شهر 7

[lola]

عودة المغتربين السودانيين في شهر 7 بترفع الأسعار حتي الذي يريد الزواج بتعب في التكاليف الزائده في هذا الوقت من العام.

وزمان قال واحد صاحبنا كده . (والله طيارات المغتربين دي تلقاها شايله كترة شواكيش ).

علي الرغم ان الإغتراب بقي تعب ساكت ، يعني قروشه شويه، أحسن الزول أقعد في سودان العزه والكرامه ده عشان أقدر إنجز حاجه .

هل تعلم أن كثير من السودانيين الذين كانوا يلهثون وراء اللوتري الأمريكي ، هسه زهجانيين من أمريكا وقالوا عايزيين يرجعوا !

لكن هذه طبيعة النفس البشريه ، لا بعجبها العجب ولا.........فلو أطلعهم الله علي الغيب لرضوا بواقعهم .
فالقناعة خير لا ينتهي
و عجبي!!!!!!!!!!!!!!!!!!!!!!!!!

[osmangamal]

تحياتى للجميع

كلامك فى محلو ياعركيه
نسأل الله أن يرد غربتنا ويرجعنا لاهلنا وعضمنا قوى انشاءالله ،،،،،،،،،،،،،،،،،

[114]

يا عركيه يا صديقة الجميع
الشواكيش للمغتربين كأنها انتقام مشوكشي السودان القديم حينما كان المغترب حلم كل فتاة في السودان، فما إن يصل مغترب إلا وترصده كل مراصد البنات- حتى المخطوبات منهن لمحليين- فلو نالت رضى أحد المغتربين باعت المحلي، والآن، بعد تدهور حالة معظم المغتربين صار يحدث العكس، فتكون مخطوبة لمغترب، ومجكسه محلي، يعني حسب كلام البنات نفسهن، لازم يكون فيه واحد في الرف جاهز لأي طارئ، ويذكرني ذلك مسلسل قديم (البردعي) حين تقول ليلى علوي لوالدها: (اتخطب لمدحت واتجوز مصطفى).
مسكين المغترب، يلاقيها من وين واللا من وين: من الدولة اللي كل يوم غاشاهو بأراضي سكنية مضروبة، او بمشاريع وهمية يدفع فيها حصيلة عمره، ام بضرائب وأتاوات لا أول لها ولا آخر، أم بتضييق الخناق على تلاميذ الشهادة العربية، أم من الخطيبات زي ليلى علوي (الممثلة مش اللاند كروزر)..

[رهيب]

والله ياعركية كلامك صح والواضح مافاضح
خليها بس على الله0

تحياتي

[طارق التوم]

كل كلمه قلتيها صحيحه واوكدلك بان كل المغتربين بفكرو فى الرجعه بس لسه فيهم امل يعملو حاجه بعدين زى ما قال حمدتو المغتربين بقو مشوكشين من كل الجهات حكومى وشعبى لينا الله

[أبوريلان]

والله كلامكم صاح وتمام ، بس فى مشكلة عويصه تواجه هؤلاء المغتربين وهى قيمة تذكرة الرجوع لأرض الوطن ( الشاف ماذى السمع )