موقع للزواج

[MASS77]

انتشرت في النت بعض المواقع متخصصه في الزواج
وفيها مواقع بتدفع عشان اشوفو البتناسب مواصفاتك
ممكن تراسلا او تراسلك
وممكن تختار
وفي مواقع بتقرب بين البت والولد وفي مواقع مجانيه و
برضو في مواقع للزواج العرفي
المهـــــــــــــم
عاوز اقول انو في حبة حركه للزواج عبر النت في البلد دي
وما عاوز اقول ظاهره يقوم ينط واحد اقول لي انت ادمنت كلمة ظاهره دي
بس خلونا في الزواج الحلال عبر النت
وعاوز اسالكم بعض الاسئله
1:ـــــــــ رايكم في الزواج عبر النت شنو ؟؟؟؟؟
2:ـــــــــ هل تفتكروا انو ممكن يقرب المسافه بين البت والولد للزواج ؟؟؟؟
3:ــــــــ وهل ممكن يساهم في حل بعض مشاكل العنوسه وعدم الرغبه في الزواج ؟؟؟؟
4:ــــــــوهل ممكن تتسبب مواقع الزواج العرفي في مشكله مستقبلا ؟؟؟؟؟؟
بتمني انو يكون ردكم اضافة حقيقيه بمناقشة الموضوع من النواحي كلها
وبعدين الخلاصه للموضوع عشان تكون رسالتنا قدرنا نوصلا للمجتمع

[الفارس البنفسجي]

الغالي MASS77

أنت قول عاوز تعرس
سااااااااااااااااااااي

على العموم انا بمشي
وبجيك ، وبوريك وجهة
نظري.

تسلم على الموضوعية

[MASS77]

والله ياخوي العرس دايرنو
بس مااافي طريقه ليو
والموضوع كتبتو لانو في ناس فاهمين المواقع دي غلط
وفي جلسات نقاش كتيره في ناس بفتكروا انو المواقع دي بتنشر الفساد
وبقية وجهة نظري بوريك ليها بعد تلقي الاراء
شكرا ليك اخوي البنفسجي
باطلالتك الدائمه

[مختار بازى]

MASS77

موضوعك يحمل نفس القيمة التي يحملها اسمك ومن وجهة نظري الموضوع بيحتاج لاهل دين ومعرفة
عشان الواحد يفتي بايجاز ودمت دوما تقدم لنا مثل هذة المواضيع المهمة في حياتنا الواقعيعة

[Madanawi]

Mass77 .. الله يديك .. ال .. في .. بالك

وربنا يرزقك الزوجة الصالحة..

وربنا يعرس ليك .. كان بالنت .. كان بالفاتحة

وانا بقول .. تحروا فان العرق دسّاس ،،

[رامى طلبه]

Mass77 الله يديك العافيه يا اخوى ..
بس وينو الموقع ؟؟؟

[samah]

1:ـــــــــ رايكم في الزواج عبر النت شنو ؟؟؟؟؟
المبدأ صحيح لكن الطريقة خطأ .......استحاله عاداتنا وتقاليدنا تنتهي عشان خاطر التكنولوجيا
2:ـــــــــ هل تفتكروا انو ممكن يقرب المسافه بين البت والولد للزواج ؟؟؟؟
قد يكون الطرفان من دولتين مختلفتين ولأ تساعدهم الظروف في اتمام الموضوع
3:ــــــــ وهل ممكن يساهم في حل بعض مشاكل العنوسه وعدم الرغبه في الزواج ؟؟؟؟
اطلاقا لان اغلب المتقدمون سبق لهم الزواج وليسو شباب فالشباب اوعي بكثير منهم وفي النهايه اغلب الزواجات تنتهي باضافة مطلقه واطفال دون اب او ابوهم النت
بس خلونا في الزواج الحلال عبر النت
انا ارفض تماما مثل هذا الزواج وليس لدي الي الان احصائيه عن نجاحه
وفي النهايه شكرا ودا مجرد راي

أسال الله تعالى أن يرزق الجميع الازواح والزوجات الصالحات ولن يكون ذلك الا بتقوى من الله تعالى
[SIZE=3][COLOR=blue]ومراقبته في السر والعلن ]

[meshanshow]

انا بشوف انو مضيعه للوقت و حتي لو حصل زواج ما حاكون ناجح

[MASS77]

ملاحظه بسيطه للاخوه المشاركين
وبعد الشكر
افصح لكم باني متزوج شرعا ولدي بنت
واجمل ما اعيشه انني وزوجتي الحبيبه
العزيزه التي اعترف بادماني لها دوما
بمناسبه او غير مناسبه اعيش معها احلي لحظات ايامي
واتمني الا تفارقني البسمه التي زرعتها في دواخلي برغم المعاناة
واقول ذلك لان الكثير من الاخوه والاخوات افتكروا انني بطرحي لست متزوجا
ولا ادري لما راودهم هذا الاحساس وارجو ان تفطنو الي ان طرح اي موضوع
فهذا لا يمثل وجهة راي الكاتب وانما يمثل اراء سواء اتفقت او اختلفت للشارع الذي نعيش فيه
فعندما تنعكس مثل تلك المواضيع المعاشه ونناقشها في المنتدي للاستفاده من الاراء
وتمنيت ان يناقش الموضوع بعيدا عن تلك النظره التي احسست بها
عموما لكم الشكر علي المرور والتعليق

[نور عبدالله]

اولا انت ياماس ........قصدك شنو؟؟؟ وقصدك منو ؟؟؟ ...........وتسأل ليه زاااااااااتو ؟؟ في زول سألك ياااااخي ؟؟؟؟؟؟؟؟؟؟؟ ولاانت عاوز تدخل في الما بخصك .........وبعدين زاتو القال ليك منو المسافة بين اللود ( شفتا من الزعل اتلخبطه كيف ) قصدي الولد بعيدة والله ولابعيدة ولاحاجة،،،،،، انا امس القريبة دي اتقدموا لي تلاتة عرسان مرة وحدة رايك شنو؟؟؟؟؟؟ ((( خطرفات واحدة بايرة )) .................................................. ............................... ولك العتبى

[عمروش]

والله العرس كلنا دايرنو لكن بى فهم ووش على طريقة السندوتشات دى الزواج دى حياة كاملة ومما ممكن يكون عن طريق النت

[عبدالرحيم سعيد]

يااخي انت وقت معرس بشتر مالك 0خلي المامعرسين يشوفوا ليهم درب تاني 0عموما اخوتي حتي الفاس مايقع في الراس عن تجربه طويلة مع شؤون الاسرة الزواج لو كان قريب مستور تلاطمه موجات الحياة تارات ويبقي الاصل 0فمابالك بعبر النت صدقا قد يحصل بس الاستمرارية عدم وعدم وعدم0وبالذات اذا اختلفت السحنات والهويات ماحيكون عندهم طولة بال(حبل الآخرة)وتكون المحاكم المرتجع والاطفال الضياع ومخزون الذاكرة فيا اصمتني من الالم (ادعو اخوتي المامعرسين يعرسوا عديل بخشم الباب ومن سودانا الواسع فيهو الحمراء والسوداء والصفراء والطويلة والقصيرة) انظر لجامعة القرآءن الكريم وفروعها عفاف يجري علي الثري0وجزاك الله خيرا اخي في ان تطرقت هذا الموضوع المثير ليرعوي الآخر0