ومن مـــدني نلتـــقي مجددا أبومهتـــدي

[ابو المهتــدي]

بسم الله الرحمن الرحيم
احبتي اهل المنتدي والمسيد العامر
لكم العتبي في طول الغياب 00 التحية والشوق للكل من رفقاء العمر الي رفقاء الابن في العمر
ومن مدني ومن قلعة في ربوع الجزيرة احضاننا سوف تلتقي مجدد ومنها نكتب باذن الله
وسوف يكون الجميع في حضرة مدني اول باول ولكم تحياتي وانا في انتظار لقائكم مجددا

[عزيز عيسى]

الأخ عوض أبوالمهتدي،

التحايا والأشواق،

الحمدلله طمأنتنا على أخبارك التي إنقطعت عنا ولمدة من الزمن..
ألف حمدالله على السلامة.. وكنا بنسأل عليك كثير.
رسلنا ليك لاندروبل ودالمأذون يفتش عليك في السوريبة
ودحشة ودالماحي لسه بتطوف في الحلال..
وسمعت قالوا طاشت في الحواشات تاكل في الأخضر واليابس..
نورت يا راجل.. وياريت تكون معانا على إتصال.

ألف مرحب بيك مرة أخرى وعايزين نعرف أخبار مدني كيف..

مودتي وتقديري،

عزيز

[HAMADTO]

اهلا وسهلا عمنا ابو المهتدي
كيف البلد وكيف اخبار الاهل ان شاء الله الامور كلها تمام
والله اشتقنا ليك شوق شديد نحن في انتظارك على احر من الجمر لتوضح لنا حال البلد كيف
لك فائق الاحترام والتقدير

[أبوبكرحامد]

حبيبنا أبو المهتدى .... تعظيم سلام ليك يازول ياجميل ، حقيقى عاوز اقيف على حيلى عشان استقبلك ، بس ماقدرت أطبع وانا واقف ، ماعلينا ، برضو فى حضرة جلالك يطيب الجلوس ، أبقى داخل وشوف حلاوة الناس المنضمين حديثاً للمنتدى ، مع تعتق وروعة قدامى المحاربين ، أهلاً حبابك ، سعيد اليوم الجابك.

[خالد أحمد الصول]

عزيزي أبو مهتدي
التحية المباركة من عند الله و العود أحمد و إنشاء الله شبعت من السودان .. يعني شبعت من نوم الحيشان و حوامة الحلة
أنا جبت شمارك لي ناس المنتدي ... من يوم ما قابلتك لكن مافي واحد عبرني ... يازول الحمد لله .. و إذا زرتنا سوف نمكنك من الدخول لي ناس المنتدي ملح ساييييي

[ابو المهتــدي]

بسم الله الرحمن الرحيم
احبتي وكرام القوم اهلي والله فعلا لكم وحشة وظول الغياب لم يكن من الخاطر 0وانما زاملة الوصل اليكم هي\
ودعيس 0 ودحمتو 0 ودالمازون 0 وابن بلدي خالد 0 والله اجمل ما حسة الان هي لقياكم 0 وتحية اخري لكبار القوم ود الصول الكبير
ود المبارك 0 والكل امسكو الخشب ونحن علي الوعد ومن مدني 0ومن تلك الحاضرة السوريبه نجدد وناتقي ضبعا يوميا متواجد بكلا الحاضرتين وانشاء الله في نقل الواقع وعد تحياتي

[التيمان]

حبينا الغالى دوما



ابو المهتدى



فى يوم من الايام


هلا علينا ضيفا عزيزا


وكان اسعد الايام


فى منزلنا الذى اشرق انواره بحضوره الكريم

ونحن على وعدنا برد الزياره للك

وتقبل فايق احترامنا لك