غيرتّ اسمي

[مازن الجمّال]

بعد التحية لكل اعضاء المنتدى الكرام فرداً .. فردا..

بعد طول سنين في عمر مشاركاتي على النت وخصوصا في المنتديات اتعودته اني اشارك دايما بالاسماء المخفية او المبهمة ..

لكن امبارح انتبهت لي حاجة مهمة .. وهي اني انا من مدني وبين ناس مدني وما في حاجة بتتطلب اني اشارك بأسم حركي واكتر حاجة زعلتني انه عندي اصحاب كتيرين مشاركين في المنتدى وللأسف ما قدرت اتجاوب معاهم بسبب اسمي القديم او عدم معرفتهم لشخصيتي الحقيقية ..

لذا فقد تم تعديل اسمي من الاسم القديم rasta man

للاسم الحقيقي .. مازن الجمّال


وانشاالله ما اتحرم منكم يا ناس مدني ..

[محمد حسين (المميز)]

كــل مانشـــتل الأفـــــــراح.. تجي الغنمايه تاكلهـــا تاني


والتوقيـــــــع ده غيرتو ولا القديم يا كابتن

خلاص ماتنسى راجيين الضبيحه

[abu_ola]

العزيز مازن

مهما تغيرت الأسماء يبقي جوهر الإنسان ثابتاً

و تبقي أفعاله خير دليل عليه

حتى نحن لم يستشيرنا والدانا في أسماءنا

مرحباً بك و بميلادك الجديد

فالشمس واحدة و لكن شروقها كل يوم من جديد يجدد فينا الأمل و الحياة

كن متجدد دوماً فالماء حينما ينقطع عن المسير ،،، يصبح آسن لا جدوي منه

[نزار حسن محمد]

[QUOTE
لذا فقد تم تعديل اسمي من الاسم القديم rasta man

للاسم الحقيقي .. مازن الجمّال


وانشاالله ما اتحرم منكم يا ناس مدني ..[/B][/SIZE][/COLOR][/QUOTE]


اخى مازن الجمال ... اولا اقدم لك التهنئه عاى هذه الخطوه واتمنى من الجميع ان يحتذى بما قمت به من اظهار لى اسمك الحقيقى

وكما ذكرة لماذا نخفى اسمائنا ... فمرحبا بك من جديد اخى مازن والخروف على ...اخوك نزار حسن

[مازن الجمّال]

كــل مانشـــتل الأفـــــــراح.. تجي الغنمايه تاكلهـــا تاني


والتوقيـــــــع ده غيرتو ولا القديم يا كابتن

خلاص ماتنسى راجيين الضبيحه

المميز اسما وفعلا

في البداية شكرا على المشاركة واللفتة

بعدين الاتغير الاسم وليس الجوهر

يعني الغنماية ماكلة افراحي .. ماكلة افراحي

[مازن الجمّال]

العزيز مازن

مهما تغيرت الأسماء يبقي جوهر الإنسان ثابتاً

و تبقي أفعاله خير دليل عليه

حتى نحن لم يستشيرنا والدانا في أسماءنا

مرحباً بك و بميلادك الجديد

فالشمس واحدة و لكن شروقها كل يوم من جديد يجدد فينا الأمل و الحياة

كن متجدد دوماً فالماء حينما ينقطع عن المسير ،،، يصبح آسن لا جدوي منه

الوريف ابو ولا

يعجز القلم عن تسطير كلمات تضاهي كلماتك المكتملة بجميع المعاني

لذا ..

ليس لي غير ان اشكرك على تلك الكلمات

ودمت اخي ..

[مازن الجمّال]

اخى مازن الجمال ... اولا اقدم لك التهنئه عاى هذه الخطوه واتمنى من الجميع ان يحتذى بما قمت به من اظهار لى اسمك الحقيقى

وكما ذكرة لماذا نخفى اسمائنا ... فمرحبا بك من جديد اخى مازن والخروف على ...اخوك نزار حسن

نزار

الفعل ياهو الفعل .. والاسم لا يبدل شيئا من شكل الجوهر الداخلي لكل انسان

حقيقة منتدى ود مدني بحسسني اني عايش فعلا جوة مدني وبين ناسها الحلوين

تشكر يا نزار على الخروف

والجلد والراس والكوارع ما تدوهم للجزار

نأنو شنو

عاوزم ..

[HaSsOoN]

الف تحيه ليك يامازن وخطوه حلوه جدا .......يلا راجيين الضبيحه ..ماتنسوا تعملوا العتي هههههههههههههههههههه

[امل حياتى]

الف تحيه ليك يامازن وخطوه حلوه جدا .......يلا راجيين الضبيحه ..ماتنسوا تعملوا العتي هههههههههههههههههههه

هههههههههههههههه معقول يا حسون بدل تبارك للاخ مازن الاسم الحقيقى تقول داير تأكل المرارة بالشتة والعتى ههههههههههههههه انت والله حاجة قديمة

[سواااح]

عزيزي مازن ..

مرحبا بك لين ما حللت

فما الاسم الا كرسم والاهم الدواخل

مرحبا بك في بيتك

دمـــــــــــت ،،

[معتز حمدتو]

ود الجمال
يكفيك فخرا انك من مدني ويزيدك في العزه انك بن ابيك ومحاط بالبركة .
يقال قبة السني اوفريقنا عامره حلقات الذكر وانت اطلالة مسجد وقبة شاطوط في بيتكم .
اولاد ود ازرق الطيبين وحلوين معادنكم مابتتغير وان غيرت الغربة لهجاتكم .
وذي ما قلت نحن في المنتدي اسره واحده كاننا لازلنا في الحي وفي جلسات المساء وان نائت بنا الاجساد .
وليك علي دجاجة باكتاكيته اكراما للظهور باسمك .

[الجندي المجهول]

يا مازن يا هاشم الجمال اولا ازاي الحال يا راستا وين الناس قالو لي اكلتوا قروش الايرانين كلها بس ما تنسانا خلي لينا حبه يا حبة

[السلامى]

رائع يا مازن الخطوة تلك ونحن من اسع منتظرين خروف نزار حسن ( يا ربى يكون مرسلو بشنو بالطيارة ولابالباخرة ) وبالمناسبة انا على التخليص من الجمرك

[مازن الجمّال]

الف تحيه ليك يامازن وخطوه حلوه جدا .......يلا راجيين الضبيحه ..ماتنسوا تعملوا العتي هههههههههههههههههههه

حسووون

التحية ليك مردودة يا عسل .. والضبيحة راجين بيها حاتم الجزار قال لو ضبح غيري بيجي يطعنا

لكن العتي ده غايتو إلا نشتريهو جاهز

[مازن الجمّال]

هههههههههههههههه معقول يا حسون بدل تبارك للاخ مازن الاسم الحقيقى تقول داير تأكل المرارة بالشتة والعتى ههههههههههههههه انت والله حاجة قديمة

امل حياتي

ولسة وحاتك منتظرين

لو وش وش صوت خروف نزار في الباب

يسبقنا الجوع قبل العينين :d


شكرنا على الطلّة الحلوة

[مازن الجمّال]

عزيزي مازن ..

مرحبا بك لين ما حللت

فما الاسم الا كرسم والاهم الدواخل

مرحبا بك في بيتك

دمـــــــــــت ،،

العزيز سواح

وما تحتويه الدواخل من كلمات قد لا تسعه الكرة الارضية


شكرا اخي على كلماتك العطرة

ويا فرحتي وانا بين أهلي وناسي ..

[مازن الجمّال]

ود الجمال
يكفيك فخرا انك من مدني ويزيدك في العزه انك بن ابيك ومحاط بالبركة .
يقال قبة السني اوفريقنا عامره حلقات الذكر وانت اطلالة مسجد وقبة شاطوط في بيتكم .
اولاد ود ازرق الطيبين وحلوين معادنكم مابتتغير وان غيرت الغربة لهجاتكم .
وذي ما قلت نحن في المنتدي اسره واحده كاننا لازلنا في الحي وفي جلسات المساء وان نائت بنا الاجساد .
وليك علي دجاجة باكتاكيته اكراما للظهور باسمك .

معتز

حقيقة ما تتخيل انا فرحان بيك قدر شنو

وحقيقة برضو لو قلت ليك مشتاق اشوفك قدر شنو

ولكن !!

فعلا مصيرو الحي يلاقي ..

[مازن الجمّال]

يا مازن يا هاشم الجمال اولا ازاي الحال يا راستا وين الناس قالو لي اكلتوا قروش الايرانين كلها بس ما تنسانا خلي لينا حبه يا حبة

الجندي الما مجهول

في داعي للفضايح

اول حاجة كدي دقيقة خليني اجر نفس

وبعدين قول الايرانيين هم الاكلو قروشنا

نأنو شنو

لقيتم اشفت من ناس ودأزرق

[مازن الجمّال]

رائع يا مازن الخطوة تلك ونحن من اسع منتظرين خروف نزار حسن ( يا ربى يكون مرسلو بشنو بالطيارة ولابالباخرة ) وبالمناسبة انا على التخليص من الجمرك

السلامي .. ليك سلامي

والله خروف نزار ده من شدة ما منتظرنو سنينا السكينة مرتين :d

الله يستر غايتو :d

[أبوبكرحامد]

أحييك على هذه الخطوة يامازن الجمال وزى ماقلتا نحن هنا أهل ، سامى الجمال دفعتى بمدرسة الأهلية (أ) المتوسطة ، أبلغه تحياتى.

[مازن الجمّال]

أحييك على هذه الخطوة يامازن الجمال وزى ماقلتا نحن هنا أهل ، سامى الجمال دفعتى بمدرسة الأهلية (أ) المتوسطة ، أبلغه تحياتى.

ابو بكر

حقيقة كان نفسي اخطوها من زمان

لكن أهو الحمدلله

وعلى فكرة سامي الجمال ليه من السودان امكن اكتر من 16 سنة

[abomazeen]

والله شجاعة في محرابها
بس أنت لاحظ بكلماتك البسيطة في الشرح والإيضاح ( بعد طول سنين في عمر مشاركاتي على النت وخصوصا في المنتديات اتعودته اني اشارك دايما بالاسماء المخفية او المبهمة .. )
لاحظ ولاحظوا يا ناس المنتدى والمراقبين والفنيين إنو الزول ده فتح لينا جبهة حرب وهو أول فرس فيها يعلن الحرب والسلام معاً في وقت واحد ...
إعلان الحرب في كشف اسمه الحقيقي بدل (nick name ) المشارك بيهو ؟؟
والسلام والاستلام بعودته إلى حقيقةجوهرة واسمة الجميلة فبعض منا كان زميل دراسة له ولا قاربة واخوته ومثال ( الناطق الرسمي للمنتدى ) خير دليل ؟؟
بعد كـــده عاوزين نعرف الجندي المجهول ده منــو ( لا أخصه هو بالذات - ولكن لشرح وعموم الفائدة ) ؟؟؟؟؟؟ والباقيييييييييييين بدون فرز ؟؟؟
ولا شنـــــــو يا أهلــــنا ؟؟؟؟؟
مع خالص تحياتي وشواقي ....