احبتــــــى... هل سنعــــــــــــــــــود

[عصام هبار]

هـــــــــــــــــــــــــل ...سنعـــــــــــــــــــــــــود؟؟؟

هل سنـــعود ؟؟؟؟
هل سوف ترجع الايام الجميله؟؟؟
هل سوف تغرد هذه العصافير المهاجره مرة اخرى فى سماء السودان
هل سوف يتربى اطفالنا بعد كل هذا... وسط يمه.. ويابه وحبوبه... وعمو... وخالوا...
هل سوف يلعب اولادنا شليل وينو.. وام الحفر... والدافورى .. والبلى ..
هل سوف يدخل اطفالنا الى مدارسهم ويدرسون ولايشكل لهم لونهم الاسمر هذا عقبه فى نتايجهم او تفكيرهم .اويقلل من شانهم ....
هل سنعود ؟؟؟!!!
هل سوف يصبحن الامهات غير خائفات على بناتهن من البورة
وعدم الحاق بناتهن بركب قطار الزواج فى هذا الزمن ذو الايقاع السريع
هل سوف نسيتيقظ ونجد ان هذا الكابوس الثقيل قد انزاح واننا كلنا سوا سوا فى السودان نرقص الكمبالا
ولا كفيل .. ولا اقامه .. ولا تجديد .. ولا باسبورت..ولا ولا ..ولا ..فاتورة كهرباء وتلفون ورسوم مدارس.ووووووو
هل يمكن ان نتغلب على خوفنا ونخوض تجربه الرجوع والتى نرى انها قد فشلت مع الكثيرين ؟؟
نعلم ان عمر امه محمد مابين..60 الـــــــــــــــــى 80 سنه فكم من زهر العمر سوف يتساقط بعيد .... يتساقط بعيد .... يتساقط بعيد .... هبار

[مدنيّة]

والله ياهبار شعورك واحاسيسك دي جميلة

بس يؤسفني اقول انه معظم الحاجات اللي ذكرتها دي الان لا توجد
لا في حبوية لا في شليل لا في ام حفر لا في بلي

غايتو الله يرجعكم بالسلامة

[المسافر]

ليت ذلك الزمن يعود يوماً . . .
وللأسف وإننا نعلم تماماً بأنه لن يعود ابداً
ولا أريد أن أحبطك أو أشعرك باليأس . . . ولكن
ليتنا نقدر نساير هذا الزمن بالشكل
الذي يجعلنا سعداء أو شبه ذلك !!!!

ودمت أبداً

[Madanawi]

العزيز عصام ، تحية عطرة ممزوجة باحاسيس هي في الواقع نفس العندك وجواك ومالكاك،،،،،

يا هبار يا اخوي ، دوام الحال من المحال ، والعرجاء لي مراحها ، وخربانة أم بنايةً قش ....

كل الامثلة دي تصب في كاس واحد وهو العودة للوطن ، متين؟ القدم ليهو رافع ،،،

أما اللمة في بيت الحبوبة راحت مع الحبوبة ،،، وجاء جيل الموبايل بدل التلفون الخيت وعلبة الصلصة واستبدل الدافوري والجري بصالات الجيم ، وتبدلت ام الحفر وصارت سوني والعاب كمبيوتر و وين .. وين .. لمن الناس تطرا الزيارات والاهل .. ومجانية التعليم راحت شمار في مرقة مع مناهج التعليم وربك يصلح الحال .. والهم اصبح الان العودة سالمين بدون ضغط وسكر وشرايين وهلمجرا ....

وتشكر على النغزة البتهبش وتر .. كل من تجاوز حدود الوطن.. حامل جواز سفر..

[شبرقية]

والله نحن مع الطيور المابتعرف ليها خرطة
ولا في ايدا جواز سفر
نمشي في كل المداين
نبني عشنا بالغناوي وننسر الافراح درر

سيطر علينا الياس
واغلبنا بقول انها ماحتعود
لكن ............
وين ماكنا حنفضل نحلم بتلك الايام
عسى ولعل

[الفارس البنفسجي]

الاخ عصام هبار


اول حاجة ، هيجت علينا
الشجون وزكريات مدني
القديمة.
فبرغم ما فيها من شجن
تظل هي مصدر السعادة
لهذا الوجدان القابع في
ظلمات الغربة.

هل سنعوووود ؟

نرجع لي وين ؟
لأيامنا الزمان !!!
ولا نرجع من بلاد الغربة
ونستقر في مدني وسوداننا الحبيب


كان ليك !!!!

ياريت يا أخ عصام لو
الأيام بترجع لي وراء
وياريت لو الأطلال بتعمر
ويرجع الطوب الأحمر
لي حيطانو القديمة.

هذه دعوة لأن نعيد التفكير في
الإغتراب ... ونحاول بقدر المستطاع
إعادة حل المعادلة مرة تانية.
أمكن ... إمكن
تكون النتيجة مختلفة.
ونلملم حاجاتنا ونغادر

[MASS77]

الماضي ما برجع
والفات لم يمت بعيش في جوانا

[رضا حسن محمد]

هبارب ازيك
مالك عايز تبكيتا من صباح الرحمن
نفسى ارجع لمدنى واشتغل فيها واخلص الدوام الساعة اتنين والعب الدافورى
وفى المساء ادخل الاستاد اهلى اتحاد واقوم ارقص واتخوجج لما الاتحاد يجيب قون
واقول تماااااااااااااااااااااااااااااااااااااااااااااام يا نزار حسون
وبالليل خالص امشى اتونس مع ابو نزار وام نزار واقبل راساهما الكريمين

[غسان]

اخي هبار
نور منتدانا وشارع منتدانا يوم هبار حن وغشانا

الغربة تسكن فينا. من منا لا يعاني الغربة في نفسه وبين الآخرين وفي أمور كثيرة؟ ألم يقل الإمام علي: "الفقر في الوطن غربة؟" ألا يعاني فقراء بلادي الغربة في أوطانهم من قهر الحكام؟ ألا تعاني الشعوب المقهورة بالاحتلال الغربة فوق أرضها؟ وشعبا فلسطين والعراق يعيشان الغربة كل في وطنه والعراق يعيشان الغربة كل في وطنه جرّاء الإحتلالين الإسرائيلي والأميركي.
تبا علي هذا الزمان الممحوق زمان "المس كول"

[عبدالرحيم سعيد]

الاخ هبار انني ممن لسعتة الغربة والتي لم اسعي اليها رغم انني لم اعاني مماذكرت اجرائيا لانني منتدب(بس ياهبار لم اعرف سهر الجداد وعدم نومو0 و ممرارة وحنضلة قروش المغترب الا قبل تلاتة سنين والزول لو داير تدعيهو يكفي جدا ان تقول ليهو الله يغربك) الالم0الندم0الهم 0الجن0المرض0وال0وال0وال00ووووووووووووو0

[بدرينا]

الأخ هبار.. تحية من القلب..
بالعزيمة والإصرار أي حاجة بتتحقق وما في حاجة صعبة..

[سامر حسن]

الحنين عصام

يا البتساسق بين الكبري وسكة حديد
نادي العمال حي الجعلين حلقة قرءان شلعي ومروان
بتغتغت حزنك حد الروح وتقسم ضحكك للجايين
ونتعلم منك لسه كتير
يا ساجن دمعك وما هاميك الناس تترامى تحت ضلك
وتشر من ضلك ما يمتد
وتشابي كمان عدد المارين
...

كانت الغربة زمان شوايقة يغنوا للواري ماشة الخرطوم .. هسه بيوت فاضية بتبكي زكريات

برجع ليك

[خالد هاشم علي]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآه

[Madanawi]

اخي هبار
نور منتدانا وشارع منتدانا يوم هبار حن وغشانا

الغربة تسكن فينا. من منا لا يعاني الغربة في نفسه وبين الآخرين وفي أمور كثيرة؟ ألم يقل الإمام علي: "الفقر في الوطن غربة؟" ألا يعاني فقراء بلادي الغربة في أوطانهم من قهر الحكام؟ ألا تعاني الشعوب المقهورة بالاحتلال الغربة فوق أرضها؟ وشعبا فلسطين والعراق يعيشان الغربة كل في وطنه والعراق يعيشان الغربة كل في وطنه جرّاء الإحتلالين الإسرائيلي والأميركي.
تبا علي هذا الزمان الممحوق زمان "المس كول"

والله يا دقش انا كنت قايلك فيصل القاسم وانت تسرد في كلامك ... من هنا وطوالي على قناة الجزيرة

[سامر حسن]

سلام الجميع

طيب .. عصام أنا بفتكر أنك بتتكلم عن العودة بإحداثيياتا الاتنين السيني والصادي .. الرأسي والأفقي .. الزمان والمكان .. يعني العودة المكانية دي مقدور عليها لكن العودة الزمانية دي العوجة .. ياجماعة لو الواحد بيقدر يرجع الزمان للسبعينات ويمنع سفر الناس ... الاغتراب مسخ خارطة الوطن التاريخية وقامت أجيال ما بتعرف الحاجات القلتها يا عصام .. الأجيال بتتوارث من بعض حاجات ما بتتوفر إلا بالمشاهدة والاتباع والمراقبة لسلوك الاكبر منك .. "إدارة مواقف" والعوجة بقت انو نحن بنطالب أجيال بعدنا أنهم يكونوا زي ناس فلان وعلان .. ديل راحو وعدوا .. وأمسكوا الخشب فالجاي أدهى وأمر وقروش الخليج كلها ما بترجعوا ...
بعدين يا جماعة انا عارف ماف واحد قاعد برضاهو برة البلد بس الظروف والخطط .. يا جماعة في كم زول بنى بيتو وعمل عربية ولساهو قاعد ... مرة عشان قراية الاولاد ومرة عشان ماف شغل في السودان ومرة عشان العلاج .. ومرة ومرة .. عاااارف يا جماعة بس كلو بي تمنو والزمن مااااااشي انا بنصح كل مغترب عن تجربة انو يسرع يلملم أطرافو ويرجع ... الرزق في السماء والكاتبا الله في الحجر بتقوم ...ألحقوا عيالكم ..وأهلكم .. البيوت فضت والكبار بقوا يشحدوا المروة من الغريب وأجيال قايمة بتفتش علي دليل والعلائق ماشة في منحنى ما بعد الصفر .. وقبل ده كلللللو ..ألحقوا روحكم شليل قاعد والعضام راقدة وام الحفر راسمالا ناس ما حفر وأم العلب والكمبلت وبربرة .. رحلات جماعية وجلسات أسرية ...عليييييييييييكم الله تعالوا

[نزار حسن محمد]

انا اخوك انت ياسامر ... بس اصبر لى النشاور مرتى ... والله يكضب الشينه

[نزار حسن محمد]

ياباشا وينك منتظرين ردودك ..اظهر وبان عليك الامان ..

[سواااح]

يعني جبتوا الصيوان

وقعتدو ..

ترموا في الدوبيت

عموما ربنا يرد الغربة

[عصام هبار]

والله ياهبار شعورك واحاسيسك دي جميلة

بس يؤسفني اقول انه معظم الحاجات اللي ذكرتها دي الان لا توجد
لا في حبوية لا في شليل لا في ام حفر لا في بلي

غايتو الله يرجعكم بالسلامة

الاخت مدنيه
اولا اشكرك على المداخله ... والقصه ماقصت شليل ولا ام الحفر بل هى بدايه لنقاش طويل عمره اكثر من ربع قرن .. اكرر شكرى وتقديرى

[عصام هبار]

ليت ذلك الزمن يعود يوماً . . .
وللأسف وإننا نعلم تماماً بأنه لن يعود ابداً
ولا أريد أن أحبطك أو أشعرك باليأس . . . ولكن
ليتنا نقدر نساير هذا الزمن بالشكل
الذي يجعلنا سعداء أو شبه ذلك !!!!

ودمت أبداً

اخى المسافر .. لك شكرى وتقديرى...جميل ان نقول ليتنا نقدر ان نساير هذا الزمن .. لدى سؤال اخى هل تشجع ان ياخذ كل مغترب جنسية البلد الذى يغترب فيها ....

[Madanawi]

يا نزار.. شاور.. ووريني ،،

بس لو ما رديت عليك .. أعرف اني مشيت قدامك،،