كيف اصبحتى يا امى

[saleh farah]

كيف اصبحتى يا امى


كيف اصبحتى يا امى
وشوقك فينا كيف اصبح
لسه بترسمى البسمات
تغالبى الدمعه ماتسرح
وللا الشوق غلب عينيك
بقت الدمعه ليك تفضح
***
دموعك غاليه يا امى
حرام ترميها فى الاشواق
محال ضحكاتك الحلوه
تبقى سجينه فى الاحداق
كفايه علينا فى الاشراق
دعوه تجينا زى ترياق
تلامس روحنا بيك نفرح
***
ليالى الغربه يا امى
بدون اشواق بتبقى سراب
وطيفك انتى وحياتك
معاي فى الغربه زى عراب
اناضم فيهو يوماتى
واسمع ردو بى اعجاب
يزيد شوقى وفيك اسرح
***
امد ايدى اجيك قريب
اقالدك يمه بى تحنان
نمازج الدمعه بالفرحه
نرسم صورة لى انسان
شايل الريده زاد غربه
ولهفة شوق بعد حرمان
لاقى الليله فيك مطرح
***

[aborawan]

امد ايدى اجيك قريب
اقالدك يمه بى تحنان
نمازج الدمعه بالفرحه
نرسم صورة لى انسان
شايل الريده زاد غربه
ولهفة شوق بعد حرمان
لاقى الليله فيك مطرح

ابدعت وتألقت اخي الغالي ابا سراقة لك من شخصي كل الود والتحايا ومزيداً من الابداع

[saleh farah]

كتر خيرك اخى ابوروان الابداع منك وفيك

[طارق التوم]

لما صوت الشوق ينادى من متاهات البعاد تنهزم كل المسافه وينكسر فيها العناد 0 ويا ابو صلاح الله يديها العافيه ويخليها ليكم ويديكم انتو كمان واعظم امنياتى لم تتحقق وانتظرتك فى مدنى الحبيبه ولكن ---------------------- امنياتى دوما لك كل الخير وللجميع

[ابوقيس]

تسلم

وربنا يخلي لينا امهاتنا جميعاً

وكل عام وانت بخير

والي الامام

[خالد حمد موسى]

الام هي ينبوع يتدفق حناناويفيض رحمه...ونسال الله لامهاتنا الصحه والعافيه جميعاوالف شكرليك....

[114]

الأم كلمة كبيييييييييييييييييييييييييييييييييييييييييييرة صعب الزول يفسرها
جزاك الله كل خير يا صالح فرح،
ونسجل ليك صوت ملامة نحن ناس المحراب، لأنك طولت ما مديتو بانتاجك

[saleh farah]

الاخوه ا لاعزاء اعضاء منتدى ودمدنى وكل من تقع عينيه على هذه الصفحه كل سنه وانتم بخير

[saleh farah]

الاخوان ابوقيس ، خالد محمد موسى وتوأم الروح الرائع طارق التوم اشكركم على هذا المرور الكريم وكل سنه وانتو بخير

[saleh farah]

الاخ العزيز عمر غلام الله
لك منى التحيه والتمنيات الطيبات وعيد سعيد وكل سنه وانت طيب وربنا يعيد عليكم الايام الطيبه بركة الـ 114 صوره ، قول امين
اخى انا والله بالجد مشتاق للمحراب ولكن هيهات هيهات للظروف احكام وانشاء الله راجع ليكم وزى مابقول المثل العرجا لى مراحها

[waheeb]

لك التحيه اخي صلاح فرح...

قصيده رائعه .. تجسد روعة الام...

فهي المنار الذي اضاء طريقنا...

[غيورجدا]

دموعك غاليه يا امى
حرام ترميها فى الاشواق
محال ضحكاتك الحلوه
تبقى سجينه فى الاحداق
كفايه علينا فى الاشراق
دعوه تجينا زى ترياق
تلامس روحنا بيك نفرح
***
مالك علينا يازول غربة وهتكت قلوبنا هتك فرقة وجرستنا لمن قلنا الرووووووووووووووب
والواحد فينا متحضن الماوس واللكيبورد عشان ينسي يعني عاجبك اقول الرووووووووووب
قدام بنات المنتدي والله العظيم صحيت فينا احاسيس الواحد بيحاول يتصبر ويقول هانت
يا خي انت ما تحفر في مكان تاني ما لقيت الا الوجع ده الله يسامحك
والله يديها ليك طوات العمر ويرجعك ليها سالم بس قول جمعن

[saleh farah]

الاخ العزيز الغيور جدا
لك تحياتى واشواقى

معليش ما انت براك المتجرس لكن زى مابقول المثل لو صبر القاتل لمات المقتول الله اديك العافيه واخليك واخلى ليك امك وارفع من شأن امنا الكبيره مدنى

[زيكو منيب]

ليالى الغربه يا امى
بدون اشواق بتبقى سراب
وطيفك انتى وحياتك
معاي فى الغربه زى عراب
اناضم فيهو يوماتى
واسمع ردو بى اعجاب
يزيد شوقى وفيك اسرح

و يديك العافية على ابداعاتك ولك مني كل الشكر

[marwa]

gaseda moasera

[امير عبدالباقي]

ليالى الغربه يا امى
بدون اشواق بتبقى سراب
وطيفك انتى وحياتك
معاي فى الغربه زى عراب
اناضم فيهو يوماتى
واسمع ردو بى اعجاب
يزيد شوقى وفيك اسرح
الاخ العزيز ابو سراقه لك مني الف تحيه بقدرقامته العاليه وطلتك البهيه ؛ دائما متحفنا باكلماتك وقصائدك الجميله وانا فخور ان يكون معنا شخص مثلك يتحفنا بهذه الكلمات الراقيه
لك مني كل الود والتحايا

[ابو الزعيم]

اديك العافية ابو سراقة ومزيداً من الابداع....



شن بفتح يا أمي مسامي غير شوقك

شن بفضح يا أمي دموعي غير شوفك

كل صبحا ً يطلع جوايا ملامحك .. بتصبرني أقاوي الغربة

منتظراني يا أمي بخبرك ... بتاكي الباب رقراق حارية الجيه

بتباكي الطيف الخاتر مني عليكي

أقولك .. كل المنك شلتو .. مولع تقابة تضوي خطايا

بتحدابك يا غالية وحاتك .. خطر السكة وانت معايا ..

بتتخضر ضراعاتي بصبرك يوماتي

عدمان إن جيتك ما ندمان .... وماها كنايا ....

تحياتي لك ولكل رواد المنتدى ولكاتب هذه الابيات ( سوباوي )

[saleh farah]

ابو الزعيم يارائع زيدنا من دنك وماتحرمنا عليك الله نحن منتظرنك ومنتظرين الغالى طارق التـــــــــــــــــــــــــــــــــوم

[أبوبكرحامد]

شكراً للمبدع صانع الفرح - أو - صالح فرح

فى انتظار المزيد من الإبداع .

مع امتنانى

ود الماذون

[سنين]

كاتب الرسالة الأصلية saleh farah
كيف اصبحتى يا امى


كيف اصبحتى يا امى
وشوقك فينا كيف اصبح
لسه بترسمى البسمات
تغالبى الدمعه ماتسرح
وللا الشوق غلب عينيك
بقت الدمعه ليك تفضح
***
دموعك غاليه يا امى
حرام ترميها فى الاشواق
محال ضحكاتك الحلوه
تبقى سجينه فى الاحداق
كفايه علينا فى الاشراق
دعوه تجينا زى ترياق
تلامس روحنا بيك نفرح
***
ليالى الغربه يا امى
بدون اشواق بتبقى سراب
وطيفك انتى وحياتك
معاي فى الغربه زى عراب
اناضم فيهو يوماتى
واسمع ردو بى اعجاب
يزيد شوقى وفيك اسرح
***
امد ايدى اجيك قريب
اقالدك يمه بى تحنان
نمازج الدمعه بالفرحه
نرسم صورة لى انسان
شايل الريده زاد غربه
ولهفة شوق بعد حرمان
لاقى الليله فيك مطرح
***

ابدعت ,,حروفك تاتي منسابة مستساقة ,, تحمل في طياتها ,, وجه تلك الام
التي لم نرها الا وبتلك الابتسامة الشاعرية مهما بلغ بها الشقاء
لم تترك لنا مجالا للتعبير اخي /صالح فرح

رد الله غربة الجميع ,,

لك كل الود

[saleh farah]

الاخوان ابوبكر حامد وسنين اعاد الله ابتساماتكم وزينها بفرحة العيد وكل سنه وانتما بخير وربنا يرد غربتكم سالمين غانمين .
شكرا على المرور الجميل

[نيازى كشك]

دموعك غالية يا يمة.......... حرام حرام ترميها فى الاشواق

لايوجد فى الدنيا امراة تعطى كل حبها وحنانها دون
مقابل الا الام
فامنحها ياربى عمر مديدا وراح البال
واجمعنا على الخير

[التيمان]

تسلم ياعالى ويديك



العافيه



نعم القصيده

[أبوبكرحامد]

أين أنت ياصانع فرح ؟

[أبوريلان]

ليالى الغربه يا امى ....بدون اشواق بتبقى سراب
وطيفك انتى وحياتك ....معاي فى الغربه زى عراب
اناضم فيهو يوماتى .....واسمع ردو بى اعجاب
يزيد شوقى وفيك اسرح


الاخ العزيز أبوصلاح لك مني أشواق بقدر قامتك العالية وطلتك البهية , دائما متحفنا بكلماتك وقصائدك الجميلة وانا فخور ان يكون معنا شخص فى قامتك يتحفنا بهذه الكلمات الراقية , لك مني كل الود والتحايا والأشواق .