى لام هاشم تنال مافى المراد

[خالد هاشم علي]

[QUOTE=صالح ابوشوارب] الاخ ود كسلا

تحية ليك ولى ناس كسلا
كتبت هذا البوست لكى يعرف الناس بان هذا المنتدى ليس ككل المنتديات بل هو الحوش الكبير او بيت العائلة ... نجلس فيه ونزور .. ونتحاور .. ونفرح .. ونعزى .. ونشرب القهوة في صالون العمدة .. وناكل في صالون ابو هاشم .. اما معرفة ستات الكسرة بخالد هاشم .. طبعا دا دليل كرم ابو هاشم وام هاشم .. وكثرة الضيفان وشراء الكسرة بكميات .. وابو هاشم دائما ما بكسف ستات الكسرة .. ولذلك بيشترى كل مرة من واحدة او اتنين .. صلوا على النبي وادعوا معاى لام هاشم تنال مافى المراد[/QUOTE






[SIZE=6[COLOR=Blue]]
[SIZE=6][]]الغالي أبو منـــــــــــــــــــــــــــار....
والله سعدنا بي زيارتك كل السعادة وياريت لو تجينا كل يوم لأنو لقينا فيك حنية الأب والعم والخال والأخ الأكبر وحنية زول مدني ....
المنتديات هي العرفتنا بيكم لكن والله لو بيدي أدخلكم جووووووووووووووووووووووووووووووة قلبي لأني ويشهد الله أحبكم من داخل قلبي...
دمتم ودامت شمس خوتنا ومعزتنا مشرقة أبد الدهر.... ولا عدمنـــــــــــــــــــــــــــــــــاكم[][/SIZE][/COLOR[/SIZE]]]

[HAMADTO]

والله يا ابوشوارب جهجهتنا وطلعت عينا ... وصفك للمائدة كأني شايفه قدامي ...
بالهنا والشفا انشاء الله ...

يا ابوهاشم اوع تكون كبدة الابل عملتها ليهم بالعتي زي ما وصفتها لضياء الدين

انشاء الله جميعا مجمعين في ودمدني ... قول آمين

[أمير عبداللطيف]

كبدة ابل مضبطه !!! وبرااااااااكم كده ؟ والله خيانات شديده .... تعرف تضرب تقول لى نسيب على منتظرك فى الصاله !! تانى ما برد ليك الا يوم الجمعه ودا عشان الدكتوره ام هاشم .

[امير عبدالباقي]

الاخ الحبيب ابو شوارب
ده عمله تعمله تجي جده وماتكلمنا يعني بالعربي كده هارب ؛ الجايات كتير ياعم ؛ لكن جد متعتنا بالوصف الجميل كاننا معاك ؛
خالد هاشم مابلومك الظاهر انت عرفت بابوشوارب متاخر انو وصل جده لكن برضو كان تدينا خبر كان جيناكم جري؛
والله ياابوشوار دي هي فعلا طبيعه خالد هاشم وام هاشم ربنا يعطيها العافيه ويعطيها الفي مراده ؛ ام الكرم وصاحبه واجب وبيتهم مفتوح الي اي ضيف وماشرط يكون من مدني ؛ وبزكروني باهلنا هناك وفتحه الصالون لضيوف
دي هي عادات ابناء مدني في كل مكان ودائما تجدهم كل الجسد الواحد
ربنا يعطيكم العافيه ياخالد ويخلي ليك ام هاشم

[أبوبكرحامد]

[QUOTE=خالد هاشم علي]

الاخ ود كسلا

تحية ليك ولى ناس كسلا
كتبت هذا البوست لكى يعرف الناس بان هذا المنتدى ليس ككل المنتديات بل هو الحوش الكبير او بيت العائلة ... نجلس فيه ونزور .. ونتحاور .. ونفرح .. ونعزى .. ونشرب القهوة في صالون العمدة .. وناكل في صالون ابو هاشم .. اما معرفة ستات الكسرة بخالد هاشم .. طبعا دا دليل كرم ابو هاشم وام هاشم .. وكثرة الضيفان وشراء الكسرة بكميات .. وابو هاشم دائما ما بكسف ستات الكسرة .. ولذلك بيشترى كل مرة من واحدة او اتنين .. صلوا على النبي وادعوا معاى لام هاشم تنال مافى المراد[/QUOTE






[SIZE=6[COLOR=Blue]]
[SIZE=6][]]الغالي أبو منـــــــــــــــــــــــــــار....
والله سعدنا بي زيارتك كل السعادة وياريت لو تجينا كل يوم لأنو لقينا فيك حنية الأب والعم والخال والأخ الأكبر وحنية زول مدني ....
المنتديات هي العرفتنا بيكم لكن والله لو بيدي أدخلكم جووووووووووووووووووووووووووووووة قلبي لأني ويشهد الله أحبكم من داخل قلبي...
دمتم ودامت شمس خوتنا ومعزتنا مشرقة أبد الدهر.... ولا عدمنـــــــــــــــــــــــــــــــــاكم[][/SIZE][/COLOR[/SIZE]]]

ود هاشم زولاً كريم وانتا ياشواربو زول مقامك عالى ، ربنا اديم المحبة ، وياريت لو سمحت الظروف نعمل لقاءات دورية لأعضاء المنتدى فى مختلف المناطق للمزيد من الترابط ، تحياتنا للدكتورة وحقاً وراء كل عظيم إمرأة .
مشاققة : كويس انو وداك لى ستات الكسرة ، الحمد لله مامشيتو الكرنتينة واشتريتوا " موية صحة " ههههههههههههه

[ام قبس]

وضحك هنا واضحك الكثيرين
هل يستطيع الان الضحك

[ام قبس]

وهنا اضحك الكثيرين
هل تراه الان يقوي علي الضحك