طالبه مطلوبه غي الخدمه اللازلاميه؟

[امير عبدالباقي]

قصه طالبه
المشكلة بعد انتهاء سنوات الدراسة ما استلمت الشهادة الجامعية عارفين لية
لانوا مطلوبة في الخدمة الالزامية لما امتحنت للجامعة ما اتقبلت في الجامعات الحكومية للاسف لانة المغترب بخسفوا درجاتة
كانهم بيجبروك تدخل جامعة وتدفع دم قلبك
المهم دخلت جامعة بس بتدفع وفعلا دفعت دم قلب الوالد الشقيان عشان يعلما ويعلم اخوانها
ومنتظر الخريجة عشان تجي وتعمل وتساعد ابوها بس بعد ما خلصت قالوا مافي شهادة
يا حاج لازم بنتك تدخل للخدمة الالزامية (طبعا الحاج اندهش وقال كيف الكلام دة ) المهم اجري
وشوف وين التوزيع للالزامية واللة حتي اداء الخدمة الالزامية لازم واسطة عشان بنتك تشتغل في
منطقة تكون كويسة وما تتملطع (مسكين الحاج انصدم وحلف طلاق لا شهادة ولا يحزنون)
ارجعي واقعدي في البيت لما يجيكي ود الحلال (طب يا حاج غير وبدل كلها سنة وتنتهي والحاج مصر
ابدا ما بخلي بتي تمشي وربك كريم) وللان ما اخدت الشهادة
طب الحل شنو يا اخوان للان هي جالسة في البيت
وزيها كتار ما عارفين يعملوا شنو تفتكروا الحل اية

[أبوريلان]

الأخ أمير صباح الورد

تحياتى لك

تعرف الحل الوحيد أشوف ليها واسطه وتشتغل فى سفارة الدولة الموجودة فيها دا طبعا لو كان عندو ظهر قوى .

الحل التانى وأنا معاه يشوف ليها عريس ويريح حالوا .

[امير عبدالباقي]

ابوريلان
الحل التاني هو منتظره وهو الخيار الفرضو علي البنت قال ليها تجلسي حتي يجي ودالحلال؛لكن الحل الاول عاوز شهاده حتي ولو بواسطه
تحياتي