تغير أسم المنتدى / ؟؟؟؟؟؟؟؟؟

[جيفارا]

إعزائي أولاً وقبل كل شئ قبل ما أكون عضو في المنتدي كنت قد مريت عدة مرات وكانت نظراتي من الخارج غير
ولما بقيييييت عضو أكتشفت حقيقة أونو المنتدي عبارة شلة ناس بتناقش مع بعض وممكن أثبت من خلال المشاركات ليه ما هو واضح .

مراقب فلان / مراقب فلان ( ليه مراقب أنتو بتحبو السلطة )

وأحس يتغير الأسم لانو في النتدي ما شفت أي حاااااااااااااااجة عن ( ود مدني )
غير
أنو فلان يكتب موضوع ويتثب مثال ليه الله العليم (أكيد من الشلة )
بس الواحد كان بيسأل لأنو سألت نفسي خمسين مرة شنو يعني ( حاجة ما مفهومة وكمان منقولة ) يقال إنه شجرة الأعضاء ؟؟؟؟؟؟؟؟؟؟؟؟؟؟؟؟؟؟؟؟؟
المكتوب فيها كم نفر وين الباقين ما أعضاء .


طبعاً بصراحة ناس بتكتب بمشاعر صادقة بتدخل في الصميم مثل
موضوع :- سامر حسن :- كم من جميل يأخذه الموت ... وكم من أجمل يأخذ الموت عنك .

وأسف إذا كلامي ماعجبكم وأظنوا ما يعجب لأنو الحق ما بيعجب ومن ملاحظاتي انو ولا مافي داعي وإلى هنا وكفاية

[مدنيّة]

إعزائي أولاً وقبل كل شئ قبل ما أكون عضو في المنتدي كنت قد مريت عدة مرات وكانت نظراتي من الخارج غير
ولما بقيييييت عضو أكتشفت حقيقة أونو المنتدي عبارة شلة ناس بتناقش مع بعض وممكن أثبت من خلال المشاركات ليه ما هو واضح .

مراقب فلان / مراقب فلان ( ليه مراقب أنتو بتحبو السلطة )

وأحس يتغير الأسم لانو في النتدي ما شفت أي حاااااااااااااااجة عن ( ود مدني )
غير
أنو فلان يكتب موضوع ويتثب مثال ليه الله العليم (أكيد من الشلة )
بس الواحد كان بيسأل لأنو سألت نفسي خمسين مرة شنو يعني ( حاجة ما مفهومة وكمان منقولة ) يقال إنه شجرة الأعضاء ؟؟؟؟؟؟؟؟؟؟؟؟؟؟؟؟؟؟؟؟؟
المكتوب فيها كم نفر وين الباقين ما أعضاء .


طبعاً بصراحة ناس بتكتب بمشاعر صادقة بتدخل في الصميم مثل
موضوع :- سامر حسن :- كم من جميل يأخذه الموت ... وكم من أجمل يأخذ الموت عنك .

وأسف إذا كلامي ماعجبكم وأظنوا ما يعجب لأنو الحق ما بيعجب ومن ملاحظاتي انو ولا مافي داعي وإلى هنا وكفاية

الحاصل شنو الايام دي

[عماد عبدالشكور]

روق المنقة يا جميل والمنتدى مساحة للجميع بس عندك حق في موضوع شجرة الاعضاء دي لانو لحدي حسي لا عرفنا وين الساق لا عرفنا الفرع ولا حتى الجزور
التحية الجمهورية دي ليك عشان ماتزعل

[بنت الرفاعي]

قبل ماتشنو الهجوم ده ليه ما سألتي أو سألت أو فتشت عن سبب التسمية
المنتدى ده اسمو كدة لأنو بيجمع ناس مدني البعيدين والقريبين فيهو مع انو في أعضاء ما منها لكن بيحبوها وبيحبوا أهلها وده سبب كافي علشان يتسمى ودمدني والبيقرأالاسم ده بيعرف على طول انو أغلب الأعضاء من مدني . وغير كدة الموقع اسمو ودمدني.
واذا في حد عندو المزيد فليزيد.

[جيفارا]

في الحقيقة بعد الفترة التي قضيهتا في هذه الروضة الغنــــاء والثــــراء بما لديها من أشخاص يرتغون في الفكر وما لديهم من قلوب مفتوحه تظهر كل الاخــــاء والهم في ذلك البلد الحبيب ؟

بصراحة حاولت أكتب أسماء بعض من تشرفت بمعرفتهم من خلال المنتدي وعندها فقط كــــانت المفاجأة التي لم أتوقها أبـــــدا بمقياس فترة إنضمامي أنــــــه وجدته الاسماء قد تخطت العشرة وحينها شعرت بالســــعادة .

والحمد لله أنو نحن بخير ومــــادام فينـــــــــــــا ناس ( إنسانيون ) يرتغون الى أعلى مراتب البشر والتحية لكل أعضاء المنتدى فرداُ فرداً .

وأعتذر إذا بدر مني أي تعليق أو مضايقة لأي شخص وحقيقةً لاأحمل غير الود في قلبي وكل النوايــــا الطيبة للجميع .

مع تمنياتي للجميع لقضاء أجمل الاوقات مع الرفقة الحسنة وجعلها الله ساعة خير في كل لقاء

[نور عبدالله]

الاخ جيفارا...... اعتقد انك في الاول ظلمت المنتدى بقولك انو مجرد شلة بتتناقش مع بعض لانو بالجد المنتدى واحة لأي زول عاوز يعبر عن فكرة او راي وعاوز كل الناس تشاركو بمعلومة مفيدة او توجيه او ملاحظة واعتقد برضو انو كلنا بستفيد حتى الما بشارك كالزائر مثلا من كل اقسام المنتدى...... واخيرا اكيد ملاحظاتك لخير المنتدى واعضاؤه

[جيفارا]

الغالي نور

دا كان قبل التعرف للناس من قريب وذي ما تعودنا دائما أي واحد لما يكون جديد بتوقع نفسوا في بيتو الناس ترحب بيهو . وتقدم واجب الضيافة

طبعا الناس لها ظروفها وهمومها الخ

[محب]

بسم الله الرحمن الرحيم
الاخ الغالى / جيفارا
بعد التحيه الموصوله من ودمدنى الى اعز عضو فيها ((جيفارا))
اولا:-
اريد ان اقول لك اخى والله انحنا هنا ما عشان السلطه ولا الجاه بل من اجل الفخر بمنتدانا الغالى الذى انت على القائمين عليه سواء من مشاركه او اقتراح
ثانينا :-
المنتدي ليس بما وصفتهو (( انما هو عباره عن شله)) فاقول لك هو دارنا الذى ياوينا من هجير الشمس الساطعه ومن لدغات الزمان الجائر ومن غش المجتمع ؟؟؟؟؟؟؟؟
انما هو الدار الذى تلجاء اليه عندما تريد ان تتحدث بكل صدق واخلاص من دون ان تعرف اى من اعضائه سوى المشرفين او الاعضاء الجدد اواحساس مبتكر....
نقول
ما فى دواخلنا من دون الجوء الى تحديد الشخصيات
ومن اجمل النعم تجد من يرد عليك ,,, من دون يعرفك
اخى الغالى :-
اقول لك بكل معنى اذا انت زهبت فانا من خلفك من دون اى تفكير
لكن عندى وجه نظر واود ان اعكسها لكن ؟؟
لماذا لا نتعامل كلنا سواء (( سواء مشرف او عضو )) من دون النظر الى السلطه او تغير فى الطباع السودانيه لماذا ؟؟ لماذا ؟؟؟ لماذا ؟؟؟؟ لماذا لا نعيش
على معنى واحد كلنا من اجل ود مدنى و ودمدنى لنا

[ابوزيد محمد نور]

أخي جيفارا لك التحية والود

اتفق معكم تماما فى تلك الملاحظات لكن لااتفق معك فى تغير الاسم لانه لولا الاسم لما تقابلنا ولا اجتمعنا ...
مع احترامى لشخصك الغالى


علق على هذا الموضوع :نــــداء لاعضـــــاء ومشـــــــرفي ودمدنى

[s nger]

التحيه الى جنود مدنى والى كل من يدافع عن تلك المدينه المعطاء

[MASS77]

جيفارا العزيز
تحياتي لك دوما
اولا بالجد لاحظت الكلام ده
اولا اؤكد علي كلامك بانو المنتدي ما عندو اي علاقه بي مدني الا الصور وقليله جدا
لانو بالجد المواضيع المكتوبه عن مدني ما بتمثل اي حاجه وممكن تحسبا بي اليد
وهنالك عدم الجديه في المنتدي فالاعضاء الذين وصلت درجاتهم الي مرحله متقدمه
ما بشاركو بي استمرار امكن اكتر البلقاهم في المنتدي خمسه ولا تلاته علي راسم الاخوه مدنيه والفارس وشويه من الباقين والباقين بخشوا ما بي استمرار عشان يدعمو المنتدي بي مواضيع حيه ونشطه
وبرضو المنتدي حقيقه بفتقر للمواضيع الجاده وكلامك صاح
برضو الحته بتاعت النقاش من اطراف معينه اتطرقت ليها في موضوع اتمني انك تكون قريتو
وبي صراحه شديده انا لمن خشيت المنتدي اتمنيت انو القي النقد في المواضيع عشان استفيد من الاراء باعتبار انو مدني ام الثقافه بس لقيت اي موضوع بشكروك عليو حتي لو كان بحتاج لي نقد
واضم صوتي ليك حقو لو المنتدي ما بليق بي اسم عظيم زي مدني حقو يستبدل الاسم باي اسم تاني لانو بي المستوي ده بنكون جنينا علي مدينه بنعشقا كلنا
اخي جيفارا بالجد الكلام القلتو ده بخلي الناس ترجع وتعيد حساباتا لو هي كانت حريصه علي المنتدي
ودمت

[الفارس البنفسجي]

الأخ جيفارا
الأخوة المشاركين

شكراً على هذا التفاعل والتواجد
أفيدكم بأن ونسبة لهذه الشكوى
وبوست أخونا أبوزيد وبعض الأخوة
الذي يتسآلون عن هذه السلوكيات
في هذا المنتدى.

نفيدهم جميعاً بأني قد قمت بعرض
هذه المشكلة على مجلس المشرفين
وتم إشباعها بالنقاش المستفيض.
وتم التوصل للحل من منظور أشمل
وأجمل.
وسوف نوافيكم بما وصل إليه التفاعل
ما بين الأعضاء والمشرفين.

دمنا أخوة لخدمة هذا المنتدى.

[مختار بازى]

هكذا هي مدني وهكذا هم ابنائها لا تفوتهم كبيره ولا صغيره ومعا لرفعة الغاليه دوما وابدا في قلوبنا مدينة ود مدني الشكر لكاتب هذا البوست جيفارا ولجميع من شارك برايئه او سيشارك