ماذا تمثل وسامة الرجل عند المرأه ؟؟

[سواااح]

غالبية من الرجاء عند اختيارهم زوجاتهم

يضعون معايير للاختيار .. واكيد من ضمنها .. " الجــــمـــال "

هذا بالنسبة للرجال .. فماذا عنكن يا نصفنا الآخر ؟؟

ماذا تمثل وسامة الرجل عند المراة ؟؟

هل يمكن التقاضي عن وسامته مقابل الاستعاضة باشياء اخري

مثل المال ، الثقافة ، الوضع الاجتماعي ، الشهرة .. وغيرها ...

اذا دعونا نلتقي في رحاب الجمال ..

ماذا تمثل وسامة الرجل عند المراة ؟؟

[الفارس البنفسجي]

يا جماعة الخير

اخونا سواح دا عرسوا قرررررب
عشان كدا بعمل في آخر جولاتو

ما تقصروا معاه إحتمال دا يكون
آخر بوست ليه في حوش النواعم.

ولو أحتوجتو لي مساعدة قولوا
عوووووووووووووووووووووك

[احمدمحمدعلي]

ولا يهمك نحنا تحت الخدمه 0000على العموم يا سوااااااااااااح ده بيتوقف على البت 00زمان كانت الواحده ما يهمها في شريك حياتها غير انو يكون شهم ووقور والصفات الحلوه بغض النظر عن مظهره الخارجي 0000اما الان فانا ارى الكثير من الفتيات يضعن جمال الوجه والملامح وحسن تقاطيع الجسم بشكل عام عقبه امام القبول او الرفض 00بل ان بعضهم في الجامعه لا تقوم بالكلام او حتلا رد السلام لبعض زملائها وحجتها انه غير وسيم 00ولكن نطمئنك بانه لازال هناك فتيات لا يهمن الجيب ولا الوسامه ولا المنصب والمكانه الاجتماعيه ومعيارهن الوحيد هو الخلق والاخلاق 000ان شاء تكون اطمنت يا سواااااااااح000اختك رنده

[احمدمحمدعلي]

ولا يهمك نحنا تحت الخدمه 0000على العموم يا سوااااااااااااح ده بيتوقف على البت 00زمان كانت الواحده ما يهمها في شريك حياتها غير انو يكون شهم ووقور والصفات الحلوه بغض النظر عن مظهره الخارجي 0000اما الان فانا ارى الكثير من الفتيات يضعن جمال الوجه والملامح وحسن تقاطيع الجسم بشكل عام عقبه امام القبول او الرفض 00بل ان بعضهم في الجامعه لا تقوم بالكلام او حتى رد السلام لبعض زملائها وحجتها انه غير وسيم 00ولكن نطمئنك بانه لازال هناك فتيات لا يهمن الجيب ولا الوسامه ولا المنصب والمكانه الاجتماعيه ومعيارهن الوحيد هو الخلق والاخلاق 000ان شاء تكون اطمنت يا سواااااااااح000اختك رنده

[الطويل]

انا بصراحه يا سواح رد الاخت رنده ريحنى شديد لأنو فى الزمن ده الرجال مشكلتهم مشكله امام الجنس الناعم جيوبهم فاضيه وكان على الثقافه مثقفين وكان على المكانه الاجتماعيه دى الصعبه لأنو الليله المعاهو ماجستير بتلقاهو سايق ليه ركشه او اتوس او امجاد
انا مغترب على قدر حالى وشين شديد لكن خاطب لى بت من مدنى شديده لمان سألتها قلته ليها العجبك فينى شنو قالت لى عشان انته ( طويل ) والطول بقى حاجه نادره زى العمله الصعبه

[طارق محمد الحسن]

ياخى البنات الزمن دا افكارم بقت عجيبة ديل بقو يقولو لو ماعندو شى من الجمال ماينفع ولو ماعندو قروش مادايراة اللة يصبرنا معاهم

[نور العيون]

و الله يا جماعة الموضوع بالنسبة لي انو الوسامه مافي المقام الاول
يعني لو في زول بيحبني و شكلو حتى مقبول مافي اي مشكلة في النهاية
الراجل راجل
طيب الفايدة شنو انو احب لي راجل وسيم لكن اخلاقوا زي الزفت في
النهاية الواحدة دايرة شنو غير انو راجل يراعيها و يحبها و يقدر يعيشها عيشة
حلوة مرتاحة في بيتها
اخدنا شنو انحنا من الناس الوسيمين غير وجع القلب

[دكتورة صغيرة]

أنا في رأيي الوسامة ابــــــــــــدا ماهدف .. أهم حاجة الحب المتبادل والاحترام .. وفي الشخصية أهم حاجة الرجولـــــــــــــــــة ودة كفاية ...

[بنت الرفاعي]

الزمن ده بقت المادة مرات هي الماشة تقريبا تلقى البنت جميلة جمال وعريسه شيييييييييييييييييييين!!

لكن يا سوااااح نحن بنسألكم وبما انكم معترفين لييه مابتقبلوا أو بتعاينو إلا للبنت الجميلة ومتناسين بقية المواصفات؟؟! .

[Bet-alsudan]

انا بقول ان الرجولة ةالخلق الحسن دي اهم اهم اهم حاجة الوسامة حاجة كمالية فقط ..

[جيفارا]

و الله يا جماعة الموضوع بالنسبة لي انو الوسامه مافي المقام الاول
يعني لو في زول بيحبني و شكلو حتى مقبول مافي اي مشكلة في النهاية
الراجل راجل
طيب الفايدة شنو انو احب لي راجل وسيم لكن اخلاقوا زي الزفت في
النهاية الواحدة دايرة شنو غير انو راجل يراعيها و يحبها و يقدر يعيشها عيشة
حلوة مرتاحة في بيتها
اخدنا شنو انحنا من الناس الوسيمين غير وجع القلب

والله كلامك مشجع و دبلوماسي بس الحقيقة ( القروش القروش القروش ) عند النسوان دا البيشوفو في الاول والاخير

[samar_taha]

حب الجمال مسألة فطرية عند الانسان , و الوسامة عند الرجل أو المرأة (فالله جميل يحب الجمال )
وهو مدخل تلقائي ومهم بين الطرفين , لكنه ليس أساسياً , فحتى لو فتحت لك الوسامة مدخلا لقلب إمرأة فأنت بلا شك بحاجة للأخلاق والشخصية لتكملة الطريق .
فلا الوسامة وحدها ولا المال وحده إنما هي مجموعة عوامل تكمل بعضها بعضا , ويبقى الفيصل في النهاية
الشخصية المؤثرة .

[رضا أبوعيسى]

السلام عليكم ... اخوتي الاعضاء... والله العنوان بتاع البوست شداني وبالجد كلام سواح في محلو!!!!!!

هل الشكل يعد من الكماليات في الرجل ,, وتطغى عليها صفات اخرى كحسن الخلق والعلم وووو.. ام هو يأخذ مأخذ السيف في تحديد قدره الرجل في الارتباط ((سواء في علاقه عاطفيه ام زواج)) بالمرأه المناسبه.....


في رأيي .. بيعتمد الكلام دا على الانسانه اللي حيرتبط بيها .. لانو صراحه اذا في توافق فكري وارتباط روحي بينهم الاتنين الشكل مابيشكل فارق شديد (( لانو القرد في عين -حبيبتو- غزال))

وفي النهايه .. الفهم كلو بيعتمد على البيئه اللي نشأت فيها الفتاه ... والمنهاج الفكري الي اتربت عليو....


والكلام دا ماحكر على البنات .. يعني ماالبنات براهم اللي بحبو الود يكون ((سوبر استار)) ..لكن الشباب اغلبيتهم ... يشوف البت (( الشديده)) .......خلاص !! يقول ليك دي زوجه المستقبل ووووووو.. لكن لما يحتك بيها ... نسأل الله السلامه .......


والله أعـــــــــــــــــلم

دمتم سالـــــــــــــمين

[مثني ودالعيكوره]

السمح سمح كان قام من النوم ... والشين شين لو بستحمي كل يوم

وبيني وبينكم الزمن دا الاولاد بقوا زي الجكس "بتمسحوا وبتمنضروا"

ويقربوا يعملوا ديانا علشان يجذبوا انتباه الجنس اللطيف

ودا مانتج من فراغ ... لكن علشان البنات بقن بحبن الزول "الحنكوش" الملمع

واغنياتهن بتعكس الكلام دا:

"انا ما بدور المزارعيه والمزارع منو بريه
بدور البلبس الهزاز ... بدور البيتو كلو قزاز

وقطع شك اللابس الهزاز دا زول وجيه "ما من ناس قريعتي راحت"

مع وجيه مودتي.......

[مصباحيه]

انا طبعا ما تميت الردود للنهاية لكن انتو شانيين حمله ليه الواحد فيكم لو عايز ارتبط بقول داير وحده سمحه شعرها طويل وبيضاء ومعارف ايه ليه ليكم غفور رحيم وعلينا شديد العقاب
دا ما معناه انو انا شخصيا بفضل الوسيم على قول نور لو وسيم واخلاقه زفت اعمل بيه شنو ؟
الجمال مطلوب ولكن المناسب العادى لكن الاهم الاخلاق الاخلاق وليس الماديات لان الماديات بتنتهى وبفضل ليك اخلاقوا
الشخص الممتاز واخلاقه حلوه عمروا ما يتغير الاصيل بفضل اصيل مهما الزمن اتغير
ويا سواح الدنيا بخيرها الشباب ما يخوفوك زى مافى اولاد كويسين فى بنات رهيبات من كل النواحى خلقه واخلاق
شد حيلك واتوكل وانشا الله ربنا يتم ليك على خير وتكون هى خلقه واخلاق واكيد حتكون كده لانها اختيارك

[زهرة البنفسج]

انا من راي انو الوسامة ما شي مهم ولا ضروري لكن التعامل والثقافة من اهم الاشياء وبالنسبة للثقاقة ما مقصود بيها العلم لانو القلم مابزيل بلم زي ما قالو اهلنا ، والحب والاحترام المتبادل اساس العلاقة المتينة

[ruby]

صراحه انا اكتر شئ بيجذبني للشاب شكله
من قبل مااتعرف عليه ولا اعرف اخلاقه شنو ولا هو شنو اصلا
وبيهمني الشكل
لكن لما نجي للجد اكيد بيكون فيه تنازلات
بس انا مهما اتنازلت اكيد ماعايزه يكون قبيح الشكل يعني
يكون على الاقل شكله كويس او عادي

[مزوني]

ههههههههههههههههههههههههههههههه

لكن يا جماعه كلامكم مطمن خالص وبصراحه أنا شهاد عليه

انتن تسلمن يا اخوات البنات

[السريالي]

تحياتي للجميع ،،،

اكتر رد في نظري واقعي هو رد ruby لأنو اول شي يلفت نظرك في الشخص هو وسامتو مش أخلاقو لأنو أصلاً مافي زمن عشان تتعرف عليهو أولاً وبعدين تحكم على أخلاقو تمام ولا زفت . أحسن نكون واقعيين وما في داعي للكضب .

[iflaton]

غالبية من الرجاء عند اختيارهم زوجاتهم

يضعون معايير للاختيار .. واكيد من ضمنها .. " الجــــمـــال "

هذا بالنسبة للرجال .. فماذا عنكن يا نصفنا الآخر ؟؟

ماذا تمثل وسامة الرجل عند المراة ؟؟

هل يمكن التقاضي عن وسامته مقابل الاستعاضة باشياء اخري

مثل المال ، الثقافة ، الوضع الاجتماعي ، الشهرة .. وغيرها ...

اذا دعونا نلتقي في رحاب الجمال ..

ماذا تمثل وسامة الرجل عند المراة ؟؟

تعرف يامان اكتر حاجة بحبوها البنات في الولد شنو؟
جسم رياضي
نحيف
كرش مافي
طويل
الواحدة تموووووووووووووووووووووووووت وتعرس واحد بالمواصفات اعلاه

احم احم
لوووووووووووول

[أمـ بكلمتي ـيرة]

سواح الموضوع حلو شديد
والوسامة دي ما حاجة ضرورية بس ده ما معناه إنو الواحدة تاخد زول شين شديد مابيتقابل
يعني ممكن تاخد زول عادي ولا هو شين ولا هو وجيه
ونصيحة يابنات ماتاخدوا زول أحلى منكم عشان مايقولوا فلان أحلى من مرته

[عفااااف]

الموضوع جميل
الجمال جمال الروح وتعامل والاخلائق . الشكل دا حاجه ثانويه لانو الكمال لله انا افضل انو الانسان يكون راقي في التعامل وبيقدر يقدر الانسانة الاختاره ويحترمهاويخاف الله فيها بغض النظر عن الشكل هنا بتكون السعاده حقيقه ومافيها اي نوع من المشاكل

[الدنيا ربيع]

الموضوع جدي وجميل في نفس الوقت لكن معظم بنات الزمن دا ماديات جدا جدا جدا جدا جدا

[abomazeen]

و الله يا جماعة الموضوع بالنسبة لي انو الوسامه مافي المقام الاول
يعني لو في زول بيحبني و شكلو حتى مقبول مافي اي مشكلة في النهاية
الراجل راجل
طيب الفايدة شنو انو احب لي راجل وسيم لكن اخلاقوا زي الزفت في
النهاية الواحدة دايرة شنو غير انو راجل يراعيها و يحبها و يقدر يعيشها عيشة
حلوة مرتاحة في بيتها
اخدنا شنو انحنا من الناس الوسيمين غير وجع القلب

أيوووه .... الفيك عرفناها ( بدون زعل ) مجرد مرور وتعليق
لك كل حبي واحترامي ...

[abomazeen]

سواح الموضوع حلو شديد
والوسامة دي ما حاجة ضرورية بس ده ما معناه إنو الواحدة تاخد زول شين شديد مابيتقابل
يعني ممكن تاخد زول عادي ولا هو شين ولا هو وجيه
ونصيحة يابنات ماتاخدوا زول أحلى منكم عشان مايقولوا فلان أحلى من مرته

أها أها أها ... ده الكلام الكان أخونا سواح خايف منو حصل واتحقق وانت اثبتي كلامه صحيح 100%

والله ما كان العشم ... الشينين .. البشبهوني ديل امشوا وين يا بنات حواء .. حرام عليكم ؟؟؟