بفتش ليك في الماضي والحاضر
وفي الجاي يوم باكر
وعساى ألقاك في جواي غيم ماطر
دعاش ورزاز نسيم هادي وربيع زاهر ...,,,,...
آه يا زمن
آه يا الزمن المحرق ومصلي بنار المدافئ
كلو زول في همو عائم والفرح بيناتنا طافي
راجي من يمدد إيدو يحتويه بحضن دافئ
مافي من يقولك أهلا ولافي زولا يقول عوافي
ديمة تتنافر قلوبنا والوداد بناتنا مافي
الوئام من دارنا ولى وحل في دارو التجافي
والخصام في روسنا عشعش آه يا الزمن الخرافي
مالو لو الود تجلى وعم أجوانا التصافي
ليت لو نفتح صدورنا ونملى من بلسم معافي
نروي كل عطشان حنان ونبقى للمرضان عوافي
نبقى للمسرف هداية من سياج النور وقاف
غيمة في الصيف تظلو نبقى في بردو المدافئ
أو حتى للتائه منارة تهدي لسفنو المرافئ
حينها يملى الكون فرحنا ويمشي من بينا المجافي
ونهدي للفرح القصائد نبقى في الشعر القوافي
رد مع اقتباس
المفضلات