تطوير مدنى

[يسرا عشريه]

كان في ناس بسالو كل زول إرسل معلوماتو وين ؟ أى واحد جادى وموافق على فكرة إنو إقدم لى مدنى اكتر مما ياخد منها إرسل لى إنو ممكن إقدم شنو وتخصصو شنو وإمكاناتو شنو وفكرتو إنو ممكن نعمل شنو ويمكن الارسال باى طريقه من الطرق ويمكن عن طريق الرد والتعليق على الموضوع يعنى داخل الموضوع وانا حااكتب عندى المعلومات والاختراحات بتاعت كل واحد .وبعد كدا نشوف مع بعض احسن فكره ونسعى لى تنفيزها.

[بدر الدين محمد]

اهنيك الفكرة جميلة وكبيرة اتمنى ان تجد حظها من التوفيق ونحن معك

[سواااح]

يسرا عشرية

الفكرة جميلة
وتنفيذها يحتاج
الي تضافر الجهود
ونحن معك قلبا وقالباً

دمـــــــــــــــتي ،،

[الفارس البنفسجي]

شكراً للأخت يسرا
ونأمل من الجميع
التفاعل مع هذا الموضوع
ولنا عودة إن شاء الله

[Madanawi]

فكرة رائعة جدا يا يسرا ،،

الفكرة دي ممكن ينتج عنها ايجابيات كثيرة .. وتكون بداية لعمل فعّال وقوي.

معاك يا بت عشرية .. يلا كل الناس تدلو بدلوها .. ويلا ما نضيع زمن ،،،

[عجيب]

والله هذا هو الكلام المفيد
وربنا يوفقك وقلوبنا معاك
لكن داير منك جهد عظيم الله معاك
ونحن معاك ان شاءالله
ودائما نشوف مدني فوق الكل رغم الظروف

[المسافر]

الفكرة أكثر من رائعة يا يسرا
وكانت هنالك أفكار في تطوير المناطق السياحية في مدني
كعمل مباني سكنية وتجارية راقية بمنطقة حنتوب
وكذلك تطوير المنطقة السياحية بأم سنط
وتجميل شارع النيل وكذلك شارع الخرطوم مدني عند مدخل مدني
ووضع التصور والدراسات سيكون ساهلاً ولكن كيف سيكون التنفيذ ؟.

هذا ما رغبت التحدث عنه في هذا البوست وأملاً بأن الجميع بتفاعل حسب إمكانياته

وأهبك كل الوداد

[هيثم بابكر]

الاخت يسرا لك التحية على هذا البوست الجميل واتمنى التفاعل من الجميع : فكرتي اود ان يتم ربط هذا المنتدى بوالي الجزيرة لفترات تكون معلومة للجميع مباشر يعني ويرد على اسالتنا واستفسارتنا او اي شخص آخر مسئول من الولاية .

[يسرا عشريه]

شكرا ايها المسافر على هذه الاقتراحات الجميله واتمني من الجميع إدلو باقتراحات مثلك.

[يسرا عشريه]

شكرا للجميع إتحركوا معانا ياشباب

[مختار بازى]

تسلمي علي هذا النهج وان شاء الله بالتوفيق
المساحه التي تقع امام جامعة الجزيرة من ناحية شارع عترة من الممكن ان تثتثمر في منتجع سياحي
بدل ما نراها علية الان .....!
وبالتوفيق يارب

[مصعب الريح]

مدني تحتاج الي الكثير من العمل والجهد لاننا لم نري منذ اكثر من عشرة سنوات لا يوجد طريق واحد تم ترميمه او اي اضافات ملموسة الا القليل منها , ومدني مليئة بخيراتها ولا تحتاج الي دعم من احد بل ويتركونها في شأنها وهي صارت ذي ابل الرحيل شايلة السقي وعطشانة (( يعني مدني بلد الانتاج والموارد فهي تشيل هم الاخرين )) نتمني ان نري مدني في صورتها البهية والرائعة لانها في اعماقنا نحبها وتحبنا .