السلام عليكم ...
قصه حقيقيه <<------ تنفع قصيده
نرجع للجد وللموضوع الشيق والمحزن في نفس الوقت ...
انا متعمدة انقل الموضوع دا في القسم العام عشان يشوفوهو اغلب الاعضاء....
بدت القصه لمن كان محمد بيضرب في التلفون لي صاحبو خالد
ودار بينهم الحوار دا
محمد: سلاااااام يا فردة.....كيف؟؟تمام؟؟؟00
خالد: الحمد لله وكيفك انت 00
محمد: بخير الله يسلمك ويرضا عليك .....بالله يا خالد عايزك تطلع معاى للخرطوم عشان اودي اختي منى لخالتي ونمشي بعدين نتفسح.....رايك شنو؟؟؟؟!!!!
خالد: والله فكره لكن احراج يعني امشي معاكم لانو معانا اختك و.. 00
محمد: لااااااا ابدا ما فيها شي بعدين منى زي اختك وهي زاتا انصار سنة بتتحجب من راسا لي كرعيها
خالد: طيب اتكلنا على الله
وطبعا منى دي كانت بتموت في خالد فركبت وراهو في العربية وكتبت في ورقه
(خااالد انا بحبك اضرب لي في النمرة 00000)
واول ماركبت قامت وختت يدها في يد خالد بدون ما يحس اخوها
المهم انو خالد قام يقول في نفسه : والله احراج اخوها جنبي وهو اعز اصدقائي ودايراني اعمل معاها علاقة..... والله فعلا قليلة ادب
طبعا البت ما عجبا انو الولد ما رد قامت تنغزو وتسوي ليهو حركااااااااااااااات !!!
وهو يمشي يمين وهي ورااااهو تنغزو ومسكين يمشي شمال و يبعد عنها وفي نفس الوقت طبعا ما داير يحسس اخوها انو في شي قاعد يحصل عشان ما تحصل مشكلة وكارثة.....
وبعد دقايق كدة خالد صرخ في وش محمد وقال ليهو اقييييف .....
رد عليهو محمد وقالليهو سلامات خير ان شاء الله ....
خالد انحرج ما عرف يقول شنو ......وقال لمحمد لا لا بس شفتك نعست قلت تقيف وانا اسوق مكانك عشان ما تودينا في داهيه قام وبدل مع محمد سواقه عشان يبعد عنها. لكن منى (ان كيدهن عظيم ) قالت لي أخوها وقف العربية شوية ماشة الحمام وراجعة ...
وفعلا وقف ونزلت وبعدين رجعت ركبت لكن من جهة خالد ورجعت لحركاتا والولد صبر لغاية ما وصلوا الخرطوم
ولمن وصلو لقوا خالتا مافي في البيت .... مشو فندق وما لقوا الا جناح واحد فاضي ..... فقعدت منى في اوضة مستقله وفصلوها بستارة ....وخالد ومحمد في الاوضة التانيه ....
دخل خالد عشان ياخذ دش وجاهو محمد وقالليهو انا بمشي اكمل اجرائات الفندق واطلب العشا ....ارتبك خالد وقالليهو ما تتاخر ...... طوّل محمد تحت وخالد منتظر جوا الحمّام ما داير يطلع خايف من منى انها تسوي معاهو شي ...... وفاتت نص ساعه ....وساعه...... ومحمد ما رجع فقرر انه يطلع من الحمّام ويمشي يقفل الأوضة على نفسو ......
واول ما فتح الباب رن رنة رسالة الموبايل والتانيه وراها فشال الموبايل وقرا الرساله لقى فيه ( حبيبي خالد معاك منى ممكن تجي الاوضه عندي... محمد اتصل وقال حايتاخر شويه ).....
اول ما قرى الرساله جري على أوضتو وفتح النور ولقى واحده قاعده في السرير ومغطيه وشها ..... خالد ما عرف يسوي شنو وقعد يسب ويلعن ويقول ليها يا بت خافي ربك انتي ما بتخجلي !!! اخوك معانا وانا وهو اصحاب يعني دايرة تسوي فضيحة ؟؟!! قامت وحضنتو وفي اللحظه دي دخل محمد اخوها ........
في اللحظة دي تتوقعوا شنو كانت ردة فعل خالد .......
وكيف موقفو قدام محمد .......
وكيف يشرحليهو........
وهل ممكن يصدقو .......
والمسيكين اتلخبط مخو واغمى عليهو ......
وقعد محمد وأختو يضحكوووو ضحك سنة في ساعة ويحاولوا يصحو خالد ويحاولو و يقومو فيهو .. ويقولو ليهو قووم قووووووووم مافي منى ولا شي ... طبعا اخت محمد ما بت!! دي واحد من الشباب اصحابو هاهاهاااااااا لكن لابس عبايه ومسوي نفسو بت عشان يسوي مقلب ومسكين خالد اكلا أكـــــــــــــــــــل
هههههههههههههههههههههه
وانتو يا حبايبي تعيشو وتاكلووو غيرها ..... هههههههههههههههههههههه
تحياتي
رد مع اقتباس
المفضلات