الشعب في خدمة الشرطة

[المسافر]

قبل سنة ونصف تقريباً أقسم لي قريبي إنه ذهب إلى قسم الشرطة لفتح بلاغ ( شيك بدون رصيد ) وقابل الضابط هناك وقال ليهو الضابط ( أول حاجة أمشي الدكان داااك يجب لينا قلم وفلسكاب عشان نتكتب ليك فيهو البلاغ وبعدين شوف ليك عربية عشان العسكري يمشي معاك بيها وتدي العسكري حاجة عشان يتحفز وما تنسى تفطر العسكري ) .

بصراحة تفاجأت من الوضع ده وتأكدت بعد الأحداث التي حدثت في الخرطوم بأن الشرطة ما عارفة تحمي نفسها كيف تحمي المواطن !!!!!!!

ويا ريت لو في واحد سمع أنو عايزين يبيعوا الشرطة السودانية لشركة أو يخصصوها أو يحلوها يا ريت يديني خبر عشان في نقطة بسط الأمن الشامل جنب البيت ( فيها حلات مطعم ) عشان أشتريهو منهم قبل ما يبيعوه لواحد غريب .

ودمتم

[بنت الرفاعي]

وانت قايل شركات الأمن الجديدة دي طلعت ليييييييه؟؟
ولسة لسة ياما بلاوي بتحصل وبتطلع منهم خليها خدمتهم من قبل الشعب دي هينة لكن البسوو هم مشكلة (العجب الناس الكباااااار دييلك المابقدر يهبشهم زول) إذا كان ديل هم كدة الأمن حيجي من وييييين؟؟؟.(بس في بسيطين الكويسين في الشرطة كلها (ده علشان ما نظلم القلة القليلة منهم)).
والكلام كتييير وماخفي كان أعظم وخلي الطابق مستور لأنو بعد كدة حأنطرد من المنتدى ومن السودان ذاتو.
ودمتم.

[خالد أحمد الصول]

ربنا يهدي المسؤلين و يجعل زممهم ضيقة يتجهون بها صوب الحق آآآآآمين

[ود المطامير]

ها زول أنا بى هناك قومت الدنيا وما قعدتها بسببك وإنت
هِنى شغال شرطة ومحلات ؟ أها لو إشتريت المحل ح تعملو
مطعم بريانى أو مكبوس أو هريس ! أعملو مقهى وشغّل فيهو
كوتى الهندى .
وتحياتى

[سواااح]

الوضع اصبح
الشعب في خدمة الشرطة ..
ولكن ايضا لا زالت هناك
بقية من طيبين واطهار
وضباط وجنود قلوبهم
علي الوطن ..
وايديهم قابضة علي الزناد
يمنحون ولا ينتظرون مقابل

دمـــــــــــــت ،،

[المسافر]

الاخت مرام ، بداية تقديري وإحترامي على المشاركة وزي ما قلتي الشرطي الواقف وحارس والعارف واجبه ده قليل جداً طبعاً ده فوق عيونا وله كل إحترام .

وفعلاً المشكلة هي مشكلة مسئول أولاً وأخيراً وهي كذلك مشكلة كل السودان . . .

وسلمتِ

[المسافر]

الغالي / مسافر

مشكور على مشاركتك ، وأنا حاسي إننا في طيارة واحدة !!!!!!!!

حأعمله مطعم ( كوارع وجقاجق وأم فتفت ) . . بس ما تكون تأثرت بالغربة وبقيت بتاع برياني والحاجات دي . . لازم تشجع الناتج الوطني .

ودمت

[المسافر]

العزيز / صول سودان

تسلم على المشاركة والرأي . . . وفعلاً هي مشكلة المسئولين الواضح إنهم شغالين بالمزاااااااج !!!

ودمت

[المسافر]

الأخ العريس / سواااااااااح

تحياتي

ومشكور على المشاركة وفعلاً الشعب بقى في خدمة الشرطة وأتمنى تقيف عند كده وبس ما يكون عندهم طلبات تانية .

ودمت

[ود المطامير]

ليس تأثراً بالغربة وإنما ذكرت لك الأكلات
الخليجية لكى أحسّسك إننا فعلا فى طيارة
واحدة والحين جيران
وتحياتى

[Almostshar]

ممكن أشارك الراي بي جدارة . حصل لي الموقف شبيه الفات
انسرقت مني شنطة ولمن بلغت قالوا : لو لقيته تعال كلمنا عشان نشطب البلاغ .
خسارة البلد في ناس مابتعيش لناس البلد
أمشي لي فلان وفلان وكلهم تبع فلان غايته تقل جيبك وشوف رصيد البنك
غايته أحيانا الواحد يموت بي مغصته عليهم .
برضو فيهم العندهم ذمة وبخافو الله .... ياناس مانجمع ...
لازم نفرق

[مزوني]

الواحد بس يطول بالوا ويقعد يضحك
1- انا اتسرقت مني 3 موبايلات في السودان وفي كل الحالات كان الموقف شبيه
ويشهد الله اني جبت منهم اتنين برااااي حتى بعد داك طلعوا لي أمر قبض ويشهد الله
اني جاري براي لافي زول شغال بي ولا حاجه ...

2- سنة 2002 ماشي السعوديه بي الجودي الباخره رجعت من نص البحر
ناس الشرطه اي واحد فيهم جا وبنظر بي طريقتوا !! قالوا بسفروا نصنا بي عبارة عبود
والنص التاني يبيت قلت ليهم اقامتي حتسقط لازم اكون مع النص الاول جاني ملازم !!!
متخيلين الموقف ( ملازم ) قال لي حررم انت بالذات ما حتسافر وحتترزع معانا في السودان ده
ومافي اي مقيم حيسافر ويسافروا ناس العمره بس ( طبعا الكلام ده في رمضان )
دقينا جرس سجنونا تلاته ايام لما بقينا في محاكم وبلاوي ماليها داعي

3- طالب شهاده عربيه جاهو واحد شماسي وطلب منو مبلغ مليون
لما الطالب أبى الشماسي مشى حرش صاحبو في الاستيك
رجل الاستيك قبض الطالب وحشر ليه في جيبوا نص راس ( بنجو )
قدام باب القسم ودخلو ( دي شرطه ولا مافيا ماعارف )
والطالب اتسجن 6 شهور والشماسي جا زاروا وقال ليه ماكان اخير ليك تديني المليون جنيه !!!!

ســـبــــحــــان الله

وغير كده الكتييييييييييييييييييييييير لكن الله غالب

وزي ما قلت الشعب في خدمة الشرطه ده لو كان في شرطه أصلا

والله غالب على أمره وتسلم يا المسافر وربنا يحميك من كل شر

والتحيه لكل شرطي مخلص أميييييييييييين

[أمير عبداللطيف]

سلام

منذ رمضان وانا فى اجازة انقطعت فيها عن المنتدى ،، وعدت اليوم لاجد هذا البوست !!!

وسؤالى : لو كان احد اخونك فى البيت لاسمح الله منحرف أو سئ السلوك ،، هل يعنى ذلك فساد الاسرة ؟؟؟

رغم كل سلبيات اوماخذ تظل الشرطة هى الامان والطمانينة وفى خدمة الشعب ،،

مع مودتى ،،،

[المسافر]

الاخ مسافر . . . مرحب بيك مرة ثانية وبجيرتك . . . وأنا برضو مصرّ أشجع الناتج الوطني ( الجقاجق وأم فتفت . . . إلخ ) .

ودمتَ

[المسافر]

الغالي المستشار . . . كفارة على الشنطة وأنا لو في محلك لو كان لقيتها ما بمشي ليهم عشان أشطب البلاغ !!!! وفعلاً يوجد أقلية كويسة بس بسيطة جداً .

وسلمتَ

[المسافر]

الاخ العزيز / مزوني

تسلم على المشاركة وعلى الدعوة بس ممكن تعدلها لي ( يحميل من كل رجل شرطة ) !!!!!

ودمتَ

[المسافر]

الأخ / الأميرو . . . بداية حمد لله على السلامة وعلى عودتك . . .

وناس العسكرية عندهم مثل بقول :

الشر يعم والخير يخص !!! مش

وسلمتَ

[مرتضى يوسف العركي]

أخي الرائع المسافر :
الاحبة : ة moram والاخ mosafir ، صول سودان ، سواح ، Almostshar , مزوني ، امير عبد اللطيف
السلام عليكم :
الشرطي إنسان كغيره يتأثر بما يتأثر به الآخرون بيد أنه ظاهر للعيان منذ اشترط الخليفة عمر بن الخطاب رضي الله عنه العسس وتطور الأمر إلى زيه المميز الذي يسلط عليه الضوء أينما ذهب under focusوكيفما تصرف يزيد الأمر تعقيدا واجباته التي تتعارض مع هذه المظاهر السالبة فالشرائح المهنية بها الصالح والطالح مهندسين أطباء عمال طلاب صناع الخ ... بيد أن ممارساتهم السالبة جميعهم لا تؤخذ على محمل الجد كما هو الحال بالنسبة للشرطي وحيث أنني لست مدافعا أو مبررا لهذه التصرفات المسيئة باعتباري كنت أحد أفرادها يوما ما بيد انه عدلا لا أجد بنفس الحدة إن جاز التعبير من يجير كثير من الأعمال الشرطية الايجابية في التضحية بالأرواح والذود عن حمى الوطن ولعل أخرها تساقط جملة من شهدائها بالرصاص أثناء تأدية واجبهم ليلا يحرسون أمن الجميع . اذكر في نهاية ثمانييات القرن الماضي وكنت وقتها ملازم دلف أحد أعيان مدني مكتب العقيد بحر مدير شرطة مدني بالقسم الأوسط وقتها هائجا ( قاعد لي هنا وبيتي أنسرق من أولو لاخرو ) فرد العقيد بحر بهدوء يعني لو ما سرقوك نحن نشتغل شنو؟ فانفجر الأول ضاحكا واذكر في فترة وجيزة ردت المسروقات.
وعلى فكرة لو تم بيع أكشاك بسط الأمن الشامل كما يذهب البعض نحن يعني أنا وأمير عبد اللطيف نقبض معاشاتنا ورواتبنا من وين ؟؟
الأمر يحتاج لمراجعة الدولة ورؤيتكم النيرة أعزائي الزملاء بالمنتدى التي تتجاوز رصد وسرد المثالب إلى الولوج إلى حل المشكل وتقويم منطقي للإنسان الشرطي والاستثمار فيه مع مراجعة التشريعات والاستحقاقات والتدريب من زوايا المنطق وحال البلد مع ضرورة فرز الكيمان بإسقاط ثقافة الاغتراب و خدماتها الفندقية للمقارنة

مع تقديري لمحجوب شريف
حليلك بتسرق سفنجة وملاية وغيرك بيسرق خروف السماية
تصدق واحد يسرق ليس ولاية بل عالم كامل في ظل العولمة
يا خوفي على القادم المذهل من العولمة والجرائم الإلكترونية وشبكات الاحتيال ليس على الشرطة ولكن على التشريعات والقوانين في نفسها ووجودها و التي تسبق وتحدد مجال عمل الشرطة .
ودمتم

[مزوني]

أخوي الحلامابي احييك على روح الوطنيه اللي منزرعه بي جواك

لكن كلمة حق والحق يتقال

انا واحد من الناس دخلت أقسام لما قلت ماداير وما حصل لقيت خدمه منهم

وبالعكس مرات أخش القسم ألقى كميه من الاهانات ماليها اي داعي

وحتى لو في عسكري عمل حاجه بعملها ليك بي مذله يذلك فيها حتى يعملها ليك

وما اظن انو في مواطن سوداني يرضاها ,,, العسكري الصالح متواجد

لكن لو داير الصراحه انا لي حسه مالاقيت العسكري الصالح لكن بسمع وبس

وانت كان قلت نهاية التمانينات والزمن داك زي ما انا وانت والكل عارف انو السودان بخيروا

لكن حخسه السودان هل هو السودان اللي كان في اواخر التمانينات ؟؟؟؟؟

وانا برضو التمانينات ما حاضرها في السودان لكن برضو كنت بسمع زي ما سمعت حسه

منك يا أخوي ,,, الله غالب على امره والسودان بي صراحه بقى لي ناس معينين والباقين اخير ليهم

يشوفوا ليهم حته تانيه ,, والليله المواطن السوداني متهان في بلدوا ويتهان خارج بلدو

طيب كرامتنا بنلقاها وين ؟؟ كان اي زول بقى يخش العسكريه عشان ينتقم من فئه معينه

و الله اعلم يكون في فرد أمن دخل العسكريه عشان البلد والحته دي انعدمت عند

غالبية السودانيين والله يستر من الجاي

وليك التحيه اخوي الحلامابي

[كاتم الأحزان]

اوووووووووه القصص كتيرة وانا واحد من الناس حصلت لي مواقف كتيرة منها القالو ليكم مزوني

لاني كنت معاهو في كل خطوة .....

مرة البت الشغالة عندنا في السودان سرقت من خالتي 250000

مشيت لواحد صاحبي المهم من هنا وامشي وتعال خسرت قريب150000

لقيت ما في حل غير اتنازل

والله يامسافر موضوعك دق وتر حساس الحالة هسي بتكلو عن امريكا وغيرها ونحن

في الداخل ربنا عالم بي حالنا

[Madanawi]

يا جماعة الكلام دا مافي الشرطة بس وما كل ناس الشرطة نايمين في العسل والا ما كان في ناس منهم اقتيلوا لكن المأساة ماساة وطن بأكمله وشعب مغلوب على امره وهنا يأتي دور المحاسبة من المسؤلين لمن هم تحت ادارتهم ولو كل واحد بيحاسب نفسه والمعاهو نحن كان بقينا دولة تناطح السحاب لانه المنظراتية البوصلونا السحاب في وموجودين ، الكلام نرجع من هناك كيف لانه منظراتيتنا كلهم تفكيرهم ون واي ما في راجع والله يستر ويكضب الشينة................................

[بنت الرفاعي]

أخوي الحلامابي البلد بقت مازي زمان, والكلام القلناه كلو مية مية ونحن ماجمعنا قلنا قلة قليلة الشايفة شغلها, نحن نتسرق علشان تقبضوا رواتب مامشكلة المشكلة في التعامل نحن قلنا تعامل أفراد الشرطة أغلبهم زي الزفت والزفت أحسن, السودان قايله كدة ليه والبيحصل فيها ده من شنو وليه؟؟
الشرطة بتمثل الحكومة وأي شي بيحصل منهم بيأثر على البلد, بالمناسبة نحن ما بنتكلم ساي الحكومة نحن عارفين الفيها والبيحصل,(ده شامل الأغلبية من أكبر مسؤل لأصغر مسؤل),بالمناسبة إقتصاد السودان منتهي بسببهم, الرواتب قليلة برضو بسببهم,
السودان مليان قروش وبخيراتو لكن لو عارفة بتمشي وين وبتروح كيف حتعرف وحتفهم حاجات كتييييييييييييرة, بالمناسبة عارف المثل السايد شنو (الدنيا مصالح والآخرة بالأعمال) ديل هم تفكيرهم كدة بس في نفسهم,(برضو بنقول ما كلهم أغلبهم), مصلحتهم وبس, وفي حاجات كتيرة حصلت ومازالت بتحصل على الملأ وبتورينا الحال, وزي ماقلت سابقا خلوا الطابق مستور.

[المسافر]

الاخ العزيز / الحلامابي

بداية لك شكري وتقديري على المرور والمشاركة . . .

إني أعمل في نفس المجال في دولة الإمارات عشان كده عملت هذه المقارنة بالرغم من إننا علمنا هذه الشعوب كل حاجة إلى إنهم سبقونا في كل شيء وخصوصاً في المجال الشرطي وده بسبب الإهتمام والقوانين الرادعة .

وتخيل رجل بلا أخلاق وصاحب مآرب أخرى + عدم مردود مادي + عدم رقابة + ضعف في القانون + سلطة وسلاح . . . حيكون الناتج شنو !!

ويا عزيزي الشرطي في السودان بقى عبء على المواطن بدلاً من أن يكون في خدمته لأنه إلى هذه اللحظة لم أجد في السودان رجل شرطي بتعامل بروح القانون زي ما بتقولوا . . . مش !!!

ودمــت

[المسافر]

الاخ العزيز / مدناوي

مشكور مرة أخرى على مداخلتك الفعالة . . .

لو ناس الشرطة ناموا في العسل كويس بس يلموا شرهم منا !!!!

ودمــت

[مرتضى يوسف العركي]

المسافر ..أبن نفس المهنة
أولا أشكركم بدواخلك محبة وحرص على هذه المهنة التي تعتبر من اشرف ميادين العمل كيفما وقد سبقت دعوة سيدنا إبراهيم الأمن على الطعام ( رب اجعل هذا بلدا آمنا وارزق أهله من الثمرات ) صدق الله العظيم
اتفق مع كل ما ذهب إليه الإخوة مرام ومزوني وكاتم الأحزان ومدناوي فالممارسات التي تم الحديث عنها موجودة وواقعية واعرف العشرات غيرها ولكن هذا لا يمنعنا وبنفس الجراءة من استدعاء مسبباتها والعمل على استدراكها بقناعة الشرطة وإن كانت شر كما يرى البعض منا فلا بد منه .
فالشرطة تستحق قبل الدعم المادي والتأهيل والتدريب والتخصص وإقرار فلسفة عمل تواكب العلمية والتقنية الكادر البشري المميز والذي لن يأتي إلا من خلال أفراد كثير من الاستحقاقات و الامتيازات الجاذبة لإنسانها تبدأ من استحقاق الالتحاق بالشرطة وبما أننا لا ننفصل عن القيم الإنسانية للعالم فلنستدعي تجارب الشرطة في بريطانيا والدول الأوربية من حيث الميزات والاستحقاقات والواجبات ومدى إشباع الحاجات الذاتية والحاجات الاجتماعية وحاجات النمو المهني وحاجات التقدير فالإنسان بصرف النظر عن كونه شرطيا ام غير ذلك لا يولد فاسدا أو شريرا أو مجرما البتة وبما أن ذلك يدخلنا في مرحلة التنظير وملامسة أشياء الدولة واهتمامها والذي بكل آسف لا نملكه ولا نحب أن نملكه تبقى الجزئية الخاصة بنا والتي نملكها جميعا وهي متاحة لكل أفراد الشعب في ضرورة إبراز التحفيز المعنوي و التقدير الاجتماعي لأي إنجاز كان باعتبار تفعيل للجانب الايجابي وتعزيز هذا السلوك والذي يمكن أن يتواصل بإشارات ايجابية من الإعلام ومن ضمنها المنتديات ووجوه نيرة من الأخوة الأحبة في منتدى مدني قطعا هذه الصورة الطيبة ستنعكس إنجاز يحسب للوطن وهو إسهام بلا ثمن فهلا تكرمنا .لكم الود

مرتضى يوسف العركي
ـــــــــــــــــــــــــــــــــــــــ
الرياض

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
كلمة طيبة كغيث أصاب أرضا فأنبتت كلأ وعشبا كثيرا