أول حب

[sami_alkaer]

معادله ماليها علاقه بالموضوع :
الحب = اجمل حاجه في حياتنا ....1
لاحب = اجمل حاجه في حياتنا غير موجوده ....2
من المعادلات 1 و 2 نستنتج ان الحب مهم في حياتنا.

الموضوع : بنت الجيران
عباره عن سؤالين :
1- ليه غالبا اول حب في حياة الشخص يكون حب بنت الجيران ؟
2- وهل تتكلل العلاقه دي بالنجاح ( الزواج) ولو بعد فتره زمنيه طويله ، ولا حركات مراهقين لا اكثر؟
والسؤالين مطروحين للجكس ايضا عن ولد الجيران

[نزار حسن محمد]

والله سؤال ونحن وفى انتظار الاجابات(( اتمنى ان تكون الاجابات بشكل جادى )) ولكم الود

[Bet-alsudan]

انا اعتقد ان الشخص عندما يبدأ بالحب في اول مرحلة المراهقة بقابل بنت الجيران لان بكون لسة ما عندو اصحاب كتار عشان يطلع مع بعض فما بلقى قدامو الا بنت الجيران ..

وغالبا بتنتهي بالفشل ( في راي انا ) ...

شكرا على الموضوع الجميل ده اخي Sami

دمت على الطاعات

[الفارس البنفسجي]

أول حب بكون لي بنت الجيران لانها الإنسانة اللي أنت متعود عليها أكثر من غيرها ولو في واحدة متعود عليها أكتر من بنت الجيران اكيد حا تحبها هي مش بنت الجيران (مثال بنت أهلك وقاعدة معاكم في البيت). ودا شئ طبيعي
وغالباً مثل هذه العلاقات لا تكلل بالنجاح للتفاوت في العمر ودي مسألة مهمة جداً لأن عمر المرأة قصير جداً عكس عمر الرجل بمعنى أنو المرأة بتنضح بي سرعة وبتتزوج بي سرعة عشان كدا ما بتنتظر ود الجيران لانو مشوارو بكون لسه باقي عليهو كتير (أغلب البنات بتزوجو في العشرينات ، لكن أغلب الرجال بتزوجو في الثلاثينات). وللسبب دا بتلقى أغلب الأزواج بتزوجو بنات أصغر منهم بي خمسة ولا عشرة سنة. لكن دائماً بت الجيران بتكون قدرك في العمر.وللتدليل أكثر في ناس كتار جدا عرسو بنت الجيران لكن بتكون اصغر منهم وكذلك ما بكونوا عملوا معاها علاقة قبل كدا

مع تحيات

آمل أن أكون قد أوفيت

ولكم حبي وودي

[تسنيم خالد]

اعتقادي انو اي حد في مراهقتو حب او حبت بت الجيران او ود الجيران لسبب انو الواحد لسة
بكون ما احتك كتير بالعالم برة وماعرف كتير وماعاش تجارب..لذا فاول من يمكن ان تحتك بيهو ود الجيران لانو هو اول من تراه تقريبا من الجنس الاخر وبالاضافة لحساسية المرحلة بتحس احساس
الحب تجاهو...
الشئ التاني هل انو العلاقة دي بتنجح...
قد تنجح وانا مؤمنة باي شئ في الحب يعني ما بستبعد يحصل ارتباط رسمي في النهاية بس شريطة
انو الحاجات تتطور مش تتغير..لانو ما معروف المشاعر يحصل عليها شنو قد تتطور وقد تتغير
ولازم نفرق انو هل دة حب ولا مجرد اني اتعودت علي شخص ولقيتو قدامي من يوم وعيت
هذة وجهة نظر




دمت

[magdi]

أول حب ليس بنت الجيران ؟؟؟؟
فالحب لبنت الجيران يكون مجرد إعجاب خلال فترة المراهقة الأولى وبينتهي بمرور الزمن وبيكون شيء عادي بالنسبة للإنسان ....
أما أول حب ... يكون لشخص فعلا حبيته حب حقيقي وانت في كامل وعيك ونضجك الفكري .. و الحب الحقيقي هو الذي يمكن أن يتطور لعلاقة زوجية في المستقبل ... ودى ياشباب الما بيتنسى .. يعني بيكون مطاردك كدى مدى الحياة ... حتى لو كنت متزوج ..
واكيد أول شيء بيدخل في قلبك بيكون طعمه مختلف ولونه مختلف ...
حتى لو إنتهى بالفشل !!
ويمكن للإنسان أن يحب مرة أخرى ( بعد الحب الأول ) ولكن الإندفاع وشدة العواطف للمحبوب ما حاتكون ذي الأول ... حتى لو نجح في هذا الحب ( الثاني )

نقل فؤدك حيث شئت من الهوى **** فما الحب إلا للحبيب الأول

لى في زول عنده كلام تاني ...

أخوانا ناس الخبرة .......................!!!!
أدونا رايكم ............!!!
والجكس كمااااااااااااااان .... الموضوع عادي ..... إعترفو أحسن ليكم ؟؟؟