دعايات سودانية في قنوات عالمية .. شنو رايكم ؟!؟!؟

[Bet-alsudan]

حاجة الصراحة انا لمن شفتها اتبسطه ...

دعاية لشركة الاتصالات في السودان ( اريبا ) على قنوات MBC 2, وروتانا سينما وغيرها من القنوات ....

مش حاجة جميلة ان وأخيرا حتبقى لهجتنا الناس كلها بعرف انا عن نفسي عجبني الموضوع ، حسيت وأخيرا الناس حتعرف كلامنا ... حنبقى جنسية يشيد بها الجميع بمثل الجنسيات الأخرى المصرية والسورية ودول الخليج ... وقت لنعلن باننا هنا لنا مكان على شاشة التلفاز مثل ما لنا مكان في الخريطة ....

شنو رايكم يا جماعة في الموضوع اتمنى الجميع يشارك .... ما تدخلو بس وتتفرجو ابدو رايكم من فضلكم ..

Bet-alsudan

[sami_alkaer]

والله حاجة جميلة مادام ماقادرين نشارك بالكوره او في الفن ... الخ ، نشارك بحقنا (الاعلانات ) وانشاء الله تنجح

[سواااح]

بت السودان ..

ليس العيب في الاعلان

وليس العيب في التوسع والانتشار

ولكن المشكلة في التناول ونوع الاعلان

في الموديل المستخدمين وطريقة كلامهم

ان لا تحس انهم فعلا يمثلون وانما يتصرفون بطبيعتهم

دمـــــــــــــــــــــــتي ،،

[Madanawi]

والله يا بت السودان كان ليك وكان لينا . بالحيل يا اختي.

أريبا دي شركة أصلاً عالمية وشغلها في سوريا و السودان وعدد من الدول الأخري يعني لو الشركة اصلا سودانية كان فرحنا وزقططنا واواواواواواوا.

بس بالتاكيد هي خطوة للأمام وانشاء الله المزيد من النجاحات لكل الشركات السودانية.

[magdi]

أوعى تقولي لي دي الدعاية البتقول :::
التور ضرب كلتوم .. ونفسك مكتوم ... وبصل ، وفحم وحاجات ذي دي
تبقى وآ فضيحتتتتتتتتتتتتتاه

[وليد عمر سعيد]

كلام عسل عديل

نتمنى الشركه تحقق نجاحها من خلال الدعايه القامة بيها وظهورها في شاشات زي دي مكسب للسودان بالتاكيد


مشكوره بت السودان......!

[الفارس البنفسجي]

العندو قرش بحنن ضنب الحصان !!

[salwa]

بنت السودان

بصراحة الواحد لما يسمع اخبار زي دي بيفرح جدا

لكن بيبقى شنو انه الواحد بيكون خايف من المستوى

اكيد بيكون مافي مقارنة بين المستويات العالمية في الاعلان ونحن

لكن نقول اهو الكحة ولا صمة الخشم

وربنا يزيدنا تقدو اكتر واكتر

تسلمي كتير

[Bet-alsudan]

اشكركم على المرور جميعا وابداء الراي ....

دمتم على الطاعة