لما اسرح
في ملامحك
وصورتك
قدام عينيّ
أمد إيديّ
في خيالي أسالمك
وأشوف الدنيا
ضيقة عليّ
والقي البهجة
فاضت بيّ
اهمس ليك
أناديك ..
تعالي يا إنتي
تعالي إليّ
اسأل طيفك
يسوقني إليك
وليكي هناك ،
يروح بيّ ..
اقعد جنبك
احضن ايديك
وسط إيديّ
وأشوف الدنيا
ضيقة عليّ
والقي البهجة
فاضت بيّ
احادثك ،
اضاحكك ،
ازاعلك ،
واللوم ..
ارميهو عليّ
القاك ،
انتي حلمي
الليهو زمن
بفتش ليّ
القاك ،
انتي غناي الكان
مبحوح صوتو
بينادي عليّ
واشيلك ،
جوه في جواي
الاقي ،
احسن اشيلك
في عينيّ
أخاف ..
الناس تعرفك
في بسمة ..
بين شفتيّ
أخاف الناس
تلقاك فرحة
غامراني
ويسحروك ليّ
احتار أدسك وين
يا إنتي حتي
من الضئّ
تجاوبيني :
قلبك والله
احسن ليّ ،،،
رد مع اقتباس
المشاركة الأصلية كتبت بواسطة معتز تروتسكى
المفضلات