صفحة من مذكراتي

[طلال الصول]

مرة من المرات في فترة من الفترات جاتني النظرية بتاعة انو اكتب مذكراتي
كدا يعني شفيتها من فلم والا مسلسل ما عارف .

دي صفحة طبق الاصل عن الورقة الاولى

27/6/2004م
صحيت من النوم الساعة 7ص مشيت الشغل مافي حاجة تتكتب عن الشغل
غير انو كلام فارغ بعمل فيو لشنو انا ماعارف
رجعت البيت اتفرجت على التلفزيون
اتخمدت نمت صحيت نص الليل شربت موية .
في الصفحة البعدا عند هجوم الهكسوس على الفراعنة قام السير ولفيس ماردون
بحملة تنازرية على جزر المالديف ادت الى تدهور العلاقات الثنائية بين الراجل ومرتو وعملو خلاف جنن اولادن الهم طلع منهم بن لادن وقالوا حكايتو شنو الزول دا كمان .لمن زمان كنت في الثانوي في سنة اولى كان مدير المرسة اسمو القائم مقام كنا بنشوفو بس لمن يجي ويقول الرسوم وين والمادافع يطلع برا كان الفصل كلو بيطلع الدافع والما دافع . الوحيد خلاني وحيد الفراقو حار شديد ما دوامة الله لي دنيا مادوامة وجع جامعة الدول العربية دي بكلاريوس والا دبلوم واسمو شنو
الصفحة كملت
حسي في زمتكم دي مزكرات لي
دي ورقة واحدة من دفتر كبير ما فاهم فيو اي حاجة لي حسي

[المكاشفى]

كالعاده وكعاده كل السودانيين فى الحله
صحيت من النوم مبكرا على صياح اخونا الطيب زلابيه
وقمت قبل مااعمل اى شى وجبت منو زلابيه وعملت
معاهو شمطه من الصباح لى شنو ماقاعد يترتر فيها
السكر وقال بقى غالى المهم شربت الشاى ولفحت القفه
سريع والجزاره وجبت اللحمه وجيت طبقت شنطتى والمدرسه
عدل ................
دى ايام زمان وايام الليله مرض فى مرض ياالعزابه
والله ياابو طلال كلو فتره وليها زكرياتها لكن نحن كسودانيين
مسأله المزكرات دى ماجايه لانو واقعنا شين ومهما حاولت
تجملو مابتقدر ولانو مابتجمل المهم نحن عاجبنا وسارى بالنا
وله شنو.................؟؟؟؟؟؟؟؟

[شبرقية]

والله ياستاذ طلال نفس الشعور
اكتب واتكيف شدييييييييييييد كاني مالفة قصة
ارجع اقراها بعد فترة التكتح مافهما

انت هسه فاهم علاقة هكسوس والفراعنة بيك شنو؟؟؟؟


يالمكاشفي المزكرات فكرة حلوة كدي جربا
واقعنا صاح كتيييييييييييييييير وداير كيب
واكيد مابنحصروا
بس بناخد القلبل المفيد
وبعدييين ببقي لينا حلو
وتقعد تقراء وتتزكر

[جيفارا]

أذكروا الله ولا تنسونا من صالح الدعوات

[مختار بازى]

والله يا طلال لكن المذكرات ما عندك
العنوان شداني شديد جداجدا قلتة اخش اشوف مذكرات هتلر دي


والله لو جيت للجد كلام شبرقية صاح مية المية الواحد فينا عندو مذكرات لو نزل بيها السودان غير اشوف ليهو ست تسالي يعقد معاها صفقة كل كوم مذكرات بي ربع ملوة تسالي
ما اظن بقدر بديها لي واحد يطلع عليها ومع كدا ما بقدر بستغني عنها والله في الفترة الفاتت
دي مذكراتي يا طلال لو شفتها كلها بتلقاها في المنتدي وبالاخص العام.

[نور عبدالله]

مرة من المرات في فترة من الفترات جاتني النظرية بتاعة انو اكتب مذكراتي
كدا يعني شفيتها من فلم والا مسلسل ما عارف .

دي صفحة طبق الاصل عن الورقة الاولى

27/6/2004م
صحيت من النوم الساعة 7ص مشيت الشغل مافي حاجة تتكتب عن الشغل
غير انو كلام فارغ بعمل فيو لشنو انا ماعارف
رجعت البيت اتفرجت على التلفزيون
اتخمدت نمت صحيت نص الليل شربت موية .
في الصفحة البعدا عند هجوم الهكسوس على الفراعنة قام السير ولفيس ماردون
بحملة تنازرية على جزر المالديف ادت الى تدهور العلاقات الثنائية بين الراجل ومرتو وعملو خلاف جنن اولادن الهم طلع منهم بن لادن وقالوا حكايتو شنو الزول دا كمان .لمن زمان كنت في الثانوي في سنة اولى كان مدير المرسة اسمو القائم مقام كنا بنشوفو بس لمن يجي ويقول الرسوم وين والمادافع يطلع برا كان الفصل كلو بيطلع الدافع والما دافع . الوحيد خلاني وحيد الفراقو حار شديد ما دوامة الله لي دنيا مادوامة وجع جامعة الدول العربية دي بكلاريوس والا دبلوم واسمو شنو
الصفحة كملت
حسي في زمتكم دي مزكرات لي
دي ورقة واحدة من دفتر كبير ما فاهم فيو اي حاجة لي حسي

استاذ طلال الصول انا بتكلم على لسان الملايين من الناس والمهتمين بمعرفة المزيد من اخبار مذكراتك يعني هل عندكم النية لطرحها في الاسواق قريبا وفي اي موسم ؟؟

[نور عبدالله]

:d :d :d :d :d :d :d :d :d :d

[طلال الصول]

كالعاده وكعاده كل السودانيين فى الحله
صحيت من النوم مبكرا على صياح اخونا الطيب زلابيه
وقمت قبل مااعمل اى شى وجبت منو زلابيه وعملت
معاهو شمطه من الصباح لى شنو ماقاعد يترتر فيها
السكر وقال بقى غالى المهم شربت الشاى ولفحت القفه
سريع والجزاره وجبت اللحمه وجيت طبقت شنطتى والمدرسه
عدل ................
دى ايام زمان وايام الليله مرض فى مرض ياالعزابه
والله ياابو طلال كلو فتره وليها زكرياتها لكن نحن كسودانيين
مسأله المزكرات دى ماجايه لانو واقعنا شين ومهما حاولت
تجملو مابتقدر ولانو مابتجمل المهم نحن عاجبنا وسارى بالنا
وله شنو.................؟؟؟؟؟؟؟؟

والله يا المكاشفي انت بتحكي واقع الغالبية العظمى فينا الجزارة من الصباح وقبال منها
العيش من الفرن من صلاة الصبح الكلام دا زمان طبعا ايام الازمة بتاعة الرغيف
واطبق الشنطة وجري
وزي ما قلتا عاجبنا والله بعد انو ما فيو حاجة
وتشكر يا لذيذ

[طلال الصول]

والله ياستاذ طلال نفس الشعور
اكتب واتكيف شدييييييييييييد كاني مالفة قصة
ارجع اقراها بعد فترة التكتح مافهما

انت هسه فاهم علاقة هكسوس والفراعنة بيك شنو؟؟؟؟


يالمكاشفي المزكرات فكرة حلوة كدي جربا
واقعنا صاح كتيييييييييييييييير وداير كيب
واكيد مابنحصروا
بس بناخد القلبل المفيد
وبعدييين ببقي لينا حلو
وتقعد تقراء وتتزكر

المشكلة يا شبرقية مرات بكتب لي كلام ارجع علشان اقراو ما بقدر اقراو زاتو
وحاجات ما منطقية كتيرة
لكن بحب الكتابة برضو

[طلال الصول]

أذكروا الله ولا تنسونا من صالح الدعوات

اللهم ارحم واغفر واهدي يارب العباد

[طلال الصول]

والله يا طلال لكن المذكرات ما عندك
العنوان شداني شديد جداجدا قلتة اخش اشوف مذكرات هتلر دي


والله لو جيت للجد كلام شبرقية صاح مية المية الواحد فينا عندو مذكرات لو نزل بيها السودان غير اشوف ليهو ست تسالي يعقد معاها صفقة كل كوم مذكرات بي ربع ملوة تسالي
ما اظن بقدر بديها لي واحد يطلع عليها ومع كدا ما بقدر بستغني عنها والله في الفترة الفاتت
دي مذكراتي يا طلال لو شفتها كلها بتلقاها في المنتدي وبالاخص العام.

اقول ليك يا ابو الشباب لو لقيت ليك ست تسالي بتدفع كويس
وريني معاك اصلو عندي اطنان بتاعة ورق

[طلال الصول]

استاذ طلال الصول انا بتكلم على لسان الملايين من الناس والمهتمين بمعرفة المزيد من اخبار مذكراتك يعني هل عندكم النية لطرحها في الاسواق قريبا وفي اي موسم ؟؟

ارضاء لرغبات ملايين المعجبين والمتابعين لاخباري السينمائية اقصد الفنية
هي اقصد مذكراتي اليومين ديل بنتداول فكرة طرح كتاب كامل يحتويها
وحيكون في منو مقتطفات هنا في المنتدي
بس اول ما القى لي صفحات معقولة شوية

[مدنيّة]

استاذ طلال الصول انا بتكلم على لسان الملايين من الناس والمهتمين بمعرفة المزيد من اخبار مذكراتك يعني هل عندكم النية لطرحها في الاسواق قريبا وفي اي موسم ؟؟

غايتو يا نور شكيت محنك
وحاة الله ضحكتيني ضحك

وانت يا طلال اصلا الفيك خلا عرفناها احنا عشان كدا ما مؤاخذ اكتب اي حاجة ولا يهمك بشوف ليك ست التسالي وكمان تعمل ليك عرض خاص

[meshanshow]

ياطله غايتو مافهمته منك اي حاجه لكن ماشكلها مذكرات و يا اخي انت مالك و مال المذكرات عايز تختها في متحف بعدين يعني

[Madanawi]

طلال الصول يا رائع ،،

أول حاجة خليني اقول ليك انه موضوع المذكرات ده موضوع هام وجميل جداً .. لانه يربطك بالحدث ولو بعد حين .. أنا كان عندي هواجس المذكرات دي من بدري ولكن بدلا من أن أكتبها كنت أشجع بعض الأصدقاء النشيطين وادفعهم دفعا الى الكتابة .. على سبيل المثال كنا شلة من أولاد مدني وتحديدا مدرستي مدني والسني الثانوية .. قبلنا في جامعة الخرطوم وذهبنا قبل الدراسة لمعسكر الدفاع الشعبي بالقطينة وأيامها كان كل طلبة جامعة الخرطوم في معسكر القطينة .. لي صديق عزيز جدا وله ذات الاهتمام بالمذكرات فدفعته الى الكتابة وهو الان ينعش ذاكرتنا بين الحين والحين من مقر عمله بالولايات المتحدة بهذه الذكريات الجميلة والمكتوبة منذ اوائل التسعينيات.
مثال آخر .. بعد أن تخرجنا من الجامعة وعملت في كمبيوتر هوول في مدني .. لي صديق وأخ كريم .. هو الان يبث لنا عبر الايميلات ما دفعته ليكتب أثناء عملنا سويا .. صدقني أشياء لن تخطر على بالنا لانها فات عليها زمن طويل .. الا أنني أضحك حتى تدمع مقلتي من طرائف ومواقف وذكريات جميلة .. فهنالك من الاحداث والمواقف ما يجدر بنا توثيقه للذكري والتاريخ،،

دمت بكل الود ،،،،،،

[meshanshow]

مدناوي ماتجامل الزول ده ساي بعدين لو مزكرات جميله و تحوي زكريات معليش لكن ما تكون تحوي ماقمت به في اليوم مما صحيت ومشيت الشغل و الخ.:.

[طلال الصول]

غايتو يا نور شكيت محنك
وحاة الله ضحكتيني ضحك

وانت يا طلال اصلا الفيك خلا عرفناها احنا عشان كدا ما مؤاخذ اكتب اي حاجة ولا يهمك بشوف ليك ست التسالي وكمان تعمل ليك عرض خاص

الله يسامحك يا مدنية طلعتني جننيتر رسمي ااا
اكتب اي حاجة اوما مؤاخذ او كد طيب
اصبري وارجي الجاياك والله جنس هترشة

[طلال الصول]

طلال الصول يا رائع ،،

أول حاجة خليني اقول ليك انه موضوع المذكرات ده موضوع هام وجميل جداً .. لانه يربطك بالحدث ولو بعد حين .. أنا كان عندي هواجس المذكرات دي من بدري ولكن بدلا من أن أكتبها كنت أشجع بعض الأصدقاء النشيطين وادفعهم دفعا الى الكتابة .. على سبيل المثال كنا شلة من أولاد مدني وتحديدا مدرستي مدني والسني الثانوية .. قبلنا في جامعة الخرطوم وذهبنا قبل الدراسة لمعسكر الدفاع الشعبي بالقطينة وأيامها كان كل طلبة جامعة الخرطوم في معسكر القطينة .. لي صديق عزيز جدا وله ذات الاهتمام بالمذكرات فدفعته الى الكتابة وهو الان ينعش ذاكرتنا بين الحين والحين من مقر عمله بالولايات المتحدة بهذه الذكريات الجميلة والمكتوبة منذ اوائل التسعينيات.
مثال آخر .. بعد أن تخرجنا من الجامعة وعملت في كمبيوتر هوول في مدني .. لي صديق وأخ كريم .. هو الان يبث لنا عبر الايميلات ما دفعته ليكتب أثناء عملنا سويا .. صدقني أشياء لن تخطر على بالنا لانها فات عليها زمن طويل .. الا أنني أضحك حتى تدمع مقلتي من طرائف ومواقف وذكريات جميلة .. فهنالك من الاحداث والمواقف ما يجدر بنا توثيقه للذكري والتاريخ،،

دمت بكل الود ،،،،،،

يا سيد الزوق يا مدناوي والله كلامك كلو في محلو زي عوايدك
وفعلا الذكريات حاجة جميلة بي حلوها وبي مرها

وقفة : تكون ذكريات معقولة ما مضروبة في الخلاطة

[طلال الصول]

مدناوي ماتجامل الزول ده ساي بعدين لو مزكرات جميله و تحوي زكريات معليش لكن ما تكون تحوي ماقمت به في اليوم مما صحيت ومشيت الشغل و الخ.:.

هيا ياتاجو يا صاحبي اسوي شنو عاد دا قدر الطلعناو من الراس جى كدا
وبعدين الذكريات الجميلة الحلوة عندي يا خوي وانت كنت معاي في جزء كبير منها والا نسيت
علشان ازكرك الحجر . والمسطبة . ايام الكورة . ايام النشيشيبة الاعداية وبالعكس
حفلات التخاريج وحاجات كتيرة انت اكيد فاكرا

[مختار بازى]

وين البقية يا هتلر اقصد يا طلال

[meshanshow]

و الله كانت ايـأم حلوه يا طله لكن نعمل ايه ده حال الزمن

[طلال الصول]

وين البقية يا هتلر اقصد يا طلال

والله يا مختار انت قايل شنو فيها اشي هتلر
واشي نابليون ودافنشي

واسامي كدا انا زاتي ما سمعتها

[مختار بازى]

والله يا مختار انت قايل شنو فيها اشي هتلر
واشي نابليون ودافنشي

واسامي كدا انا زاتي ما سمعتها

نحن المشوكشين اقصد المعجبين نرجوووووووووووووو من الاستاذ طلال ان يواصل
في سرد بقية مذكراتة وهذا اعلان منا بذالك

رابطة المشوكشين ولا المعجبين
عنهم . مختار بازي

[طلال الصول]

امتثالا لرغبة الاخوة المشوكشين اقصد المعجبين والمتابعين حا اصور صفحةكاملة موش كا اكتبا ونشوف الشاطر الحا يقدر يقراها

[meshanshow]

ليه خطك ماحلو