اي والله..عارفة..تعبنا من أرضاء الرجال ديل..طلعوا ذيتنا يأخي..ما ممكن كدا...دي شنو الحالة الصعبة دي.. مش؟.!.؟.! لكين لا مرأة بلا رجل..وبالذات في الأسلام..(وبالذات دي جمع بذا بالمناسبة)..أهاااا هسي أنا جاية أقول للزوجات..وحتي المخطوبات..وممكن ندخل المجكسات كمان معانا..عشان طبعا" أنا عارفة..أذا ما كنتي معرسة ولا مخطوبة أكيييييييييييييييييييييييييييييد بتكوني مكسر ليك في واحد..غايتو دي مألومة أنا متأكدة منها يامألمات..أهااااا أسمعني كوووويس..قالوا في 11 صفة لا يحبها الرجل في المرأة..مع أنو زهجونا وكرهونا وعملوا لينا النفسيات والأكتئاب لكين ما مشكلة تعالوا نرضيهم..يلا أمسكن....!!
قالوا ليك بحتمل الرجل من المرة أي شئ الأ أن تكون المرة لجوجة؟؟! أجيييييش؟ يعني شنو المرة اللجوجة؟؟!! يالذيذات المرة اللجوجة دي اللي بتطلع أشاعات عن صديقاتها..ما معروف غيرة ولا قلة شغلة..عليك الله هسي لو مشيتي سويتي ليك حلة سمحة ولا أختي ليك حمام دافئ مش اخير من الحركة الما لذيذة دي؟؟! وبعدين أنا البت زولة ذي دي ما بصاحبها..بري ياختي..تقوم تطلع فيني اشاعات تمل لي بيها الحلة..هسي خلونا من الضهب دا..يلا تعالوا نسمع الوصايا دي بتقول شنو...(سوار أقعدي ساكتة شوووية بطلي بري خلينا نسمع)..
الوصية نبر ووووووون...!!
ما تنتقدي الأخريات لأنو راجلك التفتيحا حيفسرها غيرة ووسيلة شفوية عشان تتخلصي منهن ومن منافستهن ليك..لأنو ياعثولات الرجل لا يشعر بالراحة مع البتقعد تنق تنق تنق عن الأخريات أو عن أمور ما بتخصها..لأنو كدا حيحتقرك ويقلل من شأنك..وطبعا" دا ما أنحنا العايزاتنو ولا شنو يافرد؟.!.؟.!
الوصية نبر توووووووو..!!
الطمع من الصفات اللي جد بايخة وبوخها بنجد رأس خروف أدييييييييييييل كدا..وأكيد دي من الصفات اللي جد راجلك ما حيحبها..لأنو وبصراحة كدا حيحتقرك وشديد كمان لو عرف أنك بتحبيهوا بس عشان المووووني بيتاعوا..عشان قروشوا يعني..وبعدين شمااااااار باااااايت..أسمعني..الرجال ما بحبوا يمشوا يعملوا شوبينج ويتسوقوا..بحسوا بالملل شديد..وغير كدا..حيقعد ينق ليك..أرح أرح أرح.. ويطلع من السوق قبل ما تخلصي حاجاتك اللي عايزاها..عشان كدا نصيحة ما تسوقي معاك زوجك أو راجلك للسوق..بطلع ذيتك والله..!!
الوصية نبر ثرررررررري..!!
يشعر زوجك بالضيق من انتقاداتك ليهو المستمرة..والكلام عن أفعالوا الغلط ولشنو عمل كدا..وكان ممكن يعمل كدا بطريقة تانية واحسن..حيقعد يقول في نفسوا..أنعل أبو اليوم الشفتا فيهو خلقتك دي يافقرية..لأنو وعلي بلاطة كدا..النوع من النساء دا بدمر الثقة في الزوج..ويجعله يحيا في كآبة ونفسيات شديدة ياجماعة.. عشان كدا ياثكرز بالله براحة علي الناس ديل..!!
الوصية نبر فوووووور..!!
جربي أن تعطيه القيادة..ما قيادة العربية هووووووي ها..قيادة البيت..يعني ما تكوني سليطة ومتسلطة علي البيت..خليهو يقود وخليك راكبة جنبوا ياعثلنا..لأنو في النهاية انحنا نواعم ما تنسوا..وأرق كائنات علي الأرض(أهم أهم..أهساس سمه)..ما بنقدر علي القيادة..صدقوووووني..لكين أسمعي هنا؟.!.؟.! ما كمان تزيد في الحد..ما تزهجيهوا في عشيتوا وتبقي عديمة شخصية وتستشريهوا في أي شئ..حتي في البصلة أقطعها كيف..ثمح يابنات أمي؟.!.؟.! عشان وبكل بساطة حتخلي حياتو ذي الجحيم وحيهرب منك وقت يقدر..وما حتشوفيهو تاني في البيت الأ نادرا"..غايتو كلمتكن..!!
الوصية نبر فااااااااايف..!!
الغيرة دليل علي الأهتمام..لكين طبعا الشئ اللي بزيد عن حدو بعمل شنو؟.!.؟.! بنقلب ضدوا ياحلوووين..خليك أيزي كدا..وبراحة..بغير عليك أي..بس ما لمن ما بثق فيك..وبالمناسبة كمان الغيرة الزايدة أعتراف منك بالهزيمة..وأفضل طريقة عشان تحتفظي بزوجك هو منحه الحرية لكين ما المطلقة عشان ما عينوا تزوغ..والثقة كمان..لكين طبعا" لو كان يستاهلها..عاد في ناس كدا..ما ينفع يثقوا فيهم خالص مالص بالص..!!
الوصية نبر سيييييييكس..!!
المجاملة مطلوبة بين الأزواج..لكين هووووووي ما حد النفاق..ما تمشي تقولي ليهو والله ياحبيبي أنتا توم كروز العرب..عاد دي مفقوسة ياختي..بس مجاملة هادئة قدروا كدا..فالمااااااان لا يشعر بالراحة أذا لم تعترفي بجميله..بقعد يقول في نفسوا: عاين عليك الله عديمة الفايدة دي..ويحمر ليك من تحت..فعشان كدا اعترفي بجميله وخليك زوووووولة كووول وعلي طوووول وأذا قال ليك كلام جميل أنتي قولي أجمل منه..أرفعن رأسنا..ثمح؟.!.؟.!
الوصية السفييييييين..!!
الحياة بعد الزواج ما ذي الحياة قبل الخطوبة..كلام واضح مش؟.!.؟.! طيب شنو الحركات..مافي داعي تمشي تقولي ليهو والله أنتا أتغيرتا من وقت الخطوبة..وبعدين أنتي ذاتك أتغيرتي ولذاك هو أتغير..أقول ليك أتغير ليه وبكل بساطة؟.!.؟.! يعني وقت الخطوبة كان بجي بقلاكي ماشاءالله..لابسة ومسرحة ومعطرة..وقمر 14..لكين بعد العرس..بجي بلقاك منكشة..وما لابسة غير قميص ريحتوا بصل..يييييييع..يأخي انا بطني طمت..عشان كدا ياحلوووين..خليهوا يشوفيك ذي ما كان يشوفيك في الخطوبة دايما عشان ما يخسر الصورة اللي كان بشوفك عليها دايما"..ولو قعدتي تكرري ليهو الكلام دا..أنتا أتغيرتا من وقت الخطوبة حيقول دي شنو المراهقة اللي أنا عرستها دي..(مع أحترامي للمراهقات ياجماعة....مالهم المراهقات..ما أحسن ناس..أحم أحم..) وحيحس بعدم نضجك وعدم تحملك للمسؤلية كمان..فأعملي هسابك..!!
الوصية الأأيت..!!
في الدنيا دي في نسوان كدا تصر ليك علي معرفة ماضي الراجل..يأخي زمان حبيت كم؟.!.؟.! وكانوا سمحات ولا كيف؟.!.؟.! وأسمائهم منو؟.!.؟.! طبعا" أسمائهم دي أهم شئ..عشان وهو نايم الله يقدروا يقول أسم وحدة فيهم..عشان تمسكوا تزعمطوا ليك كويس..وتلقاها ليك في نفسوا..ولو أتكلم وهو نايم..ياربي قال شنو؟.!.؟.! لو قال:ياربي تقول قال روبي..غايتو..هالة صأبة يافرد..وحتي لو كنتي عايزة تعرفي عن ماضيهوا عشان تفهمي شخصيتوا..برضو ما تسألي..بتعرفي مع الأيام..خليك تفتيحا كد وشايلة مفاتيحهاا وطنشي ونفضي ياسيتي..عشان ما تضايقي الراجل ويمشي يشوف غيرك يرتاح عندها..!!
الوصية الناااااااااين..!!
ما تقعدي تشكي ليهو كثير..لأنو في واحدات عاملات فاهمات وقايلات بالشكوي بتجلب أهتمامو..لا..دي ما طريقة صدقيني يابت أمي..لأنو بقول في نفسوا..دي شنو الشكاية البكاية الجبتها دي..يأخي دي عبئا" تقيل خلاص..لأنو طبعا" لمن تشكي ليهو يعني بتقولي ليهو أسمع حل لي المشكلة دي..وحيساهر ليك الليل لغايت ما يحلها ليك..فعشان كدا بطلوا أنانية..لأنو وقت هو مساهر أنتي بتشخيري..!!
الوصية التيييييين..!!
عاد دي كما صعبة والله..أنا متأكدة..لكين أسمعني ثمح ياشبابات..لمن تجي تفتحي موضوع مع زوجك اختاري موضوع مناسب في الوقت المناسب..وما تقعدي تبري ونق نق نق نق نق نق ..وهو طبعا" عامل ظريف..جاهوا وجع صداع..هئ قصدي وجع رأس لكين ما قادر يقول ليك أسكتي يأخي طلعتي ذيتي..فحيقعد يتكشم ويهزأ ليك في رأسو سبب بلا سبب..وأنتي البليدة قايلاهو بسمع..وهو في رأسو بتذكر في تاريخ اليوم الشافيك فيهو عشان ينعل ذاك اليوم..وياريتوا نام في بيتوا أخير من ما كان يلقاك ويقع فيك..فعشان كدا أختاري الحديث المناسب في الوقت المناسب عشان ما ينفر منك راجلك يافردا..!!
الوصية الأليييييفن..!!
أنتي ما بتريحي راجلك وقت يكون بحلق في دقنوا ولا بلبس ولا متأخر برا البيت..بتقعدي تنقي فيهو عشان يطلع..يلا أتاخرنا..بتعمل في شنو قدر دا..يارااجل ما تطلع..(ودي أنا متأكدة أنها نادرة جدا جدا..في العادة الراجل اللي ببكي علي ركبوا عشان المرأة تتطلع عشان أتاخروا علي مواعيدهم)..يلا ذي ما أنتي ما بتحبيهوا يتأخر في شغلوا برا أو في المراية ..أنتي ذاتك ما تسكني ليهو فيالمراية عشان تعملي ميك أاااب وشنو وشنو..والله في اللحظة ديك حيشميك شما..وحيشوفيك قرد حتي لو سمحة..حيشوفيك قرد عامل ميك اب بس (وأتخيلي المنظر بس) لأنك رفعتي ليهو كثافتو..قاعدة تسوي وهو واقف علي حيلوا..وكل ثانيتين تقول ليهو خلاص حبيبي خلصتا(وفي اللحظات دي صدقني الحنك ما حينفع)..وخلاص خلصتا دي من الساعة 3 وأنتوا هسي 6..وتاني يأختي حيغشيك..لو مواعيدكم 6..حيقول ليكي..2 ونص..عشان كدا ما تتسكعي لينا بالله في المراية..!!
بعد ما تقروا الحاجات دي لو لقيتو لي واحدة بتقدر تنفذهم وروني بيتهم بوين..هع هع هع..!!
ســــــــــــــــــــــــــــ(بت النيل)ـــــــــــــــــــرورة!!
رد مع اقتباس
المشاركة الأصلية كتبت بواسطة سوار الياسمين
المفضلات