دعوه

[nahla abass]

والله أنا عايزة أدعوكم كـــــــــــــلــــــــــــكم وبدون فرز...............
لمشاهدة برنامج( كل الجمال) على الفضائية السودانية
البرنامج دا بيقدموا الفنان وليد زاكى الدين كل يوم أحد الساعة 8 مساءً بتوقيت السودان
البرنامج دا روعه روعه بمعنى الكلمة وهو بيتناول أخبار الفنانين والفن فى السودان بالإضافة لى إنو بيعرفنا بى أسماء وقمم فنية نحنا بنعرفهم بالإسم وبس من خلال الأغانى أو الأشعار البقدموها
وكمان طول فترة البرنامج بكون فى نشرة أخبار فنية بيتمر من خلال شريط على الشاشة بتعرفنا بى آخر الألبومات الى صدرت للفنانين والشعراء
أرجو إنكم تشاهدوا وتورونى رايكم

[وليد عمر سعيد]

الاخت،،، نهله

كان ودي والله لكن الغربه وما ادراك ما الغربه
خصوصا اذا كانت في هذه البلد
لا نو كان ممكن عن طريق الدجتل اتفرجا لكن
الدجتل زاتو مابجيب السودان !!!
الله لينــــــــــــــــا

[nahla abass]

الله يكون فى عونكم

[محمد السر احمد]

الاخت نهلة اشكرك عن جد لانو البرنامج بصراحة جميل شديدة
دمتي

[المسافر]

الاخت العزيزة / نهلة

تحياتي ،

بصراحة التلفزيون بصفة عامة إتغيير إلى الأحسن والنظرة القديمة للمسئولين تحسنت كثيرا ونتج عنها برنامج كل الجمال وهو مختلف تماماً على الأشياء التي كانت تقدم سابقاً .

أما عن حلقة يوم الأحد فكانت جميلة إلى حدٍ ما بإستثناء تلك الأخبار التي تتعرض للفنانين العرب فهي أخبار قديمة جداً وأعتقد هنالك قنوات تقوم بذلك على أكمل وجه ومختصة في ( الشمارات ) دي. وأعتقد إن لو إنحصر أعمالهم السودان وباقي الولايات تحديداً يكون أفضل .

ودمتِ على الخير ،

[aborawan]

عيبنا الوحيد والحارمنا نشاهد التلفزيون السوداني هو تكلف مقدمي البرامج في التقديم وحتى برنامج كل الجمال برنامج من اجمل البرامج كمادة ومضمون لكن تاني بح بح !!

[التيمان]

ههههههههه


خير انشاء الله نشوف الحاصل شنو


ونوريك راينا

[nahla abass]

أها ياجماعه رايكم شنو فى حلقه الأحد الفات
راااااااااااااااايكم يهمنا

[Madanawi]

كل الجمال وهبوه ليك ....

كلمات رائعة تغنى بها الاستاذ الفنان الرائع ابراهيم الكاشف .. واستلهم من بين خصل تلك الكلمات الفنان الشاب وليد زاكي الدين معاني الجمال .. لذا لا بد وان يكون البرنامج رائع .. ومفيد ويشكل مساحة خضراء في وجدان المشاهد السوداني .. خصوصا للأجيال الحديثة التي فاتها زمان الفن الاصيل والطرب والطروب.

تحية لك يا نهلة على هذه اللفتة الجميلة .. ومن هنا.. أدعوا نفسي وكل الشباب لحضور هذا البرنامج الرائع!!