الجمال

[ودالحصاحيصا]

ما هى نظرتك للجمال وماهو معيارك وماذا يعنى لك وما الذى يهمك وماذا تريد منة وهل يمكن ان ينقسم عدة جوانب (ارجو المشاركة رايك يهمنى)

[سواااح]

الجمااااااال :

والله يا ود الحصاحيصا
حتلاقي وجهات النظر مختلفة
وح تتقسم بين الرجال والنساء
لكن انا بمشي وبجيك راجع

دمــــــــــــــت ،،

[الفارس البنفسجي]

الجمال خشم بيوت
الجمال زي اللوحة التشكيلية كل زول بشوفها من منظارو هو ... الجمال عندي هو بيعني علاقة وجدانية راقية جداً تنسجم فيها الرؤية بين الناظر والمنظور وبين السامع والمسوع.

[yassir elamin]

كما ذكر أخى الفارس البنفسجى الجمال زى اللوحه التشكيليه .....تقييم الجمال يتفاوت من شخص الى اخر ومن بيئة الى اخرى وقد ينقسم الجمال الى حسى ومعنوى فجمال الشكل لا محالة زائل ولكن يبقى جمال الروح وهو احد الخيوط التى تكون شخصيه الانسان وكما قيل لولا اختلاف الاراء لبارت السلع .

[ود حنتوب]

الأخ ود الحصاحيصا

لك التحية وانت تفتح نافذة للجمال وتعريف الجمال

ولكن الجمال يا سيدى خشم بيوت

ارتكز هنا على المقولة القائلة " إن الله جميل يحب الجمال" وعليه فانا أحب الجمال حيثما كان بدء من الخضرة والماء والوجه الحسن ومرورا بكل عصفور مغرد وشكل جميل وصناعة رائعة ...

الجمال محبوب حيثما كان وحيثما حل ..
الف اهلا بالجمال وبكل جميل ...

[عماد عبدالشكور]

يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال


انا فيك عشقته الروعه ما احلاه فى الدل والدلال

والمعانى الراسمه نور اشراقة فى عينك ظلال

وابتسامتك لما تأسر قلبى وتحكى عن المحال

تحكى عن شوقك اليا تحكى عن بعد الوصال


من قلبى من اجل المحبه وهبته ليك شعر الغزل

مع انو قدامى الطريق انا عارفو يا السمحه انقفل

مافى قسمه ومافى يا نور قلبى حتى بصيص امل

لا قدرته اقرب من ضراك ما قدرته لى بعادك اصل


يا حبيه ليه قلبك قسى وكتمتى ما تخفيه عنى

انا عشته فى حبك مقيم ما عرفته نكران او تجنى

ما عرفته غير حبك غرام وسبحته فيهو سنين بغنى

سكبتو دمعاتى الغوالى سكبتو حبى وسكبتو فنى



يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال

[عمار هبّار]

الجمال عندي هو جمال الروح فإذا كانت جميلة إزدان الجسد بها ولا يخفى عليكم أن الروح باقيه حتى الأزل ولكن الجسد يفنى .. كما لا يخفى عليكم أيضاً أن الروح من عند الله كما الجسد ولكن الجسد من قبضة الطين أما الروح فهي أرفع .. كما أنها حمل كل القيم الجميلة من طيبة وسماحة وكل ما هو جميل ، فمن طغت روحه على حسده صار مثل الملائكة .. فهل عندك شك في جمالها ؟؟!!

[جيفارا]

شوف صورة أشوري الممثلة الهندية وخليها تتكلم عربي طالما هي تسمع الباقي هين

[ودالحصاحيصا]

اشكر لكم مشاركتكم رغم الاختلا ف لاكنها ثره شكرا ( الفارس البنفسجى وودحنتوب وهبار وسواحوعماد وياسر وايضا جيفارا)