فتاة للحب واخرى للزواج!!!!!!!!!!!!

[ابوالنور]

السلام عليكم ورحمة الله وبركاته

كيف الحال جميع

كيف اخباركم ان شاء الله تكونو جميعا بخير

كلنا نحب أو سنحب ..... وكلنا سنتزوج أو تزوجنــا .....

وسال احد الشباب عن سبب عدم زواجه من الفتاة التي يحبها ؟؟

قال : ((( مستحيل أتزوج فتاة أعرفها قبل الزواج ))) ........!!!!

وإنه يعرفها من سنوات ولكنه لا يثق فيها لذلك لا يتزوجها !!!!

ويجب أن يتزوج فتاة لا تعرف عن الدنيا شيء !!

(( أخي العزيز .. هل هناك فتاة للحب وفتاة للزواج)) ؟؟؟؟؟؟؟؟؟

وهذه بعض الأسئلــة التي أوجهها للفتيات ؟؟

** هل تفكر الفتاة التي تحب إنها سوف تتخلى عن من تحب وتتزوج غيره ؟؟

** وهل سوف تعترف لزوجها عن ما قبل الزواج ؟؟؟

** وهل ستسأل زوجها عن ماضيه ؟؟؟؟؟؟؟؟؟

**وهل ستثق فيه اذا اخبرها عن ماضيه؟؟؟

ْْْْ** ونفس الاسئله للشباب ... ؟؟؟؟؟؟؟؟

**لماذا فتاة للحب وفتاة للزواج ؟؟؟

** إذاً لماذا العلاقات قبل الزواج ؟؟؟؟

** ولماذا الشاب يبحث عن فتاة مثل أمــه ليتزوجها ؟؟؟

ويبحث عن فتاة أحلامه في الفتاة التي يحبها ؟؟؟

وهذا سؤال للجنسين

(((هناك من يقول ما كل حب ينتهي بالزواج))))

مارئيكم بهذه المقوله؟؟؟؟؟؟؟؟؟


الموضوع مطروح للنقاش وانتظر مشاركاتكم جميعا

[Jamal Elmahi]

حباب أبو النور...نورك جهرنا....رمضان كريم
مالك أأأبوي بقصته اللسته... واقع الحال يقول..فتاه للخلط...فتاه للحب..وفتاه للمساكنه ...وفتاه للزواج العرفي...وفتاه للقشره...وكان غلبك سدّها وسّع قدّها وأتزوج.... والله يكضّب الشينه....

جمال الماحي

[نور العيون]

** هل تفكر الفتاة التي تحب إنها سوف تتخلى عن من تحب وتتزوج غيره ؟؟

و الله انا عن نفسي ما بتخيل لكن الحمد لله الفكروا ضيق بيعمل كده ...

** وهل سوف تعترف لزوجها عن ما قبل الزواج ؟؟؟
و الله د على حسب الشخصين و المفروض الاعتراف لكن الشاب ما بيقبل الحاجه دي و مفروض يفتحوا صفحة جديده و الفات مات ...
لكن لو علي و طلب مني حاجه بالشكل د بطلب منو قعدة صراحه و الاتنين يختوا العندهم للمعرفه فقط لا للعتاب و زي ماقلت الفات مات ...




** وهل ستسأل زوجها عن ماضيه ؟؟؟؟؟؟؟؟؟
لو حب يتكلم بسمعوا لكن ما حالح عليه ...



**وهل ستثق فيه اذا اخبرها عن ماضيه؟؟؟
لو اساسا في ثقه مفروض من البدايه و زي ما هو عندو ماضي هي كذلك و الاتنين واحد ليه الشباب يرضى على نفسو و ما يرضاه على البت و الزمن د المجتمع مفتوح و البت الليها علاقات هي البتتزوج و يكون حالها ماشي غير التانيهو السبب غير معروف ...





وهذا سؤال للجنسين

(((هناك من يقول ما كل حب ينتهي بالزواج))))

مارئيكم بهذه المقوله؟؟؟؟؟؟؟؟؟

و الله د طريقه الفكرالهدام للشباب اليومين ديل يعني لو فعلا بحب الفتاة زي ما بقول يا من البدايه مايتكلم معاها و يمشي يتزوجها طوالي يا مافي داعي للحركات دي يعني البت تحب و تتعذب و في النهايه يجي الشاب بكل بساطه و يقول ليها و الله انتي ما بتصلحي لي لأني في يوم من الأيام طلعت معاكي او اتكلمت معاكي ....
والا الحرب على كل الشباب ....





و انا من هنا منتظره راي الشباب و تسلم يا ابو النور على الموضوع الجميل و الرائع و في انتظار رأئيك

[ابوالنور]

براي انا شخصيا بقول ليك التسوي كريت تلقي في جناها !!!

[ابوالنور]

اها يا نور العيون انا رديت لي يومين ومات الأمل بناااااااااااااااااااا............................ ......................................

[شوق العيون]

السلام عليكم والرحمه

اولا من هنا بشكرك اخوي ابو النور على الموضوع الرائع ده ويديك الف عافيه يارب
بالجد موضوع بيستاهل النقاش لان هو موضوع العصر يعني موضوع بياخد ابعاد كتيره وقبل ما اديك رايي حجاوب اول شي على اسئلتك الطرحتها


** هل تفكر الفتاة التي تحب إنها سوف تتخلى عن من تحب وتتزوج غيره ؟؟
اولا قبل الزواج انا لمن احب لي انسان بكون حبيتو وانا متأكده انو ده هوا الانسان الانا اخترتو عشان اكمل معاه باقي حياتي كلها يعني ما اعتقد اني حعمل الشي ده ،، يعني احب انسان وانا ما متأكده من مشاعرو ولا من انو هو جادي معاي او لا لان كلمه حب ماساهله يعني كلمه صعب نعبر بيها لاي شخص ولو لقيت الانسان البيستاهلها اكيد حديه كل حياتي لان حياتي حتكون ملكو ،، يعني احنا شايفين الزمن ده الكلمه دي بتتقال كتير من غير مشاعر او لشئ ما في نفس يعقوب ده انا مابسميه حب،، ممكن اسميه اي شي تاني اعجاب او لعب او اي شي ،، والعلاقه بين الشخصين لو انتهت انا مابسميها حب ممكن اسميها اي مسمى تاني لكن ما حب لان علاقة الحب اسمى من اي شي،، علاقه نبيله جدا عشان كده انا لمن احب لي انسان اكيد ثم اكيد اني ما حتخلى عنو لاي سبب من الاسباب عشان غيرو ده عن نفسي انا وحعمل المستحيل عشان اتزوجو هوا..

** وهل سوف تعترف لزوجها عن ما قبل الزواج ؟؟؟
طبعا وطبعا حعترف ليه
العلاقه لمن تتبني على الصراحه من اولها دي هي العلاقه الناجحه ،، انا طبعا ماحجي وحقول لاي زول عن ماقبل الزواج حعترف لمن اتأكد من موقفو ومن انو هو انسان بيستاهلني فعلا وبيستاهل اني اديه حياتي ككتاب مفتوح واحسن انو يعرف مني من انو يعرف من انسان غيري
كده حيقدرني اكتر وتاني شي طبعا مستحيل حكون انا ارتكبت جرم حيخليني اخجل من اني اعترف ليه عشان كده الحمد لله حياتي السابقه حتكون بالنسبه ليه واضحه زي عين الشمس وطالما هو باقي علي حيقدر صراحتي معاه


في اشخاص مابتتحمل معرفة الحقائق لكن اسلوب الشخص المتحدث هو البيفرض على الطرف التاني الاستماع برويه او انو يتنرفز في الكلام


** وهل ستسأل زوجها عن ماضيه ؟؟؟؟؟؟؟؟؟
طبعا كل انسان في الدنيا دي ليه ماضي ،، انا لو سألتو من ماضيه ده ماعلشان اني احاسبو او اغير رايي فيه بس سؤالي ليه عشان اكون عارفه عنو كل شي لكن ابدا ما من حقي اني احاسبو لان دي علاقات او اشياء كانت قبل معرفتي بيه لكن انا بحاسب من معرفتي بيه وليقدام ،، والحمد لله انا انسانه متفهمه ومابفكر بالحاجات بتفكير سطحي..

**وهل ستثق فيه اذا اخبرها عن ماضيه؟؟؟
طالما اخبرني ماضيه اكيد حثق فيه لان هو لو ماوثق فيني اكيد ماكان حيكلمني عن ماضيه ،، ولو ماوثقت فيه اكيد ماحكون بستاهل حبو ،، و لو دخلت ذرة شك في نفسي تجاهو ده حيكون بداية لانتهاء العلاقه البينا
والمثل بقول (( حرَص ولا تخوَن )) يعني الفتاه لازم تخلي بالها من الشاب لكن ماعشان انا ماواثقه فيه لكن لان هو جزء من حياتي بيستاهل الاهتمام والتقدير







(((هناك من يقول ما كل حب ينتهي بالزواج))))

مارئيكم بهذه المقوله؟؟؟؟؟؟؟؟؟

هي مقوله صحيحه لكن مافي كل الحالات ومافي كل العصور
يعني بالجد والله اصدق حب حب ناس زمان زي ماكلنا عارفين
الزمن ده الزول لو شاف ليه واحده من اول مره يقول حباها ،، ياتو حب ده الهو بيتكلم عنو ؟؟ ده ممكن يكون مجرد ارتياح او اعجاب ،، يعني ناس الزمن ده معظمهم مافاهمين الحب ده هوا شنو؟
ده مامعناه انو مافي حب صادق ابدا ،، لا !! في حب ولكن نادر جدا
يعني لو اتنين بحبو بعض وعملو المستحيل عشان يكونو مع بعض والله ماكتب الشي ده ،، والمستحيل فعلا يكون مابعدو اي حل وجاهدو جهاد انهم يكونو لي بعض وبرضو ماحصل نصيب ،، هنا العباره دي بتكون صحيحه
لكن لو اتنين بحبو بعض ومن اول مره الشاب اتقدم ورفضوهو وشال الفكره دي من بالو ده ماحب بي صراحه لان البحب بناضل عشان يتوج حبو ده بالزواج لكن ده بكون عدم موضوع من الشاب والفتاه الضيعو وقتهم في كلام وعبارات حب وفي النهايه بكل بساطه ماحصل نصيب وخلاص
ااي عارفين انو الزواج قسمه ونصيب وكل شي وانو ده قضاء ربنا وقدرو لكن ربنا ( قال اسعى ياعبد وانا اسعى معاك )

عشان كده لازم اي انسان يفكر جد في علاقتو بالطرف التاني قبل مايحصل ندم بعدين
ولو في شخص بحب ليه شخص تاني ياريت يعني لو بحبها حب صادق ومتمنيها انها تكون ليه ياريت يناضل عشانها ويحاول بقدر مايقدر انها تكون ملكو هوا لان الحب ماحاجه ساهله
ولو انو اترفض مايخت انو دي نهاية العالم يحاول مرة واتنين وثلاثه وانشاء الله الله يوفقهم



وربنا يوفق الجميع يارب





تسلم اخوي ابو النور على الموضوع ياراقي ويديك العافيه يارب ماقصرت