عيادة أمراض نفسية

[المسافر]

عيادة أمراض نفسية
دكتور ذو كفاءة عالية وخبرة طويلة وخريج قديم شديد


أدخلوها بسلام آمنين



تفضل أهلاً وسهلاً بيك !!! وريني يا لذيذ مشكلتك الأولى شنو ! وما تقول لي دخلت هنا بالغلط لأن القبلك كلهم قالوا كدة !!!

تنبيه ( الدفع بعد الكشف والعلاج )

[سواااح]

عزيزي المسافر ..

الناس شايفهم بيهربوا من عيادتك
كدي انا بقول ليك ..
الشوق علاجو شنو ؟؟

دمــــــــــــــت ،،

[امل حياتى]

والله صدقت يا سواح غلبته عامل فيها دكتور كبير

[ابوالنور]

ناس الضرائب وين الدكتور

[reeem]

شنو يادكتور انا محتاجة ليك ضروري قالو لي انك شرد من أول مشكلة لكن اعمل شنو في مشكلتي نو حيوريني الحل ليها؟؟؟؟؟

[المسافر]

عزيزي الغالي / سواااح

تحياتي

علاج هو ( إن في الحياة فراق وفي الفراق شوق ومع الشوق دموع وفي الدموع أمل وفي الأمل لقـاء ) والعلاج ده يستعمل يومياً وبدون توقف .

وعشان إنت المشرف العام وأول واحد يدخل العيادة . علاجك بالمجااااااااااااااااان

ولك كل حب وتقدير ،

[المسافر]

أخي الفاضل / أمل حياتي ،

تحياتي ،

لك كل حب وتقدير على المرور والمشاركة لكن أعتقد إنك تعاني من نفس مشكلة الاخ سوااااح بس أخف شوية وبوصيك تستعمل نفس الوصفة بس يوم بعد يوم .

ودمــت

[المسافر]

عزيزي الغالي / ابو النور

تقديري الفائق وإمتناني على التعليق اللطيف بس أنا يا دوب فتحت العيادة والمكان ده ما فيهو شغل خالص ما حلوة تجوني من هسه خلوها بعد سنة ولا شنو !!! لكن الظاهر شكلي حأنقلها المنتدى الثقافي ديك ناس كلهم عشقوتية ومشوكشين . . . أكيد حأستفيد هناك وأعتقد من عندكم صلاحية هناك .

وبصراحة ناس الضرائب ديل أكتر ناس محتاجين علاج نفسي بس ما عندي

ودمــت

[المسافر]

الاخت الغالية / ريييييم

تحياتي وتقديري على المرور وعرض المشكلة . . . وطبعاً إنتِ شفتي اللافتة ( دكتور كبير ) ، وطالما أنا حليت مشكلتي ( بشردة ) أكيد ده الحل المناسب لمثل هذه المشاكل . . .

والنصيحة أعملي زي ما سويت !!

والمراجعة بعد (3) أيام .

ودمتِ ابداً