عدنا

[ماليزي]

حبايبنا ونور عينا
جيتكم راجع وكلي شوق ولهفه لي نظرة عيونكم لي قعده وونسة أحلى معاكم
انتو يا تج الراس يا ملوك السودان أبناء مدينة مدني الحلوة والطيبه أبناء الجزيرة المعطاءه



اها بعد الحنك ده كلو ما ترحبو بي
بخلي مزوني يرسل ليكم باعوضه كبيره من الهند تشدوا بيها حله
وان شاء الله تنفعكم هههههههههههههههههههههههههههههههههههه

والله مشتاقين يا حلوين
وان شاء الله بحاول أواصل معاكم
وتقبلو فائق حبي وتقديري واحترامي

وقبل ما أنسى مبروك للمشرفين الجدد ومبروك التنظيم والاستايل الجديد
والى الملتقى تقبلو خالص تحياتي
عمر محمد عثمان بحر

وبسأل من محمد السر الحلفاوي كان وصل قطر ولا لسه ؟؟؟؟؟؟؟؟؟؟؟
وطبعا ده حيكون الموضوع الجديد الحنبحث فيه مع بعض ان شاء الله في الحلقات الجايه بإذن الله
وكان جيت مشاقق بي جاي يا ود السر وريني عليك الله قطر كيف معاك ؟؟
انا عارفك جديد وحتقول لي البلد حلوة و و و و و و و
لكن بخلي الناس القدام القاعدين فيها يدونا شمار البلد

[zoolfrda]

[مدنيّة]

ههههههههههههه
مرحب بيك ياماليزي وبعودتك
وشكلك كدا جاي مباري الشمارات
محمد السر ياسيدي خلا مشي قطر ليه كم يوم كدا
بالله ورينا لو اتبرلم في البلد ديك ولا لا

[rasheed]

أزيك يا ود يا أبونا كيفنك وكيفن ناس البيت كلهم من أبوك لحدي سارة بت هويدا تحياتي للجميع مع تحياتي للعزيزات ليلى وأسمى وأدينا الأخبار بالله لأنو محمد السر كان مواصل معانا بالمسنجر ،، يلا ورينا همتك ورش لينا الشمار على الفول الحار ،، الرشيد عمر

[ابورجاء]

هلا حبيبنا الغالي ماليزي
وحبابك مليار مرفوع للقوة دشليون
وكان ما شالتك صفحات المنتدى
نفرش ليك قلوبنا مرسى وسكن
وقرب تعال ما تبتعد وحمد الله
بالعوده ونشوفك مع الاحباب
تغني تسابق الافراح ....
تخريمة مع التضامن مع المشاققة الشهيرة:ــ
ود السر في قطر ما بصدقكم وما بيكلمني
اليصبر لي اب صلعه وسؤال لو حد شافو
يسألو ليهو العنقريب الفي الجامعه خلاهو
لي منو والحارسو ليهو منو ؟؟؟؟؟

ودوم في رعاية الله وحفظه...
مع كل الود باقة ورد....

[جيفارا]

تعرف من ما ذول فره دا يظهر في مكان يعني مكسب ومن خلال كده مرحب بيك

[مزوني]

ههههههههههههههههههههههههههه

يا ماليزي البركه في مزوني الجابك للمنتدى ههههههههههههههههههههههه:d :d

والله نورت يا حبيبنا ومرحب بي طلتك والشباب ما شاء الله ما خلو لي حاجه أقولها

وتحديداً كالعاده حبيبي أبو رجاء فلكم كل التحايا والتقدير

ومرحب بيك من تاني يا أبو عمير

[ماليزي]

والله يا شباب كثفتونا باترحيبكم الحار دا وانشاء الله نكون عند حسن ظنكم
وشكككككككككككككككككككككرا للجميع

[ماليزي]

والله يا شباب اى زول اسمع خبر عن ود السر يورينا اصلو الود تايه فى البلد ديك وامه هنا مقلقه ماعارفه عنو اى خبر وماخلت قناه اخباريه ما فتشت فيها,," الجزيره القطريه cnn و العربيه...الخ"