قصة الملكة المزيفة مع حكومة الولاية

[السلامى]

موخرا زارت ودمدنى أحدى نساء أمريكا الوسطى وأدعت أنها الملكة شيبا من البحر الكاريبى ومعها بالطبع هيلمانة من المساعدين لزوم التمويه المهم استقبلت أستقبال حار قبل مدنى فى ولايتى كسلا والقضارف وأهتمت الولايتان بامرها كثيرا وماتدعيه بأنها جاءت لخدمة السودان لانها من أصول أفريقية وكمان سودانية ثم تحولت على شقاوتها الى ودمدنى وأرادت أن تلعب بالنار مع حكومة الولاية ( التفتيحه) وهنا بداءت تتضح الحقائق طبعا والينا طلع ( مفتح) فتم أستقبالها وأنزالها فى بيت الضيافة تصوروا ملكة مزيفة على حقيقتها أتت دون جدول أعمال ودن جواز دبلماسى أو شئ يجعلها محط أنظار وحماية عند حكومة السودان بل لقد أتت عن طريق الحدود وذلك ماجعل الوالى يحذر أعضاء حكومته من الدخول معها فى أى أتفاقيات وأوضح الوالى أمس الاول بانه كان يساوره الشك فى أمرها ( مش قلت لكم تفتيحه) المهم أنكشف أمرها بأنها لاملكة ولا أميرة بل واحدة متغطرسة وعاجباها أموالها ففكرت بان تدعى أنها ملكة وتذهب بذلك الادعاء الى أفريقيا بلد الجهل والامية ولكن حظها العاثر أتى بها الى ودمدنى بلد العلم والثقافة والغريب فى الموضوع كله أنها بعد أن تم أستبعادها من السودان صرحت للصحافة فى بلاد العم سام أنها برئية مما نسب اليها وليس لديها أى صلة بجهات أستخباراتية بل هى فقط مهتمة باالتراث الافريقى وأنها جاءت الى السودان فى مهمة عمل أنسانية وأنها بصدد تنفيذ مشاريع خيرية جاءت من أجلها وقالت كمان أنها لن تتخلى عن هذا السودان الذى أحبته وأحبت شعبه وأنها الان فى أمريكا لترتيب بعض الامور الخاصة بها وأنها سوف ترسل أوراقها عبر الانترنت لتبرئ ساحتها مما نسب اليها وأنها عائده الى السودان قريبا لتنفيذ مشاريعها ( شوفوا جنس المحن دى )

[نزار حسن محمد]

والله محن يايوسف .. هو نحن ناقصين .. كدى بالله تابع لينا اخباره اول باول.. امكن تكون وارثه نقوم نعرسه للعزابه العندنا

[الجندي المجهول]

مرحب اخي السلامي اولا اشكرك علي اثارت هذا الموضوع ولاني عايشت الموضوع بتفاصيل كثيرة ومملة اقول لك وبكل صراحة الكل انخدع فيها والكل اصابه الطمع والصدفة هي التي خدمة الجميع لكشف اكذوبتها والكل جهز اجندته واتفاقياته وليس هنالك شخص ما اتخدع وصدقني كنت مع الحدث اول باول وكلنا جرينا هوا من صغيرنا لي كبيرنا وازيدك من الشعر بيت انا عندي نسيبنا او بالاصح نسيب اولاد عمي رجل اعمال ومروق جدا وانضرب 8500 دولار امريكي وهذه كانت عبارة عن فاتورة فندقية سددها للملكة المزيفة حتي يفوز معها باتفاقيات وعقود والحاجات بتاعت ناس رجال الاعمال دي والله يا سلامي البلد في غيبوبة تامة يعني افرض الدخلت دي ما محتالة كانت ارهابية والتيم المعاها دا خبرا وتفجير ووووو الخ كان البيحصل شنو غايتو البلد ماشة بدعوات الصالحين ساكت وربك يسترنا ويستر اهلنا

[مدنيّة]

بالجد حاجة تحير الملكة المزعومة دي ومافعلته في السودان ؟؟ يعني اي زول يجي يقول انا ملك تتفتح امامه الابواب !!! سبحان الله

[السلامى]

والله محن يايوسف .. هو نحن ناقصين .. كدى بالله تابع لينا اخباره اول باول.. امكن تكون وارثه نقوم نعرسه للعزابه العندنا

المشكلة يأخوى هى مدى البساطة التى نتعامل بها مع الاجانب لدرجة أن الاجنبى يتمتع بأشياء غير متاحه لمواطنى هذه البلاد يعنى شافع أسرائيلى يجنده الموساد ممكن يجهجه البلد من اولها لاخرها

[السلامى]

مرحب اخي السلامي اولا اشكرك علي اثارت هذا الموضوع ولاني عايشت الموضوع بتفاصيل كثيرة ومملة اقول لك وبكل صراحة الكل انخدع فيها والكل اصابه الطمع والصدفة هي التي خدمة الجميع لكشف اكذوبتها والكل جهز اجندته واتفاقياته وليس هنالك شخص ما اتخدع وصدقني كنت مع الحدث اول باول وكلنا جرينا هوا من صغيرنا لي كبيرنا وازيدك من الشعر بيت انا عندي نسيبنا او بالاصح نسيب اولاد عمي رجل اعمال ومروق جدا وانضرب 8500 دولار امريكي وهذه كانت عبارة عن فاتورة فندقية سددها للملكة المزيفة حتي يفوز معها باتفاقيات وعقود والحاجات بتاعت ناس رجال الاعمال دي والله يا سلامي البلد في غيبوبة تامة يعني افرض الدخلت دي ما محتالة كانت ارهابية والتيم المعاها دا خبرا وتفجير ووووو الخ كان البيحصل شنو غايتو البلد ماشة بدعوات الصالحين ساكت وربك يسترنا ويستر اهلنا

مشكور جدا الجندى المجهول لاضافة بعض المعلومات وياريت لو تضيف أكثر حتى يعلم الجميع مدى الاستهتار بعقول الشعوب المستضعفه

[السلامى]

[quote=مدنيّة]بالجد حاجة تحير الملكة المزعومة دي ومافعلته في السودان ؟؟ يعني اي زول يجي يقول انا ملك تتفتح امامه الابواب !!! سبحان الله
ما ياهو دى السودان ياأختى مدنيه طيبه ذيادة عن اللزوم شكرا على المرور

[مرتضى ساتى]

ده كلام عجيب وغريب
عيش كتير تشوف كتير
واووعى تلعب فى بيت اللعب
دى مدنى ...........دى مدنى
وموضوع شيق وجميل ياسلامى
وليك سلامى

[السلامى]

شكرا لك الاخ مرتضى على المرور ونتمنى التفاعل أكثر

[خالد أحمد الصول]

أخي السلامي
مالي أشم في موضوعك هذا رائحة أتعجب ما طعمها
هذا الموضوع طلع في كل الجرائد الحكومية و غير الحكومية و كنت قد أحضرت مقتطفات من هذه الجرائد لاسجلها في هذا المنتدي و لكن نسبة لان النت كان قاطع عن السودان قرابه ال7 أيام أهملت هذا الموضوع الذي صار فطيرا و بائتا ..
الريحة التي شممتها هي أن حكومة الولاية قد أكلت الطعم بشهادت صفحات الصحافة السودانية و إنها إنبهلت في الملكة أقصي درجات الانبهاله و قد أستضيفت لمدة 8 أيام في قصر الضيافة و عقدت عدة إجتماعات مع وآلينا و جماعتوا و صدر لها توكيل عام من حكومة الولاية بالتحدث و التعاقد و الذي منوا في كل بلاد العالم بإسم حكومة الولاية و بإسم الوالي التفتيحة كما تقول و نعلم أنه قد تم دفع فواتير الاضافة و الاكل و الشراب و الحوافز و الضرائب و إيجار البصات من الخرطوم-مدني و بالعكس
ألم أقل لك أنني أشم رائحة .... هذا الوالي التفتيحة .. إذا كان تفتيحة فعلا ... لكان قد قدم إستقالته و أعتزر لشعب هذه الولاية الفنان

[جنفر]

كلام ياعوض دكام

[portbail]

لأعزاء السودان عبارة عن زريبة " دخوليه " يدخل أراضيها كل من هب ودب بدون إذن مسبق ولاموعد

[abu_ola]

قال اكتشفوها قال ...طيب بعد شنو لاكين بعد ما لفت القضارف و كسلا و جات مدني قعدت ثمانية أيام !!!!!! يا جماعة الخير كان سألت أي طالب عن اسماء رؤساء و ملوك دول العالم يرد عليك وهو مفتح عين واحدة و بالمناسبة الجماعة القاعدين في ضل الشجر يحلو الكلمات المتقاطعة ديل كان سالتهم بوريك ملوك الدنيا و الآخرة حتي ملكة سبأ زاته عارفنها
سوال سااااكت كدي وين وزارة الخارجية و السلك الدبلوماسي و المباحث و الإستخبارات .... و بالمناسبة سفيرنا الطيب
القاعد معاهم في بلدهم دا شغال شنو ما دام الملكة ما بعرفها !!!!! و حتي كان ما عندنا سفير في بلدهم معقول وزارة الخارجية ما بتعرف أسماء رؤساء و ملوك الدول .... هو العالم دا زاتو قدر شنو ؟؟؟ مش قالوا قرية صغيرة ( هههههه )
يا كافي البلا و حايد المحن ملكة جاية تزور السودان لا جواز دبلوماسي لا دعوة و لا سابق انزار لا جدول أعمال...... و كمان ما جات بالمطار !!!!! تكون يا ربي دي ملكة الليل ؟؟؟

يا جماعة فتحوا عيونكم كوييييييس و كل واحد مننا يعرف جاروا منو قبال ما الفاس تقع في الرأس

مجرد سؤال :

لا سمح الله كان الجمااعة ديييلك جو و دخلوا دار فور زي ما بقولوا نقول يا ربي نحن بنعرف متين ؟؟؟ و لا ما بنجيب ليهم خبر كلو كلو ؟

[عمك تنقو]

( شوفوا جنس المحن دى [/color] )[/quote]

:d محن ساكت هي
العمي اللعميها هي عمية من دار فور كان اصله حارقها الجنس الافريقي ده ؟