اول شاب سوداني في برنامج غنائي عربي ؟؟!!

[شبرقية]

خالد شاب سوداني مشارك في برنامج البوم نجوم العرب الذي يعرض علي قناةMBC
فخور باصلة وسودانيتة ومحافظ علي لهجتة السودانية
لكن هل تعتبر هذة المشاركة خطوة في بداية السلم لانتشار الفن السوداني ... ام هي خطوة الي الوراء ... وتفتح الباب للشباب السوداني للمشاركة في برامج تعد مفسدة للشباب مثل استار اكاديمي (دا ملف تاني حنفتحو)
البرنامج لم يواجه اي انتقادت كتلك التي تصددت لستار اكادمي ولا علم لي ماذا يحدث خلف الكواليس .. وهل يسكن المشاركين في مكان واحد ام لا
لكن البرنامج يحظي بجمهور كبير ومشاهدة واسعة من كافة انحاء العالم العربي وهذا يعني ان البرنامج ناجح


لست مؤيدة ولامعرضة لهذة البرامج لكني ارغب فس سماع اراءكم

[هيثم عبدالعال]

الأخت شبرقيه ، حقيقه لم أشهد البرنامج حتى أدلي برأي فيه ولكن حدثتني المدام عرضاً بمعلومة الشاب السوداني ، وأقول أنني من حيث المبدأ ضد مثل هذه اللونيه من البرامج لأن الفن الأصيل بشتى فروعه لم يك يوماً يصنع عن طريق هذا النوع من الميديا والمنافسه المبنيه على الsms وتفاصيل أخرى تأتي الموهبه في آخر المقام عند التقييم .
كنا إلى زمن قريب نفاخر الآخرين بأننا لم ننزلق إلى هذا الدرك ولم يشارك أي من بني جلدتنا في الهشك بشك الحاصل ده لكن يبدو أن الساقيه بدت تدور وأول الخراب (إلبوم)

[شبرقية]

زي ماقلت اخي هيثم البرنامج هو هشك بشك واغلبو استعراض ما منه فايدة

شكرا علي مرورك وان شاء الله خالد يكون اول واخر واحد سوداني نشوفوا في النوعية دي من البرامج

[ابوشوتال]

شبرقية تسلمي

الناس نظرتا ما واحد من حيث المبدا انا بعتبر الموضوع هزلي اكثر من غنائي
وغيرة
بعدين نحن السودانيين معروفين ( انو محافظين في مجتمعاتنا ولا يمكن ان نكون مثل العرب

في تصرفاتهم واحد سعودي امس قال لي من المؤسف ان اجد سوداني في هذا البرنامج

دي ما طبيعتكم ولا اخلاقكم

طبيعي مع العلم بانو كان في اكثر من سعودي في البرنامج وغيرة

لكن وصف السودانيين بالمحافظين ( وبصراحة مالايقة فينا)

[elmoiz]

والله حسب رائي الفني ... حلوة الفني دي .. أنه الغناء السوداني يختلف عن الغناء في الدول العربية الأخرى لأن ألحاننا كلها على السلم السباعي والدول الأخرى بتستعمل السلم الخماسي ... وشكله الشاب السوداني ما حيستمر لأنه حا يجد صعوبة في مجاراة بقية المتسابقين.

مشكورة شبرقية على طرحك لهذا الموضوع ... لك التحية

[لااااااوحبك]

اختى الفاضلة



الفن السودانى بيين العربية والعالمية ليس له حتى ادنى مكان فى الفن
بل السودان نفــــــــــــــــــــــــسو



فلماذا نحبط المعنويات من تجربة خالد



المفروض انو نحمد الله اننا شوية اتعرفنا واتقبلنا كفن سودانى والعافية درجات



وانا والله بحفزو وبقول انها تجربة ناجحة وياريت لو يجى خالد وخالد تاااااااااانى برضو






ودى خطوة للامااااااااااااام مش للخلف والمفروض اننا نشد من ازرو




وشكرا يا اختى الفاضلة

[شبرقية]

شبرقية تسلمي

الناس نظرتا ما واحد من حيث المبدا انا بعتبر الموضوع هزلي اكثر من غنائي
وغيرة
بعدين نحن السودانيين معروفين ( انو محافظين في مجتمعاتنا ولا يمكن ان نكون مثل العرب

في تصرفاتهم واحد سعودي امس قال لي من المؤسف ان اجد سوداني في هذا البرنامج

دي ما طبيعتكم ولا اخلاقكم

طبيعي مع العلم بانو كان في اكثر من سعودي في البرنامج وغيرة

لكن وصف السودانيين بالمحافظين ( وبصراحة مالايقة فينا)

فعلا نحن محافظين والتصرفات دي دخيلة علينا
ومابتشبهنا ممكن تكون عادية للعرب بس نحن ابدا ماحقتنا
ولو كان البرنامج فني ماكن قلنا شي بس هو كلو استعراض
وتسلم ع المرور

[شبرقية]

والله حسب رائي الفني ... حلوة الفني دي .. أنه الغناء السوداني يختلف عن الغناء في الدول العربية الأخرى لأن ألحاننا كلها على السلم السباعي والدول الأخرى بتستعمل السلم الخماسي ... وشكله الشاب السوداني ما حيستمر لأنه حا يجد صعوبة في مجاراة بقية المتسابقين.

مشكورة شبرقية على طرحك لهذا الموضوع ... لك التحية

راءيك الفني مظبوت وهو قرب اطلع وامكن ارجع
الغريب انه مدير الفريق مشجعوا شديد
وهو بامانة صوتوا مابطال وبغني عربي يعني خماسي
وجمهوروا كبير شدييييييييد

خلينا نشوف النهاية ونحكم

وشكرار علي مرورك معز

[شبرقية]

اختى الفاضلة



الفن السودانى بيين العربية والعالمية ليس له حتى ادنى مكان فى الفن
بل السودان نفــــــــــــــــــــــــسو



فلماذا نحبط المعنويات من تجربة خالد



المفروض انو نحمد الله اننا شوية اتعرفنا واتقبلنا كفن سودانى والعافية درجات



وانا والله بحفزو وبقول انها تجربة ناجحة وياريت لو يجى خالد وخالد تاااااااااانى برضو






ودى خطوة للامااااااااااااام مش للخلف والمفروض اننا نشد من ازرو




وشكرا يا اختى الفاضلة

لو كان بقدم فن سوداني ماكان حنحبطوا (ونحن هسه مابنحبطوا موضوع وبناقش فيهو)
هو لو كان حيشتهر الناس حتعرف انه سوداني دي مافيها كلام
بس ولا مرة ماغنى سوداني ولا اعتقد لانه واذا ماشفتي البرنامج
هو نظام فرق يعيني محكوم بي ناس تانية
وحاجة كمان الفنانين البطلعوا من برامج زي دي
كلها كم شهر واتبخروا ومابتسمع عنهم تاني ولا فن ولايحزنون

[mohd.dafalla]

والله نحيى كل السودانيون الذين يضعون السودان امانة في اعناقهم
في اي مكان وفي كل ضروب الحياة ولا شنو شباب

[طارق محمد الحسن]

اختى الفاضلة المشكلة انو السودان فاقد هوية لاهو بلد عربى ولا هو افريقى عشان كدا انحنا رايحين فى النص العرب يقولو انتو افارقة والافارقة يقولو عرب والفن السودانى منتشر فى افريقيا اكتر من ارض العر ب عشان كدا الشاب المشارك دا زول مسكين ماعارف الحاصل واتمنى ليهو ينجح لكن دى جديدة على السودانين وامكن ماسمعو باالحاجة دى وتسلمى

[samar_taha]

اخوتي الاعزاء
هذه البرامج الغنائية عربية كانت أو أجنبية ظاهرة إعلامية واسعة الانتشار , ولها جمهور عريض في المجتمعات العربية ,وصدقوا أو لا تصدقو حتى في السودان لها جمهور لا يستهان به (كباراً وصغاراً) , وبغض النظر عن إتفاقنا أو إختلافنا معها ومع مبدأها ونوعيتها وممارسات المشتركين فيها , إلا أن الواقع والمنطق يتتطلب تقبلها ومواكبتها ولو لم نتفق معها , فهي ولما وراءها من دعم مالي ضخم تصبح من نوعية القوافل التي تواصل المسير بغض النظر عما يثار حولها من انتقادات , ونحن كشعب ظل ولفترة طويلة يعيش على هامش معظم الأحداث الفنية والثقافية الدولية والاقليمية لابد من أن نرى الجانب الإيجابي في تلك المشاركة , من أجل تعزيز إندماجنا في المجتمع الدولي , ومن ثم نقل ثقافتنا ومبادئنا وإمكانياتنا للاخريين عوضاً عن الوقوف خارج نطاق الحدث .
فما الضير في المشاركة في برنامج على خلاف البرامج الأخرى , يحترم خصوصية
المشاركين , ليكون نافذة نطل بها على العالم مع الحفاظ على إلتزامنا وعاداتنا ولهجتنا وسلوكنا القويم , بدل التقوقع على أنفسنا والوقوف (((فراجة ))) بدعوى تجنب الأفكار الوافدة والثقافات الدخيلة .

[ود سنهوري]

الفن السوداني داخليا نحن راضين ومقتنعين بيه ولكي نظهر للعالم مع احترامى للاستاذ خالد لابد من ان نكون قدر المسئوليه ونظهر بالصوره المشرفه داخليا اولا وخارجيا ثانيا .ونبعد عن التقليد الذى يدخلنا فى الهوابط التى تكون حتما محسوبة على اصالتنا وعزتنا النبيله.نريد ان نثبت من خلال فننا الاصيل ان السودان ليس مستنقع للقتل ولا للحروب ولا للتشرد ولا للنوم والكسل كما وصفونا فى رسم كاركاتيري قبل ايام فى جريده عربيه حيث اظهروا جنيهنا السودانى حفظه الله يغض فى نوم عميق ومن خلفه نحن نيام نصحى على صوت الرصاص.
مع تحياتى لكم العتبي ان اخطات وان اصبت فاحمد لله
حسن السيد السنهوري