عامود الكهرباء وشليل وين راح

[ابوشوتال]

لكل من زكرياتة التي لا تفارقة لا وهي زكريات الطفولة :

زمن الجهل - وشد الحبل وعامود الكهرباء وشليل وين راح

والفات الفات

في ليلو

سبع لفات

وام تفة وقعت في البير

نجتمع بكل براءة وطهر وليس في قلب الواحد منا شي من الهم لامشاكل

لاشي سوي اللعب والمرح

ونظل ليلنا كلة ( مساسكة -دخل الميس - قبضتو)

وامهاتنا وجاراتنا وخالاتنا في غضب الله ( ياولد بتقرصك نصيبة -ياولد بتطعنك شوكة

يا ولد بتجرحك قذاذة ( ابقوا لاجوة)

تنط ( خالتي سلوي) لافحا توبا والغافل بياخذ هبدة هبدتين بالنعال والباقي هو جاري

في الضهر في الراس المهم بتاكلا وماشي ( الكلب انبح والجمل ماشي)

والبتكتر كلاما عارفانا ( ولا جدعناها بالحجار - ولا طلقنا ليهم حمارن-ولا قدينا الزير)

ومشوا الصباح اشتكونا في طابور الصباح ( بطح كل واحد عشرة 15 المهم تاخذ بكيتك

والليل كانو بالنهار ما حصل شي .

ويم ذهبنا الجروف ( مزارع بعد ما البحر انزل ) وكسرنا التل ( شوك تسور بة المزرعة)

ودخلنا علي بطيخ عمنا ( الامين ) كلما كسرنا واحدة لقيناها بيضاء نكسر التانية امكن تكون حمراء كسرنا شي كتير ولا واحدة حمراء مافي ( هو ما نضج زمنوا لسة باقي علية شهور)
وزرونا في الجرف سيد الجرف اولاد الكلب الليلة بي وين بتمرقوا مني والجري صوف البمسكوا بهرسوا) اصبروا النمش علي ابواتكم وبالليل من المغرب (تدمدم ) وعمك الحاج
(الامين) شايل خرجوا ملان بطيخ مكسر شوف ولدك وود فلان سوا شنو؛ ونهزونا من النوم
( اصلا ما نايمن لكن حركات )واليوم داكفي غضب الله صوت نيم مصلح وهاك يالجلد تسمع جو
وتسع جاي وتسمع واي ويابة كفاي

وباقي الكلام جاي

[ابوالنور]

ياسلام علي الكلام الجميل والعنكوليب والفول والرمه وحباسه
الله يا ريت ايام زمان تعود

تسلم يا ابوشوتال

[مختار بازى]

Wish that life brings us back to the days we evaporated.


Recognizes brother

[الفارس البنفسجي]

والله اخ ابوشوتال

أثرت فينا الشجون وتمنينا
ان ترجع بنا الأيام للوراء
وهذا ضرب من المحال.

وثق إننا في حاجة ماسة
لذاك الزمان حيث البساطة
والعفوية ... وثق أكثر، إذا
توفرت لنا هذه البساطة والعفوية
لن نتمنى أن نرجع لزمن الطفولة.

همسة : انت قديييييييييييييييييييييم

[مرتضى يوسف العركي]

الرائع ابو شوتال
تحياتي استدعيت معك كل الزمن الجميل شاركتك كل الزكريات كانني ارجي مع شليل والفات الفات في ايدنو سبع لفات نعم مابين عامود الكهرباء واطفال مدني كثير ود وارتباط .
قيمة عالية اخي الكريم مع الشكر

[Madanawi]

يعني يا أبو شوتال ما لعبتو بالطين .. والدافوري .. وما لعبتو شنّقت .. ودي أنا عندي معاها قصة غريبة لانو عمود الكهرباء جنب البيت وكان عندنا سلك شايك فوق الحيط بتاع البيت ومرة يا معلم جاتني الكورة مصلحة واخوك بكل ما أوتي من قوة طاير فوق وضربت ليك الكورة .. وعينك ما تشوف الا النور .. سال الدم مطر .. والاصبع اتفتح زي سندويش وجري على مستشفى مدني وخياطة خمسة غرز.. والله شقاوة عجيبة .. والذكريات كثيرة .. وموضوعك جميل .. وأتمنى أن نسمع قصص وحكاوي من الجميع........

[ابوشوتال]

Wish that life brings us back to the days we evaporated.


Recognizes brother

thankyou.good night

[ابوشوتال]

والله اخ ابوشوتال

أثرت فينا الشجون وتمنينا
ان ترجع بنا الأيام للوراء
وهذا ضرب من المحال.

وثق إننا في حاجة ماسة
لذاك الزمان حيث البساطة
والعفوية ... وثق أكثر، إذا
توفرت لنا هذه البساطة والعفوية
لن نتمنى أن نرجع لزمن الطفولة.

همسة : انت قديييييييييييييييييييييم

تسلم الفارس البنفسجی :

الا لیت الشباب یعود یوما

بالتاكيد ايام جميلة وتبقي خالدة

في الزاكرة لا يمحوها غبار الزمن العاتي

بس محال ترجع ( الزكري عندنا ابقي)









همسة: قديم جدا

[جيفارا]

دي ايام مضت بلا رجعة وحتى الايام دي اختفت ودخلت بدلها البلاي استيشن وما شابه حتى الدافوري انتهي او مرة مرة .
وفي اخر زيارة سألت الناس بتعملوا شنو طيب قالوا نمشي النادي بش للكتشينة وشرب الشاي والكورة دي مرة مرة بنشوفها وهم في النادي .

الله المستعان وذي ما نحنا بنتقابل في الماسنجر والحمد لله انو ما انقطعنا للاخر

[ابوشوتال]

الرائع ابو شوتال
تحياتي استدعيت معك كل الزمن الجميل شاركتك كل الزكريات كانني ارجي مع شليل والفات الفات في ايدنو سبع لفات نعم مابين عامود الكهرباء واطفال مدني كثير ود وارتباط .
قيمة عالية اخي الكريم مع الشكر

تسلم اخوي الحلامابي علي الكلام الجميل

الزكري جميلة بكل ما تحمل هذة الكلمة من معاني

( حبوبتنا لمت مننا اللبن في الفضية حقت النملي ( النملي فية اخرام صغيرة )

بتزكر دخلنا (السير حق الكراسي) وشربن اللبن لما جات قالت البيت فية جن

ونحن ميتين من الضحك.

[ابوشوتال]

ياسلام علي الكلام الجميل والعنكوليب والفول والرمه وحباسه
الله يا ريت ايام زمان تعود

تسلم يا ابوشوتال

ابو النور تسلم

لعب ومرح ونطيط ويوم راميك حمار

وما خفي اعظم

لك التحية

[ابوشوتال]

يعني يا أبو شوتال ما لعبتو بالطين .. والدافوري .. وما لعبتو شنّقت .. ودي أنا عندي معاها قصة غريبة لانو عمود الكهرباء جنب البيت وكان عندنا سلك شايك فوق الحيط بتاع البيت ومرة يا معلم جاتني الكورة مصلحة واخوك بكل ما أوتي من قوة طاير فوق وضربت ليك الكورة .. وعينك ما تشوف الا النور .. سال الدم مطر .. والاصبع اتفتح زي سندويش وجري على مستشفى مدني وخياطة خمسة غرز.. والله شقاوة عجيبة .. والذكريات كثيرة .. وموضوعك جميل .. وأتمنى أن نسمع قصص وحكاوي من الجميع........

تسلم اخي علي التعليق الراقي

بعد ماكبرنا واحد صاحبي من زمن الشقاوة

رحل سكن العاصمة ( اول مرة امشي لية في بيتو الجديد جاب موية ليمون مطعمة بي ملح )

تتخيل رديت لية المقلب بي شنو ؟

[ابوشوتال]

دي ايام مضت بلا رجعة وحتى الايام دي اختفت ودخلت بدلها البلاي استيشن وما شابه حتى الدافوري انتهي او مرة مرة .
وفي اخر زيارة سألت الناس بتعملوا شنو طيب قالوا نمشي النادي بش للكتشينة وشرب الشاي والكورة دي مرة مرة بنشوفها وهم في النادي .

الله المستعان وذي ما نحنا بنتقابل في الماسنجر والحمد لله انو ما انقطعنا للاخر

ربنا اديم المعرف

نلملم عقاب الزكريات كان الزكرا تاني تلمنا

تسلم جيفارا ؛
( فلتزكرونا بالوفاء فانكم اسراب طير هاجرت بثوان)

[شبارقاوية]

ولعبة وكمبلت واكل الموليتة ما تقولوا انا قديمةلكنها زكريات باقية
يا سلااااااااااااااااام
والله لمن دمعت
الله يديك العافية يا ابو شوتال



كلام على جنب
حلو ردك على مختار بازى شايفاهو واقع tينا انجليزى تقيل دا يردوا ليهو كيف دا
good night

[عبدالرحيم سعيد]

اجترار الذكري ياالشوتال ينكؤ فتق الجراح وينبؤ بأننا لن نلعق ثدي الام ولااصابعنا ثانية والزمن الذي هرب لن تداركه عجلتنا ونحن نحمل منسأة الحاضر تأكلها عجاف الايام فينا وتمسح سحابات السواد لمقبلها فتطالنا شعرا 0ليت الشباب يعود لنخبره بما فعل المشيب0 لنخبره بانقشاع عالم الصحو0وتحكم وجودية الأنا حاضرا0ويجري الخاطر طرحا لماذا نتباكي علي تلكم الايام ويعقبها الصدق مجيبا عندها حيث لاطبقات وتصنيفات والسجية طبق الكل 0فتتهاوي الأشيا صرعي ويكون البكاء في مغارة المساء علي سرد الرائع الشوتال0

[ابوشوتال]

تسلمي شبارقاوية

النسي قديمو تاة ( اكلنا الموليتة - وملاح التمليكة - والورق )

والتبش ( لنخبرة بمافعل المشيب فينا)


همسة : الخواجة فقد المنطق