ياناس المنتدى ياعسل نزار وصل

[نزار حسن محمد]

طال علينا فراقكم والله ياغالين قدر ماننسى العلينا برضو مشتاقين والله مشتاقين..
وصلت اليوم من ارض المحنه والمطر لقايت سلم الطائره كان فى وداعى وكانه يقول لى ماطول الغيبه ياود حسن
ازيكم وانتظرونى بالكثير المثير مع حبى اخوكم ودحسن

[Jamal Elmahi]

حباب ود حسن حباب الغالي
أمانه ما ليك وحشه....
أها أأأبوي بشّرنا العيش خليتو كيف ؟ أضان فار ولاّ سواسيو ولاّ صقّار
وقلته لي المطر شعفوفه لي سلم الطياره...هلاّ هلاّ دا الخريف ولاّ بلاش...أريتك أأأبوي كان صبرته شويه وجبته لينا معاك شوية قنقر لكن البركه في جيتك القنقر ملحوق...


ود الماحي

[معتز حمدتو]

عودا حميد ود الحسن
شايف المنتدي كلُ ريحتُ مطر ودعاش شكلك جاي تريان من بلدنا السمحة .
التحية من خلالك لكل اهلنا الطيبين في مدني والف مبروك زواج الاخوة ربنا يبارك لهم ويرزقهم الزرية الصالحة .

[عزيز عيسى]

يا نزار أنا بقول ياربي المنتدى دا شامي فيه همبريب مدني ولا أنا بهضرب..
جيتنا وجبت معاك كل الخير من أرض الخير والطيبة..
عودا حميدا.. وإن شاء الله تكون إستمتعت بالأجازة..
وكيف الأهل في مدني وبركات ومارنجان..
طبعا منذ أن وصلت بركات مشي كداري وهات يا زيارات
ما خليت محل.. أها قول لي إلتقيت بخضر عابدين؟

[salwa]

حمدا لله علي سلامتك اخ نزار
اتمني ان تكون قضيت اجازة ممتعة بالسودان

[رامى طلبه]

الاخ نزار حمدا لله على السلامه ونتمنى ان تكون قضيت احلى الاوقات ...دى طبعا اكيد ما فيها شك ... وسوالنا عن مدنى واهلنا الطيبين فى مدنى .. المهم منتظرنك بعد ما تاخد ليك جمه شويه كده .. لاننا منتظرين بفارق الصبر موضوع جامعه الجزيره .. ونحن فى الانتظار ......................

[zoolfrda]

حباب نزار وحمداً لله على السلامة

والله مشتاقين ونورت المنتدى

[سوباوي]

الرحيب .. نزار حسن ..

سعيد حظ أنا أن أغيب عن المنتدى لظروف خاصة ثم أجد فرصة طلة لمدة خمسة دقائق وأول ما أطالعه

هو عودتك الجميلة .. جميل حضور أنت يا عزيزي .. ومستف ذوق .. كن بالمنتدى ما أمكن ..

الآن سأمارس هذا الغياب الإجباري مع الوعد بالعودة قريباً ..

تحياتي أقصى ما تراه عيون ..

[114]

عوداً حميداً

وحمد لله على سلامة الوصول

وفي انتظار اخبار مدني على أحر من الجمر، خاصة موضوع جامعة الجزيرة

[سوار الياسمين]

الأخ القدير نزار

الحمد لله على السلامة ووصولك من ارض المحنة
وشنو يعني احنا ماشين وانتم جايين انشاء الله بس ما تكون كملتلينا المطرة

تحياتي ليك ومرحب بيك في بيتك تاني

[نزار حسن محمد]

[SIZE=5]حباب ود حسن حباب الغالي
أمانه ما ليك وحشه....
أها أأأبوي بشّرنا العيش خليتو كيف ؟ أضان فار ولاّ سواسيو ولاّ صقّار
وقلته لي المطر شعفوفه لي سلم الطياره...هلاّ هلاّ دا الخريف ولاّ بلاش...أريتك أأأبوي كان صبرته شويه وجبته لينا معاك شوية قنقر لكن البركه في جيتك القنقر ملحوق...
[COLOR=DarkGreen]

ود الماحي

الحبيب ابو الاميره والله ياود الماحى... اول وماوصلت مدنى بعد نص ساعه من الوصول كنت فى شارع مدنى بركات وطبعا الشارع ده كله مزارع ناس المشروع عاينت وبتركيز للمزروع العيش ممكن تقول سواسيو لكن الخضار ما شاء الله عينى بارده.
ود الماحى تعال لى فى دكان ودصول .. هناك بنتكلم برحتنا...[ سمح ابوى /SIZE][/COLOR]

[نزار حسن محمد]

عودا حميد ود الحسن
شايف المنتدي كلُ ريحتُ مطر ودعاش شكلك جاي تريان من بلدنا السمحة .
التحية من خلالك لكل اهلنا الطيبين في مدني والف مبروك زواج الاخوة ربنا يبارك لهم ويرزقهم الزرية الصالحة .

الاعزاءحمدتو اخوان .. لكم الود وانتم تعطرون ساحات المنتدى باطيب الندى ..وفعلا يامعتز بلدنا سمحه وسمحه بالحيل..اتمنى ان نلتقى فى القريب العاجل .. لك ودى حتى الملتقى ..نزار حسن

[نزار حسن محمد]

يا نزار أنا بقول ياربي المنتدى دا شامي فيه همبريب مدني ولا أنا بهضرب..
جيتنا وجبت معاك كل الخير من أرض الخير والطيبة..
عودا حميدا.. وإن شاء الله تكون إستمتعت بالأجازة..
وكيف الأهل في مدني وبركات ومارنجان..
طبعا منذ أن وصلت بركات مشي كداري وهات يا زيارات
ما خليت محل.. أها قول لي إلتقيت بخضر عابدين؟

الخواجه الفنان عزيز ... تعرف ياعزيز فى الفتره الفاتت اكيد جاتك عشراقه لان ابناء مرنجان لم ينسوك ودوما فى ذكراك فى الفسحه وفى ميدان نادى العمال ووصونى ابلغك تحياتم منهم الفاضل شكيا ووذ النقى والفاتح وصلاح والسر الفاضل وكل اهل مرنجان وقالوا طولت الغيبه خضر عابدين بسلم عليك وكمان محمد كمال ذى ماقلت ليك استقر بالسودان امدرمان حى المورده
تعرف ياخواجه. خلف الفسحه اصبح كله اكشاك وذى ماتتمنى محل للشيه ومحل للسمك ومحل للتمباك والشاى والقهوه ماتعد يعنى فعلا مرنجان السودان
لك الود والتفاصيل الدقيقه فى دكان ود الصول تعال بهناك ... ودحسن

[نزار حسن محمد]

حمدا لله علي سلامتك اخ نزار
اتمني ان تكون قضيت اجازة ممتعة بالسودان

ام احمد ازيك ..اولا انشاء الله ربنا يرزقك بالبنت الهديه ورضيه قولى امين.. فعلا ياام احمد اجازه ممتعه وخاصه كان عرس اخوانى احمد وغسان

وكانت ايام جميله وحلوه للغايه ..اتمنى ان تجمعنا الايام بى طوفه فى ربوع مدنى.. لك الود اخوك نزار حسن

[نزار حسن محمد]

الاخ نزار حمدا لله على السلامه ونتمنى ان تكون قضيت احلى الاوقات ...دى طبعا اكيد ما فيها شك ... وسوالنا عن مدنى واهلنا الطيبين فى مدنى .. المهم منتظرنك بعد ما تاخد ليك جمه شويه كده .. لاننا منتظرين بفارق الصبر موضوع جامعه الجزيره .. ونحن فى الانتظار ......................

الاخ العزيز رامى مشكور ياصديقى وفعلا مدنى حلوه ومابتتفات ..

رامى .. فى موضوع جامعة الجزيره اريد ان ااكيد للجميع بان الموضوع الذى طرح بى المنتدى (( عارى تماما من الصحه)) واكرر عارى تماما من الصحه ووصلت فى هذه الموضوع الى ابعد مايمكن للتاكيد عن صحة الموضوع ..
اخى رامى هناك بعض الموضيع التى تهم اهل مدنى بخصوص ابناء وبنات الجامعه وحصلت بعض التصرفات الغير لايقه وساكتب عنها بالتفصيل
لحقا وهناك خطر على كينونة وخصية مدينة مدنى سوف اطراحها بكل تفاصيلها الدقيقه فى الايام المقبله..
لك الود اخى رامى

[نزار حسن محمد]

حباب نزار وحمداً لله على السلامة

والله مشتاقين ونورت المنتدى

الحبيب الغالى جدا ذو الفرده .. ياخى المنتدى منور باهله الذيك كده الناس الفنانين ..والله ليك وحشه وعندى كلام كتير بس شيل الصبر شويه عشان اخوك مشغول اليومين ديل لكن بتفرغ ليكم لك ودى اخى الفنان ذو الفرده.

[نزار حسن محمد]

الرحيب .. نزار حسن ..

سعيد حظ أنا أن أغيب عن المنتدى لظروف خاصة ثم أجد فرصة طلة لمدة خمسة دقائق وأول ما أطالعه

هو عودتك الجميلة .. جميل حضور أنت يا عزيزي .. ومستف ذوق .. كن بالمنتدى ما أمكن ..

الآن سأمارس هذا الغياب الإجباري مع الوعد بالعودة قريباً ..

تحياتي أقصى ما تراه عيون ..

الاديب الفنان سوباوى.. كم انا سعيد بطلتك البهيه ... الرجاء ان ترسل لى العنوان لاستطيع ان ارسل لك الكتيب المتوضع عن المسجد اخبرنى سامباااا
وانا فى انتظار العنوان اخى وصديقى العزيز سوباوى .. لك ودى الابدى اخوك دوما نزار حسن

[نزار حسن محمد]

عوداً حميداً

وحمد لله على سلامة الوصول

وفي انتظار اخبار مدني على أحر من الجمر، خاصة موضوع جامعة الجزيرة

العزيز جدا 114 ياخى انا دايرك ترجع لوراء شويه نحن اتلاقينا وين فى الثانوى العالى ولا فى الدوره المدرسيه لانى متاكد تماما باننا اتقابلنا وين مامذكر ..
عزيزى ستجد الرد على موضوع الجامعه فى ردى على الاخ رامى وذى ماقلت مافى كلام بشكل ده نهائي هناك موضوع عن بنت جامعيه وجدتة مع شاب سودانى بحدائق حنتوب وهم يصورن بعض المشاهد الاباحيه على فيديو مبايل.. وقد حوكمت الفتاه والشاب بالنظام العام وساكتب بالتفاصيل فى موضعين لاحقا...
لك ودى اخى 114 مع تحياتى اخوك نزار حسن

[نزار حسن محمد]

الأخ القدير نزار

الحمد لله على السلامة ووصولك من ارض المحنة
وشنو يعني احنا ماشين وانتم جايين انشاء الله بس ما تكون كملتلينا المطرة

تحياتي ليك ومرحب بيك في بيتك تاني

الاخت سور الباسمين ..اسم على مسماء.. كتر الف خيرك على المرور وياسوار الياسمين حتستمتعى بمدنى ومطرة مدنى وشارع النيل اخر حلوه
وانا راجع تانى لمدنى ولو بمرادى اقعد على طول بعنى خلال ثلاثه اسابيع ساكون بمدنى اتمنى ان القاك على خير بين اهل والاحباب
مع خالص ودى اخوك نزار حسن

[الجندي المجهول]

الغالي العزيز
مشتاااااااااااااااااااااااقين
وحمد لله على سلامة الوصول
كان من المفترض انزل السودان واكون مع الناس لكن ربك اراد والحمد لله لكني حتما ستجمعنا الايام ولك حبي وفي انتظار الدوري الاوروبي بعد الانتهاء من كاس العالم

[نزار حسن محمد]

الغالي العزيز
مشتاااااااااااااااااااااااقين
وحمد لله على سلامة الوصول
كان من المفترض انزل السودان واكون مع الناس لكن ربك اراد والحمد لله لكني حتما ستجمعنا الايام ولك حبي وفي انتظار الدوري الاوروبي بعد الانتهاء من كاس العالم

[SIZE=4]لكن مابلغت يالجندى المجهول العريس كل يوم يقول اسع بجى الجندى والرشيد كان عنده امتحان فى الخرطوم اولاده استمتعه بالعرس لكن فقدناكم بشده لكن ولا يهمك الجايت اكتر من الريحات لك ودى اخوك نزار[/SIZE]

[hamad2]

عوداً حميداً

وحمد لله على سلامة الوصول

وفي انتظار اخبار مدني على أحر من الجمر، خاصة موضوع جامعة الجزيرة
__________________

[hamad2]

عوداً حميداً

وحمد لله على سلامة الوصول

وفي انتظار اخبار مدني على أحر من الجمر، __________________