لو يوم.............

[مازن الجمّال]

نصيحة مجربة :

..........................

لو يوم صحيت الصباح ولقيت نفسك جعان وفتحته التلاجة ولقيتها جعانة وفتحته جردل الرغيف ولقيتو جعان وكشكشته جيبك ولقيتو جعان !!

جيب كباية واملاها موية من الماسورة واذا قاطعة من قعر الزير وكب فيها عدد وافر من ملاعق الملح ودوبه كوييس ..


وبعد داك أكتحا دفعة واحدة مع إغلاق نخرينك جيدا ( عشان ما تحس بمعاناة البلع )


وبالهنا والشفا

[مازن الجمّال]

تجربة خطيييرة :


........................


لو يوم ماشي في نص السوق العربي وفجأة اكتشفت انه الخمسمية جنيه المعشم عليها وقعت ..!!


اول حاجة .. انسى كل المبادئ والقيم والمثل الكنت مكفن بيها ..

تاني حاجة .. إتخيل نفسك في دولة اجنبية وأعمل انك ما شايف زول في الشارع غيرك وغير الهدف المتوجه عليه..

تالت حاجة .. وجه نظرك للواطة وإذا كبريائك حاول يمنعك حاول تشغله بأي حاجة في والواطة ( مثلا خليه يحسب كمية الأكياس المالية الشارع ) .

رابع حاجة .. أرسم في وشك نظرة طفولية بريئة وحاول أقنع بيها نفسك لحدي ما تحس بأنه العلامة الملائكية اترسمت في ضهرك .

خامس حاجة .. اثناء عملية الشحدة حاول انك تكون مهذب بقدر الإمكان وابني شحدتك على الحجة المثبتة ويكون أفضل لو أظهرت بعض البراهين والدلايل الأكيدة على حوجتك الماسة ويفضل انك تطلب مبلغ صغير وكافي أي بزيادة خمسمية جنيه بس من المبلغ المقصود..

آخر حاجة .. اقصد دايما التجار واصحاب المحلات المتمبشة والمكدسة ( كمجمع الدهب ودكاكين الجملة ) واحذر المركبات العامة لانها بتكون مليانة شماشرة واصحاب شمار عالي اضافة الى ذلك اغلبية متشعلقين المركبات العامة بيكونوا من الطبقة البروتارية واللافين سورو ..


ملاحظة هامة ..

أنكش شعرك وغبّر جزمتك ( إذا كانت مورنشة ) وبعد قضاء حاجتك حاول انك تتخارج من السوق العربي وبأسرع وقت ممكن .

[HaSsOoN]

ههههههههههههههههه مبالغه لاكن ....موية ملح والبطن فاضيه طبعا حتحصل تفاعلات عجيبه في البطن لاكن تعمل شنو كعب العدم

لكن بتاعت الشحده دي بالغتا فيها .........شكلك عملتها قبل كدا وكانت اخر 300 جنيه مش 500 ههههههههههههههههههه

تسلم ياسكر على موضوعك الجميل دا

[سواااح]

مازن ..

تعرف وصفتك السحرية ممكن تسفر الواحد زي السلام عليكم

كده .. وفجاءة تلقي نفسك في الآخرة ..

يا زول مالك علينا .. ما تحاول كده تصلحها

خليها مثلا ملح مع سكر

المهم اي حاجة تكون خفيفة

تسلم ماااااااازن

دمـــــــــــــت ،،

[مازن الجمّال]

ههههههههههههههههه مبالغه لاكن ....موية ملح والبطن فاضيه طبعا حتحصل تفاعلات عجيبه في البطن لاكن تعمل شنو كعب العدم

لكن بتاعت الشحده دي بالغتا فيها .........شكلك عملتها قبل كدا وكانت اخر 300 جنيه مش 500 ههههههههههههههههههه

تسلم ياسكر على موضوعك الجميل دا

حسوون

امبارح وصلتني الرسالة التالية :

مبروك كشف المستور ونشر الغسيل والكيس الكان مليان شطة ومغطه .. ساح وانداح .. مبروك العودة للجزور يا ود السرور ..

غايتو يا حسوون الله لا يوريك يوم أسود

[مازن الجمّال]

مازن ..

تعرف وصفتك السحرية ممكن تسفر الواحد زي السلام عليكم

كده .. وفجاءة تلقي نفسك في الآخرة ..

يا زول مالك علينا .. ما تحاول كده تصلحها

خليها مثلا ملح مع سكر

المهم اي حاجة تكون خفيفة

تسلم ماااااااازن

دمـــــــــــــت ،،

عارف يا سواح

مرة كنا جيعانين انا وود جيرانا وما كان في الجيب إلا خمسمياية واحدة .. الحصل اننا جينا لبتاع الدكان الجمبنا وشلنا منو عيشة واحدة وفتيناها في الصحن .. وبعد تحانيس اقتنع انه يرش لينا من فوقها زبادي ..

طبعا لو كنا كبينا فيها سكر ما كانت حا تكفينا .. بالمنطق طبعا..

الحصل اني شلت لي خمشة ملح ورشيتها من فوقها .. وكان اننا كل واحد فينا شال منها لقمة واحدة وبلعها بعد تحانيس مع تأثير الإنقهام وبعد كده اتوجهنا على المزيرة وادينها عدد واحد كوز موية وحمدنا الله على النعمة ..

الشبع معنوي يا سواح

[محمد حسين (المميز)]

ياخوي موية الملح دي الاّ كان عاوزين يضبحوك
اما الشحده دي
سويها براااااااااااااااااااااااك
,,,,,,,,,,,,,,

[مدنيّة]

هههههههههههههه

والله غايتو انت بتبالغ عدددددددددددديل كدا

وفلتي وصفاتك دي مجربة كدا ومضمونة ؟؟

[خالد عبدالماجد]

الأخ مازن
الله يديك العافية .
لكن جد الواحد ضحك ضحكة كايس ليها زمن ....
قلت لي الشبع شي معنوي ..
حللللللللللوة .

[مازن الجمّال]

ياخوي موية الملح دي الاّ كان عاوزين يضبحوك
اما الشحده دي
سويها براااااااااااااااااااااااك
,,,,,,,,,,,,,,

المميز

موية الملح دي كان جعتّ تب بتشربها

وبعدين جرب انفخ الخروف بالببسي وقول لي رايك شنو

[مازن الجمّال]

هههههههههههههه

والله غايتو انت بتبالغ عدددددددددددديل كدا

وفلتي وصفاتك دي مجربة كدا ومضمونة ؟؟

مدنية

صدقيني مجربة ومضموووونة

بس ما تكتري منها

[مازن الجمّال]

الأخ مازن
الله يديك العافية .
لكن جد الواحد ضحك ضحكة كايس ليها زمن ....
قلت لي الشبع شي معنوي ..
حللللللللللوة .

خالد يا ود كسلا

انشاالله دايما فرحان وبتضحك

والشبع ده زي الوهم ..

عارف يا خالد

جرب يوم تكون جيعان وبتاكل في فول وانت مدخل اللقمة على خشمك غمض عيونك واتخيلها الحاجة اللي نفسك فيها ..

جرب وقول لي احساسك كان شنو

[مازن الجمّال]

لو يوم صحيت من النوم الصباح ولقيت نفسك مصاب بهوس العرس..

إليك الحل ..

* شوف ليك أقرب حيطة واخبط راسك بيها لحدي ما تحس ببداية الصداع وبعد داك خت موية في كفتيرة وختها في النار وكب فيها اكبر كمية ممكنة من البن المحروق وصوتو كويس لحدي ما تحس بيه بقى تقيل زي المديدة وبعد داك أشرب..

أو ..

* جيب ليك فحم وولعه في المنقد واقعد هب فيه لحدي ما يولع ويبتدي يطلع شرار وبعد داك شيل ليك جمرة وختها في طرف لسانك ..

أو ..

* شوف ليك كلب راقد تحت مزيرة نص النهار وامش عليه وحاول امسك ضنبه وعضيه فيه ولما يهمر فيك أقيف ليه وخليه يستمتع في عضعضتك ..

أو ..

إدمدم ونوم وحا تصحى وتلقى نفسك كويس بإذن الله

[معتز حمدتو]

ياود الجمال
مالك بقيت تخرم ذي عمنا ود النو الشباب بهناك نشجع فيها في العرس وانت تحبط في المعنويات ...
دحين كان ادوك الملح بتشربُ ،،، شكلك اخدت ليك شاكوش كويس من بنات ود ازرق .....
بعدين امة الرسول بخيره الجعان بياكل ، والماعندو بصل ، والناوي العرس الله بتم ليه بس انت خليك من هجلبتك ده ...