الوداع

[reeem]

الليله بودعكم وفي عيوني الدموع
بس للاسف الشي دى اكبر مني
حبيت انسحب في هدوء
واتمنى انكم تذكروني بالخير
ولو غلطنا في حق انسان
بتمنى منو السماح
عشت معاكم لحظات جميلة
وماعمري حنساها
وتقبلو مني تحياتي
أختكم اللي ماحتنساكم ريـــــــــــــــــــــــــــــــــــــــــــــــم

[Madanawi]

لو الكلام ده صحيح .. أعوذ بالله من الشيطان الرجيم .. بسم الله الرحمن الرحيم

خير يا ريم .. ورينا مالك ؟؟

لو الكلام ده كذبة أبريل .. أو ما شابه .. بيكون حصلنا قبل ابريل ما يودع لانو في أيامه الاخيرة ،،،،،،

[بدرينا]

شكله كدا مقلب يا ريم صح؟؟
ولو كان حقيقي تبقي في مشكلة ولازم نعرفا
عشان نحلها ولا شنو ياجماعة؟؟؟

[الفارس البنفسجي]

كان على السماح نحن مسامحين
الناس كلها ... وإن كان على المشي
فلن نسمح لك ولن نعطيك إذناً

إلا بعد ان نعرف ماذا وراء الكلام.

ولك التحية

[عماد عبدالشكور]

وين ماشا يارييييييييييييييم ؟
نحن ما صدقنا انك بي جلالك جيتنا زاير
كدي انسي الموضوع دا وخليك وسط اهلك واخوانك

[ابوشوتال]

الله لا جاب الزعل
اذا زعلانة ؛؛؛ لك العتبي حتي ترضي
واذا استقنيتي ؛ عزرك معاك

[ابوالنور]

ريم طبعا نحنا اصحاب
وحا توريني وانا اوري ليك الشباب
وبعدين انتي تمشي انا اكفت منو ولا اسجن منو
ولا ولا ولا
هسي بنبهل ليكم هنا
ولا توريني

[نور العيون]

و الله يا جماعة زي ما عارفيين انو ريم اختي و قامت فجاة من النوم
و اتذكرت انو ابريل قرب ينتهي فقالت اعمل فيكم مقلب
و الكلام د يا جماعة ما حاصل و الكلام د كذبة ابريل

[عماد عبدالشكور]

و الله يا جماعة زي ما عارفيين انو ريم اختي و قامت فجاة من النوم
و اتذكرت انو ابريل قرب ينتهي فقالت اعمل فيكم مقلب
و الكلام د يا جماعة ما حاصل و الكلام د كذبة ابريل

كان كدا يا نور العيون مافي مشكلة تب والكذبة مشت فينا

[نور العيون]

مافي مشكلة نحنا في الخدمة طوالي

[احمدمحمدعلي]

سلام ريم
بدون مقدمات
العفو لله والرسول لكن بكل
صراحه
مش حنقدر علي فرقك خلييك معانا

[بدرينا]

والله أنا خايف الزولة دي تكون عملتا بالجد..
يلا يا جماعة اتحركوا نشوف الموضوع دا
قبل فوات الأوان..

[reeem]

ماعملتها جد لكن نور خربت علي عشان كدة قلت امدها يومين عشان تصدقو جد وتعيشوا وتاخدو غيرها

[بدرينا]

ماعملتها جد لكن نور خربت علي عشان كدة قلت امدها يومين عشان تصدقو جد وتعيشوا وتاخدو غيرها

أووووووووووه !!
تعيش ... تعيش ..
تعيش ريم
ريم رجعت..
طلع مقلب!!
رجعت ريم
ما قلتو ليكم
أنا غايتو لي كم يوم زي الراحت مني حاجة..

[MASS77]

ريم
ذكرتيني بالمشاهير لمن يمرو بي ازمه ولا عاوزين يسلطو الضوء علي نفسم
باخترعو الطلاق في بيناتم ولا الاعتزال وغيرا من المشاكل
عدتي والعود احمد

[Madanawi]

يا ريم .. العرجا لي مراحها .. سمعتي بالمثل ده؟

أنا مـتأكد من عودتك .. وعودة كل الغائبين .. لانه الغريب عن وطنو .. مهما طال غيابو ،

مصيرو يرجع تاني لي أهلو وصحابو .. ولا رأيك شنو؟؟؟

[طلال الصول]

good one reeem

[reeem]

تسلمو على المرور ويديكم العافية
وراي معاك ياودمدني

[المكاشفى]

لا لا والله الموضوع ده متين
انا بس عرفت الليله ولو كان فى مايو مصدقين انو ده ابريل
ولو ما كدا كلنا ما دايريييييييين ياريم
الحاصل شنو ده من كتره كفيت ابو النور
وله شنو ياجماعه؟؟؟؟؟؟؟؟؟؟؟

[reeem]

الظاهر كدة يالمكاشفي ورم لي وشي من كتر كفيتو وياريت لو كف بارك التقول ايدو عصايه خشب المرة الجاية بودوني المستشفى بيسببوا

[شبارقة]

هههههههههههههههههههههههههههههههههههههههههه

والله حكاية عجيبة .. مره مره قالت ماشة ، زعلنا زعل ، مره راجل قال ماشي ............ جنس ........... ، الله يخلي الجيل الثالث...

[reeem]

هههههههههههههههههههههههههه
امين مع ريم حتشوفو العجب

[عصام الدين عموش]

يا ريما لا ... وفايتانا وين مستعجلة .... كذبة شهر....
ما أنتي نورة المنتدى...كنا بنخش وبنقربها
كنا بنفتش للجمال وكنا بنفتش للحلا
والليلة .. صفحتنا صبحت قاحلة...
وجفت أحبارنا وقلوبنا..
وبنت العناكب مدخلها ..

وكنت سأشطح زي حكاية يا سيدة لا .. فايتانا وين مستعجلة
لكن الحكاية طلعت فشوش

[المكاشفى]

الظاهر كدة يالمكاشفي ورم لي وشي من كتر كفيتو وياريت لو كف بارك التقول ايدو عصايه خشب المرة الجاية بودوني المستشفى بيسببوا

ابو النور يايابا تضربك العافيه التخليك تكوس للاورنيك المرضى مالك على البت اصبر بلاقيك فى فرقه بلحسك المرقه
وتانى مره ماتلعبى بالتراب يابت ..........

[الطويل]

ههههههههههههههههههههه

ههههههههههههههههههههه

:

حاجه عجيبه والله