النتائج 1 إلى 25 من 32

الموضوع: يا ناس مدني سلام عليكم ...

أدوات الموضوع
- مشاهدة صفحة طباعة الموضوع


	23-07-2006 09:56 PM #1 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 يا ناس مدني سلام عليكم ... يا ناس ود مدني سلام عليكم هوووي يا أهل العوض ردوا السلام !!! الحقيقة إنا من عرب النيل الأبيض يعني يربطنا معاكم النيل الأزرق في الخرتوووم ... و بصراحة بندر و د الأمين دا ما بنجيه إلا اذا كنا عيانين و عشان انا عيان اقبلوني عضو عندكم و اذا ما قبلتوني ما بطلع .... ما بطلع تعرفوا ليش ؟؟؟ ما مشكلة بقوليكم باكر ... صراحة كنت أبحث عن منتدى سوداني يربطني بالوطن و التراب و الأهل منتدى يتميز بالأصالة و الحس و الذوق السوداني و عند إطلاعي على منتداكم الرائع أعجبتني مواضيعه المميزة و كل ما يتم طرحه من حوارات و قراءات أدبية و فنية و رياضية ( ما تصدقو يا مشرفين ) داء بكششش سااااااكت عشان تقبلو عضويتي ، كما أعجبت جداً بمشاركات و مداخلات الأخوة الأعضاء و تفاعلهم مع كافة القضايا المطروحة ، عليه اهنئكم بهذا المنتدى متمنياً أن يصبح نجمة تزين سماء الإنترنيت ( بالله شوف سماء الإنترنيت دي العربي دا جابها من وين ،،، هو الإنترنيت دا ذاتو نحن شايفنو لمن نشوف السماء بتاعو ؟؟؟ ) .... حكمتو بالغة..... و ذي ما قالوا العربي كان فتحت في الفـــردة بيسويلو جيب !!!! "" الفردة دي لناس أوربا و أمريكا حاجة سودانية أصيلة بيضاء اللون ذي الــ Bed sheet و لناس الخليج شرشف و بالسوداني ملاية مطورة مغزولة من القطن فيها زيـــق أزرق أو أخضر حسب اللون المتوفر يتم إستيرادها من منطقة الجزيرة ، و أهل العوض بعرفوها ما تحتاج شرح ... فاخترت مدني التاريخ و الحضارة و الأصالة غايتو أقبولها مني عربون محبة و كان ما قبلتوها بغفلكم و بختها في جيبكم ( لا ما جيب البنطلون يا حلوين ،، جيب الفردة القلناها قبل شوي ) و ياني من اليوم دا صاحبكم و صديقكم و أنتي حبايبي و أهلي و ناسي .. و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	23-07-2006 10:10 PM #2 HAMADTO الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Oct 2003 الدولة مدني - حي المدنيين المشاركات 2,458 أهلا وسهلا بابو علا نورت المنتديات ... سعداء كثيرا لوجودك بيننا ... نتمنى لك قضاء وقت ممتع ومفيد ...وفي انتظار مشاركاتك رد مع اقتباس


	23-07-2006 10:46 PM #3 zoolfrda الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Mar 2006 الدولة أينما تواجدتم المشاركات 3,519 أنا يا أبو علا ... عندي ميزة عاجباني عجب عندي قدرة تمييز الناس الفرد من بين خلق الله والله يعلم إنت شكلك كده حتبقى فردة الفرد زاتو كدي أملص نعلاتك دي وأبقى داخل لي جوه واشرب جبنتنا وأخد ليك تكية لحدي ما الضلعة تطلع .. لو بعدنا .. ولو قسينا .. ولو يموت .. الوصل فينا .. إنتو أغلى الناس علينا .. رد مع اقتباس


	24-07-2006 12:22 AM #4 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الأخ حمدتو .... ألف شكر على الترحيب الحار وكرم الضيافة ،،، دوماً سباق كما عهدناك في الرد على كل مشاركات الأعضاء و كذلك في ترحيبك ببرالمة المنتدي ، أسال الله أن أكون عند حسن ظنكم .... و معاً نقدم كل ما هو مفيد و رائع و إلى الأمام يا مدني ... ( بس ما تاخدوا كلامي بالمعني الحرفي بكرة ألقاكم بقيتو قدام القضارف .... ) و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	24-07-2006 12:28 AM #5 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 يا زوول يا فردة .......... بيني و بينك كده قبل ما يدخلوا علينا أهل العوض ديل و يمخولوا راسنا و يحلو صواميلو عندي ليك سؤالات شوي كدي... أول التبادي انت زيقك دا أخضر و لا أزرق ؟؟ ( معليش أخوك عندو عمى ألوان من كتر مشاهدة مشجعين كاس العالم و الله عليهم جنس ألوان الواحد تقول يكشح اللون في الواطة و يتدردق فيه زي دحيش علي ود اللمين و يجلبط نفسو باللون التقول الصابون عندهم رخيص ها يا زول هه خليك من تلوين الوش الله بسألني في حتات تاني بلونوها تستغرب الطباشيرة دي بتصل كيف ؟؟؟ كدي خلك من الكلام ده أنت سولوا ليك جيب و لا لسه ؟؟؟؟ بعدين النعلات دي نحن ما بنشوفها إلا وقت نكون ماشين صلاة العيد و أول ما تجي تنوم بالليل أمك تشيلها منك ترفعها في راس الدولاب فوووووق و ما تشوفها إلا العيد الجااااي ..... الجبنة مقريفاني و رامياني تب و بدوورها بالحيل بس في الأول كان شفت لي لقمة كسرة بملاح روب ...و أمانة فيك تكتر السمن ، ضلعتك ما بدورها و الضلع دا مكجنو في القبل الأربعة ( قال ضلعة قال ... انتو الضلع ما بتشوفوا إلا في عرس و د بانقا ، الله يجعل فيه البركة واراكم الضلع ) و بعدين أعدل لي راس دا بجبة بكرية و الله زكرتني كلام زولاً زمااان قال "" سوت لي جبنتن كذا عسل النحل صافيها .... أحمر لونها زي عين الدباس تينبها .... ظبطت رأسي و تم كيفي تلتاويها ..... غير ست ريدي قرام الحلة ما بسويها """ و الله أونسك ونسة سمحة تب تقعد تقرقر اليوم كلو و ترفع في كريعاتك و تفرفر ذي الموبايل المشغلنو هزاز ... كدى أرفع راسك بفوق الحوش و قول يا مرة الفطور و يا ولد جيب الشاي ... انا شوي و برجع ليك تاني و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	24-07-2006 07:16 PM #6 سمل الحلفاوى الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Jun 2005 الدولة اصلا حلفاوى وساكن بحرى كافورى المشاركات 1,010 أهلا وسهلا بابو علا نورت المنتديات ... سعداء كثيرا لوجودك بيننا ... نتمنى لك قضاء وقت ممتع ومفيد ...وفي انتظار مشاركاتك حكمة وقالها سمل ودالولياب لف في أي منتدى براحتك .. في غير منتدى ودمنى مش حتـــاخد راحتـك سمل ود جزيرة كولب ( وادى حلفا ولاباريس رد مع اقتباس


	24-07-2006 07:48 PM #7 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 حبيبي الحلفاوي مشكور على ترحبيك الكريم متمنياً من الله التوفيق لنا و الجميع و دمتم فخر لنا و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	25-07-2006 07:12 AM #8 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 مرحب بيك يا ا بو علا فردا من عائلتنا المتواضعه هذه مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	25-07-2006 02:18 PM #9 التيمان الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Jun 2005 الدولة مدنى شندى فوق المشاركات 4,171 هلا با ابو علاهلا بيك والله فى منتداك خش لى جوه وانشاء الله تفيد ونستفيد منك فى منتدانا والصداقه التى بين كل الاعضاء وتكون صديق عزيز علينا أبكي انا .. عاصي انا لمنو انا اشكي .. أفتح لي بابك يا كريم واقبل دعائي كل ما .. امد اليك كفي .. الله .. مرر الماوس وادعي التيمان .. َ! رد مع اقتباس


	25-07-2006 07:54 PM #10 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الأخوة الأعزاء / نور العيون..... التيمان ألف شكر على كرمكم الفياض ، يشرفني أن أكون فرداً من أسرة منتدي ود مدني الرائع و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-07-2006 01:29 PM #11 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة abu_ola بعدين النعلات دي نحن ما بنشوفها إلا وقت نكون ماشين صلاة العيد و أول ما تجي تنوم بالليل أمك تشيلها منك ترفعها في راس الدولاب فوووووق و ما تشوفها إلا العيد الجااااي ..... حباب أبو علا....حباب ناس بحر أبيض... مسعول من الخير أأأبوي متين سعيتو ليكم دولاب !!؟؟ السحّاره وديتوها وين...أتعولمته يابوعلا ونسيت الدحلوب... أهل العوض أأأبوي بالله التقول في راسم ريشه بينقشو بعض وعلوّل ما شفتك عرفتك زولي علاّ كنته قايلك ضهبان ...قلته ياربي أبوعلا دا لي هسع كايس لي عنمايتم الكرته النعمنو ما فيها وسم ولاّ عارت حمارة أبوهو الخدرا وكايس ليها يوديها يعشّرا بي حمار العمده...؟؟ حبابك تاني أأأبوي وكان ما شالتك الكسيده بنشيلك فوق صنقورنا... بجيك صاد أأألعشاي... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	28-07-2006 09:27 PM #12 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 و د الماحي فكيت صدري من كتر مقالدتك أنتو أول مرة يجيكم زول من بحر أبيض.... الصدق و الله انك جنايناً حنين بالحيل الله يخليك يا ود عشاي و صراحة كدي انا كت فاكر اني براي العاجباني نفسي بالحييييل و عاجبني أهلي و كلامون السمح دا ترا حواء والده و مني قايل بلاقي واحداً زيك أصيل و حنين النعمنو العوووولمة دي شالت الجنوي زي السيل محل ودتم ما خبرناه و الواحد يتكلم معاك ما تفهم منو شئ !!!! ها زول ها بقينا ذي الأطرش في الزفة غايتو وليدات الزمن دا الله يدينا خيرم و يكفينا شرهم .الشافع التقول مخلووت بموية شيطان ..... هاه يا زول هاه ما شفت أول عمنول وليدات حلمية اختي جونا من الخرتووم لقوا سحارات حبوبة ربطو ليها حبل من وراء و درعوها فوق كهربت الحكومة يسعلني ما يسعلك المغرب مرقوا منها موية بااااااردة يا جنوي دا شنو الخارب دا قالوا ليي ( يا خالو ) السحارة عملناها ديب فريزر قلت ليهم ديك منو ؟؟؟ قالوا لي لا يا خالو مو ديك...... ( ديييب فريزر ) قعت اردد في الكلام وراهم تلات أيام لامن حفظتها و من يومها لفيت عمتي فوق راسي و شقيت الفريق و البلاقي كلوا كان مرة كان راجل اقوله آآآ زول هاه أريتك ما ود حليمة ..... آزول مالوا ود حليمة و اقص ليهم القصة و من يوم داك الجماعة كلهم بقوا اشربو عندنا التقول سهريج الحكومة ركبو فوق بيتنا الجنوي وقت شافوا ناس الحلة بقوا يردوا عندنا فكروا شوي و جاتني البنية الوسطانية فيهم وقفت قدامي و غزغزت كيعانها ذي الممرضة في العنبر قالت لي ( خالو ودينا مكتب تسجلين براءة الإختراعات نحن عايزين نسجل إكتشافنا دا بأسمنا عشان ما يسرقوه ) قلت ليها آبت هاه امشي شوفي ليك لعبة العبيها حرام بالله حاجة التهجة دي كان تطقي راسك بالسماء ما بتديك سحارة عرسها تسجليها باسمك كمااان اسه هي كان عرفتكم يمين حج و عتق تمرقكم من البلد ،، قلت أدب و كلام فاضي قالت شنو ؟؟ قالت دايرة السحارة كمان بالله عليك الله شوف الكلام دا آآ ود الماحي . الدولاب دا زاتو سوهو كيفن أبعرفون كان جونا المرة الجاية بسعلن ليك و بقصها ليك تب كدي آزول النعلق للحمار دا و بجيك صاد ما فوت ... خسمتك بالله ما تفوت آآ ود الماحي باقي ونستك حلوه بالحيل مشكور و ما قصرت تب .... و جيتك دي مشكور عليها بالحيل و الله تستاهل الضبيحة بس الجداد فره التعديل الأخير تم بواسطة abu_ola ; 28-07-2006 الساعة 09:32 PM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	30-07-2006 07:58 AM #13 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 حباب أبو علا ...حباب الخزين..حباب الفنجري...حباب الخير أها أأأبوي الديك فريز دي بتلد متين ؟ دايرين منها درفونه ولاّ تيراب النعمنو نحن تيبارنا ضربناهو حيمور وبعدي لينا سنه لي الحول واللقاي المطرقع داك حق الطلس أنقدّه وختينا بدلو قدح عود عشان السواسيو ما يغرقن فيهو...أها أأبوي أنا ورود ما برد عندكم لكن رمضان المقدم الله والرسول أنا عندكم في بحر أبيض نضوق المويه البارده والهبوب البارده ...هبوبك ياالله...طراوه ساي .... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	31-07-2006 06:21 AM #14 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 حباب ود الماحي حباب عشا البايتات حبابك مية و ألف خمسين انا بنزل إجازة السودان أن شاء الله في شهر رمضان يا ليت تقول لي أنت وين عشان نتقابل فيس تـــو فيس و اقص لك حكاية الديك فريزر دي ، أبشرك اليومين دي دولابنا ولد ليه تيمان صغاااار الولية سمتم كمندينات ( و الله دي برااه حكاية دايرة ليها قعدة ) و خاتاهم جنب السرير و كل ما تلقي ليها حاجة تختها فوقه انا خايف تقد نافوخ الصغير دا قبل ما يكبر بس بيني ما بينك احسن اتعلم اشيل المسئولية من صغير قبل ما يقومن ليه ضلف و يقفلوه مننا بالمفتاح الونسة آآ خوي سمحة معاك تب بس اعزرنا كان قصرنا في حقك و خد مني النمة دي قصر بيها الطريق لمن توصل بحر أبيض طمح و اتسادا قدام قيفو بي شوفة جمال الماحي بكمل كيفو يتشابا التقول جملاً فقد عليفو عارف يا جمال يوم التجيهو خريفو ود الماحي الـ بجر القافية فوقو وانم على جيرانو والقاصدنو خيرو بعم أديب وعفيف ومن عوج السنين مابهم سخيا كفو زى النيل يمد ما بلم ! و الله تستاهل يكتبو فيك معلقة كاملة مش مربعين بس لكن الدوام الله يجازيه ما مخلي لينا وقت و في البيت الوليه من ما تشوفك تنط في رقبتك التقول حارس مرمي و تتعنكل فيك ذي كعكول الصمغ في الشدرة و البنية تلف حولك التقول داقين ليها بربندي تحت كرعيك ،،،،غايتو كان لقيت لي فرقة بجيك صاااد يا عشاي التعديل الأخير تم بواسطة abu_ola ; 31-07-2006 الساعة 06:30 AM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	31-07-2006 01:28 PM #15 جالوص الملف الشخصي مشاهدة المشاركات عضو جديد Array تاريخ التسجيل Jul 2006 المشاركات 27 لما أفوتك من دون خاطر .. أو دون خاطر مني تفوتي بلقى حبايب فى كل حتة .. وكل بيوت الفقراء بيوتي رد مع اقتباس


	31-07-2006 08:16 PM #16 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 حباب جالوص حباب الأصيل ود العز و الكرم ، أدخل لداخل يانا أهلك و دارك و حبايبك ، استريح شويه و ورينا علومك و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-08-2006 04:44 PM #17 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 الحبيب أبو علا... مشكور أبوي علي المسدار يابحر الدميره تب ماليهو غرار ياود القبايل الكرم ليك دار عشا البايتات وضري الصغار وكبار فرّاج الضلمّه ديمه عالي منار مشاققه... السودان أأأبوي ياحليلو...ياحليل رمضان السودان...لكن أأألخزين الحي مصيرو يلاقي... وقريب يا الله ان شاء الله تلمنا... مع تحياتي للاسره وخاصه البنيّه السكريّه حلاوه لبن.... كان رسلتو لينا موية رمضان بنرسل ليكم شيلة البنيّه...والصفاح في بحر أبيض... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	08-08-2006 07:17 PM #18 awatif Guest awatif tahiya يا أهلي الحنان000 العزاز000 الطيبين سلام عليكم شديد يا ودمدني السني ويا سعدابي ويا ودكنان000 أنا من زمان وعايزة موقع مدني عشان ذكرياتي الحبيبة في مدني000 أعرفكم بنفسي، أنا من مواليد هذه المدينة الشامخة العملاقة التي حبها نابع من قلبي فارقتها لبلاد الغربة قبل ثمانية سنين ولكني أزورها كل سنة حاملة عشقي وحناني وشوقي سلام مرة ثانية وأرحب بكم وبالمنتدى سلامي0000 رد مع اقتباس


	08-08-2006 07:44 PM #19 مرتضى ساتى الملف الشخصي مشاهدة المشاركات عضو برونزي Array تاريخ التسجيل Jan 2006 الدولة ودمدنى /مايو اربعين المشاركات 945 مرحب ومليون مرحبا وحباب اهل مدنى ومهما الغربه طالت مصيرنا نرجع ومدنى حنونه وبتسع الكل ومرحب مره اخره رد مع اقتباس


	12-08-2006 01:53 AM #20 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 المشاركة الأصلية كتبت بواسطة HAMADTO أهلا وسهلا بابو علا نورت المنتديات ... سعداء كثيرا لوجودك بيننا ... نتمنى لك قضاء وقت ممتع ومفيد ...وفي انتظار مشاركاتك حبابك الف يا ابوعلا نورت وشرفت رد مع اقتباس


	19-08-2006 10:36 AM #21 hamad2 الملف الشخصي مشاهدة المشاركات عضو فضي Array تاريخ التسجيل Dec 2005 الدولة من مدني_حي النصر_مايو40 المشاركات 1,006 حباب أبو علا رد مع اقتباس


	20-08-2006 07:04 AM #22 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 ود الماحي ::: حبابك ألف يا عشااااي و نمك حلو بالحيل طولت الغيبة وينك يا راجل ما باين ،،، بعدين يا عشا البايتات فتحنا لينا كوفي شوب في شارع المنتدي العام فاتح ناصية على أربعة شوارع و فوقو خمية حاااصة بالنم و الدوبيت و الكلام الدقااق و نحن في رجاك يا الخزين **** عواطف ::: مدني وااااسعة يا بت أمي و صدرها حنين بلم الطيبيب كلهم مرحبتين حبابك تعالي بالدرب و أدخلي لجوة مرتضى ساتي :::: ألف أهلاً بيك حبابك *** و اليوم السعيد الينا جابك هلا و سهلا و مرحبا و كل مفردات الترحاب تتضاءل امام قدومك الكريم سامبا .... مشرفنا الكبير ::: ياكا كبيرنا و دبيرنا و قالوا الما عندو كبير اشوف ليه كبير من ضوء سعدت بترحابك و أشكرك على مرورك الكريم حمد الثاني ::: هلا و سهلا و مرحباً مشكور على ترحابك و مرورك الكريم و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 09:45 AM #23 صالح ابوشوارب الملف الشخصي مشاهدة المشاركات زيارة الصفحة الرئيسية رحمة الله عليه Array تاريخ التسجيل Jan 2005 الدولة مدني المشاركات 2,095 المشاركة الأصلية كتبت بواسطة HAMADTO أهلا وسهلا بابو علا نورت المنتديات ... سعداء كثيرا لوجودك بيننا ... نتمنى لك قضاء وقت ممتع ومفيد ...وفي انتظار مشاركاتك مرحب بيك ابو علا انت في بيتك مرحب بي ناس القراصة وبحر ابيض رد مع اقتباس


	27-08-2006 09:49 PM #24 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 مشكور عمنا أبو شوارب على الترحيب الحااااااار و بحر أبيض و بحر أزرق ديل تيمـــان من الله خلق الدنيا و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	05-09-2006 01:48 AM #25 أبوريلان الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة أحلى وأحن المدن المشاركات 4,251 [QUOTE=HAMADTO] أهلا وسهلا بابو علا نورت المنتديات ... سعداء كثيرا لوجودك بيننا ... نتمنى لك قضاء وقت ممتع ومفيد ...وفي انتظار مشاركاتك ناس بتمشى سنين طويلة وناس بدون ما تمشى توصل رد مع اقتباس

الإنتقال السريع الاقتراحات والمناسبات والترحيب الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:26 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني