مالو لو 00 خييييييييييييييالي لكن 0000 ممكن

[rasheed]

مالو لو عملنا مجلس إدارة لود مدني ( مجلس عمد يعني ) ؟؟؟
مالو لو محمد الأمين عمل لينا حفل كل شهر ؟؟؟
مالو لو أبو عركي عمل لينا حفل كل شهر ؟؟؟
مالو لو عصام محمد نور عمل لينا حفل كل شهر ؟؟؟
مالو لو ياسر عبد الوهاب (سيد خليفة) عمل لينا حفل كل شهر ؟؟؟
مالو لو عمر جعفر عمل لينا حفل كل شهر ؟؟؟
مالو لو قصر الثقافة جاب شعراء وأدباء مدني وغيرهم وعمل لينا ليلة شعرية كل شهر ؟؟
مالو لو أمير التلب رجع مدني وعمل لينا ليالي المدينة ؟؟؟؟
مالو لو عملنا منتخب لمدني ولعب كل آخر شهر مع أتيام الولايات ؟؟؟
مالو لو كل مغترب من مدني دفع عشرة ريال كل شهر ؟؟؟
مالو لو نسقنا بين المالوهات دي كلها مش الشهر بكون مليان بالحاجات الحلوة وبتجيب القروش طيب ماااااااااااااااالو يعني ؟؟؟
حتكونوا مليتو من مالو لكن مالو برضو ملو ؟؟؟
ما تقولوا مشيت الردمية ولا السكة حديد بتاعة حي البان 0000 والفين سلام حمدتو وهترشاتك والشباب الشاركوا معاك مع في البوست ،، ومستوحي مالووووهااااااااااتي من البوست بتاعك فعذراً !!!!

[نزار حسن محمد]

ابصم بالعشره يالرشيد انك مشيت.. الردميه والسكه حديد وكمان هواء بركات العليل .. لكن تعرف لو المشيات دى بجيب لينا مالو هات كلنا بنمشى ياخى دى مش افكار حلوه ياخى انت قلبته هوبه عديل وانا الرشيد راجع مدنى اخر الشهر وصدقنى ساحاول الاتصال بكل من معارفى فى الاسماء الذكرته دى عشان نعمل المالو هات دى ويكون الدخل للمنتدى وكتير ياقريبى من المالو هات.... وديك الصحه والعافيه ....ودحسن

[Jamal Elmahi]

ألاخ الحبيب الرشيد....
هاأأأزول والله ليك وحشه شديده ...الشئ من ديك وعيك....
ومالو لو أديتنا طلّه ولاّ سعلته عننا؟؟
ومالو لو غشيتنا في دكان ود الصول وقلته سلام أأأأناس؟
ومالو لو شربته معانا فنجان قهوه عند أبو علا كوفي شوب؟
ومالو لو هسّه قلبناها وست وسنفكنا ود الماذون والادمن؟


جمال الماحي

[امير عبدالباقي]

الاخ الرشيد
والله مالوهاتك حلوه ياريت بس تتحقق وترجع مدني للابداعات

[rasheed]

الغاليين دوماً نزار ودالماحي أمير ،، لكم التحايا ،،
ويا نزار أنت ماتورينا الطريقة بتاعة الرجوع للبلد دي كيف خلال شهر ولا شهرين لكن حقيقي هواء بركات خطييييييييييييييييييييييير ،،
ود الماحي واللا يا خييي أتلومت في الدكان لومن شديد بالحيل علا ليكن علي أجيكم بالعراقي والسروال الجبتهم معاي من السودان هبابي ساكت أزوول ونشرب ديك االجبنة الما خمج بخورا جاولي والتيمان بنابرها عتيقة حقت الأخوان وودعها فيه الويحيد وود الصرة وعشا الضيفان ،، وأكياسا سعوطاً عبد الحق ولا بوش أتقول بمنبان ،، بعدين ها زول نحن جننا وجن القلب والقلب والقليب والمقالب 00 والقليبة بتاعة الرملة ( فيها العقارب ) عشان كده خلينا نلعبا وست سااااااااااااكت والحبايب ود المأذون والآدمن ديل ما ظنيتهم بلسانهم وعقلهم ديل نقدر على سنفكتن ، لكن بنوصلها البتمرقهم بكرامة البليلة ويقعدوا يبوسوا فيها ،، صحي صحي ما سلمت عليكم لكن القلوب شواهد وكان وقعت عيني على الحيموري والأزرق في واحد من البوستات طوالي بدوسلك الفرملة وبشوف ود الماحي وود المأذون قالولنا شنو ،، ما ياكا البترجعنا لبوادينا وردميتنا يا سلام عليك ياخووووووووووي 0
الرائع الأمير - أسياد مدني - تحياتي ليك وإن شاء الله تبقى وحتبقى وتحقق ما دام في ناس زيكم قلبهم على المحبوبة شايل الهم ، والناس متشمرة وقانصة جنس قنص علا كان مدني ترجع سيرتها الأولى وبترجع إن شاء الله 0