النتائج 1 إلى 23 من 23

الموضوع: اسفه جدا والله

أدوات الموضوع
- مشاهدة صفحة طباعة الموضوع


	28-03-2007 07:40 AM #1 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 اسفه جدا والله اخواني واخواتي اسفه جدا اني دخلت عليكم وعملته الضجه دي وبعتذر لاخونا القال انو زوجتوا كانت عايزه الاسم ده وانا بتنازل عنو لاختنا وشكلي دخلت غلط الظاهر انو ما مرغوب فيه لاني قلت اني عايشة في مصر صح عشت فيها لكن ما نسيت اهلي وناسي ومدني لانها عايشة في جواي وبعتذر وبنسحب واشكركم على كرم الضيافة رد مع اقتباس


	28-03-2007 07:57 AM #2 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 لا يا أختنا الغاليه بت المطامير دا مش كان قصدنا والله فى إمور كتيره خافيه عليك وإنتى غير ملمه بها يعنى هسى فى ناس ح يفتكروا إنو أنا الكتبت الكلام الفوق وهنى جيت رديت على نفسى بنفسى يا بت المطامير الأسماء ليس ملك لأحد وكل واحد بيختار الإسم اللى يعجبه أرجوك تقبلى إعتزارى وعليك الله ما تنسحبى وخليك معانا إضافه جديده فى المنتدى تثريه بمشاركاتك وردودك آسفين كوننا ضايقناك ومره تانى بكرر إعتزارى وأسفى الشديد عاوزه تمشى وتنسحبى ؟ يعنى يهون عليك تخلى أخوك براهو تعالى مع بعض نكبر المطامير ونجملها , أنا ما صدقت لقيت لى تومه بس قلت أصبر شويه لحدما الضجه تروق . يا بت المطامير خليك جمب أخوك ود المطامير ولأ بكلم ليك أبوى العمده اللهم أجعل قبرى روضه من رياض الجنّه رد مع اقتباس


	28-03-2007 08:46 AM #3 الفارس البنفسجي الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2006 الدولة ودمدني - ودكنان المشاركات 4,621 الأخت بت المطامير تحياتي لك المنتدى دا مكان عام ، وأي إنسان عندو جميع الحقوق اللي بتمتعوا بيها الأعضاء وتظل عندو حقوق الإستمرارية طالما أن محافظ على قوانين المنتدى. والتواصل بين البشر عمروا ما مربوط بين لون أو جنس. فنأمل أن يكون منتدى ودمدني هو بيتك التاني وأن تساهمي معنا بكل مالديك. معاً لنجعل هذا المنتدى بوابة الحب والمعرفة والتصافي وزي ما بتقول حبوبتنا مدنية همسة : مرحب بيك تاني رد مع اقتباس


	28-03-2007 11:18 AM #4 MASS77 الملف الشخصي مشاهدة المشاركات عضو فعال Array تاريخ التسجيل Mar 2007 الدولة السودان ام درمان المشاركات 214 بت المطامير بتمني انك تكوني اتراجعتي من بعض الزعل ختي بس الرحمن في قلبك وقولي بسم الله والاخوان في البيت ببقي بيناتم نقاش وينتهي بي سلام ارجو انك تتحملي الكتابه عنك حتي ولو كانت ما مرضياك ولو ما عشان الفي المنتدي عشان حبك لي مدني ممكن تخاصمي اي زول لكن بتقدري انك تخاصمي ارض المحنه بطلي الزعل والبينالفي المنتدي كلهم رساله اكبر من الزعل ومن الخصام ومن حقك تساهمي فيها ومن حقنا عليك العرفنا حروفك انك تكوني مبدعه في الحروف ومن حقنا انو نترجي من اناملك انو تدون للمنتدي حروفا انيقه ومن حق مدني عليك انك تكوني نواة لرساله ساميه من ود مدني وعاوز اقول ليك الدنيا فيها شنو وعمرنا كم والباقي كم عشان نتخاصم كلنا ما شين من الدنيا وبتبقي الذكري الحلوه واخر حاجه خليك هنا جمبي وحداي ما ترحلي ومنتظرين عودتك بقوه وقلب مليان اكتر واكتر بي حبو لي مدني تبقى سيرتك هى الكلام وتبقى صورتك هى الرؤى الحلوة البعيشها فى صحوتى ، او حتى فى عز المنام ويبقى اسمك هو الغنا رد مع اقتباس


	28-03-2007 01:42 PM #5 وليد عمر سعيد الملف الشخصي مشاهدة المشاركات عضو فضي Array تاريخ التسجيل Oct 2006 الدولة مدني - ودازرق المشاركات 1,037 كدي قولي بسم الله يا بت المطامير اول شئ مرحب بيك ونورتي المطامير والمنتدى يا ستي رغم اني مافاهم القصه كامله لكن قدر الفهمتو دا مابخليك تسيبي المنتدى ولا تتنازلي من مسمى انتي سجلتي بيو طولي بالك يا بت خلي نفسك طويل وبعدين تكتري تقللي انا وحبيب قلبي ود المطامير دا بنرفع فيك تقرير لي ابوي العمده وهو ينظر في حالتك دي ولي عوده تانيه اتمنى القاك منوره المنتدى بوجودك ونسجت من فيض المشاعر مقعدا..... ترتاح فيه خواطري...... متمنيا بالشوق اجلسك الحدق!!!! رد مع اقتباس


	28-03-2007 05:00 PM #6 بت الشبارقه الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Feb 2007 الدولة الشبارقه المشاركات 447 كر علي والندم علي وسجمي... ماشه وين مخلياني ليهم انا ما صدقت لقيت لي زول معاي وكنت من غيرك وحيده , يعني يهون عليك البيعملوا فيني دا وبعدين كان علي ود المتامير دا والله قليبو اببببيض زي القطن حق الجزيره ودمو خفيييف زي الروزانا واي زول في البدايه بيسوي منو كده الا بعدين بلقاهو ظريف وبالذات لو كنتي في الكرسي حقي داك ... كلام تحت تحت: (ما تصدقي ده كلام كبابي ) المهم رايك شنو بدل ما تطلعي تقعدي معاي انا في الكرسي الساخن اهو برضو تونسيني شويه وتوريني عرفتي بابا وين؟ وشكلو كده ادا ليكم زول جلده من جلداتو ديك خلتك متذكراه؟ عليك الله يا الحبيبه اقعدي اكان مرقتي (يعنى هسى فى ناس ح يفتكروا إنو أنا الكتبت الكلام الفوق وهنى جيت رديت على نفسى بنفسى )منقول... قال يقولو ود المتامير قال !! هو بيعرف اتكلم متل كلامك إذا الشعب يوما أراد الحياة فلا بد أن يستجيب القدر ولا بد لليل أن ينجلي ولابد للقيد أن ينكسر ومن لم يعانقه شوق الحياة تبخر في جوها واندثر كذلك قالت لي الكائنات وحدثني روحها المستتر ودمدمت الريح بين الفجاج وفوق الجبال وتحت الشجر إذا ما طمحت إلى غاية ركبت المنى ونسيت الحذر ومن لا يحب صعود الجبال يعش ابد الدهر بين الحفر رد مع اقتباس


	28-03-2007 09:49 PM #7 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 كلماتك واعتذارك يدل على مدى الشفافية التي تتملك دواخلك عزيزتنا بت المطامير، كما ذكر اخونا الفارس البنفسجي المنتدي للجميع وبالجميع ينمو ويزدهر ولك اختيار ما يناسبك من اسم ما دام لا يتعارض من لوائح المنتدى، ان كنا حريصين على وجودك معنا من قبل فنحن نزداد تمسكا بك الان لانك اثبتي للجميع مدى النقاء الذي بداخلك ومدي حبك لمدني و احساسك بالوطن ،،، لك العتبى حتر ترضي عزيزتنا بت المطامير،،، إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	28-03-2007 10:10 PM #8 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 برضو مافي حد فهمني بالعكس انا بحترم ود المطامير زي اخوي وبحترمكم كلكم اخوان واهل لكن في شي انا ما فاهمهو شنو يعني يشبهوني بوحده تانيه واحد يقول لي انتي علوية وواحد يقول ما عارف انتي انا وانا ما عارفه غلطه في شنو صاح انا سجلت ببت المطامير لكن قاصده المنطقة الانا جلست فيها احلى ايام عمري ابو المطامير وزوجي شغال فيها مفتش زراعي يعني دي المنطقة الانا بنتمي ليها حاليا والله ما قصدي اي شي تاني عشان الناس ما تفهم غلط بعدين عمري ما زعلت من حد ولا حازعل الا من نفسي انو انا اخدته اسم ما من حقي وبي كده اكون ظلمت انسان اخ وبحس بيه من اهلي وناسي ده كان القصد عشان الناس ما تفهم غلط وانا بتاسف للمره الالف وبطلب انهم يغيرو اسمي لاي اسم تاني عشان ما احرم حد من اسم اختارو قبلي وانا موجوده وحكون ضيفة عليكم ويا استاذه نازك والدك انسان رائع جدا واتقابلنا معاهو في اليمن الوقت داك انتي صغيرونه لسه ما بتعرفي الناس كويس يعني معرفة قديمة جدا انا برضو درسة في اليمن مع والدي كان معلم وانا معاك بس من بعيد بعاين ليك في الكرسي رد مع اقتباس


	28-03-2007 10:49 PM #9 بت الشبارقه الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Feb 2007 الدولة الشبارقه المشاركات 447 والله يا بت المطامير حيرتيني عدييييييييييل طيب رسلي رساله خاصه وريني انت منو عشان اعرفك واحكي لي شويه عني في الكرسي عشان افتخر بي روحي ... كنت كيف؟ وتفتكري بناتي شالن مني شيء ..؟ ...و.... و... ,.....و,,, انت عارفه علويه بت الحاج دي انا في الاول كنت قايلاها حقيقه برضو لكن عرفت انو شبارقه بيستعملا مجازا في كتاباتو الضاحكه وما تزعلي كان مننا او من روحك الزعل ياهو الزعل ... طيب رايك شنو نقوم نغير اسامينا الاتنين انتي لي بت البوش1 وانا لي بت البوش2 علي الاقل القى لي اخت بالاسم إذا الشعب يوما أراد الحياة فلا بد أن يستجيب القدر ولا بد لليل أن ينجلي ولابد للقيد أن ينكسر ومن لم يعانقه شوق الحياة تبخر في جوها واندثر كذلك قالت لي الكائنات وحدثني روحها المستتر ودمدمت الريح بين الفجاج وفوق الجبال وتحت الشجر إذا ما طمحت إلى غاية ركبت المنى ونسيت الحذر ومن لا يحب صعود الجبال يعش ابد الدهر بين الحفر رد مع اقتباس


	28-03-2007 10:51 PM #10 بت الشبارقه الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Feb 2007 الدولة الشبارقه المشاركات 447 يا بت المطامير ... انتي من وين بالتحديد في مدني عسى ولعل المخ الخرم ده يعرفك إذا الشعب يوما أراد الحياة فلا بد أن يستجيب القدر ولا بد لليل أن ينجلي ولابد للقيد أن ينكسر ومن لم يعانقه شوق الحياة تبخر في جوها واندثر كذلك قالت لي الكائنات وحدثني روحها المستتر ودمدمت الريح بين الفجاج وفوق الجبال وتحت الشجر إذا ما طمحت إلى غاية ركبت المنى ونسيت الحذر ومن لا يحب صعود الجبال يعش ابد الدهر بين الحفر رد مع اقتباس


	28-03-2007 11:56 PM #11 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 الاستاذة بت الشبارقة اتشرف اكون بت البوش ويزيدني اكتر شرف اكون اختك الكبيرة لاني اكبر منك شديد يمكن اكون عمتك هههههههههه انا اشتغلت الاستاذ البوش في سنار مكتب التعليم الثانوي اساسا انا معلمة وزوجي معلم وكنا في اعارة مع بعض في اليمن وقابلنا الاستاذ هناك وبعدها زوجي ترك التدريس وانا وراهو وسافر مصر لان جزوروا الاصلية من هناك واشتغل في الزراعة ووصل بحمد الله لدرجة مفتش زراعي وحاليا مستقرين في مصر وانتي ما بتعرفيني لانك كنتي صغيره شديد اه بعد ده احكي لينا في الكرسي زكريات اليمن السعيد والله اسعدتني رسايلكم الخاصة وبشكركم كلكم بدون تحديد اسماء بس بخصص ودالمطامير لانو بالجد انسان قلبوا ابيض وحساسا جدا بقعد معاكم واعذروني لو مسيت اي حد بكلمه او جرحتو بلفظ ما قاصداهو وكلنا اخوان واهل بعض رد مع اقتباس


	29-03-2007 12:14 AM #12 شبارقة الملف الشخصي مشاهدة المشاركات عضو فضي Array تاريخ التسجيل Nov 2006 الدولة الشبارقة المشاركات 1,613 يا أخوانا خلوني أشرح لأختنا الكبيرة أو عمتنا (طبعاً أنا نديد بت الشبارقة) خلونا نشرح ليها الحاصل،، أولا : كانت فكرة المطامير من وحي أخونا عروة (ود المطامير) ، ولم يكن أحد يعتقد بأنها منطقة حقيقية واقعة على جغرافية هذا الكون، وانما هي منطقة مبكترة مثل الشخصيات الكرتونية (توم آند جيري ونحوه). ثانياً : على هذا الاساس انبنت الكثير من البوستات والمواضيع حتى كادت أن تكون حلة المطامير واحدة من قرى منتديات ود مدني ، وكادت أن تمثل لنا عياناً ، فجاءت منها علوية بت الحاج ، وحميدان الغناي، والتاية الدعاية وعمدة المطامير، وغيرها من الشخصيات النابعة من وحي الخيال. وفي خضم هذه المسيرة جئت أنت بإسم بت المطامير .. ولكي أن تتخيلي ما يمكن أن تعتلي وجوهنا من دهشة .. نحن سعدنا جداً بقدومك ... ورأينا أنك تكملة لبوتقة رائعة كم استمتعنا بها .. أرجوك لا تغادرينا .. وأرجو أن تكون الرؤية اتضحت .. راجعي البوستات القديمة لتكتشفي ما قلت .. * لك كل الود التعديل الأخير تم بواسطة شبارقة ; 29-03-2007 الساعة 12:45 AM كلما أدبني الدهر * أراني نقص عقلي وإذا ما ازددت علماً *** زادني علماً بجهلي رد مع اقتباس


	29-03-2007 12:32 AM #13 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 مشكور شبارقة والله جد اسفه خالص خالص لكن دخلتوني في حته ضيقه وافتكرته انو انا ارتكبته جريمه والا اعتديت على حقوق الناس والا عملت شي غلط كبير عشان القي الهجوم ده لكن الحمد لله انا الكنت فاهمه غلط وبتاسف ليكم كلكم وبقول ليكم مره كبيره اعذروها ولسه شكلي طبع المعلمين شغال معاي ههههههههه رد مع اقتباس


	29-03-2007 12:39 AM #14 بورتبيل الملف الشخصي مشاهدة المشاركات عضو فضي Array تاريخ التسجيل Jan 2007 الدولة بورتبيل المشاركات 1,897 بسم الله الرحمن الرحيم السلام عليكم ورحمة الله وبركاته الاستاذة : بت المطامير باسم غالبية اعضاء منتديات ود مدني اتقدم اليك بكل الاعتذارات .. لما بدر من سوء الفهم .. وكما قل الاخوة الاعضاء .. ان اسم ( بت المطامير ) قد أدهشهم جميعاً لا ارتباطه باسم ( ود المطامير) عموماً لا اريد ان اخوض في الموضوع اكثر .. فقط اريد ان اتقدم بالاعتذار .. وارجو ان تتقبلي اعتذارنا عن ما بدر منّا كلنا واتمنى ان تبقي معنا .. يا استاذة ( بت المطامير) ونزداد شرفاً بان يكوني عضواَ معنا ولك كل المنى استاذتي بت المطامير والسلام عليكم ورحمة الله واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلماً بجيب البر ولا حَدُوُدُ رد مع اقتباس


	29-03-2007 12:48 AM #15 شبارقة الملف الشخصي مشاهدة المشاركات عضو فضي Array تاريخ التسجيل Nov 2006 الدولة الشبارقة المشاركات 1,613 المشاركة الأصلية كتبت بواسطة بت المطامير مشكور شبارقة والله جد اسفه خالص خالص لكن دخلتوني في حته ضيقه وافتكرته انو انا ارتكبته جريمه والا اعتديت على حقوق الناس والا عملت شي غلط كبير عشان القي الهجوم ده لكن الحمد لله انا الكنت فاهمه غلط وبتاسف ليكم كلكم وبقول ليكم مره كبيره اعذروها ولسه شكلي طبع المعلمين شغال معاي ههههههههه الحمدلله .. كده فهمتينا صاح .. خشي وأقعدي ست بيت .. وحبابك مليون حباب ... ونقول لي جنا المطامير : حظك الله رزقك بي تومة ليك .. كلما أدبني الدهر * أراني نقص عقلي وإذا ما ازددت علماً * زادني علماً بجهلي رد مع اقتباس


	29-03-2007 12:53 AM #16 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 سلام يابت المطامير .... اه ابوك العمده سمع الجوطه وجاك جرى ... وانا فهمت القصه من طقطق لى سلام عليكم وحكمت عليك ترجعى فورا الى مكانتك الغاليه عند قلوب الاعضاء عليه ماحتبارحى مكانك وانتى مننا ولينا ... ودعتك الله ياريقه .... ابوك العمــــــــــــــده ودحسن [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	29-03-2007 12:57 AM #17 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 اليوم ان سعيده جدا انو في شباب متفهم ومتنور كده شكرا ليكم يا شباب وربنا يقدرنا ونواصل معاكم رد مع اقتباس


	29-03-2007 01:05 AM #18 شبارقة الملف الشخصي مشاهدة المشاركات عضو فضي Array تاريخ التسجيل Nov 2006 الدولة الشبارقة المشاركات 1,613 المشاركة الأصلية كتبت بواسطة نزار حسن محمد سلام يابت المطامير .... اه ابوك العمده سمع الجوطه وجاك جرى ... وانا فهمت القصه من طقطق لى سلام عليكم وحكمت عليك ترجعى فورا الى مكانتك الغاليه عند قلوب الاعضاء عليه ماحتبارحى مكانك وانتى مننا ولينا ... ودعتك الله ياريقه .... ابوك العمــــــــــــــده ودحسن خلاص سويت رقبتك عمدتنا!! انت آ جنا مش مع ناس الحيكومة !! تحت تحت: وينك انت يا زول !! والله اشتقنا ليك عديييييييييييييييييييييييييييييييييل !! تاني لو ماش مكان كلمنا!! كلما أدبني الدهر * أراني نقص عقلي وإذا ما ازددت علماً * زادني علماً بجهلي رد مع اقتباس


	29-03-2007 01:08 AM #19 شبرقية الملف الشخصي مشاهدة المشاركات عضو برونزي Array تاريخ التسجيل Feb 2007 الدولة ارض المحنة المشاركات 808 اهلا وسهلا بتومه اخونا شكلك كدا رجعت في كلامك وقررت القعاد دا الكلام الصاح اها ياحبوبتي (انا ورا شبارقة وبت الشبارقة بعشر سنين) الناس ديل دمهم خفيييييييييييييييييييييييييف وعشان تولفي خلي روحك رياضية شدييييييييييييييييييييد والله ان من دخلت تقولي حمامة ادوها مويه سكر وهديك ياحتلا ومابتلقي ناس اميز من هنا اها ابقي داخله ونورينا اكتر عن خيال تومك الصبح حقيقة المطامير بكي ..........مابكي بكاه... حس الطائرات بكاه...يرجي المعجزات بكاه.... قدرتو تنتهي رد مع اقتباس


	29-03-2007 01:16 AM #20 عماد عبدالشكور الملف الشخصي مشاهدة المشاركات عضو فضي Array تاريخ التسجيل Jan 2007 الدولة حي 114 المشاركات 1,420 انا اصلك يا ود المطامير ما بجي من وراك الا الخراااااااب زعلتنا علينا البت السمحة دي . يللا قوم امشي اعتزر ليها حالا وسجل ليها الاسم دا باسمها في (حقوق الملكية الفكرية) وكان على ام عمرو ياخي اتصرف انت حا تغلب والتحية الجمهورية ليك انت النعيم لقلبي والعذاب له فما امرك في قلبي واحــلاك مع خالص تحياتي emad mohammed رد مع اقتباس


	29-03-2007 01:12 PM #21 مطر الحزن الملف الشخصي مشاهدة المشاركات عضو جديد Array تاريخ التسجيل Mar 2007 الدولة في نبضة تعب المشاركات 10 الاخوان والاخوات الاعزاء والله تقول داخل فلم هندي مليان تراجيديا في البدايه ازعجني زعل الاستاذه الفاضله بت المطامير ولكن النهايه كانت سعيده ... وكل الشباب والشابات كانو ابطال اهل مدني يديكم العافيه ... وربنا يوفقكم الى الامام ويديم المعروف بينكم آآآآآآآآآآآآآآآمين صراحة سعدت بينكم ... واكتشفت ان معدنكم اصيل. رد مع اقتباس


	29-03-2007 08:09 PM #22 الشريف الهندي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Apr 2005 الدولة الخرطوم بحري - الجريف شرق المشاركات 1,035 بت المطامير حبابك والله مليون وشرفتي بالحييل المكان ونورتيه ... اتاريها المطامير بتجيب ناس رائعين للدرجه دي .. وبعد ما تجو وتتحكرو في قلوبنا تب تقولوا ماشين !!! عاد بيوين ....مافي طريقه تب .. اذكر زمان وكت جانا ود المطامير حبيب الشعب وحبيب الملايين ... بعد ماجانا وبقا خبيبنا قال داير يفوتنا ... وقلنا كده سقيناهو القهوة ومن ديك ياهو ده قاعد ينضم كُتر لا زح جاي ولاجاي أنا من بلداً هو عنوان للصلابة .. فيهو كمين ألف مسجد وفيهو صحرا وفيهو غابة وفيهو نيل جاري فـ دمانا وحبو في الوجدان صبابة .. وفيهو مليون ألف مأوي للمساكين والغلابة .. وفيهو ناس مليانة عزة لا بخافو لا بتغشاهم مهابة .. ناس بتلبس توب محنة وعمة عزة وشال كرامة وفاتحة من الطيبة بابا. رد مع اقتباس


	30-03-2007 10:08 PM #23 بت المطامير الملف الشخصي مشاهدة المشاركات عضو جديد Array تاريخ التسجيل Mar 2007 المشاركات 14 ما عارفه اقول ليكم شنو خليتوني ابكي عديل وانا وبناتي امس اليوم كلوا ما قادرين نكتب حاجة وما قدرنا نعبر ليكم عن مدي سعادتنا وان شاء الله تكون معرفة خير دايما وناس مدني معروفين بالطيبة رجعتو لي روحي من جديد شكرا ليك كلكم وان شاء اقدر ارد جمايلكو رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:53 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني