أبو جداده انت خليك لمن تفضى لينا ونفضى ليك .. انت هين ...
(ود الماحي و .... و .... و.... فتحو عينكم )
المارقين : جنا المطامير وأبو رجاء ...
رؤوس الانشقاق والتمرد على قائدهم اليكم (قرصة الاذن ) هذه ، عودوا إلى رشدكم .....
تلمو الناس على شيخكم ؟
تسلّو عليهو حد سيفكم ؟
أصبرو عليْ !
بوريكم
بجريكم بلا نعلات
على رمض الشمس والصيْ
أصبرو عليْ
بطرِّيكم أكان ناسيين
وأنسيكم أساميكم
أصبرو عليْ
أنا الجيتكم لقيتكم زي غنم حمّاد!!
تلاتة هنا وتلاتة بعاد
ولميتكم ..
ووريتكم ...
وقريتكم ....
تقلبو عليْ؟؟؟؟؟؟؟
أصبرو عليْ بوريكم!
أبوك يا رجاء!!
مطرطش من زمان مخلوع ..
تقول خاتياهو قلاَبة ...
ما خلاَ اللعب في الطين
تكل فوق خشمو درّابة ...
مطوفش زي خروف كلتوم
مشاتر زي بهم يابا ....
حليلك يا مخازن العيش (1)
تعالي براك ..
وشوفي جناك .. !!
أبوك العمدة ما ورّاك؟؟؟
ما قال ليك : (أقبض تب علي طرفي) ؟؟
وأوعى تروح!!
عليْ حرمانة (بت الحاج) أكان أرجاك!
وماني معاك ....
عليَّ تمد عصا العصيان!!
ولاَّ خلاص مشيت في زفة العميان!!
بجيبك (رَبْ)
وأختك فوق محلَّك تب
نسيت السرحة والمرحات؟؟؟
تكورك طول نهارك (تك) !!
غريبة الليلة ما عرفتك!!
وكت شفتك
تبعبص في الجهاز والنت!
نسيت لمن تجي الحلَّه
وريحتك تيس أبوي بلّه ...
ولا عرفتك ..
من الغبشه وشقوق كرعيك!!
(1) حلة المطامير
رد مع اقتباس
المشاركة الأصلية كتبت بواسطة شبارقة
خلوني انا احكموا انتووووو
المفضلات