أيهما أصدق دمعه الرجل أم المراة

[meshanshow]

الدمعه..ابسط تعبير عن الغضب..

الدمعه ..احلى تعبير عن الفرح..

الدمعه هي التي تريح القلب حينما يكون مثقلا بالالام والهموم ..

عندما تنزف اخر دمعه من العين فانها تزيح معها اخر وهلة من الهم الذي في القلب....لذلك فهي نعمة من الله.

ولكن الدمعه تختلف من شخص لاخر....تختلف دمعة الرجل عن دمعة المرأه..

والسؤال هنا من يكون الاصدق في دمعته الرجل ام المرأه؟؟؟؟؟؟؟؟

يا ريت الكل يجاوب على السؤال
__________________

[مدنيّة]

اعتقد انه الدمعة الحاجة الوحيدة اللي ما بتقدر تقول عليها ما صادقة لانها بتنزل من غير اي مجاملات
يعني ممكن ابتسم عشان اجامل زول بس ابكي عشان اجامل مااعتقد

لذا دمعة الرجل والمراة الاتنين في منتهي الصدق

[meshanshow]

مشكور يا مدنيه علي التعقيب لكن في ناس بيبكو عشان اجاملو و دي ظاهره بنلقاها في البكيات في نسوان بمشو عشان ابكو مع فلانه و بعد ابكو تلقاهم بيتونسو عادي معناها مابكو عشان متاثرين بالميت بس عشان اجاملو اهلو و دي دمعه ماحقيقيه

[Madanawi]

يا زول الببكي الرجال وينزل دمعتم ده ما شيتن ساهل .. لكن النواعم دمعتم قريبة والواحدة كان جات الاولى بتبكي ... وكان جات الطيش بتبكي .. وكان عرسوها بتبكي .. وكان لاقت زول من اهلها بعد طول غياب بتبكي .. لكن ناس عبد اللطيف ما بيبكيهم علا الشديد القوي.. لذلك دمعة الرجل أصدق ..انباء من الكتب..

[جيفارا]

والله ما عارف لكن الناس اليومين دي قلوبها اتحجرت .
لكن عند الكعبة المشرفة في الحج تشوف الناس بتبكي من الخشوع ودا حقيقة اليوم الوحيد الواحد يشعر فيهو أنــــــو سعيد لأنو الناس بتبكي طبعا لانو من خشية الله .

أنـــــا أخاف من الناس البتبكي حتي لو طفل صغير أتألم ومرة شفتة واحد راجل بكى من موقف تمنيت انو الدنيا تنبلغ بالفيهـــا . والله ما يجيب بكى الحريـــــم بخليك تقول توافق على اي شئ .

[okasha]

اعتقد انه الدمعة الحاجة الوحيدة اللي ما بتقدر تقول عليها ما صادقة لانها بتنزل من غير اي مجاملات
يعني ممكن ابتسم عشان اجامل زول بس ابكي عشان اجامل مااعتقد

لذا دمعة الرجل والمراة الاتنين في منتهي الصدق

هسع انتى يا مدنية تحت تحت كدا الاتنين فى منتهى الصدق

[الفارس البنفسجي]

بالطبع الرجل

فهو لا يبكي في كل المواقف
ومعدلات الصدق تكون أعلى

أما المرأة

فتبكي في كل المواقف
وعليه تكون معدلات عدم
الصدق أعلى.

[meshanshow]

انا في رايي انو الرجل اصدق دمعه من المراه لانو زي ماقلتو مابدمع في اي حاجه

[مدنيّة]

مشكور يا مدنيه علي التعقيب لكن في ناس بيبكو عشان اجاملو و دي ظاهره بنلقاها في البكيات في نسوان بمشو عشان ابكو مع فلانه و بعد ابكو تلقاهم بيتونسو عادي معناها مابكو عشان متاثرين بالميت بس عشان اجاملو اهلو و دي دمعه ماحقيقيه

تعرف يا مي شان شو النسوان في بيت البكا ممكن يتباكو بالصوت فقط فهم يجاملون اهل الميت ولكن عندما تنزل الدمعة فهي تنزل بصدق لانها وجدت شئيا يحركها في الدواخل

[مدنيّة]

هسع انتى يا مدنية تحت تحت كدا الاتنين فى منتهى الصدق

نعم يا اوكاشة الاتنين في منتهي الصدق لانها مشاعر واحاسيس ولا تتحرك الا اذا كانت صادقة

[meshanshow]

لكن يامدنيه في بيت البكاء برضو بكونو مدمعين ودي بتكون دمعه كازبه انا ماقلت انو المراءه دمعتها كازبه لكن اتكلمت من ناحيه المصداقيه الاكثر و لا رايك شنو

[مدنيّة]

لكن يامدنيه في بيت البكاء برضو بكونو مدمعين ودي بتكون دمعه كازبه انا ماقلت انو المراءه دمعتها كازبه لكن اتكلمت من ناحيه المصداقيه الاكثر و لا رايك شنو

مابتكون في دمعة بكون بكاء بالصوت بس
وبعدين الصدق دا بتحرك بالاحاسيس والمشاعر

[نور عبدالله]

والله في الزمن دا النسوان والرجال دموعهم جاريه من ظروف الحياة الصعبة .. وكلها صادقة

[احمدمحمدعلي]

سلام مساء الخير
ياجماعة انا امكن اديكم راي
كثير من النساء ممكن يبكين بي مناسبه وبدون مناسبه
يعني قول لي اي بنت او امرأه ان تبكي بدون مقدمات تلقي الدنيا
اتمات دمع وانقلبت الدنيا هم
اما دموع الرجال (قهر)(اللهم اعوذ بك من غلبة الدين وقهر الرجال)
وبرضو في دموع تماسييح!!!!!!!!!!!!!!!!!!!!!!!!!!!!!!!!!

[ابوشوتال]

اخي الكريم اعتقد ان دمعة الرجل الاصدق دائما

لان المراة تبكي بلا سبب

والله ان قلت ليها اي شي الدميعات انزلن
امكن عشان حنينة حنية زايدة بس الدموع ما صادقة
( ما اصعب دموع الرجال *** وما اصعب المواقف التي يبكون من اجلها)

[meshanshow]

انا رايي مازال انو دمعه الرجال هي الاصدق لكن مدنيه ماعايزه توافق علي رايي

[مدنيّة]

انا رايي مازال انو دمعه الرجال هي الاصدق لكن مدنيه ماعايزه توافق علي رايي

لاني مصرة يا مي شان شو انه الدمعة دي احساس والاحساس لما يتحرك بيكون صادق

[meshanshow]

لو لا اختلاف الآراء لبارت المواضيع يامدنيه صح

[مدنيّة]

لو لا اختلاف الآراء لبارت المواضيع يامدنيه صح

اكبر صـــــــــــــــــــــــــــــــــــــح

[بدرينا]

صعب جداً أن تدمع عيون الرجل..
ولكنها إدا أدمعت في حتما ستكون دموع حقيقية..
على العكس تماما بالنسبة للمرأة..
فالحالة الوحيدة التي تكون فيها دموع المرأة حقيقية
هي (عندما تكون بتقطع في البصل)

[meshanshow]

بدرينا اسعدتنا بمشاركتك و ابقي اظهر