احساسك شنو لما يتسرق بريدك

[ابراهيم]

اول مرة اجرب احساس زي دة وما عارف الفايدة شنو من سرقة الايميل
اتسلط علي واحد وسرق مني بريدين الكترونيات تخيلو الاول الاساسي والتاني الـalternative
والله اول مرة احس بي غربة واحس بالكمبيوتر قاحل اجرد وحاجة تافهة اتاري يا اخوانا الايميل حاجة كبيرة وعظيمة وبقولو الحاجة ما بتحس بي عظمتها الا بعد تفقدها عوما يا احباب انا اتسرقو مني الايميلات الآت الآتية
tilshprof@hotmail.com و wahma2004@hotmail.com
والرجاء من اي زول ضايفني اذا قابلكم احدهم باحد العنوانين يبقى دة ما انا
لغاية ما نشوف آخرتها شنو ...
ولو فيكم واحد هكر يكون مكسب ...
عموماً هذا بلاغ لزوم احتياط وابراء ذمة لأنو ضعاف النفوس ممكن يبدر منه سلوك ما بشبهنا
والجاتك في ايميلك يا تلش سامحتك
والزول العمل الحركة دي ما ظريف
ثم تاني ذاتو يعني سواها كيف؟؟؟؟

[مدنيّة]

سلاااامات ياابراهيم ياخ

ماعايزة اقول بركة الايملك اتسرق عشان تظهر علينا

بس والله ذكرتني لما ناس مؤسسة يرفدوا واحد وينزلوا اعلانه في الجرايد يااخوانا الزول دا ما وكيل لينا ولا المؤسسة مسعولة منه ولا لو جاكم عايز قروش ولا عايز سلام الله ساااااااااااااااااي يبقي ما تبعنا ولا ما متحملين اي مسعولية قانونية

اها ياناس القانون - استاذ عوض + الحلاماااابي + مجازا شبارقة - رايكم شنو ابراهيم دا مسعول ولا ما مسعول

[تهاني]

لو ما بتعرف حاجة وما حريف في النت
اعمل نايم ساااااااااااااااااااااااااي
يا أخوي

[ابراهيم]

سلاااامات ياابراهيم ياخ

ماعايزة اقول بركة الايملك اتسرق عشان تظهر علينا

بس والله ذكرتني لما ناس مؤسسة يرفدوا واحد وينزلوا اعلانه في الجرايد يااخوانا الزول دا ما وكيل لينا ولا المؤسسة مسعولة منه ولا لو جاكم عايز قروش ولا عايز سلام الله ساااااااااااااااااي يبقي ما تبعنا ولا ما متحملين اي مسعولية قانونية

اها ياناس القانون - استاذ عوض + الحلاماااابي + مجازا شبارقة - رايكم شنو ابراهيم دا مسعول ولا ما مسعول

الله يسامحك يا مدنية بقيتيني من مرافيد المؤسسة بدل تعزيني
وكمان جبتي محامين للتحقيق في المسؤليات دة بدل تشوفي لينا هكر يمرقنا من المصيبة
هسي ايميلي دة لو كان منتجات دنماركية كان الناس خشت صوتت بالرجوع ..
والزول العمل الحركة دي ما ظريف

[ابراهيم]

لو ما بتعرف حاجة وما حريف في النت

اعمل نايم ساااااااااااااااااااااااااي

يا أخوي

والله ناس ما بتطمن كلو كلو
تهاني يا اختى
خليني احيا على امل القاه لو كان بالخداع
ما ممكن تجرحي مشاعري كدة

[حسن السيد]

اول مرة اجرب احساس زي دة وما عارف الفايدة شنو من سرقة الايميل
اتسلط علي واحد وسرق مني بريدين الكترونيات تخيلو الاول الاساسي والتاني الـalternative
والله اول مرة احس بي غربة واحس بالكمبيوتر قاحل اجرد وحاجة تافهة اتاري يا اخوانا الايميل حاجة كبيرة وعظيمة وبقولو الحاجة ما بتحس بي عظمتها الا بعد تفقدها عوما يا احباب انا اتسرقو مني الايميلات الآت الآتية
tilshprof@hotmail.com و wahma2004@hotmail.com
والرجاء من اي زول ضايفني اذا قابلكم احدهم باحد العنوانين يبقى دة ما انا
لغاية ما نشوف آخرتها شنو ...
ولو فيكم واحد هكر يكون مكسب ...
عموماً هذا بلاغ لزوم احتياط وابراء ذمة لأنو ضعاف النفوس ممكن يبدر منه سلوك ما بشبهنا
والجاتك في ايميلك يا تلش سامحتك
والزول العمل الحركة دي ما ظريف
ثم تاني ذاتو يعني سواها كيف؟؟؟؟

معليش ابراهيم والله الواحد اليومين ديل يتوقع ينسرق منو اي حاجة قبل كم يوم وأحد سرق لساني
تخيلو اوأحد يسرق لسانك ويقعد يبرطع وكورك بلسانك وانت نائم في أمان الله وبعد تمشي للناس تلقاهم
يستغربوا الزول دا في النهار بحال وفي الليل بحالة تانية ودي مشكلة عويصة تصدقوا يا جماعة انا انسرقت عينك عينك ونشاء يا ابراهم اذا انا حصلت الايميلات دي حايمة في اي مكان سوف اشحنها ليك وحرم من حق الشحن وتسلم بس شوف مصيبتي انا
تحياتي ...........حسن السيد

[الفارس البنفسجي]

اول حاجة بنقول ليك


كفارة ليك

وتاني حاجة انا عندي ليك هكر
درجة اولى : ود المطامير
دا بجيب ليك الإيميل بتاعك
في خمسة دقائق

[Madanawi]

المثقف أبراهومة ،

أولا تقبل تعازينا في فقدان الايميلات الاتنين .. وبصراحة ضربتين في الايميل بتوجع ،،

ثانيا الفقهاء بتاعين الانترنت قالوا من الافضل انو اي مستخدم يقوم بعملية تغيير الباسوورد كل شهر كحد أقصى عشان مشاكل الهاكرز والتشليح ديل.

ثالثا حمد لله على ظهورك من جديد .. لانو بعد شوية كنا حا نتصل بالانتربول ونشوفك وين!!!

[ابراهيم]

معليش ابراهيم والله الواحد اليومين ديل يتوقع ينسرق منو اي حاجة قبل كم يوم وأحد سرق لساني

تخيلو اوأحد يسرق لسانك ويقعد يبرطع وكورك بلسانك وانت نائم في أمان الله وبعد تمشي للناس تلقاهم
يستغربوا الزول دا في النهار بحال وفي الليل بحالة تانية ودي مشكلة عويصة تصدقوا يا جماعة انا انسرقت عينك عينك ونشاء يا ابراهم اذا انا حصلت الايميلات دي حايمة في اي مكان سوف اشحنها ليك وحرم من حق الشحن وتسلم بس شوف مصيبتي انا

تحياتي ...........حسن السيد

والله يا حسن يا اخوي قالو البشوف مصايب الناس بتهون عليهو مصيبتو ...
كدى وضح لينا الشغلة دي لسانك اتسرق كيفن .. لانو شيلتني هم والله
معليش انا اتأخرت عليك في الرد عشان يادوب رفعنا فراش الايميل بتاعي ..
تسلم يا حبيب والله وضح لي بس سرقة اللسان دي حصلت كيف كان الواحد يقدر يساعدك
لأنو دي أخطر من سرقة الايميل وممكن تجيب ليها اتهامات بالشزوفرينا والانفصامات ودة كلام صعب يا حبيب

[ابراهيم]

اول حاجة بنقول ليك

كفارة ليك

وتاني حاجة انا عندي ليك هكر
درجة اولى : ود المطامير
دا بجيب ليك الإيميل بتاعك

في خمسة دقائق

تسلم يا فارسنا
وانشاءالله ما يغشاك شر في ايميلك
اصلو الايميل دة ما حاجة هينة ..
يا ريت ود المطامير يجي يشوف لينا صرفة وما بنختلف في حق التهكير ..

[ابراهيم]

المثقف أبراهومة ،

أولا تقبل تعازينا في فقدان الايميلات الاتنين .. وبصراحة ضربتين في الايميل بتوجع ،،

ثانيا الفقهاء بتاعين الانترنت قالوا من الافضل انو اي مستخدم يقوم بعملية تغيير الباسوورد كل شهر كحد أقصى عشان مشاكل الهاكرز والتشليح ديل.

ثالثا حمد لله على ظهورك من جديد .. لانو بعد شوية كنا حا نتصل بالانتربول ونشوفك وين!!!

تحياتنا استاذ مدناوي بالانجليزي
قالو الحذر ما بمنع القدر يا حبيب وانا الايميل بتاعي دة الصراحة فيهو درر
كتابات ورسايل وخصوصيات واصحاب واهل وجكس عشان كدة كنت حريص عليهو اشد الحرص
وتخيل الباسورد غيرتها قبل ما يتسرق بيومين لكن تقول شنو قالو المكتوبة ما بتنفات..
تسلم يا غالي

[فدوى الحسن]

كفارة ليك يا ابراهومة وربنا يجمعك بيهم قريب يارب

[ابراهيم]

يا سلااااام عليك يا فدوي
انا ما عارف اقول شنو ...؟
الايميل رجع والله اول ما قريت دعوتك دي اتفاءلت ...؟
ايميلي رجع يا جماعة بعد اجتهادات مع ناس الهوتميل سألوني سؤال نكير حتى رجعوهو لي

آخر مرة دخلت نت متين
وآخر IP دخلت بيه كان كم
وناس المعاك في الـقائمة منو واسماءهم المستعارة شنو
وآخر رسالة جاتك من منو وعنوانها شنو
وعيييييييييييييييك ما باقي الا يقولو لي وقت دخلت كنت لابس قميص لونو شنو واتعشيت بشنو
لكن الحمد لله رجع ههههه
تحياتي لكل الرائعين والاحباب هنا
وتحية خاصة للحبيب ابو رجاء الذي وقف معي في هذه المحنة هاتفياً ومعنوياً
وانشاءالله ما يحصل فراق لقلوب بعد اتجمعو
وابقو طيبين

[مدنيّة]

يا سلااااام عليك يا فدوي
انا ما عارف اقول شنو ...؟
الايميل رجع والله اول ما قريت دعوتك دي اتفاءلت ...؟
ايميلي رجع يا جماعة بعد اجتهادات مع ناس الهوتميل سألوني سؤال نكير حتى رجعوهو لي

آخر مرة دخلت نت متين
وآخر IP دخلت بيه كان كم
وناس المعاك في الـقائمة منو واسماءهم المستعارة شنو
وآخر رسالة جاتك من منو وعنوانها شنو
وعيييييييييييييييك ما باقي الا يقولو لي وقت دخلت كنت لابس قميص لونو شنو واتعشيت بشنو
لكن الحمد لله رجع ههههه
تحياتي لكل الرائعين والاحباب هنا
وتحية خاصة للحبيب ابو رجاء الذي وقف معي في هذه المحنة هاتفياً ومعنوياً
وانشاءالله ما يحصل فراق لقلوب بعد اتجمعو
وابقو طيبين

مش احسن السعلوك الاسعلة التعسفية دي
هسي دا كان واحد تاني ولابس قميص تاني شبة قميصك كان ادووه ليه
لكن الاسعلة دي مافي زول بجاوب عليها غير سيد الايمل

همسة : اها الكرامة متين ؟؟

[ابراهيم]

مدنية سلامات مربعات ومكعبات
يمين جاوبت ليهم جنس جيويب
ياخ انا هسي فرحي قايم من النفس قصدي نفسى قايم من الفرح
يا زولة كرامة ساي دة انا حاعمل كرامات
يا سلااااااام

[فدوى الحسن]

الف حمد الله على سلامة الرجوع والجمعة بيهم بس تاني خلي بالك منهم فيك

وربنا يخليهم ليك ويتربوا في عزك يارب...