ذنبك إنّك
ذنبك إنك إني بريدك أكتر منك
نفسك و لونك وصوتك وحسّك
وبرّاق سنك وسنة سيف العين
الطعنت قلبي الرادك وحي بي حنّك
زادن شوق الشوق الشاقّي مسافة
شقة راسك وآخر قدمك
ولسة الناس بالشوق راجينك......
ذنبك إنك ......
شايل ريدك جوّه عيونك
إلاّ الرشرش شرّ عليهن لون العتمة
وشرّك للمستني حضورك
وكيفن تبقى معاك القمرة
وضيّك ونورك ضوّ قليب الزول
الراجع ليك ومنك ...........
ذنبك إنك.......
هلّ هلالك وهلل كل الشافك
وشفّق روحو عشان الشعر النازل
فوق الحاجب حاجب لون الشمس
الفوق عينيك ماتشرق
وشارق فيك الدهشة وسارق
كل الناس السمحة قلوبم وما ناسينك.....
ذنبك إنك.........
لسه مجهجه بين ما تسرح
شان ما تسرح فيك الدنيا
وبين ما تفرح شان ما تلمح
صوت الغنية يردد فيها الطفل
الشافك وكانت طلّة وشّك منيه
وعيدو وعيد أولاد الحلّة الحلّ
الحزن الجاهم
وبين دقات القلب الرادك
هم شايلنك..........
ذنبك إنك إني بريدك أكترمنك
اهديها الي كل أصدقائي في جماعة ريحة البن و الي صديقي العجوز ياسر السماني
وكل المنتدى
رد مع اقتباس
خليك ربيع مليان زهور فتح ورودك واحضنه 
المفضلات