جيتك ابوح ليك

[كف المطر]

زى الطيور زى العصافير فى الخريف
مشتاقة لدفئ الشمس جيتك انا
شايل معاى حُبى الكبير
ومن خوفى من غدر السنين
شلته معاى كفنى الدثير
زى طفلاً صغير مُستنى امو تحن عليه
وترويه من لبنه الغزير
الرايقة يا ست البنات جيتك براى
شايل معاى حُبى الكبير
شايل فرح دمعو كتير
لما الرموش فوق العيون اتكفكفت
خجلانة من قلبى الاسير
ولوعة لظي نار الهجير
جيتك ابوح ليك يا مُناي
جيتك اقول ليك يا هناي
حُبك سكن جوه القلب
لما القلب من فرحتو قرب يطير .
..... ..... ....

[shaggy999]

تسلم ياراقي ويديك العافيه


( اغنيلك واغني معاك وامد كف الامل لي النور يمد كل المسافه جسور )

[ياسر السماني]

كان بتفلي من العصب الغبينة وتنادي علي ...........
واه لوينفع شعري وحرفو
كنت نظمتو بيوت من سندس
وكان ودعت صباي رسلتو
زهرة حب في الزمن الاشتر
كان اهديتا الروح اسوارة
وبرضوسكاتنا هو القصة هو المسرح هو
الشوق البكتب ساعة الالق الفينا ويظل الهاجس نبض الريد متخفي
جسي الحب الكامن فيك
ارتقي عشمك وبكرة بجيك
ما طولت السكة عليك
ملوية الايد ولا بتفرج سهيان راجيك
برجاك والشوق اعوام برجاك والكون ظلام
برجاك والناس تتضحك من حال الفتر الحاد
قرص حبك فيني عروقك
كون شوقك فيني غيومك
مطر شوقك وارعد صدك يوم سافرتي سبتي الروح الفاقدة خليلا حايرة بتسأل عن عنوانك
تلفونك ما خابرلك وجهة والقلب اتبوصل بيك
لكنو في دربك ما بتمغنط
شكل حاجز بين الخوف واللهفة
وراجي الفرصة في اخر اللفة
الدنيا كان زي زقاق
هبت ريحا وفرتق شوفا لامتين برجاك والسكة ضباب
لا بد ارجاك والسكة ضهب
مهدود الحيل من اجلك برسم في الحيطان
قلبين من شعلة
ونار الشوق بترمد جفن العين المابي النوم
بتستف قلب الكون بالهم والخوف
من قبلك عايش زي موجود
ومن بعدك صاير جد مفقود
بتوسل شوقك
وارسل ليك خلاصة الريد رحيق من كلمة
بريدك بس ضيعتك
مشتاق شان ابسم نبرة صوتك
اوسد راس الكلمة على همساتك
ما ضيعتك شان جافيتك
ولا فوتك شان مستني مروق الريد لغيرك
الا ركيزة الحب في قلبي كانت ...
احوج واكبر من انك لي ....
يا موجودة في خاطر الارض الحلمت
بيوم بكرة اليسرع يوعد عشم الدنيا معاي
كان من بدري بشوفك واقفة
فوق صمت الحرف الكلمة قبل لا تبين
جوة لهات النضم الصامت وارم حلقو وما بنفش
وانا ما ونست الروح بي سيرتك
ولا حجيت قلبي بقصة زولة بتكتب من الحانا غناي
ولا سكنت فؤادا في اوضة صغيرة
بس فرشت الريد في قلبي جناح
وسبتها شاغرة...............
كل جدران القلب دروبك
ضهب الشوق مارق راحل
دمع صرير البال حزن
نشف ريق الموية اتيبس حلقو
والشوق ضهبان مارق راحل
الشوق ضهبان مارق راحل


ملحوظة : النص من تأليفي الشخصي

[تسنيم خالد]

كف المطر
البس حذاء المقاتل
وأمر جيشي ان يحاربك
ولكن
لا تحسب اني ساهزم حرفك وكلمتك






دمت

[كف المطر]

شاقي :
الرُقي هو حروفك التى وبرغم قصرها تأدبت بها .
شكراً اخى ..


ياسر :

كلماتك جميلة مُعبرة تحكى حب يتألم من البعد .


تسنيم اسمحى لى ان اطلق عليك " اميرة الكلمة "

وانا امتطيت فرشاتى كساحر ورششت عليك ادبي
وتحياتى كمسافر ولكنى باق فى حضرة كلماتك ..

[ود المطامير]

تسلم يالحبيب على البوح الجميل .. الجميل
الذى يتسرب إلى الأعماق كالنسيم المعطّر .

[كف المطر]

وبرغم بعد المسافات ايها العزيز "ود المطامير "
تسربت حروفك الى دواخلى ترش عليَ عطراً رقيقاً
سكبته كلماتك فاذكى قلبي ..
شكراً اخى

[المسافر]

زى الطيور زى العصافير فى الخريف
مشتاقة لدفئ الشمس جيتك انا
شايل معاى حُبى الكبير
ومن خوفى من غدر السنين
شلته معاى كفنى الدثير
زى طفلاً صغير مُستنى امو تحن عليه
وترويه من لبنه الغزير
الرايقة يا ست البنات جيتك براى
شايل معاى حُبى الكبير
شايل فرح دمعو كتير
لما الرموش فوق العيون اتكفكفت
خجلانة من قلبى الاسير
ولوعة لظي نار الهجير
جيتك ابوح ليك يا مُناي
جيتك اقول ليك يا هناي
حُبك سكن جوه القلب
لما القلب من فرحتو قرب يطير .
..... ..... ....

بالرغم من أني لا أعرف شيء يذكر عن الشعر . . . إلا أن أسلوبك قريب جداً من الوجدان ويشعر دائماً بأنك تصيبنا في مقتل .

ودمت

[ابوطاقية]

الرايقة يا ست البنات جيتك براى
شايل معاى حُبى الكبير
شايل فرح دمعو كتير
لما الرموش فوق العيون اتكفكفت
خجلانة من قلبى الاسير
ولوعة لظي نار الهجير
جيتك ابوح ليك يا مُناي
جيتك اقول ليك يا هناي
حُبك سكن جوه القلب
تسلم يا راقي علي الاختيار الجميل وياريت الكثير الكثير
ولا ترحرمنا من جديدك

[كف المطر]

استشفافكم المتذوق لكلماتى اكبر دليل على ملكة الشعر لديكم
شكراً اخى الكريم ..

[كف المطر]

[COLOR="DarkOrchid"]اخى/ ابوطاقية
الجمال هو مرورك الغالى على كلماتى واتمني ان اكون
عند حسن الظن بكم ولكم ..[/COLOR]